ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ನಿರ್ಬಂಧದ ಬಳಿಕ ಡೆಪಾಸಿಟ್, ಟ್ರಾನ್ಸಾಕ್ಷನ್, ಇಎಂಐ ಮುಂದುವರೆಸಬಹುದೇ? ಗೊಂದಲಗಳಿಗೆ ಇಲ್ಲಿದೆ ಪರಿಹಾರ
Feb 16, 2024 09:15 PM IST
ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಯ ಗೊಂದಲಗಳಿಗೆ ಇಲ್ಲಿದೆ ಪರಿಹಾರ
- Paytm Payments Bank Account : ಮಾರ್ಚ್ 15ರ ನಂತರ ಯಾವುದೇ ಡೆಪಾಸಿಟ್, ಟ್ರಾನ್ಸಾಕ್ಷನ್ ನಡೆಸಬಾರದು ಎಂದು ತಿಳಿಸಿದ್ದರ ನಡುವೆಯೂ ಹಲವರಿಗೆ ಗೊಂದಲಗಳು ನಿರ್ಮಾಣವಾಗಿದೆ. ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ಗೆ ಸಂಬಂಧಿಸಿದ ಗೊಂದಲಗಳಿಗೆ ಇಲ್ಲಿದೆ ಉತ್ತರ.
ನಕಲಿ ಖಾತೆ, ಅನುಮಾನ ಹುಟ್ಟಿಸುವ ವಹಿವಾಟು ನಡೆಸುವವರ ವಿರುದ್ಧ ಕ್ರಮಕೈಗೊಳ್ಳಲು ಎಚ್ಚರಿಕೆ ಕೊಟ್ಟಿದ್ದರೂ ನಿರ್ಲಕ್ಷಿಸಿದ್ದ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ನಿರ್ಬಂಧಕ್ಕೆ ಆರ್ಬಿಐ ಆದೇಶ ಹೊರಡಿಸಿದೆ. ಫೆಬ್ರವರಿ 29ರ ನಂತರ ವಹಿವಾಟು ನಡೆಸುವಂತಿಲ್ಲ ಎಂದಿದ್ದ ಭಾರತೀಯ ರಿಸರ್ವ್ ಬ್ಯಾಂಕ್ ಆ ಗಡುವನ್ನು ವಿಸ್ತರಿಸಿದೆ. ಮಾರ್ಚ್ 15ರವರೆಗೂ ಡೆಡ್ಲೈನ್ ವಿಸ್ತರಿಸಿದೆ.
ಭಾರತದ ಮುಂದಿನ ಪ್ರಧಾನಿ ಅಮಿತ್ ಶಾ, ಸಿಎಂ ಗದ್ದುಗೆ ಕಳೆದುಕೊಳ್ಳಲಿದ್ದಾರೆ ಯೋಗಿ ಆದಿತ್ಯನಾಥ್: ಅರವಿಂದ ಕೇಜ್ರಿವಾಲ್
ಲೋಕಸಭಾ ಚುನಾವಣೆ: ಬಿಜೆಪಿಗೆ ಈ ಬಾರಿ ಕರ್ನಾಟಕದಲ್ಲೇ ಸರಿಯಾದ ಹೊಡೆತ; ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್
PM Narendra Modi Interview: ನಮಗೆ ಜನಪ್ರಿಯತೆ ಅಗತ್ಯವಿಲ್ಲ, ನಮ್ಮ ಕೆಲಸದ ವೇಗವನ್ನು ಜನ ನೋಡಿದ್ದಾರೆ; ಪ್ರಧಾನಿ ಮೋದಿ
ಸಂಪಾದಕೀಯ: ಕೃಷಿ ಉತ್ಪನ್ನ ಮತ್ತು ರಾಜಕಾರಣ; ಈರುಳ್ಳಿ ಮೇಲೆ ಚುನಾವಣೆಯ ಛಾಯೆ, ರಫ್ತು ನಿರ್ಬಂಧ ಹಿಂಪಡೆವ ನಿರ್ಧಾರದ ಹಲವು ಮುಖಗಳು
ಆರ್ಬಿಐ ಈ ನಿರ್ಧಾರದ ಬೆನ್ನಲ್ಲೇ ವ್ಯಾಪಾರಿಗಳು, ಸಾರ್ವಜನಿಕರು ಆತಂಕಕ್ಕೆ ಒಳಗಾಗಿದ್ದರು. ಈಗ ಗಡುವು ವಿಸ್ತರಿಸಿದ ಬೆನ್ನಲ್ಲೇ ಅವರು ನಿಟ್ಟುಸಿರುವ ಬಿಟ್ಟಿದ್ದಾರೆ. ಮಾರ್ಚ್ 15ರ ನಂತರ ಯಾವುದೇ ಡೆಪಾಸಿಟ್, ಟ್ರಾನ್ಸಾಕ್ಷನ್ ನಡೆಸಬಾರದು ಎಂದು ತಿಳಿಸಿದ್ದರ ನಡುವೆಯೂ ಹಲವರಿಗೆ ಗೊಂದಲಗಳು ನಿರ್ಮಾಣವಾಗಿದೆ. ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ಗೆ ಸಂಬಂಧಿಸಿದ ಗೊಂದಲಗಳಿಗೆ ಇಲ್ಲಿದೆ ಉತ್ತರ.
1. ಪ್ರಶ್ನೆ: ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್‌ನಲ್ಲಿ ಸೇವಿಂಗ್ಸ್ ಅಥವಾ ಚಾಲ್ತಿ ಖಾತೆ ಹೊಂದಿರುವವರು ಮಾರ್ಚ್ 15ರ ನಂತರ ಈ ಖಾತೆಯಿಂದ ಹಣ ಹಿಂಪಡೆಯುವುದನ್ನು ಮುಂದುವರಿಸಬಹುದೇ? ಈ ಬ್ಯಾಂಕ್ ನೀಡಿದ ಡೆಬಿಟ್ ಕಾರ್ಡ್ ಬಳಕೆ ಮುಂದುವರಿಸಬಹುದೇ?
ಉತ್ತರ: ಹೌದು, ಅಕೌಂಟ್ನಲ್ಲಿ ಲಭ್ಯವಿರುವ ಹಣವನ್ನು ಬಳಸಲು ಮತ್ತು ಹಿಂಪಡೆಯಲು, ವರ್ಗಾಯಿಸಲು ಮುಂದುವರಿಸಬಹುದು. ಹಾಗೆಯೇ ಖಾತೆಯಲ್ಲಿ ಲಭ್ಯವಿರುವ ಬ್ಯಾಲೆನ್ಸ್‌ವರೆಗೆ ಹಣವನ್ನು ಹಿಂಪಡೆಯಲು ಅಥವಾ ವರ್ಗಾಯಿಸಲು ಡೆಬಿಟ್ ಕಾರ್ಡ್ ಅನ್ನು ನೀವು ಮುಂದುವರಿಸಬಹುದು.
2. ಪ್ರಶ್ನೆ: ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್‌ನಲ್ಲಿ ಸೇವಿಂಗ್ಸ್ ಬ್ಯಾಂಕ್ ಅಥವಾ ಚಾಲ್ತಿ ಖಾತೆ ಹೊಂದಿರುವವರು, ಮಾರ್ಚ್ 15ರ ನಂತರ ಈ ಖಾತೆಗೆ ಹಣವನ್ನು ಡೆಪಾಸಿಟ್ ಮಾಡಬಹುದೇ ಅಥವಾ ಟ್ರಾನ್ಸ್ಫರ್ ಮಾಡಬಹುದೇ?
ಉತ್ತರ: ಇಲ್ಲ. ಮಾರ್ಚ್ 15ರ ನಂತರ ಹಣವನ್ನು ಡೆಪಾಸಿಟ್ ಮಾಡಲು ಸಾಧ್ಯವಾಗುವುದಿಲ್ಲ. ಬಡ್ಡಿ ಹೊರತುಪಡಿಸಿ ಸಾಲ ದೊರೆಯುವುದಿಲ್ಲ. ಪಾಲುದಾರ ಬ್ಯಾಂಕ್‌ಗಳಿಂದ ಸ್ವೀಪ್-ಇನ್ ಅಥವಾ ಮರುಪಾವತಿ, ಕ್ಯಾಶ್‌ಬ್ಯಾಕ್‌, ಕ್ರೆಡಿಟ್ ಮಾಡಲು ಅನುಮತಿಸಲಾಗಿದೆ.
3. ಪ್ರಶ್ನೆ: ಮಾರ್ಚ್ 15ರ ನಂತರ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಯಲ್ಲಿ ರಿಫಂಡ್ ನಿರೀಕ್ಷಿಸುವುದು ಸಾಧ್ಯವೇ? ಈ ರಿಫಂಡ್ ಅನ್ನು ಖಾತೆಗೆ ಕ್ರೆಡಿಟ್ ಮಾಡಬಹುದೇ?
ಉತ್ತರ: ಹೌದು, ಪಾಲುದಾರ ಬ್ಯಾಂಕ್‌ಗಳಿಂದ ಸ್ವೀಪ್-ಇನ್ ಅಥವಾ ಬಡ್ಡಿ, ರಿಫಂಡ್ (ಮರುಪಾವತಿ), ಕ್ಯಾಶ್‌ಬ್ಯಾಕ್‌ ಅನ್ನು ಮಾರ್ಚ್ 15ರ ನಂತರವೂ ಖಾತೆಗೆ ಕ್ರೆಡಿಟ್ ಆಗಲು ಅನುಮತಿಸಲಾಗಿದೆ.
4. ಪ್ರಶ್ನೆ: ಮಾರ್ಚ್ 15ರ ನಂತರ 'ಸ್ವೀಪ್ ಇನ್ ಅಥವಾ ಸ್ವೀಪ್ ಔಟ್' ವ್ಯವಸ್ಥೆಗಳ ಮೂಲಕ ಪಾಲುದಾರ ಬ್ಯಾಂಕ್‌ಗಳೊಂದಿಗೆ ನಿರ್ವಹಿಸಲಾದ ಠೇವಣಿಗಳು ಏನಾಗುತ್ತ
ಉತ್ತರ: ಪಾಲುದಾರ ಬ್ಯಾಂಕ್‌ಗಳೊಂದಿಗೆ ನಿರ್ವಹಿಸಲಾಗುತ್ತಿರುವ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಗ್ರಾಹಕರ ಅಸ್ತಿತ್ವದಲ್ಲಿರುವ ಠೇವಣಿಗಳನ್ನು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ನ ಖಾತೆಗಳಿಗೆ ಹಿಂಪಡೆಯಬಹುದು (ಸ್ವೀಪ್-ಇನ್ ಮಾಡಬಹುದು). ಆದರೆ, ಪ್ರತಿ ಗ್ರಾಹಕನಿಗೆ ದಿನಕ್ಕೆ 2 ಲಕ್ಷ ರೂಪಾಯಿವರೆಗೆ ಮಾತ್ರ). ಸ್ವೀಪ್-ಇನ್ ಮಾಡಲಾದ ಬ್ಯಾಲೆನ್ಸ್‌ಗಳನ್ನು ಬಳಸಲು ಅಥವಾ ವಿತ್ಡ್ರಾ ಮಾಡಲು ಲಭ್ಯವಾಗುವಂತೆ ಮಾಡುವ ಉದ್ದೇಶದಿಂದ ಗ್ರಾಹಕರಿಗೆ ಅನುಮತಿ ಇರುತ್ತದೆ. ಆದರೆ, ಮಾರ್ಚ್ 15ರ ನಂತರ ಪೇಟಿಎಂ ಪೇಮೆಂಟ್ ಬ್ಯಾಂಕ್ ಮೂಲಕ ಪಾಲುದಾರ ಬ್ಯಾಂಕ್‌ಗಳೊಂದಿಗೆ ಯಾವುದೇ ಹೊಸ ಠೇವಣಿಗಳಿಗೆ ಅನುಮತಿ ನೀಡಲಾಗುವುದಿಲ್ಲ.
5. ಪ್ರಶ್ನೆ: ಮಾರ್ಚ್ 15ರ ನಂತರ ಪೇಟಿಎಂ ಪೇಮೆಂಟ್ ಬ್ಯಾಂಕ್ ಖಾತೆಗೆ ಸಂಬಳ ಸ್ವೀಕರಿಸುವುದನ್ನು ಮುಂದುವರಿಸಬಹುದೇ?
ಉತ್ತರ: ಇಲ್ಲ. ಖಾತೆಗೆ ಅಂತಹ ಯಾವುದೇ ಕ್ರೆಡಿಟ್‌ಗಳನ್ನು ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ. ಅನನುಕೂಲತೆಯನ್ನು ತಪ್ಪಿಸಲು ಮಾರ್ಚ್ 15ರೊಳಗೆ ಪರ್ಯಾಯ ವ್ಯವಸ್ಥೆ ಮಾಡಿಕೊಳ್ಳಬೇಕು.
6. ಪ್ರಶ್ನೆ: ಆಧಾರ್‌ ಕಾರ್ಡ್ಗೆ ಲಿಂಕ್ ಮಾಡಲಾದ ಸರ್ಕಾರದ ಸಬ್ಸಿಡಿ ಅಥವಾ ಕೆಲವು ನೇರ ಲಾಭ ವರ್ಗಾವಣೆಗಳನ್ನು ಈ ಖಾತೆಗೆ ಸ್ವೀಕರಿಸುವುದನ್ನು ಮುಂದುವರಿಸಬಹುದೇ?
ಉತ್ತರ: ಇಲ್ಲ, ಅಂತಹ ಯಾವುದೇ ಕ್ರೆಡಿಟ್ ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ. ಯಾವುದೇ ಅನಾನುಕೂಲತೆ ಅಥವಾ ಅಡಚಣೆಯನ್ನು ತಪ್ಪಿಸಲು ಲಿಂಕ್ ಮಾಡಲಾದ ಖಾತೆಯನ್ನು ಮಾರ್ಚ್ 15ರೊಳಗೆ ಮತ್ತೊಂದು ಬ್ಯಾಂಕ್ಗೆ ಬದಲಾಯಿಸಲು ವ್ಯವಸ್ಥೆ ಮಾಡಿ.
7. ಪ್ರಶ್ನೆ: ಪೇಟಿಎಂ ಪೇಮೆಂಟ್ ಬ್ಯಾಂಕ್ ಖಾತೆಯಿಂದ ಮಾಸಿಕ ವಿದ್ಯುತ್ ಬಿಲ್ ಅನ್ನು ಸ್ವಯಂಚಾಲಿತವಾಗಿ ಪಾವತಿಸಲಾಗುತ್ತದೆಯೇ? ಇದು ಮುಂದುವರೆಯಬಹುದೇ?
ಉತ್ತರ: ಖಾತೆಯಲ್ಲಿ ಬ್ಯಾಲೆನ್ಸ್ ಇರುವವರೆಗೆ ವಿತ್ಡ್ರಾ/ಡೆಬಿಟ್ ಮ್ಯಾಂಡೇಟ್‌ ಕಾರ್ಯಗತಗೊಳ್ಳುವುದನ್ನು ಮುಂದುವರಿಸಲಾಗುತ್ತದೆ. ಆದಾಗ್ಯೂ, ಮಾರ್ಚ್ 15ರ ನಂತರ ನಿಮ್ಮ ಖಾತೆಗಳಲ್ಲಿ ಕ್ರೆಡಿಟ್ ಅಥವಾ ಡೆಪಾಸಿಟ್ ಮಾಡಲು ಅನುಮತಿಸಲಾಗುವುದಿಲ್ಲ. ಪರ್ಯಾಯ ವ್ಯವಸ್ಥೆ ಮಾಡಿಕೊಳ್ಳಬೇಕಾಗುತ್ತದೆ.
8. ಪ್ರಶ್ನೆ: ಮಾಸಿಕ ಓಟಿಟಿ ಚಂದಾದಾರಿಕೆಯನ್ನು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಯಿಂದ ಸ್ವಯಂಚಾಲಿತವಾಗಿ ಪಾವತಿಸಲಾಗುತ್ತದೆಯೇ? ಇದು ಮುಂದುವರೆಯಬಹುದೇ?
9. ಪ್ರಶ್ನೆ: ಸಾಲದ ಕಂತು (EMI) ಅನ್ನು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ನ ಖಾತೆಯ ಮೂಲಕ ಸ್ವಯಂಚಾಲಿತವಾಗಿ ಪಾವತಿಸಲಾಗುತ್ತದೆ. ಇದು ಮುಂದುವರೆಯಬಹುದೇ?
ಉತ್ತರ: 8 ಮತ್ತು 9ನೇ ಪ್ರಶ್ನೆಗಳಿಗೂ 7 ಪ್ರಶ್ನೆಯ ಉತ್ತರ ನೋಡಿ.
10. ಪ್ರಶ್ನೆ: ಸಾಲದ ಕಂತು (EMI) ಅನ್ನು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಹೊರತುಪಡಿಸಿ ಬೇರೆ ಬ್ಯಾಂಕ್‌ನಲ್ಲಿರುವ ಖಾತೆಯ ಮೂಲಕ ಸ್ವಯಂಚಾಲಿತವಾಗಿ ಪಾವತಿಸಲಾಗುತ್ತದೆಯೇ? ಇದು ಮುಂದುವರೆಯಬಹುದೇ?
ಉತ್ತರ: ಹೌದು, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆ ಹೊರತುಪಡಿಸಿ ಯಾವುದೇ ಬ್ಯಾಂಕ್‌ನಲ್ಲಿ ನೋಂದಾಯಿಸಲಾದ ಇಎಂಐಗಳನ್ನು ಮುಂದುವರಿಯಬಹುದು.