ಮೊಡವೆ ಗೊಡವೆ: ಬೇಸಿಗೆಯಲ್ಲಿ ನವಿರು ಕೆನ್ನೆ ಕಾಪಾಡುವ 4 ಸರಳ ಉಪಾಯ ಇಲ್ಲಿದೆ

ಅತಿಯಾದ ಶಾಖ ಮತ್ತು ತೇವಾಂಶದ ಕಾರಣದಿಂದ ಬೇಸಿಗೆಯಲ್ಲಿ ಮೊಡವೆಗಳಾಗುವುದು ಸಹಜ. ಬಿಸಿಲಿನ ಕಾರಣ ಎಣ್ಣೆಯಂಶ, ಬೆವರಿನಿಂದ ಚರ್ಮದ ಉರಿಯೂತ ಉಂಟಾಗುತ್ತದೆ.

ಬೇಸಿಗೆಯಲ್ಲಿ ಮೂಡುವ ಮೊಡವೆ ನಿವಾರಣೆಗೆ ಇಲ್ಲಿದೆ 4 ಸುಲಭ ಉಪಾಯ. 

ಆಗಾಗ ಮುಖ ತೊಳೆಯುತ್ತಿರಿ: ಮೊಡವೆಗಳಿಗೆ ಕಾರಣವಾಗುವ ಹೆಚ್ಚುವರಿ ಮೇದೋಗ್ರಂಥಿಗಳ ಸ್ರಾವವನ್ನು ತಡೆಗಟ್ಟಲು ಬೇಸಿಗೆಯಲ್ಲಿ ಆಗಾಗ ನಿಮ್ಮ ಮುಖ ತೊಳೆಯುವುದು ಮುಖ್ಯವಾಗುತ್ತದೆ. ಚರ್ಮ ಹೈಡ್ರೇಟ್‌ ಆಗಿರಲು ಮಾಯಿಶ್ಚರೈಸರ್‌ ಅಂಶ ಇರುವ ಫೇಶ್‌ವಾಶ್‌ ಬಳಸಿ.

ಟೋನರ್‌ ಬಳಕೆ: ಚರ್ಮ ಪಿಎಚ್‌ ಮಟ್ಟವನ್ನು ಸಮತೋಲನದಲ್ಲಿರಿಸಲು ಟೋನರ್‌ ಬಳಸಿ. ಟೋನರ್‌ ನಿಮ್ಮ ಚರ್ಮವನ್ನ ಪುನರ್ಯೌವನಗೊಳಿಸಲು ಸಹಾಯ ಮಾಡುತ್ತದೆ. ಮೊಡವೆಯಾಗುವುದು ಹಾಗೂ ಮೊಡವೆ ಒಡೆಯುವುದನ್ನು ತಪ್ಪಿಸುತ್ತದೆ. 

ಸನ್‌ಸ್ಕ್ರೀನ್‌ ಬಳಕೆ: ಚರ್ಮ ಟ್ಯಾನ್‌ ಆಗುವುದನ್ನು ತಪ್ಪಿಸಲು ಬೇಸಿಗೆಯಲ್ಲಿ ಮುಖಕ್ಕೆ ಸನ್‌ಸ್ಕ್ರೀನ್‌ ಬಳಸುವುದು ಬಹಳ ಮುಖ್ಯ. ಮಾಲಿನ್ಯ ಹಾಗೂ ಯುವಿ ಕಿರಣಗಳಿಂದ ಉಂಟಾಗುವ ಹಾನಿಯನ್ನು ತಪ್ಪಿಸಲು ಇದು ಬಹಳ ಅವಶ್ಯ. 

ಸಾಕಷ್ಟು ನೀರು ಕುಡಿಯಿರಿ: ಬೇಸಿಗೆಯಲ್ಲಿ ಸಾಕಷ್ಟು ನೀರು ಕುಡಿಯುವುದು ಚರ್ಮದ ಆರೋಗ್ಯಕ್ಕೂ ಕೂಡ ಉತ್ತಮ. ಚರ್ಮದಲ್ಲಿ ತೇವಾಂಶವಿರಲು ಪ್ರತಿದಿನ ಕನಿಷ್ಠ 4 ಲೀಟರ್‌ನಷ್ಟು ನೀರು ಕುಡಿಯಬೇಕು. 

ಶನಿ ಬೀಜಮಂತ್ರ ಪಠಿಸುವುದರಿಂದ ಏನು ಪ್ರಯೋಜನ?