54 ವರ್ಷದ ರೇವಂತ್ ರೆಡ್ಡಿ ಈ ಮೊದಲು ಆಂಧ್ರ ಮಾಜಿ ಸಿಎಂ ಚಂದ್ರಬಾಬು ನಾಯ್ಡು ನೇತೃತ್ವದ ತೆಲುಗು ದೇಶಂ ಪಕ್ಷದ ಶಾಸಕರಾಗಿದ್ದವರು (2 ಬಾರಿ)
2017 ರಲ್ಲಿ ಕಾಂಗ್ರೆಸ್ ಸೇರಿ 2019ರ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿ ಮಲ್ಕಾಜ್ಗಿರಿ ಕ್ಷೇತ್ರದಿಂದ ಸಂಸದರಾಗಿ ಆಯ್ಕೆಯಾದರು.
2021 ರ ಜುಲೈನಲ್ಲಿ ತೆಲಂಗಾಣ ಕಾಂಗ್ರೆಸ್ ಮುಖ್ಯಸ್ಥರಾಗಿ ನೇಮಕರಾದ ಬಳಿಕ ಆಡಳಿತಾರೂಢ ಬಿಆರ್ಎಸ್ ಸರ್ಕಾರದ ದೋಷಗಳನ್ನು ಎತ್ತಿ ಹಿಡಿದರು. ಬೀದಿ ಬೀದಿಗಳಲ್ಲಿ ಪ್ರತಿಭಟನೆಗಳನ್ನು ನಡೆಸಿದರು
ರೇವಂತ್ ರೆಡ್ಡಿ ಅವರು ತೆಲಂಗಾಣ ಕಾಂಗ್ರೆಸ್ ರಾಜ್ಯಾಧ್ಯಕ್ಷರಾದ ಬಳಿಕ ಕಾಂಗ್ರೆಸ್ನತ್ತ ರಾಜ್ಯದ ಜನತೆ ಆಕರ್ಷಿತರಾದರು
ಕರ್ನಾಟಕ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಗೆದ್ದ ಬಳಿಕ ಅಲ್ಲಿನ ಕೆಲವು ಅಂಶಗಳನ್ನು ತೆಲಂಗಾಣದಲ್ಲಿ ಅಳವಡಿಸಿದರು
ತೆಲಂಗಾಣದ ವಿಧಾನಸಭೆ ಚುನಾವಣೆಯ ಬೃಹತ್ ರ್ಯಾಲಿಗಳಲ್ಲಿ ಕೈ ಮುಖಂಡರ ಜೊತೆ ರೇವಂತ್ ರೆಡ್ಡಿ ಮಿಂಚಿದರು. ಸಿಎಂ ಕೆಸಿಆರ್ ವಿರುದ್ಧ ಕಾಮರೆಡ್ಡಿಯಲ್ಲಿ ಸ್ಫರ್ಧಿಸಲು ಕಾಂಗ್ರೆಸ್ ಹೈಕಮಾಂಡ್ ರೇವಂತ್ ರೆಡ್ಡಿಯನ್ನು ಆಯ್ಕೆ ಮಾಡಿತು
ಇದೀಗ ಕೊಡಂಗಲ್‌ನಲ್ಲಿ ರೇವಂತ್ ರೆಡ್ಡಿ ಗೆಲುವು ಸಾಧಿಸಿದ್ದು, ಕಾಮರೆಡ್ಡಿಯಲ್ಲೂ ಮುನ್ನಡೆ ಸಾಧಿಸಿದ್ದಾರೆ.
ಬಿಆಎರ್ಎಸ್ ಹಿಮ್ಮೆಟ್ಟಿ ಕಾಂಗ್ರೆಸ್ ಮುನ್ನಡೆ ಸಾಧಿಸಿದ್ದು, ತೆಲಂಗಾಣದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬರುವುದು, ರೇವಂತ್ ರೆಡ್ಡಿ ಸಿಎಂ ಆಗುವುದು ಬಹುತೇಕ ಖಚಿತವಾಗಿದೆ.