ಸ್ಯಾಫ್ ಅಂಡರ್-19 ಫೈನಲ್ನಲ್ಲಿ ಟಾಸ್ ಮೂಲಕ ವಿಜೇತರ ಘೋಷಿಸಿ ವಿವಾದ; ಕಲ್ಲು, ಬಾಟಲಿ ಎಸೆದ ಬಾಂಗ್ಲಾದೇಶ ಅಭಿಮಾನಿಗಳು
Feb 09, 2024 01:44 PM IST
ಸ್ಯಾಫ್ ಅಂಡರ್-19 ಫೈನಲ್ನಲ್ಲಿ ಟಾಸ್ ಮೂಲಕ ವಿಜೇತರ ಘೋಷಿಸಿ ವಿವಾದ
- IND vs BAN SAFF U19 Final : ಸ್ಯಾಫ್ ಅಂಡರ್-19 ಮಹಿಳಾ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡ ಕಾರಣ ಟಾಸ್ ಮೂಲಕ ವಿಜೇತರನ್ನು ನಿರ್ಧರಿಸಲಾಯಿತು. ಇದು ಭಾರಿ ಆಕ್ರೋಶಕ್ಕೆ ಗುರಿಯಾದ ಕಾರಣ ಭಾರತ ಮತ್ತು ಬಾಂಗ್ಲಾದೇಶ ತಂಡವನ್ನು ಜಂಟಿ ವಿಜೇತರೆಂದು ಘೋಷಿಸಲಾಯಿತು.
ಫೆಬ್ರವರಿ 8ರ ಗುರುವಾರ ನಡೆದ ಭಾರತ-ಬಾಂಗ್ಲಾದೇಶ ನಡುವಿನ (India vs Bangladesh Saff U19) ಸ್ಯಾಫ್ ಅಂಡರ್-19 ಮಹಿಳಾ ಚಾಂಪಿಯನ್ಶಿಪ್ ಫೈನಲ್ ಡ್ರಾ ಸಾಧಿಸಿದ ನಂತರ ಟಾಸ್ ಮೂಲಕ ವಿಜೇತರನ್ನು ಘೋಷಿಸಲಾಯಿತು. ಆದರೆ ಇದು ವಿವಾದಕ್ಕೆ ದಾರಿ ಮಾಡಿಕೊಟ್ಟಿತು. ಫಲಿತಾಂಶವನ್ನು ನಿರ್ಧರಿಸುವ ರೆಫರಿಯ ಅಸಾಂಪ್ರದಾಯಿಕ ವಿಧಾನದ ಬಗ್ಗೆ ಬಾಂಗ್ಲಾದೇಶದ ಆಟಗಾರ್ತಿಯರು ಮತ್ತು ಪ್ರೇಕ್ಷಕರನ್ನು ಕೆರಳಿಸಿತು.
11-11 ಗೋಲುಗಳಿಂದ ಸಮಬಲ
ಮೈದಾನದಲ್ಲಿ ರೆಫರಿ ನಿರ್ಧಾರದ ವಿರುದ್ಧ ಬಾಂಗ್ಲಾ ಅಭಿಮಾನಿಗಳು, ಬಾಟಲಿ ಮತ್ತು ಕಲ್ಲುಗಳನ್ನು ಎಸೆದು ಆಕ್ರೋಶ ವ್ಯಕ್ತಪಡಿಸಿದರು. ಈ ವೇಳೆ ಮುನ್ನಚ್ಚರಿಕೆಯ ಸಲುವಾಗಿ ಭಾರತೀಯ ಆಟಗಾರ್ತಿಯರನ್ನು ಮೈದಾನ ತೊರೆಯುವಂತೆ ಅಧಿಕಾರಿಗಳು ಸೂಚಿಸಿದರು. ಫೈನಲ್ ಪಂದ್ಯದಲ್ಲಿ 11-11 ಗೋಲು ಗಳಿಸಿ ಸಮಬಲ ಸಾಧಿಸಿದ್ದವು. ಈ ವೇಳೆ ವಿಜೇತರನ್ನು ನಿರ್ಧರಿಸಲು ರೆಫ್ರಿ ಟಾಸ್ ಮೊರೆ ಹೋದರು.
ಜಂಟಿ ವಿಜೇತರೆಂದು ಘೋಷಣೆ
ಟಾಸ್ ಪ್ರಕ್ರಿಯೆಯಲ್ಲಿ ಗೆದ್ದ ಭಾರತ ತಂಡವನ್ನು ವಿಜೇತರೆಂದು ಘೋಷಿಸಲಾಯಿತು. ಪಂದ್ಯದ ಅಧಿಕಾರಿಗಳು ಮತ್ತು ಸಂಘಟಕರು ಕೆಲ ಹೊತ್ತು ಚರ್ಚೆ ನಡೆಸಿದರು. ತದನಂತರ ಭಾರತ ತಂಡದೊಂದಿಗೆ ಸಮಾಲೋಚನೆ ನಡೆಸಿದರು. ಆ ಬಳಿಕ ಬಾಂಗ್ಲಾದೇಶ ಮತ್ತು ಭಾರತವನ್ನು ಜಂಟಿ ವಿಜೇತರು ಎಂದು ಘೋಷಿಸಲಾಯಿತು. ಆ ಮೂಲಕ ವಿವಾದಕ್ಕೆ ಅಂತ್ಯ ಹಾಡಲಾಯಿತು. ಪೊಲೀಸರು ಮಧ್ಯ ಪ್ರವೇಶಿಸಿದರು.
ಪೆನಾಲ್ಟಿಯಲ್ಲೂ ಸಮಬಲ
ಬಾಂಗ್ಲಾ ಮತ್ತು ಭಾರತ ನಡುವಿನ ಫೈನಲ್ ಪಂದ್ಯವು ಅತ್ಯಂತ ರೋಚಕತೆಯಿಂದ ಕೂಡಿತ್ತು. ಹೀಗಾಗಿ ಆಟ ಕೊನೆಯ ಕ್ಷಣದವರೆಗೂ ಸಾಗಿತು. ನಿಗದಿತ ಸಮಯದಲ್ಲಿ ಪಂದ್ಯವು 1-1 ಅಂತರದಲ್ಲಿ ಸಮಬಲ ಸಾಧಿಸಿತು. ಮೊದಲಾರ್ಧದ ಸಮಯದಲ್ಲಿ ಭಾರತ ಮುನ್ನಡೆ ಸಾಧಿಸಿತ್ತು. ಆದರೆ ನಿಗದಿತ 90ನಿಮಿಷಕ್ಕೂ ಮುನ್ನ 4 ನಿಮಿಷಗಳ ಕಾಲ ಹೆಚ್ಚುವರಿ ಸಮಯ ನೀಡಲಾಗಿತ್ತು. ಈ ಅವಧಿಯಲ್ಲಿ ಬಾಂಗ್ಲಾ ಒಂದು ಗೋಲು ಗಳಿಸಿ ಸಮಬಲ ಸಾಧಿಸಿತು. ಆ ಬಳಿಕ ಹೆಚ್ಚುವರಿ ನೀಡಲು ಅವಕಾಶ ಇರಲಿಲ್ಲ.
ಹೀಗಾಗಿ ಪೆನಾಲ್ಟಿ ಶೂಟೌಟ್ ಮೊರೆ ಹೋಗಬೇಕಾಯಿತು. ಆದರೆ ಈ ವೇಳೆಯೂ 10-10 ಗೋಲುಗಳಿಂದ ಪಂದ್ಯವು ಸಮಬಲ ಸಾಧಿಸಿತು. ಹಾಗಾಗಿ ಕೊನೆಯಲ್ಲಿ ರೆಫರಿ ಟಾಸ್ ಮೂಲಕ ವಿಜೇತರನ್ನು ನಿರ್ಧರಿಸಿದರು. ಆದರೆ ಇದು ಕ್ರೋಶಕ್ಕೆ ಕಾರಣವಾಯಿತು. ಬಾಂಗ್ಲಾ ಅಭಿಮಾನಿಗಳು ಭಾರತವನ್ನು ಬಹಿಷ್ಕರಿಸಿ ಎಂದು ಎಕ್ಸ್ನಲ್ಲಿ ಪೋಸ್ಟ್ ಮಾಡಿದರು. ವಿವಾದ ಭುಗಿಲೇಳುತ್ತಿದ್ದಂತೆ ಜಂಟಿ ವಿಜೇತರನ್ನು ಘೋಷಿಸಲಾಯಿತು.
ಬ್ಲೂ ಕಾರ್ಡ್ ರೂಲ್ ಎಂದರೇನು; ಫುಟ್ಬಾಲ್ನಲ್ಲಿ ಕ್ರಾಂತಿಕಾರಿ ನಿಯಮ ಜಾರಿಗೆ
ಫುಟ್ಬಾಲ್ ಕ್ಷೇತ್ರದಲ್ಲಿ (Football) ಒಂದು ಕ್ರಾಂತಿಕಾರಿ ನಿಯಮದ ಬದಲಾವಣೆಗೆ ಸಿದ್ಧವಾಗಿದೆ. ಫುಟ್ಬಾಲ್ ಪ್ರಪಂಚವು ಹಳದಿ ಮತ್ತು ಕೆಂಪು ಕಾರ್ಡ್ಗಳ ಜೊತೆಗೆ ಮೂರನೇ ಕಾರ್ಡ್- ನೀಲಿ ಕಾರ್ಡ್ ನಿಮಯ (Blue Card rule) ಪರಿಚಯಿಸಲು ಚಿಂತನೆ ನಡೆಸಿದೆ. ‘ಬ್ಲೂ ಕಾರ್ಡ್’ ನಿಯಮ ಪರಿಚಯಿಸುವ ಮೂಲಕ ಕ್ರೀಡೆಯಲ್ಲಿ ಶಾಶ್ವತ ಬದಲಾವಣೆ ತರಲು ಚಿಂತನೆ ನಡೆದಿದೆ. ಈ ನಿಮಯದ ಪರಿಚಯಕ್ಕೆ ಸಹಿ ಹಾಕಲಾಗಿದ್ದು, ಶೀಘ್ರದಲ್ಲೇ ಪ್ರಯೋಗ ನಡೆಸಲಾಗುತ್ತದೆ. ಈ ಕುರಿತ ಸಂಪೂರ್ಣ ಸುದ್ದಿಗಾಗಿ ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ.