Chaitra Navratri 2023: ಯುಗಾದಿಯೊಂದಿಗೆ ಚೈತ್ರ ನವರಾತ್ರಿ ಶುರು; 110 ವರ್ಷಗಳಲ್ಲಿ ಇದೇ ಮೊದಲ ಸಲ ಬುಧ ರಾಜ, ಶುಕ್ರ ಮಂತ್ರಿ- ಹಲವು ಯೋಗಗಳು
Chaitra Navratri 2023: ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 110 ವರ್ಷಗಳ ಬಳಿಕ ಚೈತ್ರ ನವರಾತ್ರಿ ಸಂದರ್ಭದಲ್ಲಿ ಬುಧ ಗ್ರಹವು ರಾಜನ ಸ್ಥಾನದಲ್ಲಿ, ಶುಕ್ರ ಗ್ರಹವು ಮಂತ್ರಿಯ ಸ್ಥಾನದಲ್ಲಿ ವಿರಾಜಮಾನವಾಗುತ್ತಿವೆ. ದ್ವಾದಶ ರಾಶಿಗಳ ಮೇಲೆ ಈ ವಿದ್ಯಮಾನದ ಪ್ರಭಾವ ಪರಿಣಾಮಕಾರಿಯಾದುದು.
ಯುಗಾದಿಯೊಂದಿಗೆ ಆರಂಭವಾಗಿರುವ ಚೈತ್ರ ನವರಾತ್ರಿ ಹಲವು ವಿರಳ ವಿದ್ಯಮಾನಗಳೊಂದಿಗೆ ಗಮನಸೆಳೆಯುತ್ತಿದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 110 ವರ್ಷಗಳ ಬಳಿಕ ಚೈತ್ರ ನವರಾತ್ರಿ ಸಂದರ್ಭದಲ್ಲಿ ಬುಧ ಗ್ರಹವು ರಾಜನ ಸ್ಥಾನದಲ್ಲಿ, ಶುಕ್ರ ಗ್ರಹವು ಮಂತ್ರಿಯ ಸ್ಥಾನದಲ್ಲಿ ವಿರಾಜಮಾನವಾಗುತ್ತಿವೆ.
ಉತ್ತರ ಮತ್ತು ಮಧ್ಯಬಾರತದ ಹಿಂದುಗಳ ನಂಬಿಕೆ ಪ್ರಕಾರ, ಈ ವರ್ಷ ನವರಾತ್ರಿಯಲ್ಲಿ ಮಾತೆ ದೋಣಿಯಲ್ಲಿ ಆಗಮಿಸಿ ಡೋಲಿಯಲ್ಲಿ ಹೊರಡುತ್ತಾರೆ. ಪಂಚಾಂಗದ ಪ್ರಕಾರ, ಈ ವರ್ಷ ಚೈತ್ರ ನವರಾತ್ರಿ ಸುಮಾರು 110 ವರ್ಷಗಳ ನಂತರ ಬಹಳ ಅಪರೂಪದ ವಿದ್ಯಮಾನಗಳು ಗ್ರಹಗತಿಗಳ ಮಟ್ಟದಲ್ಲಿ ನಡೆಯುತ್ತವೆ.
ಈ ವರ್ಷ ನವರಾತ್ರಿಯಿಂದಲೇ ಹೊಸ ವರ್ಷ ಆರಂಭವಾಗಿದೆ. ಹಿಂದುಗಳ ಹೊಸ ವರ್ಷ ಶನಿ ಆಧಿಪತ್ಯದ ನಕ್ಷತ್ರದೊಂದಿಗೆ ಶುರುವಾಗುತ್ತಿದೆ.ಈ ಬಾರಿಯ ಹಿಂದು ಹೊಸ ವರ್ಷ ಅಥವಾ ಸಂವತ್ಸರವು ಶನಿ ದೇವರ ಒಡೆತನದ ಉತ್ತರ ಭಾದ್ರಪದ ನಕ್ಷತ್ರದೊಂದಿಗೆ ಪ್ರಾರಂಭವಾಗುತ್ತಿದೆ. ಶನಿದೇವನ ಕೃಪೆಯಿಂದ ಈ ನಕ್ಷತ್ರದಲ್ಲಿ ಉತ್ತಮ ಹಣದ ಹರಿವು ಇರಲಿದೆ. ವಿವರ ಓದಿಗೆ ಇಲ್ಲಿ ಕ್ಲಿಕ್‌ ಮಾಡಿ
ಒಂಬತ್ತು ದಿನಗಳ ಕಾಲ ನಡೆಯುವ ಈ ಉತ್ಸವದಲ್ಲಿ ಭಕ್ತರು ದುರ್ಗಾ ದೇವಿಯನ್ನು ನಿಜವಾದ ಹೃದಯ ಮತ್ತು ಭಕ್ತಿಯಿಂದ ಪೂಜಿಸುತ್ತಾರೆ. ಈ ನವರಾತ್ರಿಯಲ್ಲಿ ನಾಲ್ಕು ವಿಶೇಷ ಯೋಗಗಳು ನಡೆಯುತ್ತಿವೆ.
ಹಿಂದು ಪಂಚಾಂಗದ ಪ್ರಕಾರ, ನವರಾತ್ರಿಗಳು ಮಾರ್ಚ್ 22 ರಂದು ಪ್ರಾರಂಭವಾಗುತ್ತವೆ. ಈ ಬಾರಿ ನವರಾತ್ರಿಯ ಜತೆಗೆ ಹೊಸ ವರ್ಷವನ್ನು ಆಚರಿಸಲಾಗುತ್ತಿದೆ. ಶಾಸ್ತ್ರಗಳ ಪ್ರಕಾರ, ಬ್ರಹ್ಮ ದೇವರು ಈ ದಿನ ಭೂಮಿಯನ್ನು ಸೃಷ್ಟಿಸಿದನು. ಇದರಿಂದಾಗಿ ಈ ದಿನ ಇನ್ನಷ್ಟು ವಿಶೇಷವಾಗುತ್ತದೆ.
ಈ ದಿನ ಬುಧನು ರಾಜನಾಗುತ್ತಾನೆ ಮತ್ತು ಶುಕ್ರನು ಮಂತ್ರಿಯಾಗುತ್ತಾನೆ. ಇದರಿಂದಾಗಿ ಶಿಕ್ಷಣ ಕ್ಷೇತ್ರದಲ್ಲಿ ಕೆಲವು ದೊಡ್ಡ ಬದಲಾವಣೆಗಳು ಮತ್ತು ಮಹಿಳೆಯರು ಈ ವರ್ಷ ತಮ್ಮ ಕೆಲಸದಲ್ಲಿ ವಿಶೇಷ ಯಶಸ್ಸನ್ನು ಪಡೆಯುತ್ತಾರೆ.
ಚೈತ್ರ ನವರಾತ್ರಿಯ ಹಬ್ಬವು ದುರ್ಗೆಯ ಒಂಬತ್ತು ಅವತಾರಗಳನ್ನು ಪೂಜಿಸಲು ಮೀಸಲಾಗಿರುವಂತಹ ಹಬ್ಬವಾಗಿದೆ. ಈ ಹಬ್ಬದ ಪ್ರತಿ ದಿನವೂ ವಿಭಿನ್ನ ಮಹತ್ವವನ್ನು ಹೊಂದಿದೆ. ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡ, ಸ್ಕಂದ ಮಾತಾ, ಕಾತ್ಯಾಯನಿ, ಕಾಳರಾತ್ರಿ, ಮಹಾಗೌರಿ ಮತ್ತು ಸಿದ್ಧಿದಾತ್ರಿ ಸೇರಿ ದೇವಿ ದುರ್ಗೆಯ ಒಂಬತ್ತು ಅವತಾರಗಳಿಗೆ ಒಂದೊಂದು ದಿನವನ್ನು ಸಮರ್ಪಿಸಲಾಗಿದೆ. ವಸಂತ ನವರಾತ್ರಿ ಎಂದೂ ಕರೆಯಲ್ಪಡುವ ಚೈತ್ರ ನವರಾತ್ರಿಯನ್ನು ಮಾರ್ಚ್ 22 ರಿಂದ ಮಾರ್ಚ್ 30 ರವರೆಗೆ ಆಚರಿಸಲಾಗುತ್ತದೆ. ವಿವರ ಓದಿಗೆ ಇಲ್ಲಿ ಕ್ಲಿಕ್‌ ಮಾಡಿ
ನವರಾತ್ರಿ ಅವಧಿಯಲ್ಲಿ ನಾಲ್ಕು ಮಹತ್ವದ ಯೋಗಗಳು
ಈ ವರ್ಷ ನವರಾತ್ರಿ ಮೂರು ದಿನಗಳು, 23, 27 ಮತ್ತು 30 ರಂದು ಸರ್ವಾರ್ಥಸಿದ್ಧಿ ಯೋಗ, ಮಾರ್ಚ್ 24, 26 ಮತ್ತು 29 ರಂದು ರವಿಯೋಗ, ಮಾರ್ಚ್ 22 ರಂದು ಬ್ರಹ್ಮಯೋಗ ಮತ್ತು ಸಾ. ಅಮೃತ ಸಿದ್ಧಿ ಯೋಗ 27 ಹೆಚ್ಚು ಮಾರ್ಚ್ 30 ರಂದು ನಡೆಯಲಿವೆ.
ಇದರ ನಡುವೆ, ಭಗವಾನ್ ಶ್ರೀ ರಾಮನ ಜನ್ಮದಿನವಾದ ರಾಮ ನವಮಿಯು ನವರಾತ್ರಿ ಉತ್ಸವಗಳ ಒಂಬತ್ತನೇ ದಿನದಂದು ಬರುತ್ತದೆ. ಚೈತ್ರ ನವರಾತ್ರಿಯ ಎಲ್ಲ ಒಂಬತ್ತು ದಿನಗಳು ಮಾ ದುರ್ಗಾ ಅಥವಾ ಶಕ್ತಿ ದೇವತೆಯ ಒಂಬತ್ತು ಅವತಾರಗಳ ಪೂಜೆಗೆ ಮೀಸಲಾಗಿವೆ - ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡಾ, ಸ್ಕಂದಮಾತಾ, ಕಾತ್ಯಾಯನಿ, ಕಾಳರಾತ್ರಿ, ಮಹಾಗೌರಿ ಮತ್ತು ಸಿದ್ಧಿದಾತ್ರಿ ಆ ಒಂಬತ್ತು ದೇವಿ ಅವತಾರಗಳು. ಇದಲ್ಲದೆ, ಒಂಬತ್ತು ದಿನಗಳಿಗೆ ಒಂಬತ್ತು ಬಣ್ಣಗಳನ್ನು ಕೂಡ ಜೋಡಿಸಲಾಗಿದೆ. ಈ ಬಣ್ಣಗಳಿಗೆ ಅವುಗಳದ್ದೇ ಆದ ಮಹತ್ವವೂ ಇದೆ. ಅವುಗಳ ವಿವರಕ್ಕೆ ಇಲ್ಲಿ ಕ್ಲಿಕ್‌ ಮಾಡಿ.