ಈ ಕಾರಣಗಳಿಂದ ಪುರುಷರು ಕೂಡಾ ತ್ವಚೆಯ ಆರೈಕೆ ಮಾಡಬೇಕು

ತ್ವಚೆಯ ಕಾಳಜಿ ಎಂದಾಗ ಪುರುಷರು ಜಾರಿಕೊಳ್ಳುವುದೇ ಹೆಚ್ಚು. ಸ್ಕಿನ್ ಕೇರ್ ನನಗ್ಯಾಕೆ ಎಂಬುದು ಸಾಮಾನ್ಯ ಉತ್ತರ. ಕೇವಲ ಚೆನ್ನಾಗಿ ಕಾಣಬೇಕು ಎಂದು ತ್ವಚೆಯ ಆರೈಕೆ ಮಾಡುವುದಲ್ಲ.

ಪುರುಷರಿಗೆ ತ್ವಚೆಯ ಆರೈಕೆ ಏಕೆ ಮುಖ್ಯ? ಸ್ಕಿನ್ ಕೇರ್ ಮಾಡಿದರೆ ಏನೆಲ್ಲಾ ಪ್ರಯೋಜನಗಳಿವೆ ನೋಡೋಣ. 

ಪರಿಸರದಿಂದ ರಕ್ಷಣೆ: ಯುವಿ ಕಿರಣಗಳು, ಮಾಲಿನ್ಯ ಮತ್ತು ಕಠಿಣ ಹವಾಮಾನದ ಪರಿಸ್ಥಿತಿಯಲ್ಲೂ ನೀವು ಹೊರಗೆ ಹೋಗಬೇಕಾಗುತ್ತದೆ. ಸರಿಯಾದ ಕಾಳಜಿಯೊಂದಿಗೆ ಮುಖಕ್ಕಾಗುವ ಹಾನಿಯಿಂದ ರಕ್ಷಿಸಿಕೊಳ್ಳಬಹುದು.

ಆತ್ಮವಿಶ್ವಾಸ ಹೆಚ್ಚಳ: ಸ್ಕಿನ್‌ ಕೇರ್ ರೂಟೀನ್‌ ಅನುಸರಿಸುವುದು ನಿಮ್ಮ ಆತ್ಮವಿಶ್ವಾಸ ಹೆಚ್ಚಿಸಬಹುದು. ನಿಮ್ಮ ಸುಂದರ ನೋಟ ನಿಮಗೆ ಖುಷಿ ಕೊಡುತ್ತದೆ.

ಚರ್ಮದ ಆರೋಗ್ಯ: ತ್ವಚೆಯು ಶುಷ್ಕತೆ, ಸುಕ್ಕು ಮತ್ತು ಮೊಡವೆಗಳನ್ನು ತಡೆಯುತ್ತದೆ. ನೋಡಲು ನಿಮ್ಮ ಮುಖ ಆಕರ್ಷಕವಾಗಿ ಕಾಣುತ್ತದೆ. ಅಲ್ಲದೆ ಆರೋಗ್ಯಕರವಾಗಿರುತ್ತದೆ. 

ಚರ್ಮದ ಕ್ಯಾನ್ಸರ್ ತಡೆಗಟ್ಟುವಿಕೆ: ತ್ವಚೆಯ ಆರೈಕೆಯು ಕ್ಯಾನ್ಸರ್‌ಗೆ ಕಾರಣವಾಗುವ ಹಾನಿಕಾರಕ ಪರಿಸರ ಅಂಶಗಳಿಂದ ರಕ್ಷಿಸುತ್ತದೆ.

ವಯಸ್ಸಾದಂತೆ ಕಾಣುವುದಿಲ್ಲ: ಪುರುಷರು ತ್ವಚೆಯ ಕಾಳಜಿ ವಹಿಸುವ ಮೂಲಕ ನೋಡುವಾಗ ಚಿರಯುವಕರಂತೆ ಕಾಣಬಹುದು. ವಯಸ್ಸಾದ ಪ್ರಕ್ರಿಯೆಯನ್ನು ನಿಧಾನಗೊಳಿಸಬಹುದು.

ಆಕರ್ಷಕವಾಗಿ ಕಾಣುತ್ತೀರಿ: ತ್ವಚೆಯ ಕಾಳಜಿ ವಹಿಸುವುದರಿಂದ ಸಮಾಜದಲ್ಲಿ ಜನರ ನಡುವೆ ನೀವು ಆಕರ್ಷಕವಾಗಿ ಕಾಣುವಿರಿ.

ನಿಮ್ಮ ಚರ್ಮದ ಪ್ರಕಾರವನ್ನು ಅರ್ಥಮಾಡಿಕೊಂಡು ನೀವು ಸೂಕ್ತ ತ್ವಚೆ ಉತ್ಪನ್ನಗಳನ್ನು ಬಳಸಬಹುದು. ಡ್ರೈ ಸ್ಕಿನ್‌, ಆಯಿಲಿ ಸ್ಕಿನ್‌ ಹೀಗೆ ತ್ವಚೆಗೆ ಅನುಸಾರವಾಗಿ ಉತ್ಪನ್ನಗಳು ಸಿಗುತ್ತವೆ.

ಬೆಂಗಳೂರು ಏರ್‌ ಶೋ ಬಗ್ಗೆ ನಿಮಗೆಷ್ಟು ಗೊತ್ತಿದೆ