ಉದ್ಯೋಗ ಸಂದರ್ಶನದಲ್ಲಿ ಆ್ಯಪಲ್ ಕಂಪನಿ ನಿಮ್ಮಿಂದ ನಿರೀಕ್ಷಿಸುವ 5 ವಿಷಯಗಳು

ನೀವು ಆ್ಯಪಲ್ ಕಂಪನಿಯ ಉದ್ಯೋಗ ಸಂದರ್ಶನಕ್ಕೆ ಹೋಗುವಿರಿ ಎಂದಿರಲಿ. ಆ ಸಮಯದಲ್ಲಿ ಕಂಪನಿಯು ತಮ್ಮ ಭವಿಷ್ಯದ ಉದ್ಯೋಗಿಯಿಂದ ಏನು ಬಯಸುತ್ತದೆ ಎಂದು ತಿಳಿಯೋಣ.

ಆ್ಯಪಲ್ ಕಂಪನಿಯ ಸಂದರ್ಶನ ತುಸು ಭಿನ್ನವಾಗಿರುತ್ತದೆ. ಉದ್ಯೋಗಿಗಳಿಂದ ಕಂಪನಿಯು ಪ್ರಾಮಾಣಿಕ ಉತ್ತರ ಬಯಸುತ್ತದೆ. ಈ ಮುಂದಿನ 5 ವಿಷಯಗಳನ್ನು ಗಮನಿಸಿ.

ಬೇಗ ಬನ್ನಿ: ಉದ್ಯೋಗ ಸಂದರ್ಶನಕ್ಕೆ ಹದಿನೈದು ನಿಮಿಷ ಮುಂಚಿತವಾಗಿ ಬರುವುದು ಒಳ್ಳೆಯದು ಎನ್ನುವುದು ಆ್ಯಪಲ್ ಕಂಪನಿಯ ಅಭಿಪ್ರಾಯ.

ನಿಮ್ಮತನ ಬಿಡಬೇಡಿ: ನೀವು ನಟಿಸಬೇಡಿ. ನೈಜವಾಗಿ ಹೇಗೆ ಇರುವಿರೋ, ಕೆಲಸ ಮಾಡುವ ಸಮಯದಲ್ಲಿ ಹೇಗೆ ಇರುವಿರೋ ಅಷ್ಟು ನ್ಯಾಚುರಲ್‌ ಆಗಿ ಧೈರ್ಯವಾಗಿ ಸಂದರ್ಶನ ಎದುರಿಸಿ.

ವರ್ಕ್‌ ಹಿಸ್ಟರಿ: ನಿಮ್ಮ ಹಿಂದಿನ ಕಂಪನಿಯಲ್ಲಿನ ಕಾರ್ಯಕ್ಷಮತೆಗೆ ಸಂಬಂಧಪಟ್ಟ ಪ್ರಶ್ನೆಗಳು ಇರುತ್ತವೆ. ಆ್ಯಪಲ್ ಕಂಪನಿ ಸಂದರ್ಶನಕ್ಕೆ ಮೊದಲೇ ನಿಮ್ಮ ಕೆಲಸದ ಇತಿಹಾಸವನ್ನು ಸಂಗ್ರಹಿಸಿರುತ್ತದೆ.

ಸಂದರ್ಶನದ ಕೊನೆಯಲ್ಲಿ ನಿಮ್ಮ ಹುದ್ದೆಯ ಬಗ್ಗೆ ಮತ್ತು ಆ ಹುದ್ದೆಯಲ್ಲಿ ಯಶಸ್ಸು ಹೇಗಿರುತ್ತದೆ ಎಂಬ ವಿಷಯಕ್ಕೆ ಸಂಬಂಧಪಟ್ಟಂತೆ ನಿಮ್ಮ ಸ್ವಂತ ಪ್ರಶ್ನೆಗಳನ್ನು ಕೇಳಿರಿ.

ಸೂಕ್ಷ್ಮ ಮಾಹಿತಿ ಬೇಡ: ಆ್ಯಪಲ್ ಕಂಪನಿಯ ಸಂದರ್ಶನಕರು ನಿಮ್ಮ ಅನುಭವ ಮತ್ತು ಕೌಶಲಗಳ ಕುರಿತು ಮಾತ್ರ ಆಸಕ್ತಿ ಹೊಂದಿರುತ್ತಾರೆ. ಇತರೆ ಜನರು  ಅಥವಾ ಬೇರೆ ಕಂಪನಿಗಳ ಸೂಕ್ಷ್ಮ, ಗೌಪ್ಯ ಮಾಹಿತಿ ಕುರಿತು ಆಸಕ್ತಿ ಹೊಂದಿರುವುದಿಲ್ಲ.

ಉದ್ಯೋಗ ಸಂದರ್ಶನದ ಬಳಿಕ ಮುಂದೆ ಯಾವ ಪ್ರೊಸೆಸ್‌ ಇರುತ್ತದೆ ಎಂದು ಮಾಹಿತಿ ನೀಡಲಾಗುತ್ತದೆ. ಅವರು ಮಾಹಿತಿ ನೀಡಿಲ್ಲದೆ ಇದ್ದರೆ ಮುಂದಿನ ಹಂತಗಳ ಬಗ್ಗೆ ಉದ್ಯೋಗದಾತರಲ್ಲಿ ಕೇಳಿರಿ.

ತಾಳ್ಮೆಯಿಂದಿರಿ: ಸಂದರ್ಶನ ಪ್ರಕ್ರಿಯೆ ನಿಮಗೆ ಮುಗಿದಿರಬಹುದು. ಆದರೆ, ನೇಮಕ ತಂಡಕ್ಕೆ ಅಲ್ಲ. ನೇಮಕ ಪ್ರಕ್ರಿಯೆಯ ಬಗ್ಗೆ ನಿಮಗೆ ಪ್ರಶ್ನೆಗಳಿದ್ದರೆ ಉದ್ಯೋಗದಾತರನ್ನು  ಸಂಪರ್ಕಿಸಿ.

ಕಾಡು ಕೋಳಿ ಬಗ್ಗೆ ನಿಮಗೆ ಎಷ್ಟು ಗೊತ್ತಿದೆ