ಎವರೆಸ್ಟ್ ಪರ್ವತವನ್ನು ಕೆಲವರು ಏರಿದ್ದಾರೆ, ಆದರೆ, ಕೈಲಾಸ ಪರ್ವತ ಏರಿ ಇಳಿದವನು ಒಬ್ಬನೇ, ಆತ ಏನೂ ಮಾತನಾಡಿಲ್ಲ ಎನ್ನುತ್ತಿದೆ ಇತಿಹಾಸ

ಹಿಂದೂ ಧರ್ಮದ ಶಿವಪುರಾಣ, ಸ್ಕಂದ ಪುರಾಣ, ಮತ್ಸ್ಯ ಪುರಾಣ ಹೀಗೆ ಅನೇಕ ಪುರಾಣ ಪಠ್ಯಗಳಲ್ಲಿ ಟಿಬೆಟ್‌ನಲ್ಲಿರುವ ಕೈಲಾಸ ಅಥವಾ ಕೈಲಾಸ ಪರ್ವತದ ಉಲ್ಲೇಖವಿದೆ. ಕೆಲವು ಪುರಾಣಗಳಲ್ಲಿರುವ ಕೈಲಾಸ ಖಂಡ ಎಂಬ ಅಧ್ಯಾಯದಲ್ಲಿ ಕೈಲಾಸ ಪರ್ವತದ ಮಹಿಮೆ ಮತ್ತು ಪವಾಡಗಳನ್ನು ವರ್ಣಿಸಲಾಗಿದೆ.

ಹಿಂದೂ ಶ್ರದ್ಧಾಗಳ ನಂಬಿಕೆಯು ಪ್ರಕಾರ ಲಯಕರ್ತನಾದ ಪರಶಿವನ ಆವಾಸ ಸ್ಥಾನದ ಕೈಲಾಸ. ಇಲ್ಲಿ ಶಿವ ದೇವರು ತನ್ನ ಕುಟುಂಬ ಮತ್ತು ಇತರ ದೇವ, ದೇವತೆಗಳೊಂದಿಗೆ ನೆಲೆಸಿದ್ದಾನೆ. ಕೈಲಾಸ ಮಾನಸ ಸರೋವರ ಯಾತ್ರೆ ಸಂದರ್ಭದಲ್ಲಿ ಯಾತ್ರಿಕರು ಇದೇ ಕೈಲಾಸ ಪರ್ವತಕ್ಕೆ ಪ್ರದಕ್ಷಿಣೆ ಬರುತ್ತಾರೆ. ಈ ಪರ್ವತವನ್ನು ಏರಲು ಮನುಷ್ಯ ಪ್ರಯತ್ನಿಸಿದ್ದನಾದರೂ, ಅದು ಫಲಕಂಡಿಲ್ಲ.

ಕೈಲಾಸ ಪರ್ವತ ಹಲವಾರು ರಹಸ್ಯಗಳ ನಿಧಿ

ಕೈಲಾಸ ಪರ್ವತವು ಅನೇಕ ರಹಸ್ಯಗಳನ್ನು (Mystery of Mount Kailash) ಹೊಂದಿದೆ. ಪುರಾಣಗಳ ಪ್ರಕಾರ, ಈ ಪರ್ವತದ ಬಳಿ ಪ್ರಾಚೀನ ಕುಬೇರ ನಗರವಿದೆ. ತನ್ನ ಜೀವಿತಾವಧಿಯಲ್ಲಿ ಒಳ್ಳೆಯ ಮತ್ತು ಸದ್ಗುಣಗಳನ್ನು ಮಾಡುವ ವ್ಯಕ್ತಿಯ ಸಾವಿನ ಬಳಿಕ ಆತ/ಆಕೆಯ ಆತ್ಮವು ಕೈಲಾಸ ಪರ್ವತದಲ್ಲಿ ನೆಲೆಯಾಗುವುದೆಂಬ ನಂಬಿಕೆ ಇದೆ. ಇಂತಹ ಕೈಲಾಸ ಪರ್ವತದ ಕುರಿತಾಗಿರುವ ನಂಬಿಕೆಯನ್ನು ಒಳಗೊಂಡ ಕೆಲವು ರಹಸ್ಯಗಳ ವಿವರ ಹೀಗಿದೆ.

ಹಿಂದೂ ನಂಬಿಕೆಗಳ ಪ್ರಕಾರ, ಶಿವನು ಇನ್ನೂ ತನ್ನ ಕುಟುಂಬದೊಂದಿಗೆ ಕೈಲಾಸ ಪರ್ವತದಲ್ಲಿ ನೆಲೆಸಿದ್ದಾನೆ. ಅವರ ಜೊತೆಗೆ ಅನೇಕ ದೇವತೆಗಳು, ದೇವತೆಗಳು ಮತ್ತು ಋಷಿಗಳು ಸಹ ಅಲ್ಲಿ ನೆಲೆಸಿದ್ದಾರೆ. ಇಲ್ಲಿಗೆ ಜನಸಾಮಾನ್ಯರು ಹೋಗುವಂತಿಲ್ಲ. ಕೈಲಾಸ ಪರ್ವತವನ್ನು ಹತ್ತಲು ವಿಶೇಷ ಸಾಧನೆಯ ಅಗತ್ಯವಿದೆ. ಯಾವ ಪಾಪವನ್ನೂ ಮಾಡದ ವ್ಯಕ್ತಿ ಮಾತ್ರ ಈ ಪರ್ವತವನ್ನು ಜೀವಂತವಾಗಿ ಏರಲು ಸಾಧ್ಯ. ಅನೇಕ ಪರ್ವತಾರೋಹಿಗಳು ಕೈಲಾಸ ಪರ್ವತವನ್ನು ಏರಲು ಪ್ರಯತ್ನಿಸಿದರು ಆದರೆ ಯಶಸ್ವಿಯಾಗಲಿಲ್ಲ.

1. ಭೂಮಿಯ ಕೇಂದ್ರ ಕೈಲಾಸ ಪರ್ವತ

ಭೂಮಿಯ ಒಂದು ಬದಿಯಲ್ಲಿ ಉತ್ತರ ಧ್ರುವ ಮತ್ತು ಇನ್ನೊಂದು ಬದಿಯಲ್ಲಿ ದಕ್ಷಿಣ ಧ್ರುವವಿದೆ. ಹಿಮಾಲಯವು ಇವೆರಡರ ನಡುವೆ ಇದೆ, ಇದರ ಕೇಂದ್ರ ಬಿಂದುವು ಕೈಲಾಸ ಪರ್ವತ. ವಿಜ್ಞಾನಿಗಳು ಕೈಲಾಸ ಪರ್ವತವನ್ನು ಭೂಮಿಯ ಕೇಂದ್ರವೆಂದು ಪರಿಗಣಿಸಿದ್ದಾರೆ. ಧಾರ್ಮಿಕ ದೃಷ್ಟಿಕೋನದಿಂದ, ಕೈಲಾಸ ಪರ್ವತವು ಪ್ರಪಂಚದ ನಾಲ್ಕು ಪ್ರಮುಖ ಧರ್ಮಗಳ (ಹಿಂದೂ, ಜೈನ, ಬೌದ್ಧ ಮತ್ತು ಸಿಖ್) ಶ್ರದ್ಧಾ ಕೇಂದ್ರವಾಗಿದೆ. ಜೈನ ಧರ್ಮದಲ್ಲಿ ಈ ಪ್ರದೇಶವನ್ನು ಅಷ್ಟಪದ ಎಂದು ಕರೆಯಲಾಗುತ್ತದೆ. ಇಲ್ಲಿಂದಲೇ ಮೊದಲ ತೀರ್ಥಂಕರನಾದ ಋಷಭದೇವನು ಮೋಕ್ಷವನ್ನು ಪಡೆದನು. ಅದೇ ಸಮಯದಲ್ಲಿ, ಬೌದ್ಧ ಧರ್ಮದ ಅನುಯಾಯಿಗಳು ಇದನ್ನು ಬುದ್ಧನ ವಾಸಸ್ಥಾನವೆಂದು ಪರಿಗಣಿಸುತ್ತಾರೆ. ಬುದ್ಧನ ಡೆಮ್‌ಚೌಕ್ ರೂಪವು ಕೈಲಾಸ ಪರ್ವತದಲ್ಲೇ ನಿರ್ವಾಣವನ್ನು ಪಡೆದುಕೊಂಡಿತು.

2. ಕೈಲಾಸ ಪರ್ವತ ಅಜೇಯ

ಕೈಲಾಸ ಪರ್ವತದ ಎತ್ತರ ಸುಮಾರು 6,600 ಮೀಟರ್. ಇದು ವಿಶ್ವದ ಅತಿ ಎತ್ತರದ ಪರ್ವತ. ಆದಾಗ್ಯೂ ಮೌಂಟ್ ಎವರೆಸ್ಟ್‌ ಎತ್ತರ (8,849 ಮೀಟರ್)ಕ್ಕೆ ಹೋಲಿಸಿದರೆ ಕಡಿಮೆ ಎತ್ತರದ್ದು. ಅನೇಕ ಜನರು ಮೌಂಟ್ ಎವರೆಸ್ಟ್ ಅನ್ನು ಏರಿದ್ದಾರೆ. ಆದರೆ ಎತ್ತರದಲ್ಲಿ ಕಡಿಮೆ ಇದ್ದರೂ, ಕೈಲಾಸ ಪರ್ವತದ ಶಿಖರವನ್ನು ಒಬ್ಬರು ಬಿಟ್ಟರೆ ಯಾರೂ ಏರಲು ಸಾಧ್ಯವಾಗಲಿಲ್ಲ ಮತ್ತು ಇಂದಿಗೂ ಅದನ್ನು ಜಯಿಸಲು ಸಾಧ್ಯವಾಗಿಲ್ಲ.

3. ಕೈಲಾಸ ಏರಿ ಇಳಿದವನು ಒಬ್ಬನೇ..

ಪರ್ವತದ ಶಿಖರವನ್ನು ಒಬ್ಬ ಏರಿ ಇಳಿದದ್ದು ಬಿಟ್ಟರೆ ಬೇರಾರೂ ಏರುವುದು ಸಾಧ್ಯವಾಗಲಿಲ್ಲ. ಈಗ ಕೈಲಾಸ ಪರ್ವತದ ಶಿಖರವನ್ನು ಹತ್ತುವುದನ್ನು ನಿಷೇಧಿಸಲಾಗಿದೆ. ಕೈಲಾಸ ಪರ್ವತದ ಧಾರ್ಮಿಕ ನಂಬಿಕೆಗಳನ್ನು ಪರಿಗಣಿಸಿ, ಚೀನಾ ಸರ್ಕಾರ ಅದನ್ನು ಹತ್ತುವುದನ್ನು ನಿಷೇಧಿಸಿದೆ. ಆದರೆ, 11 ನೇ ಶತಮಾನದ ಬೌದ್ಧ ಸನ್ಯಾಸಿ ಯೋಗಿ ಮಿಲರೆಪಾ ಅವರು ಕೈಲಾಸ ಪರ್ವತವನ್ನು ಏರಿದರು. ಈ ಪರ್ವತದ ಶಿಖರವನ್ನು ತಲುಪಿದ ನಂತರ ಹಿಂದಿರುಗಿದ ಮೊದಲ ವ್ಯಕ್ತಿ ಅವರೊಬ್ಬರೇ. ಆದರೆ, ಪರ್ವತದ ಶಿಖರವನ್ನು ಏರಿ ಹಿಂತಿರುಗಿದ ನಂತರ ಮಿಲರೆಪಾ ಏನನ್ನೂ ಹೇಳಲಿಲ್ಲ, ಆದ್ದರಿಂದ ಇದು ಇಂದಿಗೂ ನಿಗೂಢವಾಗಿದೆ ಎಂದು ಇತಿಹಾಸ ಹೇಳುತ್ತಿರುವುದಾಗಿ ವರದಿಗಳು ಉಲ್ಲೇಖಿಸಿವೆ.

4. ನದಿಗಳ ಉಗಮ ಸ್ಥಾನ ಕೈಲಾಸ

ಬ್ರಹ್ಮಪುತ್ರಾ, ಸಿಂಧೂ, ಸಟ್ಲೆಜ್, ಕರ್ನಾಲಿ ನದಿಗಳು ಈ ಕೈಲಾಸ ಪರ್ವತದ ನಾಲ್ಕು ದಿಕ್ಕುಗಳಲ್ಲಿ ಹುಟ್ಟಿ ಹರಿಯುತ್ತಿರುವ ನಾಲ್ಕು ನದಿಗಳು. ಗಂಗಾ, ಸರಸ್ವತಿ ಮತ್ತು ಇತರ ನದಿಗಳು ಈ ನದಿಗಳ ಉಪನದಿಗಳು. ಕೈಲಾಸದ ನಾಲ್ಕು ದಿಕ್ಕುಗಳಲ್ಲಿ ವಿವಿಧ ಪ್ರಾಣಿಗಳ ಬಾಯಿಗಳಿವೆ, ಇವುಗಳಿಂದ ನದಿಗಳು ಹುಟ್ಟಿವೆ ಎಂಬುದು ನಂಬಿಕೆ. ಇದರಂತೆ, ಪೂರ್ವದಲ್ಲಿ ಕುದುರೆಯ ಬಾಯಿ, ಪಶ್ಚಿಮದಲ್ಲಿ ಆನೆಯ ಬಾಯಿ, ಉತ್ತರದಲ್ಲಿ ಸಿಂಹದ ಬಾಯಿ ಮತ್ತು ದಕ್ಷಿಣದಲ್ಲಿ ನವಿಲಿನ ಬಾಯಿಯನ್ನು ಹೊಂದಿದೆ.

5. ಡಮರು ಮತ್ತು ಓಂಕಾರ ನಾದಗಳ ಪ್ರತಿಧ್ವನಿ

ಕೈಲಾಸ ಪರ್ವತ ಅಥವಾ ಮಾನಸ ಸರೋವರದ ಬಳಿ ಹೋದಾಗ, ಅಲ್ಲಿ ಡಮರು ಮತ್ತು ಓಂಕಾರ ನಾದಗಳ ಪ್ರತಿಧ್ವನಿ ಕೇಳುತ್ತಿರುತ್ತದೆ. ಬಹಳ ಏಕಾಗ್ರತೆಯೊಂದಿಗೆ ಆಲಿಸಿದರೆ ಇದನ್ನು ಕೇಳಬಹುದು ಎಂದು ಹಲವರು ಹೇಳಿದ್ದಾರೆ. ಆದಾಗ್ಯೂ, ಈ ಶಬ್ದವು ಮಂಜುಗಡ್ಡೆಯ ಕರಗುವಿಕೆಯಿಂದ ಕೂಡ ಉಂಟಾಗುತ್ತಿರಬಹುದು. ಅಥವಾ ಈ ಶಬ್ದವು ಪರ್ವತದ ಮೇಲೆ ಇರುವ ಹಿಮವನ್ನು ಹೊಡೆಯುವ ಗಾಳಿಯಿಂದ ಉತ್ಪತ್ತಿಯಾಗುತ್ತಿರಬಹುದು ಎಂದು ವಿಜ್ಞಾನಿಗಳು ಹೇಳುತ್ತಾರೆ.