ಗ್ರಾಹಕರಿಗೆ ಸಿಹಿ ಸುದ್ದಿ; ಪೇಟಿಎಂ ಪೇಮೆಂಟ್ಸ್​ ಬ್ಯಾಂಕ್ ನಿರ್ಬಂಧದ ಡೆಡ್​ಲೈನ್​ ವಿಸ್ತರಣೆ, ಕೊನೆಯ ದಿನಾಂಕ ಯಾವಾಗ?

ಆತಂಕದಲ್ಲಿದ್ದ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ (Payment Payments Bank) ಗ್ರಾಹಕರಿಗೆ ಬಿಗ್ ರಿಲೀಫ್ ಸಿಕ್ಕಿದೆ. ಪೇಟಿಎಂ ನಿಷೇಧದ ಗಡುವನ್ನು ರಿಸರ್ವ್ ಬ್ಯಾಂಕ್ (RBI) ವಿಸ್ತರಿಸಿದೆ. ನಿಷೇಧ ಜಾರಿಗೊಳಿಸುವ ಗಡುವು ಮೊದಲಿಗೆ ಇದೇ ತಿಂಗಳ ಫೆಬ್ರವರಿ 29ರವರೆಗೆ ಇತ್ತು. ಈಗ ಮಾರ್ಚ್ 15ಕ್ಕೆ ವಿಸ್ತರಿಸಲಾಗಿದೆ. 15 ದಿನಗಳ ಹೆಚ್ಚುವರಿ ಸಡಿಲಿಕೆ ನೀಡಲಾಗಿದೆ.

ಇದನ್ನೂ ಓದಿ : ನಿವೇದಿತ ಗೌಡ ಸಿನಿಮಾಕ್ಕೆ ಚಂದನ್‌ ಶೆಟ್ಟಿ ಮ್ಯೂಸಿಕ್‌; ಸೃಜನ್‌ ಲೋಕೇಶ್‌ ಜಿಎಸ್‌ಟಿ ಸಿನಿಮಾದಿಂದ ಬಂತೊಂದು ಹೊಸ ಮಾಹಿತಿ

ಮಾರ್ಚ್ 15ರವರೆಗೂ ವಹಿವಾಟು ನಡೆಸಬಹುದು

ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್​ನಲ್ಲಿ ಖಾತೆ ಹೊಂದಿರುವ ಗ್ರಾಹಕರು ಸದ್ಯ ನಿಟ್ಟುಸಿರುವ ಬಿಡುವಂತಾಗಿದೆ. ಗ್ರಾಹಕರ ಹಿತದೃಷ್ಟಿಯಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಆರ್​ಬಿಐ ತಿಳಿಸಿದೆ. ವ್ಯಾಪಾರಿಗಳು, ವಾಲೆಟ್ ಉಪಯೋಗಿಸುವ, ಫಾಸ್ಟ್ಯಾಗ್, ನ್ಯಾಷನಲ್ ಮೊಬಿಲಿಟಿ ಕಾರ್ಡ್ ಸೇರಿ ಇತರೆ ಬಳಕೆ ಮಾಡುತ್ತಿರುವವರು ನಿರಾಳರಾಗಿದ್ದಾರೆ.

ಅಲ್ಲದೆ, ಪೇಟಿಎಂ ಕಂಪನಿಗೂ ಈ ಈ ಗಡುವು ನಿರಾಳ ತಂದಿದೆ. ಫೆ.29ರ ನಂತರ ಪೇಟಿಎಂ ಪೇಮೆಂಟ್ಸ್​​ ಬ್ಯಾಂಕಿನಲ್ಲಿ ಹೊಸದಾಗಿ ಹಣ ಡೆಪಾಸಿಟ್​ ಮತ್ತು ಟ್ರಾನ್ಸಾಕ್ಷನ್ ಮಾಡುವಂತಿಲ್ಲ ಎಂದು ಜನವರಿ 31ರಂದು ಆರ್​ಬಿಐ ನಿರ್ಬಂಧ ಹೇರಿತ್ತು. ಆದರೀಗ ಈ ಸೇವೆಗಳನ್ನು ಮಾರ್ಚ್​ 15ರವರೆಗೂ ನಡೆಸಬಹುದು ಎಂದು ತಿಳಿಸಿದೆ.

ಇದನ್ನೂ ಓದಿ : Amruthadhaare: ಐ ಲವ್‌ ಯು ಗೌತಮ್‌ ಅವರೇ, ಡುಮ್ಮ ಸರ್‌ಗೆ ಮತ್ತಿನಲ್ಲಿ ಮುತ್ತು ನೀಡಿದ ಭೂಮಿಕಾ; ಸೂಪರ್‌ ಸೀರಿಯಲ್‌ ಅಂದ್ರು ಫ್ಯಾನ್ಸ್‌

ಮಾರ್ಚ್ 15ರ ತನಕ ಪೇಟಿಎಂ ಗ್ರಾಹಕರು ತಮ್ಮ ವಾಲೆಟ್​ಗೆ ಹಣವನ್ನು ಜಮೆ ಮಾಡಬಹುದು. ಅಲ್ಲದೆ, ಫಾಸ್ಟ್ಯಾಗ್, ಹೊಸ ಡೆಪಾಸಿಟ್, ಟ್ರಾನ್ಸಾಕ್ಷನ್ ನಡೆಸಬಹುದು. ಆದರೆ ಮಾರ್ಚ್ 15ರ ನಂತರ ಎಲ್ಲವೂ ಸ್ಥಗಿತಗೊಳ್ಳಲಿದೆ. ನಿಮ್ಮ ಖಾತೆಯ ಹಣವನ್ನು ಪೂರ್ಣ ಮುಗಿಸಿಕೊಳ್ಳಿ ಎಂದು ಗ್ರಾಹಕರಿಗೆ ಆರ್​ಬಿಐ ಸೂಚಿಸಿದೆ.

ಪೇಟಿಎಂ ನಿರ್ಬಂಧ ಮಾಡಿದ್ದೇಕೆ?

ಪೇಟಿಎಂ ಪೇಮೆಂಟ್ಸ್​ ಬ್ಯಾಂಕ್​ನಲ್ಲಿ ನಕಲಿ ಖಾತೆ, ಅಕ್ರಮಗಳು ಮತ್ತು ಅನುಮಾನ ಹುಟ್ಟಿಸುವ ವಹಿವಾಟುಗಳು ನಡೆದಿರುವುದು ಗೊತ್ತಾಗಿದೆ. ಕೆವೈಸಿ ಪರಿಶೀಲನೆಯಲ್ಲೂ ಸರಿಯಾದ ರೀತಿ ಅನುಕರಿಸಿಲ್ಲ. 1000ಕ್ಕೂ ಖಾತೆಗಳಿಗೆ ಒಂದು ಪಾನ್ ಕಾರ್ಡ್​ ಬಳಸಿರುವುದು ಸಹ ಗೊತ್ತಾಗಿದೆ. ಹೀಗಾಗಿ ಈ ಬಗ್ಗೆ ಪೇಟಿಎಂಗೆ ಆರ್​​ಬಿಐ ಎಚ್ಚರಿಕೆ ನೀಡಿತ್ತು. ಆದರೆ, ಪೇಟಿಎಂ ತಲೆಗೆ ಹಾಕಿಕೊಂಡಿರಲಿಲ್ಲ. ಸಂಸ್ಥೆಯ ನಿರ್ಲಕ್ಷ್ಯವನ್ನು ಗಂಭೀರವಾಗಿ ಪರಿಗಣಿಸಿದ ಆರ್​ಬಿಐ, ವಹಿವಾಟನ್ನೇ ನಿರ್ಬಂಧಿಸಿತು.

ಪೇಟಿಎಂ ಪೇಮೆಂಟ್ಸ್ ಬ್ಯಾಂಕಿನಲ್ಲಿ ಖಾತೆ ಹೊಂದಿರುವ ಗ್ರಾಹಕರಿಗೆ ಠೇವಣಿ ಹಣವನ್ನು ಹೇಗೆ ಹಿಂಪಡೆಯಬೇಂಬ ಗೊಂದಲ ಉಂಟಾಗಿದೆ. ಅಲ್ಲದೆ, ಹಲವು ಗೊಂದಲು ಸೃಷ್ಟಿಯಾಗಿವೆ. ಹಾಗಾಗಿ ಇದೆಲ್ಲದಕ್ಕೂ ಆರ್​ಬಿಐ ಉತ್ತರ ನೀಡಿದೆ. ಗ್ರಾಹಕರು ಪದೆಪದೇ ಕೇಳಲಾದ ಕೆಲವು ಪ್ರಶ್ನೆಗಳಿಗೆ ಸೂಕ್ತ ಉತ್ತರಗಳನ್ನೂ ಒದಗಿಸಿದೆ.

ಇದನ್ನೂ ಓದಿ : Bhishma Ashtami: ಭೀಷ್ಮಾಷ್ಟಮಿ ಆಚರಣೆಯ ಮಹತ್ವವೇನು, ಈ ದಿನ ಉಪವಾಸ ವ್ರತ ಮಾಡುವುದರಿಂದ ಸಿಗುವ ಫಲಾಫಲಗಳ ವಿವರ ಇಲ್ಲಿದೆ