ಅಭಿಷೇಕ್ ಶರ್ಮಾ ಶತಕ ಸಿಡಿಸಿದ್ದು ಈತನ ಬ್ಯಾಟ್‌ನಿಂದ

ಜಿಂಬಾಬ್ವೆ ವಿರುದ್ಧ ಸ್ಫೋಟಕ ಶತಕ ಸಿಡಿಸಿದ ಅಭಿಷೇಕ್ ಶರ್ಮಾ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಕೇವಲ 47 ಎಸೆತಗಳಲ್ಲಿ ಅವರು 8 ಸಿಕ್ಸರ್‌ ಸಹಿತ, ತಾನಾಡಿದ ಎರಡನೇ ಪಂದ್ಯದಲ್ಲೇ ಚೊಚ್ಚಲ ಅಂತಾರಾಷ್ಟ್ರೀಯ ಶತಕ ಸಿಡಿಸಿದರು.

ವಿಶೇಷವೆಂದರೆ, ಪಂದ್ಯದಲ್ಲಿ ಅಭಿಷೇಕ್ ಅವರು ತಮ್ಮ ಬಾಲ್ಯದ ಗೆಳೆಯನ ಬ್ಯಾಟ್ ಬಳಸಿದ್ದರು. ಅದೇ ಬ್ಯಾಟ್‌ನಲ್ಲಿ ಆಡಿ ಸೆಂಚುರಿ ಸಾಧನೆ ಮಾಡಿದ್ದಾರೆ.

ಆ ಗೆಳೆಯ ಬೇರೆ ಯಾರೂ ಅಲ್ಲ. ಭಾರತ ತಂಡದ ನಾಯಕ ಶುಭ್ಮನ್‌ ಗಿಲ್.

ಅಭಿಷೇಕ್ ಹಾಗೂ ಗಿಲ್ ಅಂಡರ್-12 ವರ್ಷದೊಳಗಿನ ಕ್ರಿಕೆಟ್‌ನಿಂದಲೇ ಗೆಳೆಯರು.

ಪಂದ್ಯದ ಬಳಿಕ ಮಾತನಾಡಿದ ಅಭಿಷೇಕ್‌, ಗಿಲ್ ಅವರ ಬ್ಯಾಟ್‌ನಲ್ಲಿ ಆಡಿದ್ದಾಗಿ ಹೇಳಿಕೊಂಡಿದ್ದಾರೆ. 

ಇಂದು, ನಾನು ಗಿಲ್ ಬ್ಯಾಟ್‌ನಲ್ಲಿ ಆಡಿದೆ. ಅವರ ಬ್ಯಾಟ್‌ಗೆ ವಿಶೇಷ ಧನ್ಯವಾದಗಳು ಎಂದು ಹೇಳಿದರು.

ನಾವಿಬ್ಬರೂ ಅಂಡರ್-12ನಿಂದ ಒಟ್ಟಿಗೆ ಆಡುತ್ತಿದ್ದೇವೆ. ಭಾರತ ತಂಡಕ್ಕೆ ಆಯ್ಕೆಯಾದಾಗ, ಮೊದಲ ಕರೆ ಬಂದಿದ್ದು ಶುಭ್ಮನ್ ಅವರಿಂದ ಎಂದು ಅಭಿಷೇಕ್ ಹೇಳಿಕೊಂಡರು.

ಎರಡನೇ ಟಿ20 ಪಂದ್ಯದಲ್ಲಿ ಭಾರತ 100 ರನ್‌ಗಳ ಅಂತರದಿಂದ ಸುಲಭ ಜಯ ಸಾಧಿಸಿತು.

ಬೆಂಗಳೂರು ಏರ್‌ ಶೋ ಬಗ್ಗೆ ನಿಮಗೆಷ್ಟು ಗೊತ್ತಿದೆ