ಟ್ರಾವಿಸ್ ಹೆಡ್ ವಿನಾಶಕಾರಿ ಆಟಕ್ಕೆ​ ಕ್ರಿಸ್​ ಗೇಲ್, ಸುನಿಲ್ ನರೇನ್ ದಾಖಲೆ ಉಡೀಸ್

ಐಪಿಎಲ್​-2024ರಲ್ಲಿ ಟ್ರಾವಿಸ್ ಮತ್ತೊಂದು ದಾಖಲೆ ಬರೆದಿದ್ದು, ಸುನಿಲ್ ನರೇನ್ ಮತ್ತು ಕ್ರಿಸ್​ ಗೇಲ್ ರೆಕಾರ್ಡ್ ಮುರಿದಿದ್ದಾರೆ.

ಐಪಿಎಲ್​ನ 57ನೇ ಪಂದ್ಯದಲ್ಲಿ ಎಲ್​ಎಸ್​ಜಿ ವಿರುದ್ಧ ಸ್ಫೋಟಕ ಅರ್ಧಶತಕ ಸಿಡಿಸಿದ ಹೆಡ್ ಈ ದಾಖಲೆ ನಿರ್ಮಿಸಿದ್ದಾರೆ. ಈ ಪಂದ್ಯದಲ್ಲಿ 30 ಎಸೆತಗಳಲ್ಲಿ 8 ಬೌಂಡರಿ, 8 ಸಿಕ್ಸರ್ ಸಹಿತ 89 ರನ್ ಸಿಡಿಸಿದ್ದಾರೆ.

ಶ್ರೀಮಂತ ಲೀಗ್ ಇತಿಹಾಸದಲ್ಲಿ ಪವರ್​ಪ್ಲೇನಲ್ಲೇ ಅತ್ಯಧಿಕ ಅರ್ಧಶತಕ ಬಾರಿಸಿದ ಎರಡನೇ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಒಳಗಾಗಿದ್ದಾರೆ.

ಮೊದಲ ಸ್ಥಾನದಲ್ಲಿರುವ ಡೇವಿಡ್ ವಾರ್ನರ್ 6 ಬಾರಿ ಈ ಸಾಧನೆ ಮಾಡಿದ್ದಾರೆ. ಆದರೆ ಹೆಡ್​ 4 ಸಲ 50ರ ಗಡಿ ದಾಟಿದ್ದಾರೆ.

ಪವರ್​​ಪ್ಲೇನಲ್ಲೇ ಸಿಡಿಸಿರುವ ನಾಲ್ಕು ಅರ್ಧಶತಕಗಳು ಸಹ ಇದೇ 2024ರ ಐಪಿಎಲ್​ನಲ್ಲೇ ಬಂದಿರುವುದು ವಿಶೇಷ. 

ಉಳಿದಂತೆ ಕ್ರಿಸ್​ ಗೇಲ್ ಮತ್ತು ಸುನಿಲ್ ನರೇನ್ ತಲಾ 3 ಬಾರಿ ಪವರ್​​ಪ್ಲೇ ಒಳಗೆ ಅರ್ಧಶತಕ ಸಿಡಿಸಿದ್ದಾರೆ. ನಾಲ್ಕು ಬಾರಿ ಸಾಧನೆ ಮಾಡುವ ಮೂಲಕ ಈ ಇಬ್ಬರನ್ನೂ ಹೆಡ್ ಹಿಂದಿಕ್ಕಿದ್ದಾರೆ.

ಚಳಿಗಾಲದಲ್ಲಿ ದಾಲ್ಚಿನ್ನಿ ಸೇವಿಸುವುದರಿಂದ ಸಿಗುತ್ತೆ ಈ ಆರೋಗ್ಯ ಪ್ರಯೋಜನಗಳು