ಐಪಿಎಲ್‌ ಇತಿಹಾಸ

ಐಪಿಎಲ್‌ ಜನಪ್ರಿಯತೆ ಮತ್ತು ಕ್ರೇಜ್ ಎಷ್ಟಿದೆ ಎಂದರೆ ತಂಡಗಳು ತಮ್ಮ ತಂಡದ ಸಂಯೋಜನೆಯನ್ನು ಉತ್ತಮಗೊಳಿಸುವುದಕ್ಕೆ ಅನುಕೂಲವಾಗುವಂತೆ ಪ್ರತಿ ವರ್ಷ ಹರಾಜು ನಡೆಸಲಾಗುತ್ತದೆ. ಪ್ರತಿ ವರ್ಷ, ಆಟಗಾರರು ಮತ್ತು ಅವರ ಅಂತಾರಾಷ್ಟ್ರೀಯ ತಂಡಗಳಲ್ಲಿ ಅವರ ಭವಿಷ್ಯವನ್ನು ನಿರ್ಧರಿಸುವ ಮಟ್ಟಿಗೆ ಐಪಿಎಲ್ ಪ್ರಭಾವ ಹೊಂದಿದೆ. ಕಳೆದ 15 ವರ್ಷಗಳ ಅವಧಿಯ ಐಪಿಎಲ್ ಇತಿಹಾಸದಲ್ಲಿ ಮುಂಬೈ ಇಂಡಿಯನ್ಸ್ ದಾಖಲೆಯ ಐದು ಬಾರಿ ಪ್ರಶಸ್ತಿಯನ್ನು ಗೆದ್ದುಕೊಂಡು ಅತ್ಯಂತ ಯಶಸ್ವಿ ಫ್ರಾಂಚೈಸ್ ಆಗಿ ಹೊರಹೊಮ್ಮಿದೆ. ರೋಹಿತ್ ಶರ್ಮಾ ಅವರನ್ನು ಲೀಗ್‌ನಲ್ಲಿ ಅತ್ಯಂತ ಗಣ್ಯ ನಾಯಕನನ್ನಾಗಿಯೂ ಐಪಿಎಲ್‌ ಮಾಡಿದೆ. ನಂತರದ ಸ್ಥಾನದಲ್ಲಿ ಎಂಎಸ್‌ ಧೋನಿ ಇದ್ದು, ಅವರ ನಾಯಕತ್ವದ ಚೆನ್ನೈ ಸೂಪರ್‌ಕಿಂಗ್ಸ್‌ ನಾಲ್ಕು ಸಲ ಟ್ರೋಫಿ ಗೆದ್ದುಕೊಂಡಿದೆ. ಇನ್ನುಳಿದಂತೆ, ಕೋಲ್ಕತ ನೈಟ್‌ ರೈಡರ್ಸ್ ಎರಡು ಸಲ ಟ್ರೋಫಿ ಗೆದ್ದರೆ, ಸನ್‌ರೈಸರ್ಸ್ ಹೈದರಾಬಾದ್, ರಾಜಸ್ಥಾನ ರಾಯಲ್ಸ್ ಮತ್ತು ಗುಜರಾತ್ ಟೈಟಾನ್ಸ್ ಒಮ್ಮೆ ಟ್ರೋಫಿ ಎತ್ತಿಕೊಂಡಿವೆ. ಡೆಲ್ಲಿ ಕ್ಯಾಪಿಟಲ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಪಂಜಾಬ್ ಕಿಂಗ್ಸ್ ಒಮ್ಮೆಯೂ ಟ್ರೋಫಿ ಗೆಲುವಿನ ರುಚಿಯನ್ನು ಕಂಡಿಲ್ಲ.