ಡಿಜಿಟಲ್ ಪೇಮೆಂಟ್‌ ಏಷ್ಟೇ ಜನಪ್ರಿಯವಾಗಿದ್ದರೂ, ಕೆಲವೊಮ್ಮೆ ನಗದು ಹಣ ಬೇಕಾಗುತ್ತದೆ. ಇಂಥಾ ಸಂದರ್ಭಗಳಲ್ಲಿ ಎಟಿಎಂ ಬಳಕೆ ಹೆಚ್ಚು.
ನೋಟು ರೂಪದ ಹಣ ಹರಿದರೆ ಅಥವಾ ವಿರೂಪಗೊಂಡಿದ್ದರೆ ಜನ ಅದನ್ನು ಸ್ವೀಕರಿಸುವುದಿಲ್ಲ.
ಕೆಲವೊಮ್ಮೆ ಎಟಿಎಂನಿಂದ ಹಣ ತೆಗೆಯುವಾಗ ಹರಿದ ಅಥವಾ ವಿರೂಪಗೊಂಡಿರುವ ನೋಟುಗಳು ಹೊರಬರುತ್ತವೆ. ಇಂತಹ ನೋಟುಗಳು ಸಮಸ್ಯೆ ಹೆಚ್ಚಿಸುತ್ತವೆ.
ಎಟಿಎಂನಿಂದ ಹಣ ಡ್ರಾ ಮಾಡುವಾಗ ಹರಿದ ನೋಟುಗಳು ಬಂದರೆ, ನೀವು ಸುಲಭವಾಗಿ ಬ್ಯಾಂಕ್‌ಗೆ ಹೋಗಿ ಅವುಗಳನ್ನು ಬದಲಾಯಿಸಬಹುದು.
ಎಟಿಎಂನಿಂದ ಬಂದ ನೋಟುಗಳನ್ನು ಬದಲಾಯಿಸಲು ಬ್ಯಾಂಕ್‌ಗೆ ಹೋದರೆ, ನೀವು ಈ ಹಂತಗಳನ್ನು ಅನುಸರಿಸಬೇಕು.
ಎಟಿಎಂನಿಂದ ಪಡೆದ ವಿರೂಪಗೊಂಡ ನೋಟುಗಳ ಬಗ್ಗೆ ಅಪ್ಲಿಕೇಶನ್‌ನಲ್ಲಿ ಮಾಹಿತಿ ನೀಡುವುದರ ಜೊತೆಗೆ, ವ್ಯವಹಾರದ ಪುರಾವೆಯಾಗಿ ಬ್ಯಾಂಕ್ ಎಟಿಎಂನಿಂದ ಬಂದ ಸ್ಲಿಪ್ ಅನ್ನು ಒದಗಿಸಬೇಕಾಗುತ್ತದೆ.
ಕೆಲವೊಮ್ಮೆ ಎಟಿಎಂನಿಂದ ಹಣ ಡ್ರಾ ಮಾಡಿದಾಗ ಸ್ಲಿಪ್ ಬರುವುದಿಲ್ಲ. ಅಂತಹ ಸಮಯದಲ್ಲಿ ಹರಿದ ನೋಟು ಬಂದರೆ, ಆ ಟ್ರಾನ್ಸಾಕ್ಷನ್‌ ಸಂದೇಶವನ್ನು ತೋರಿಸಬೇಕಾಗುತ್ತದೆ.
ಆರ್‌ಬಿಐ ನಿಯಮಗಳ ಪ್ರಕಾರ, ಎಟಿಎಂಗಳಿಂದ ಬಂದ ವಿರೂಪಗೊಂಡ ನೋಟುಗಳನ್ನು ಬದಲಾಯಿಸಲು ಬ್ಯಾಂಕ್‌ಗಳು ನಿರಾಕರಿಸುವಂತಿಲ್ಲ.
ನಿಮ್ಮ ಬ್ಯಾಂಕ್ ಎಟಿಎಂನಿಂದ ಬಂದ ಹರಿದ ನೋಟುಗಳನ್ನು ಬದಲಾಯಿಸಲು ಬ್ಯಾಂಕ್ ನಿರಾಕರಿಸಿದರೆ, ನಂತರ RBI ಅದಕ್ಕೆ ದಂಡವನ್ನು ವಿಧಿಸಬಹುದು.
ಎಟಿಎಂನಿಂದ ನೀಡಲಾದ ಹರಿದ ನೋಟುಗಳನ್ನು ಬ್ಯಾಂಕ್‌ಗಳು ಕಡಿಮೆ ಸಮಯದಲ್ಲಿ ಬದಲಾಯಿಸುತ್ತವೆ.