ಮುಖದಲ್ಲಿ ಬ್ಲಾಕ್‍ಹೆಡ್ಸ್ ಆಗಿದ್ಯಾ, ಚಿಂತೆ ಬೇಡ: ಈ ಮನೆಮದ್ದು ಪ್ರಯತ್ನಿಸಿ

ಬ್ಲಾಕ್‍ಹೆಡ್ಸ್ ಅಂದರೆ ಕಪ್ಪುಚುಕ್ಕೆ ಮುಖದ ಅಲ್ಲಲ್ಲಿ ಕಂಡುಬರುವುದು ಸಾಮಾನ್ಯ. ಕಪ್ಪುಚುಕ್ಕೆಗಳನ್ನು ಹೋಗಲಾಡಿಸಲು ಇಲ್ಲಿದೆ ಆರು ಮನೆಮದ್ದುಗಳು. ಇವು ಬ್ಲಾಕ್‍ಹೆಡ್ಸ್ ತೆಗೆಯುವಲ್ಲಿ ಪರಿಣಾಮಕಾರಿಯಾಗಿದೆ.

ಅಡುಗೆ ಸೋಡಾ: ಒಂದು ಟೀ ಚಮಚ ಅಡುಗೆ ಸೋಡಾವನ್ನು ತೆಗೆದುಕೊಂಡು ಅದಕ್ಕೆ ನೀರು ಹಾಕಿ ಪೇಸ್ಟ್ ಮಾಡಿ. ಇದನ್ನು ಬ್ಲಾಕ್ ಹೆಡ್ಸ್ ಇರುವಲ್ಲಿ ಹಚ್ಚಿರಿ.

ಆಪಲ್ ಸೈಡರ್ ವಿನೆಗರ್: ಇದಕ್ಕೆ ಸ್ವಲ್ಪ ನೀರನ್ನು ಬೆರೆಸಿ ಮಿಶ್ರಣ ಮಾಡಿ, ಹತ್ತಿ ಉಂಡೆಯಲ್ಲಿ ಅದ್ದಿ ಮುಖಕ್ಕೆ ಹಚ್ಚಿ. ಬ್ಲಾಕ್‍ಹೆಡ್ಸ್ ತೆಗೆಯುವಲ್ಲಿ ಇದು ಪರಿಣಾಮಕಾರಿಯಾಗಿದೆ.

ಜೇನುತುಪ್ಪ-ದಾಲ್ಚಿನ್ನಿ: ಜೇನುತುಪ್ಪ ಮತ್ತು ದಾಲ್ಚಿನ್ನಿ ಪುಡಿಯನ್ನು ಮಿಶ್ರಣ ಮಾಡಿ. ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ 15 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು, ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಸ್ಟೀಮ್: ಪಾತ್ರೆಯೊಂದರಲ್ಲಿ ನೀರನ್ನು ಚೆನ್ನಾಗಿ ಕುದಿಸಿ. ಟವೆಲ್‍ನಿಂದ ಮುಚ್ಚಿ ಮುಖವನ್ನು 10 ರಿಂದ 15 ನಿಮಿಷ ಕಾಲ ಸ್ಟೀಮ್ ತೆಗೆದುಕೊಳ್ಳಿ. 

ಓಟ್ಮೀಲ್ ಮಾಸ್ಕ್: ಓಟ್ಮೀಲ್ ಅನ್ನು ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿ. 10 ರಿಂದ 15 ನಿಮಿಷ ಕಾಲ ಹಾಗೆಯೇ ಬಿಟ್ಟು ನಂತರ ಮುಖ ತೊಳೆಯಿರಿ.  

ಗ್ರೀನ್ ಟೀ: ಒಂದು ಕಪ್ ಗ್ರೀನ್ ಟೀ ಅನ್ನು ಕುದಿಸಿ, ತಣ್ಣಗಾಗಲು ಬಿಡಿ. ಹತ್ತಿ ಉಂಡೆಯನ್ನು ಚಹಾದಲ್ಲಿ ಅದ್ದಿ, ಬ್ಲಾಕ್ ಹೆಡ್ಸ್ ಇರುವಲ್ಲಿ ಹಚ್ಚಿರಿ.

ವಿಶೇಷ ಸೂಚನೆ: ಇಲ್ಲಿ ನೀಡಲಾಗಿರುವ ಮಾಹಿತಿಯು ಕೇವಲ ತಿಳುವಳಿಕೆಗಷ್ಟೆ ನೀಡಲಾಗಿದೆ. ಚರ್ಮದ ಏನೇ ತೊಂದರೆಯಿದ್ದರೂ ತಜ್ಞ ವೈದ್ಯರನ್ನು ಸಂಪರ್ಕಿಸುವುದು ಸೂಕ್ತ. 

ಬದುಕಿನಲ್ಲಿ ಬೇಸರವೇ ಆಗದೆ ಸದಾ ಖುಷಿಯಿಂದ ಇರಬೇಕು ಅಂದ್ರೆ ನೀವು ಮಾಡಬೇಕಾಗಿದ್ದಿಷ್ಟು