ಆರ್​ಸಿಬಿ ತಂಡದಲ್ಲಿ ಮಹತ್ವದ ಬದಲಾವಣೆ, ಇಬ್ಬರ ಸೇರ್ಪಡೆ!

By Prasanna Kumar P N
Feb 03, 2025

Hindustan Times
Kannada

ಮಹಿಳಾ ಪ್ರೀಮಿಯರ್ ಲೀಗ್ ಮೂರನೇ ಆವೃತ್ತಿಯ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಉಳಿದಿರುವಾಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಎರಡು ಮಹತ್ವದ ಬದಲಾವಣೆಯಾಗಿದೆ.

ಪ್ರಮುಖ ಆಟಗಾರ್ತಿಯರಾದ ನ್ಯೂಜಿಲೆಂಡ್​ನ ಸೋಫಿ ಡಿವೈನ್ ಮತ್ತು ಇಂಗ್ಲೆಂಡ್​ನ ಕೇಟ್ ಕ್ರಾಸ್​ ಹೊರಬಿದ್ದ ಹಿನ್ನೆಲೆ ಅವರ ಸ್ಥಾನಕ್ಕೆ ಆಸ್ಟ್ರೇಲಿಯಾದ ಇಬ್ಬರನ್ನು ಆಯ್ಕೆ ಮಾಡಲಾಗಿದೆ.

ಆರ್‌ಸಿಬಿ ತಂಡವು ಸೋಫಿ ಡಿವೈನ್ ಮತ್ತು ಕೇಟ್ ಕ್ರಾಸ್‌ ಅವರ ಸ್ಥಾನಕ್ಕೆ ಕ್ರಮವಾಗಿ ಹೀದರ್ ಗ್ರಹಾಂ ಮತ್ತು ಕಿಮ್ ಗಾರ್ತ್ ಅವರನ್ನು ಆಯ್ಕೆ ಮಾಡಿದೆ. ಈ ಬಗ್ಗೆ ಅಧಿಕೃತವಾಗಿ ಘೋಷಿಸಿದೆ.

ವೈಯಕ್ತಿಕ ಕಾರಣಗಳಿಂದ ಡಬ್ಲ್ಯುಪಿಎಲ್​ನಲ್ಲಿ ಡಿವೈನ್ ಮತ್ತು ಕೇಟ್​ ಕ್ರಾಸ್ ಕಾಣಿಸಿಕೊಳ್ಳುವುದಿಲ್ಲ. 35 ವರ್ಷದ ಡಿವೈನ್ ತನ್ನ ಯೋಗಕ್ಷೇಮ ಸುಧಾರಣೆಗಾಗಿ ಆಟದಿಂದ ಅನಿರ್ದಿಷ್ಟ ವಿರಾಮ ತೆಗೆದುಕೊಂಡಿದ್ದಾರೆ.

ಇಂಗ್ಲೆಂಡ್ ಆಲ್​ರೌಂಡರ್ ಕ್ರಾಸ್ ಅವರು ಬೆನ್ನುನೋವಿನಿಂದ ಚೇತರಿಸಿಕೊಳ್ಳುತ್ತಿದ್ದಾರೆ. ಕಳೆದ ವರ್ಷ ಡಬ್ಲ್ಯುಪಿಎಲ್​​ನಲ್ಲಿ ಕೇಟ್ ಒಂದೇ ಒಂದು ಪಂದ್ಯದಲ್ಲೂ ಕಣಕ್ಕಿಳಿದಿರಲಿಲ್ಲ.

ಆಸ್ಟ್ರೇಲಿಯಾದ ಆಲ್‌ರೌಂಡರ್‌ ಆಗಿರುವ ಗ್ರಹಾಂ 5 ಟಿ20ಐ ಪಂದ್ಯಗಳನ್ನು ಆಡಿದ್ದು, 8 ವಿಕೆಟ್‌ ಪಡೆದಿದ್ದಾರೆ. ಗಾರ್ತ್ 56 ಏಕದಿನ, 4 ಟೆಸ್ಟ್‌ಗಳ ಜತೆಗೆ 59 ಟಿ20ಐ ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದಾರೆ. ಟಿ20ಐನಲ್ಲಿ 764 ರನ್, 49 ವಿಕೆಟ್‌ ಹೊಂದಿದ್ದಾರೆ.

ಗಾರ್ತ್ ಈ ಹಿಂದೆ ಡಬ್ಲ್ಯುಪಿಎಲ್‌ನಲ್ಲಿ ಗುಜರಾತ್ ಜೈಂಟ್ಸ್ ತಂಡದ ಪರ ಆಡಿದ್ದರು. ಗ್ರಹಾಂ ಮತ್ತು ಗಾರ್ತ್ ಕ್ರಮವಾಗಿ ತಲಾ 30 ಲಕ್ಷ ರೂ.ಗೆ ಆರ್​ಸಿಬಿ ಸೇರಿದ್ದಾರೆ.

ಗಾಯಗೊಂಡಿರುವ ಆಸ್ಟ್ರೇಲಿಯಾದ ಅಲಿಸಾ ಹೀಲಿ ಬದಲಿಗೆ ಯುಪಿ ವಾರಿಯರ್ಸ್​ ತಂಡವು ವೆಸ್ಟ್ ಇಂಡೀಸ್​ನ ಚಿನೆಲ್ಲೆ ಹೆನ್ರಿಯನ್ನು ಆಯ್ಕೆ ಮಾಡಿಕೊಂಡಿದೆ. ಪಾದದ ಗಾಯದಿಂದಾಗಿ ಹೀಲಿ ಹೊರಗುಳಿದಿದ್ದಾರೆ.

ಮೂರನೇ ಆವೃತ್ತಿಯ ಡಬ್ಲ್ಯುಪಿಎಲ್ ಫೆಬ್ರವರಿ 14ರಂದು ವಡೋದರಾದಲ್ಲಿ ಪ್ರಾರಂಭವಾಗಲಿದ್ದು, ಗುಜರಾತ್ ಮತ್ತು ಆರ್​ಸಿಬಿ ನಡುವೆ ಉದ್ಘಾಟನಾ ಪಂದ್ಯ ನಡೆಯಲಿದೆ.

ಈ ರಾಡಿಕ್ಸ್ ಸಂಖ್ಯೆಯ ಜನರು ಶನಿದೇವನ ಪ್ರೀತಿಪಾತ್ರರು