Arun Dhumal: ಜಗತ್ತಿನಲ್ಲಿ ಎಷ್ಟೇ ಟಿ20 ಕ್ರಿಕೆಟ್ ಲೀಗ್ಗಳಿದ್ದರೂ, ನಮಗೆ ನಾವೇ ಪೈಪೋಟಿ; ಐಪಿಎಲ್ ಅಧ್ಯಕ್ಷ ಅರುಣ್ ಧುಮಾಲ್ ಅಭಿಮತ
ಐಪಿಎಲ್-16 ಅದ್ಭುತ ಯಶಸ್ಸು ಕಂಡಿದೆ. ಈ ವರ್ಷದ ಪಂದ್ಯಗಳು ಅತ್ಯಂತ ರೋಚಕ ರೀತಿಯಲ್ಲಿ ಕೊನೆಗೊಂಡಿವೆ. ಹೆಚ್ಚಿನ ಪಂದ್ಯಗಳು ಕೊನೆಯ ಓವರ್ ಥ್ರಿಲ್ಲರ್ನಲ್ಲಿ ಗೆದ್ದು ಬೀಗಿವೆ. ಅಭಿಮಾನಿಗಳಿಂದ ನಾವು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ಐಪಿಎಲ್ ಅಧ್ಯಕ್ಷ ಅರುಣ್ ಧುಮಾಲ್ ಹೇಳಿದ್ದಾರೆ.
ಎರಡು ತಿಂಗಳ ಕಾಲ ಭಾರತ ಹಾಗೂ ವಿದೇಶದ ಕ್ರಿಕೆಟ್ ಅಭಿಮಾನಿಗಳನ್ನು ರಂಜಿಸಿದ 16ನೇ ಆವೃತ್ತಿಯ ಐಪಿಎಲ್ಗೆ (IPL 2023) ಅದ್ಧೂರಿ ತೆರೆ ಬಿದ್ದಿದೆ. ಮೇ 29, ಮೀಸಲು ದಿನದಂದು ನಡೆದ ಫೈನಲ್ ಪಂದ್ಯದೊಂದಿಗೆ ರಂಗು ರಂಗಿನ ಟೂರ್ನಿ ಮುಕ್ತಾಯವಾಯಿತು. ಸೀಸನ್ ಆರಂಭದಿಂದ ಹಿಡಿದು ಕೊನೆಯವರೆಗೂ ಅತ್ಯಂತ ರೋಚಕವಾಗಿ ಸಾಗಿದ್ದಲ್ಲದೆ, ಅಭಿಮಾನಿಗಳನ್ನು ರೋಮಾಂಚನಗೊಳಿಸುವಲ್ಲಿ ಯಶಸ್ವಿಯಾಗಿದೆ.
ವಿಶ್ವ ದರ್ಜೆಯ ಆಟಗಾರರಿದ್ದ ಐಪಿಎಲ್, ಟಿವಿ, ಮೊಬೈಲ್ಗಳಲ್ಲಿ ದಾಖಲೆಯ ವೀಕ್ಷಣೆ ಪಡೆದಿದೆ. ಐಪಿಎಲ್ಗೆ ಪೈಪೋಟಿ ನೀಡಲು ಸಾಕಷ್ಟು ಲೀಗ್ಗಳು ಈಗಾಗಲೇ ಹುಟ್ಟಿಕೊಂಡಿವೆ. ದಕ್ಷಿಣ ಆಫ್ರಿಕಾದ ಟಿ20, ಬಿಗ್ಬ್ಯಾಷ್ ಲೀಗ್, ಬಿಪಿಎಲ್, ಪಾಕಿಸ್ತಾನ್ ಸೂಪರ್ ಲೀಗ್, ಶ್ರೀಲಂಕಾ ಪ್ರೀಮಿಯರ್ ಲೀಗ್, ಕೆರಿಬಿಯನ್ ಪ್ರೀಮಿಯರ್ ಲೀಗ್, ಇಂಗ್ಲೆಂಡ್ನ ಹಂಡ್ರೆಡ್ ಲೀಗ್.. ಹೀಗೆ ಹಲವು ಟಿ20 ಫ್ರಾಂಚೈಸಿಗಳು ಜನ್ಮ ಪಡೆದಿವೆ. ಯಶಸ್ವಿಯಾಗಿಯೂ ಸಾಗುತ್ತಿವೆ. ಈಗ ಅಮೆರಿಕಾದಲ್ಲಿ ಮೇಜರ್ ಲೀಗ್ ಕ್ರಿಕೆಟ್ (MLC) ಜುಲೈನಿಂದ ಅಮೆರಿಕದಲ್ಲಿ ಪ್ರಾರಂಭವಾಗಲಿದೆ.
ಖಡಕ್ ಉತ್ತರ ಕೊಟ್ಟ ಐಪಿಎಲ್ ಅಧ್ಯಕ್ಷ
ಆದರೆ ಐಪಿಎಲ್ ಜೊತೆ ಸ್ಪರ್ಧಿಸುವ ಮಟ್ಟಕ್ಕೆ ಯಾವ ಟಿ20 ಲೀಗ್ ಕೂಡ ಬೆಳೆದಿಲ್ಲ ಎಂಬುದು ವಿಶೇಷ. ಇದೇ ವಿಚಾರವಾಗಿ ಐಪಿಎಲ್ ಅಧ್ಯಕ್ಷ ಅರುಣ್ ಸಿಂಗ್ ಧುಮಾಲ್ (IPL chairman Arun Singh Dhumal) ಪ್ರತಿಕ್ರಿಯಿಸಿದ್ದಾರೆ. ಈ ಫ್ರಾಂಚೈಸಿ ಲೀಗ್ಗಳಿಂದ ಐಪಿಎಲ್ ಕ್ರೇಜ್ಗೆ ಏನಾದರೂ ಅಪಾಯ ಎದುರಾಗಲಿದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ತಳ್ಳಿ ಹಾಕಿದ್ದಾರೆ. ನಿಜ ಹೇಳಬೇಕೆಂದರೆ ಐಪಿಎಲ್ಗೆ ಪೈಪೋಟಿ ನೀಡುವ ಲೀಗ್ಗಳೇ ಇಲ್ಲ. ನಮಗೆ ಯಾರೂ ಸ್ಫರ್ಧೆ ಬರುವುದಿಲ್ಲ ಎಂದು ಖಡಕ್ ಉತ್ತರ ನೀಡಿದ್ದಾರೆ.
ನಮಗೆ ನಾವೇ ಪೈಪೋಟಿ
ರಾಯಿಟರ್ಸ್ ಸುದ್ದಿ ಸಂಸ್ಥೆ ಮಾತನಾಡಿರುವ ಅರುಣ್ ಧುಮಾಲ್, ನೂತನವಾಗಿ ಕ್ರಿಕೆಟ್ ಲೋಕಕ್ಕೆ ಪ್ರವೇಶ ಮಾಡುತ್ತಿರುವ ಮತ್ತು ಈಗಾಗಲೇ ಇರುವ ಲೀಗ್ಗಳಿಂದಲೂ ಐಪಿಎಲ್ಗೆ ಯಾವುದೇ ಸಮಸ್ಯೆ ಇಲ್ಲ. ನಾವು ಅವುಗಳನ್ನು ಸ್ಪರ್ಧಿಗಳಂತೆ ನೋಡುತ್ತಿಲ್ಲ. ನೋಡುವುದೂ ಇಲ್ಲ. ನೂತನವಾಗಿ ಆರಂಭಿಸುವ ಕ್ರಿಕೆಟ್ ಲೀಗ್ಗಳಿಗೆ ಬಿಸಿಸಿಐ ಪರವಾಗಿ ನಾವು ಅಭಿನಂದನೆ ಸಲ್ಲಿಸುತ್ತೇವೆ. ಅವು ಯಾವು ನಮ್ಮ ಹತ್ತಿರಕ್ಕೂ ಬರುವುದಿಲ್ಲ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ನೂತನವಾಗಿ ಆರಂಭವಾಗುವ ಫ್ರಾಂಚೈಸಿ ಲೀಗ್ಗಳಿಂದ ಐಪಿಎಲ್ಗೆ ನಷ್ಟವಾಗುವುದಿಲ್ಲ ಎಂದು ಹೇಳಿರುವ ಅರುಣ್ ಧುಮಾಲ್, 16ನೇ ಆವೃತ್ತಿಯ ಐಪಿಎಲ್ ನಿರೀಕ್ಷೆಗಿಂತ ಹೆಚ್ಚು ಯಶಸ್ವಿಯಾಗಿದೆ. ಬಹುತೇಕ ಪಂದ್ಯಗಳು ಕೊನೆಯ ಓವರ್, ಕೊನೆಯ ಎಸೆತದಲ್ಲಿ ಥ್ರಿಲ್ಲಿಂಗ್ ಗೆಲುವು ಸಾಧಿಸಿದ್ದು, ಸಾಕಷ್ಟು ಅಭಿಮಾನಿಗಳನ್ನು ಸೆಳೆಯಲು ಕಾರಣವಾಯಿತು ಎಂದು ಹೇಳಿದ್ದಾರೆ.
ಐಪಿಎಲ್-16 ಅದ್ಭುತ ಯಶಸ್ಸು ಕಂಡಿದೆ. ಈ ವರ್ಷದ ಪಂದ್ಯಗಳು ಅತ್ಯಂತ ರೋಚಕ ರೀತಿಯಲ್ಲಿ ಕೊನೆಗೊಂಡಿವೆ. ಹೆಚ್ಚಿನ ಪಂದ್ಯಗಳು ಕೊನೆಯ ಓವರ್ ಥ್ರಿಲ್ಲರ್ನಲ್ಲಿ ಗೆದ್ದು ಬೀಗಿವೆ. ಅಭಿಮಾನಿಗಳಿಂದ ನಾವು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ನಮ್ಮ ಪ್ರಸಾರಕರಿಗೂ ಅನಿರೀಕ್ಷಿತ ವೀಕ್ಷಕರು ಸಿಕ್ಕಿದ್ದಾರೆ. ಅವರೂ (ಸ್ಟಾರ್, ಜಿಯೋ) ತುಂಬಾ ಖುಷಿಯಾಗಿದ್ದಾರೆ ಎಂದರು.
ಸ್ವೀಡನ್ ದೇಶವು ಸೆಕ್ಸ್ ಅನ್ನೂ ಕ್ರೀಡೆಯಾಗಿ ಪರಿಗಣನೆ ಮಾಡಿದ ಮೊದಲ ದೇಶ ಎನಿಸಿದೆ. ಮೊಟ್ಟ ಮೊದಲ ಋತುವಿನ ಟೂರ್ನಿ ಆಯೋಜನೆಗೆ ದಿನಾಂಕವನ್ನೂ ಪ್ರಕಟಿಸಿದೆ. ಜೂನ್ 8ರಿಂದ ಕೆಲವು ವಾರಗಳ ಕಾಲ ಯೂರೋಪಿಯನ್ ಸೆಕ್ಸ್ ಚಾಂಪಿಯನ್ ಶಿಪ್ ಟೂರ್ನಿ (European Sex Championship in Sweden) ನಡೆಯಲಿದೆ. ಈ ಚಾಂಪಿಯನ್ಶಿಪ್ ಗೊಥೆನ್ಬರ್ಗ್ನಲ್ಲಿ ಜರುಗಲಿದ್ದು, ಸ್ವೀಡಿಷ್ ಸೆಕ್ಸ್ ಫೆಡರೇಷನ್ (Swedish Sex Federation) ಈ ಟೂರ್ನಿ ಆಯೋಜಿಸುವ ಜವಾಬ್ದಾರಿ ಹೊತ್ತಕೊಂಡಿದೆ. ಈ ಕುರಿತ ಸಂಪೂರ್ಣ ಸುದ್ದಿಗಾಗಿ ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ.