Relationship: ದಾಂಪತ್ಯದ ಅನುಬಂಧದಲ್ಲಿ ಬಿರುಕು ಮೂಡಲು ಕಾರಣವಾಗುವ ಪ್ರಮುಖ ಅಂಶಗಳಿವು; ಇವುಗಳಿಂದ ದೂರವಿರಿ
Relationship: ಸಂಬಂಧವೆಂದರೆ ಬಂದು ಹೋಗುವ ಪಾತ್ರವಲ್ಲ. ಸಂಬಂಧದಲ್ಲಿ ಅನ್ಯೋನ್ಯತೆ ಸಾಧಿಸಿ, ದೀರ್ಘಕಾಲದವರೆಗೆ ಉಳಿಸಿಕೊಂಡು ಹೋಗುವುದು ಸವಾಲೇ ಸರಿ. ತೆರೆದ ಮನಸ್ಸಿನ ಸಂವಹನ, ಒಬ್ಬರಿಗೊಬ್ಬರು ಬೆಂಬಲ ಸೂಚಿಸುವುದು, ಕೆಲಸವನ್ನು ಹಂಚಿಕೊಳ್ಳುವುದು ಈ ಮೂಲಕ ಸಂಬಂಧದ ಅಡಿಪಾಯವನ್ನು ಗಟ್ಟಿಗೊಳಿಸಬಹುದು.
(1 / 8)
ಸಂಬಂಧಗಳು ಮಾನವ ಸಂವಹನದ ಮೂಲತತ್ವವಾಗಿವೆ. ಸಂವಹನದಿಂದ ಸಂಬಂಧಗಳಲ್ಲಿನ ಗೊಂದಲಗಳನ್ನು ಬಿಡಿಸಿಕೊಳ್ಳಬಹುದು. ಆದರೆ ಇತ್ತೀಚಿಗೆ ಸಂಬಂಧಗಳು ಕಾರಣವಿಲ್ಲದೆ ಅಂತ್ಯಗೊಳ್ಳುತ್ತಿವೆ. ಇತ್ತೀಚಿನ ಅಧ್ಯಯನಗಳ ಪ್ರಕಾರ ಶೇ40-50ರಷ್ಟು ವಿವಾಹಗಳು ವಿಚ್ಛೇದನದಲ್ಲಿ ಕೊನೆಗೊಳ್ಳುತ್ತಿವೆ. ಸಂಬಂಧಗಳು ನಮ್ಮ ಜೀವನ ಸಾಗುವ ದಿಕ್ಕನ್ನು ನಿರ್ಧರಿಸುತ್ತದೆ. ಕೆಲವೊಮ್ಮೆ ಸಂಗಾತಿಯ ಮೇಲಿನ ನಿರೀಕ್ಷೆಗಳು ಸೋತಾಗ ಸಂಬಂಧ ಹಾಳಾಗಬಹುದು. ಸಂಬಂಧ ಕೆಡಲು ಎಂಟು ಪ್ರಮುಖ ಕಾರಣಗಳು ಇಲ್ಲಿವೆ. (Unsplash)
(2 / 8)
ಸಂವಹನ ಸ್ಥಗಿತವಾಗುವುದು: ಸಂವಹನವು ಪ್ರತಿ ಸಂಬಂಧದ ತಳಹದಿ. ಸಂವಹನ ಸ್ಥಗಿತಗೊಂಡಾಗ ತಪ್ಪು ತಿಳುವಳಿಕೆ, ತಪ್ಪು ಅಭಿಪ್ರಾಯಗಳು ಮೂಡಲು ದಾರಿಯಾಗುತ್ತದೆ. ಇದರ ಪರಿಣಾಮವಾಗಿ ಜಗಳ ಉಂಟಾಗಿ, ಕೊನೆಯಲ್ಲಿ ಸಂಬಂಧದ ಕೊಂಡಿ ಕಳಚುತ್ತದೆ. (Unsplash)
(3 / 8)
ಹಣಕಾಸಿನ ಸಮಸ್ಯೆಗಳು: ಹಣ ಎಂಬುದು ಹಲವು ಕೆಟ್ಟದ್ದಕ್ಕೆ ದಾರಿ ಮಾಡಿಕೊಡುತ್ತದೆ. ದಂಪತಿಗಳು ದೂರಾಗಲು ಹಣಕಾಸಿನ ಸಮಸ್ಯೆಗಳು ಕೂಡ ಪ್ರಮುಖ ಕಾರಣವಾಗಿದೆ. (Unsplash)
(4 / 8)
ದಾಂಪತ್ಯ ದ್ರೋಹ: ಯಾವುದೇ ಸಂಬಂಧವಾಗಲಿ ಮೋಸವು ಸಂಬಂಧದಲ್ಲಿನ ನಂಬಿಕೆ ಹಾಗೂ ಅಡಿಪಾಯವನ್ನು ನಾಶಪಡಿಸುತ್ತದೆ. ಒಮ್ಮೆ ಮೋಸ ಮಾಡಿದ ವ್ಯಕ್ತಿಯನ್ನು ಪುನಃ ನಂಬುವುದು ಕಷ್ಟವಾಗುತ್ತದೆ, ಅಲ್ಲದೆ ಸಂಬಂಧವನ್ನು ಕಾಪಾಡಿಕೊಳ್ಳಲು ಕಷ್ಟವಾಗುತ್ತದೆ. (Unsplash)
(5 / 8)
ಆದ್ಯತೆಗಳಲ್ಲಿನ ವ್ಯತ್ಯಾಸಗಳು: ತಮ್ಮ ಗುರಿ ಹಾಗೂ ಆದ್ಯತೆಗಳನ್ನು ಹೊಂದಿಸಲು ವಿಫಲರಾದ ದಂಪತಿಗಳಲ್ಲಿ ಘರ್ಷಣೆ ಉಂಟಾಗಬಹುದು. ಇದರಿಂದ ಇಬ್ಬರ ನಡುವೆ ತಪ್ಪುಗ್ರಹಿಕೆಗಳು ಮೂಡಬಹುದು. ಸಂವಹನ ಕೊರತೆ, ಭಿನ್ನ ಜೀವನ ಮೌಲ್ಯವೂ ಇದಕ್ಕೆ ಕಾರಣವಿರಬಹುದು. (Unsplash)
(6 / 8)
ಅನ್ಯೋನ್ಯತೆಯ ಕೊರತೆ: ಅನ್ಯೋನ್ಯತೆಯು ಲೈಂಗಿಕ ಭಾವನೆಗಳನ್ನೂ ಮೀರಿದ್ದು. ಪರಸ್ಪರ ಕೈ ಹಿಡಿದುಕೊಳ್ಳುವುದು, ತಬ್ಬಿಕೊಳ್ಳುವುದು ಈ ರೀತಿ ಪ್ರೀತಿಯನ್ನು ವ್ಯಕ್ತ ಪಡಿಸುವ ಮೂಲಕ ಅನ್ಯೋನ್ಯವಾಗಿರಬಹುದು. ಸಂಬಂಧದಲ್ಲಿ ಅನ್ಯೋನ್ಯತೆಯನ್ನು ಅಳವಡಿಸಿಕೊಳ್ಳಲು ವಿಫಲವಾದಾಗ, ಅತೃಪ್ತಿಯ ಭಾವನೆಗಳಿಗೆ ಕಾರಣವಾಗಬಹುದು. ಇದು ಸಂಬಂಧ ಕೆಡಲು ಕಾರಣವಾಗಬಹುದು. (Unsplash)
(7 / 8)
ಬಗೆಹರಿಯದ ಸಂಘರ್ಷಗಳು: ಯಾವುದೇ ಸಂಬಂಧದಲ್ಲಿ ಸಂಘರ್ಷವನ್ನು ಪರಿಹರಿಸಿಕೊಳ್ಳುವ ಮನೋಭಾವವನ್ನು ಬೆಳೆಸಿಕೊಳ್ಳುವುದು ಬಹಳ ಮುಖ್ಯವಾಗುತ್ತದೆ. ಸಂಘರ್ಷಗಳು ಬಗೆಹರಿಯದೇ ಇದ್ದಾಗ ಅದು ಭಾವನಾತ್ಮಕ ಪರಿಣಾಮ ಬೀರಬಹುದು. ಅಸಮಾಧಾನ, ಸಂಬಂಧದ ಅವನತಿಗೂ ಇದು ಕಾರಣವಾಗಬಹುದು. (Unsplash)
ಇತರ ಗ್ಯಾಲರಿಗಳು