ಇಂಡೋ-ಪಾಕ್ ಪಂದ್ಯದ ಟಿಕೆಟ್ ಬೆಲೆ ಕೇಳಿದರೆ ತಲೆ ತಿರುಗುವುದು ಗ್ಯಾರಂಟಿ; 1 ಟಿಕೆಟ್ ದರ ಲಕ್ಷ-ಕೋಟಿ ರೂಪಾಯಿಗಳಲ್ಲಿ!
Mar 04, 2024 05:07 PM IST
ಇಂಡೋ-ಪಾಕ್ ಪಂದ್ಯದ ಟಿಕೆಟ್ ಬೆಲೆ ಕೇಳಿದರೆ ತಲೆ ತಿರುಗುವುದು ಗ್ಯಾರಂಟಿ
- India vs Pakistan : ಭಾರತ ಮತ್ತು ಪಾಕಿಸ್ತಾನ ನಡುವಿನ ಐಸಿಸಿ ಟಿ20 ಕ್ರಿಕೆಟ್ ವಿಶ್ವಕಪ್ 2024 ಪಂದ್ಯದ ಟಿಕೆಟ್ ಬೆಲೆಗಳು ಲಕ್ಷ ಮತ್ತು ಕೋಟಿಗಳಿಗೆ ಏರಿದೆ. ಕನಿಷ್ಠ ಮತ್ತು ದುಬಾರಿ ಟಿಕೆಟ್ ಎಷ್ಟು? ಇಲ್ಲಿದೆ ವಿವರ.
ಐಸಿಸಿ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿ ಆರಂಭಕ್ಕೆ ಇನ್ನೂ ಮೂರು ತಿಂಗಳು ಬಾಕಿ ಇದೆ. ಮೆಗಾ ಈವೆಂಟ್ ಅಮೆರಿಕ ಮತ್ತು ವೆಸ್ಟ್ ಇಂಡೀಸ್ ಜಂಟಿ ಆತಿಥ್ಯದಲ್ಲಿ ನಡೆಯಲಿದೆ. ಪಂದ್ಯಗಳ ಟಿಕೆಟ್ಗಳ ಖರೀದಿಗೆ ಐಸಿಸಿ ಅವಕಾಶ ನೀಡಿದ್ದು, ಬಹುತೇಕ ಟಿಕೆಟ್ಗಳು ಮಾರಾಟವಾಗಿವೆ. ಅದರಲ್ಲೂ ವಿಶೇಷವಾಗಿ ಸಾಂಪ್ರಾದಾಯಿಕ ಎದುರಾಳಿ ತಂಡಗಳಾದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೈವೋಲ್ಟೇಜ್ ಪಂದ್ಯದ ಟಿಕೆಟ್ ಬೆಲೆ ಎಂತಹವರನ್ನೂ ತಲೆ ತಿರುಗುವಂತೆ ಮಾಡಿದೆ.
ಲಕ್ನೋ ವಿರುದ್ಧ ಅಮೋಘ ಗೆಲುವು ಸಾಧಿಸಿದ ಡೆಲ್ಲಿ ಕ್ಯಾಪಿಟಲ್ಸ್; ಉಭಯ ತಂಡಗಳ ಪ್ಲೇಆಪ್‌ ಕನಸು ಬಹುತೇಕ ಅಂತ್ಯ
ಕೆಎಲ್ ರಾಹುಲ್ ಹಿಡಿದ ಅದ್ಭುತ ಕ್ಯಾಚ್‌ಗೆ ಸಂಜೀವ್ ಗೋಯೆಂಕಾ ಶ್ಲಾಘನೆ; ಎದ್ದು ನಿಂತು ಚಪ್ಪಾಳೆ ತಟ್ಟಿದ ಎಲ್ಎಸ್ಜಿ ಮಾಲೀಕ
ವಿಶೇಷ ಔತಣಕೂಟದಲ್ಲಿ ಕೆಎಲ್ ರಾಹುಲ್ ತಬ್ಬಿಕೊಂಡ ಎಲ್ಎಸ್ಜಿ ಮಾಲೀಕ ಸಂಜೀವ್ ಗೋಯೆಂಕಾ; ಫೋಟೋ ವೈರಲ್
ಚೆನ್ನೈ ಪಾಲಿಗೆ ಎಂಎಸ್ ಧೋನಿ ದೇವರು; ಅಭಿಮಾನಿಗಳು ಅವರ ದೇವಾಲಯ ನಿರ್ಮಿಸಲಿದ್ದಾರೆ ಎಂದ ಅಂಬಟಿ ರಾಯುಡು
ಮಾರ್ಚ್ 22ರಿಂದ ಭಾರತದಲ್ಲಿ 17ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಪ್ರಾರಂಭವಾಗಲಿದೆ. ಈ ಶ್ರೀಮಂತ ಟೂರ್ನಿ ಮುಗಿದ ಕೆಲವೇ ದಿನಗಳಲ್ಲಿ ಐಸಿಸಿ ವಿಶ್ವಕಪ್ ಹಬ್ಬ ಆರಂಭವಾಗಲಿದೆ. ಜೂನ್ 1ರಿಂದ ಮೆಗಾ ಟೂರ್ನಿಗೆ ಚಾಲನೆ ಸಿಗಲಿದ್ದು, ಜೂನ್ 9ರಂದು ಇಂಡೋ-ಪಾಕ್ ಫೈಟ್ ನಡೆಯಲಿದೆ. ಆದರೆ ಇನ್ನೂ ಎಲ್ಲೋ ಇರುವ ಪಂದ್ಯಕ್ಕೆ ನಿರೀಕ್ಷೆ ಹೆಚ್ಚಾಗಿದ್ದು, ಉಭಯ ದೇಶಗಳ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಅದರಲ್ಲೂ ಮೈದಾನದಲ್ಲೇ ಪಂದ್ಯ ಕಣ್ತುಂಬಿಕೊಳ್ಳಲು ತುದಿಗಾಲಲ್ಲಿ ನಿಂತಿದ್ದಾರೆ.
ಟಿ20 ವಿಶ್ವಕಪ್ ಪಂದ್ಯಗಳು ಜನಸಾಮಾನ್ಯರ ಕೈಗೆಟಕುವಂತಿದೆ. ಇಂಡೋ-ಪಾಕ್ ಪಂದ್ಯಗಳ ಟಿಕೆಟ್ ಮಾರಾಟ ಹೊರತುಪಡಿಸಿ ಉಳಿದ ಪಂದ್ಯಗಳ ಟಿಕೆಟ್ ಬೆಲೆ ಭಾರಿ ಕಡಿಮೆ ಇದೆ. ಅಂದರೆ ಕಡಿಮೆ ಬೆಲೆಯ ಟಿಕೆಟ್ 6 ಡಾಲರ್ ಅಂದರೆ ಭಾರತದ ಕರೆನ್ಸಿಯಲ್ಲಿ ಸುಮಾರು 500 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಇನ್ನು ವಿಐಪಿ ಮತ್ತು ಪ್ರೀಮಿಯಂ ಟಿಕೆಟ್ಗಳು ಅತ್ಯಂತ ದುಬಾರಿಯಾಗಿವೆ. ಅತ್ಯಂತ ದುಬಾರಿ ಟಿಕೆಟ್ ತೆರಿಗೆ ಇಲ್ಲದೆ 2 ಸಾವಿರಕ್ಕೂ ಹೆಚ್ಚಿದೆ. ಈ ಟಿಕೆಟ್ ಬೆಲೆ ಕೇಳಿ ಅಭಿಮಾನಿಗಳು ನಿಟ್ಟುಸಿರು ಬಿಟ್ಟಿದ್ದರು. ಆದರೆ, ಭಾರತ-ಪಾಕಿಸ್ತಾನ ಪಂದ್ಯದ ಟಿಕೆಟ್ ಬೆಲೆ ಕೇಳಿ ಶಾಕ್ ಆಗಿದ್ದಾರೆ.
ಇಂಡೋ-ಪಾಕ್ ಪಂದ್ಯಕ್ಕೆ ಟಿಕೆಟ್ ಬೆಲೆಯನ್ನು ಐಸಿಸಿ ಹೆಚ್ಚಿಸಿದೆ. ಕನಿಷ್ಠ ಟಿಕೆಟ್ ಬೆಲೆ 14,450 ಮತ್ತು ಗರಿಷ್ಠ ಟಿಕೆಟ್ ಬೆಲೆ 33 ಸಾವಿರ ರೂಪಾಯಿಗೆ ನಿಗದಿಪಡಿಸಿತ್ತು. ಆದರೆ ಇದೇ ದುಬಾರಿ ಆಗುತ್ತಿದೆ ಎನ್ನುತ್ತಿದ್ದ ಕ್ರಿಕೆಟ್ ಪ್ರೇಮಿಗಳಿಗೆ ಈ ಪಂದ್ಯಗಳ ಮರುಮಾರಾಟದ ಟಿಕೆಟ್ ಬೆಲೆ ನಿದ್ದೆಗೆಡಿಸಿದೆ. ಸ್ಟಬ್ಹಬ್ ಮತ್ತು ಸೀಟ್ಗೀಕ್ನಂತಹ ಮರುಮಾರಾಟದ ವೇದಿಕೆಗಳಲ್ಲಿ ಫ್ಯಾನ್ಸ್ಗೆ ತಲೆ ತಿರುಗುವ ಬೆಲೆಗೆ ಮಾರಾಟ ಮಾಡಲಾಗುತ್ತದೆ. ಈ ಟಿಕೆಟ್ಗಳನ್ನು ಅವುಗಳ ಆರಂಭಿಕ ಬೆಲೆಗಿಂತ ಹಲವು ಪಟ್ಟುಗಳ ದೊಡ್ಡ ಮೊತ್ತಕ್ಕೆ ಖರೀದಿಸಬೇಕು.
ಅತ್ಯಂತ ದುಬಾರಿ ಟಿಕೆಟ್ 1.86 ಕೋಟಿ
ಒಂದು ಟಿಕೆಟ್ನ ಅಧಿಕೃತ ಬೆಲೆ 400 ಡಾಲರ್ ಆಗಿದ್ದರೆ, ಮರುಮಾರಾಟ ವೆಬ್‌ಸೈಟ್‌ಗಳಲ್ಲಿ ಇದರ ಬೆಲೆ 40 ಸಾವಿರ ಡಾಲರ್ ಅಂದರೆ 33 ಲಕ್ಷ ರೂಪಾಯಿಗೂ ಅಧಿಕ. ಪ್ಲಾಟ್‌ಫಾರ್ಮ್ ಮತ್ತು ಇತರೆ ಶುಲ್ಕವನ್ನು ಸೇರಿಸಿದರೆ, ಒಂದು ಟಿಕೆಟ್ನ ಒಟ್ಟು ಮೊತ್ತ 41 ಲಕ್ಷ ರೂಪಾಯಿಗೂ ಅಧಿಕ. ಇನ್ನು ಅತ್ಯಂತ ದುಬಾರಿ ಟಿಕೆಟ್ ಬೆಲೆ 1,75,000 ಡಾಲರ್ ಆಗಿದೆ. ಅಂದರೆ 1.4 ಕೋಟಿ ರೂಪಾಯಿ. ಈ ಟಿಕೆಟ್ಗೆ ಇತರೆ ಶುಲ್ಕಗಳನ್ನು ಸೇರಿಸಿದರೆ ಒಂದು ಟಿಕೆಟ್ ಬೆಲೆ 1.86 ಕೋಟಿ ರೂಪಾಯಿಗೂ ಹೆಚ್ಚು ಆಗಲಿದೆ ಎಂದು ಯುಎಸ್ಎ ಟುಡೆ ವರದಿ ಮಾಡಿದೆ.
ಟಿಕೆಟ್ ಬೆಲೆ ಕೇಳಿದವರು ಪಂದ್ಯವನ್ನು ಮನೆಯಲ್ಲೇ ಅಥವಾ ಮೊಬೈಲ್ನಲ್ಲೇ ನೋಡುತ್ತೇವೆ ಎನ್ನುತ್ತಿದ್ದಾರೆ. ಇನ್ನೂ ಕೆಲವರು ಇಷ್ಟೊಂದು ಹಣ ಸಿಕ್ಕರೆ, ನಮ್ಮ ಲೈಫ್ ಸೆಟಲ್ ಎಂದು ಹೇಳುತ್ತಿದ್ದಾರೆ. ಆದರೆ ಕೆಲವರು ಇದಕ್ಕಿಂತ ಹೆಚ್ಚು ದುಬಾರಿಯಾದರೂ ಸರಿ ಅಷ್ಟು ದುಡ್ಡನ್ನು ಟಿಕೆಟ್ ಖರೀದಿಸಿ ಇಂಡೋ-ಪಾಕ್ ಪಂದ್ಯವನ್ನು ನೋಡುತ್ತೇವೆ ಎಂದು ಹೇಳುವವರೂ ಇದ್ದಾರೆ. ಹಾಗಾಗಿ ಸಾಂಪ್ರದಾಯಿಕ ಎದುರಾಳಿಗಳ ನಡುವಿನ ಕಾಳಗಕ್ಕೆ ನಿರೀಕ್ಷೆ ಮತ್ತಷ್ಟು ಏರುವಂತೆ ಮಾಡಿದೆ.