IND vs AUS 4th Test: ಇಶಾನ್ ಮೇಲೆ 'ಮ್ಯಾನ್ಹ್ಯಾಂಡ್ಲಿಂಗ್' ಮಾಡಿದ್ರಾ ರೋಹಿತ್ ಶರ್ಮಾ? ಗೊಂದಲ ಹೆಚ್ಚಿಸಿದ ವಿಡಿಯೋ
IND vs AUS 4th Test: ಅಂತಿಮ ಟೆಸ್ಟ್ ಪಂದ್ಯದ ಮೊದಲ ದಿನದಾಟದಲ್ಲಿ ರೋಹಿತ್ ಶರ್ಮಾ ಆಟಗಾರನ ಮೇಲೆ ಸಿಟ್ಟಾಗಿರುವ ಘಟನೆ ನಡೆದಿದೆ. ಇಶಾನ್ ಕಿಶನ್ರನ್ನು ಹೊಡೆಯಲು ಪ್ರಯತ್ನಿಸಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದೆ. ರೋಹಿತ್ ಅವರೇ ನಾಯಕನಾಗಿ ಇಷ್ಟೊಂದು ಕೋಪ ಒಳ್ಳೆಯದಲ್ಲ ಎಂದು ನೆಟ್ಟಿಗರು ಕ್ರಿಕೆಟ್ ಪ್ರೇಮಿಗಳು ವಾಗ್ದಾಳಿ ನಡೆಸಿದ್ದಾರೆ.
ಟೀಮ್ ಇಂಡಿಯಾ (Team India) ವಿರುದ್ಧದ 4ನೇ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಮೇಲುಗೈ ಸಾಧಿಸಿದೆ. ಉಸ್ಮಾನ್ ಖವಾಜರ (Usman Khawaja) ಅಜೇಯ ಶತಕದ ನೆರವಿನಿಂದ ಪ್ರವಾಸಿಗರು ಭಾರೀ ಮೊತ್ತದತ್ತ ಮುನ್ನುಗ್ಗುತ್ತಿದ್ದಾರೆ. ಮೊದಲ ಮೂರು ಟೆಸ್ಟ್ಗಳಲ್ಲಿ ವಿಕೆಟ್ ಬೇಟೆಯಾಡಿದ್ದ ಭಾರತದ ಬೌಲರ್ಸ್, ಈಗ ಪರದಾಡುತ್ತಿರುವುದು ಅಚ್ಚರಿ ಮೂಡಿಸಿದೆ. ಇದರ ನಡುವೆ ನಾಯಕ ರೋಹಿತ್ ಶರ್ಮಾ (Rohit Sharma) ವಿರುದ್ಧ ಟೀಕೆಯೊಂದು ಕೇಳಿ ಬಂದಿದ್ದು, ನೆಟಿಜನ್ಸ್ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಅಂತಿಮ ಟೆಸ್ಟ್ ಪಂದ್ಯದ ಮೊದಲ ದಿನದಾಟದಲ್ಲಿ ರೋಹಿತ್ ಶರ್ಮಾ ಆಟಗಾರರ ಮೇಲೆ ಸಿಟ್ಟಾಗಿರುವ ಘಟನೆ ನಡೆದಿದೆ. ಇಶಾನ್ ಕಿಶನ್ ಅವರನ್ನು ಹೊಡೆಯಲು ಪ್ರಯತ್ನಿಸಿರುವ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದೆ. ರೋಹಿತ್ ಅವರೇ ನಾಯಕನಾಗಿ ಇಷ್ಟೊಂದು ಕೋಪ ಒಳ್ಳೆಯದಲ್ಲ ಎಂದು ನೆಟ್ಟಿಗರು, ಕ್ರಿಕೆಟ್ ಪ್ರೇಮಿಗಳು ವಾಗ್ದಾಳಿ ನಡೆಸಿದ್ದಾರೆ. ಆಟಗಾರರೊಂದಿಗೆ ತಾಳ್ಮೆಯಿಂದ ವರ್ತಿಸಿ ಎಂದು ಸಲಹೆ ನೀಡಿದ್ದಾರೆ.
ನಡೆದಿದ್ದು ಏನು.?
ಪಂದ್ಯದ ಡ್ರಿಂಕ್ಸ್ ಬ್ರೇಕ್ ವೇಳೆ ವಾಟರ್ ಬಾಯ್ ಆಗಿ ಇಶಾನ್ ಕಿಶನ್, ಮೈದಾನಕ್ಕೆ ಬಂದಿದ್ದರು. ನೀರಿನ ಬಾಟಲಿ ನೀಡಲು ಓಡಿ ಬಂದ ಇಶಾನ್, ಅಷ್ಟೇ ವೇಗವಾಗಿ ಮರಳುವ ಸಂದರ್ಭದಲ್ಲಿ ರೋಹಿತ್ ಬಳಿ ನೀರಿನ ಬಾಟಲಿ ತೆಗೆದುಕೊಂಡರು. ಆದರೆ, ಓಡುವ ಆತುರದಲ್ಲಿ ಬಾಟಲಿಯನ್ನು ನೆಲದ ಮೇಲೆ ಬೀಳಿಸಿದರು. ಇಶಾನ್ ಕೈಯಿಂದ ಬಾಟಲಿ ಜಾರಿದ ತಕ್ಷಣವೇ ರೋಹಿತ್, ಹೊಡೆಯಲು ಪ್ರಯತ್ನಿಸಿದರು. ಆದರೆ ಇಶಾನ್ ಅದರಿಂದ ಪಾರಾದರು.
ಆದರೆ ಇದೇ ವಿಷಯವನ್ನಿಟ್ಟುಕೊಂಡು ನೆಟ್ಟಿಗರು ಟ್ವಿಟರ್ನಲ್ಲಿ ಆಕ್ರೋಶ ಹೊರ ಹಾಕಿದ್ದಾರೆ. ಭಾರತ ತಂಡದ ನಾಯಕ, ಇಶಾನ್ ಕಿಶನ್ ಅವರೊಂದಿಗೆ ಅಗೌರವವಾಗಿ ನಡೆದುಕೊಂಡಿದ್ದಾರೆ. 'ಮ್ಯಾನ್ಹ್ಯಾಂಡ್ಲಿಂಗ್' ಮಾಡಿದ್ದಾರೆ ಎಂದೆಲ್ಲಾ ಆರೋಪಿಸಿದ್ದಾರೆ. ಇದು ಟ್ವಿಟರ್ನಲ್ಲಿ ಟ್ರೆಂಡಿಂಗ್ ಕೂಡ ಆಗುತ್ತಿದೆ. ನಾಯಕನಾಗಿ ಆಟಗಾರರೊಂದಿಗೆ ಸ್ನೇಹಿತರಂತೆ ವರ್ತಿಸಿ ಎಂದು ಸೂಚಿಸುತ್ತಿದ್ದಾರೆ.
ಕೊಹ್ಲಿ ಎಂದೂ ಈ ರೀತಿ ವರ್ತಿಸಿದವರಲ್ಲ.!
ರೋಹಿತ್ ಶರ್ಮಾ ಅವರಿಗೆ ಕ್ಲಾಸ್ ತೆಗೆದುಕೊಂಡ ನೆಟ್ಟಿಗರು, ವಿರಾಟ್ ಕೊಹ್ಲಿ ಒಬ್ಬ ಮಾದರಿ ನಾಯಕ. ಅವರನ್ನು ನೋಡಿ ಕಲಿಯಿರಿ ಎಂದು ಹೇಳಿದ್ದಾರೆ. ಕೊಹ್ಲಿ ಒಬ್ಬ ಅಗ್ರೆಸ್ಸಿವ್ ಆಟಗಾರ. ಆದರೂ ನಾಯಕನಾಗಿದ್ದಾಗ ಎಂದೂ ಆಟಗಾರರ ಮೇಲೆ ಈ ರೀತಿ ವರ್ತಿಸಿದವರೇ ಅಲ್ಲ. ಭಾವನೆಗಳನ್ನು ನುಂಗಿಕೊಳ್ಳುತ್ತಾರೆಯೇ ಹೊರತು, ಹೊರಹಾಕುವುದಿಲ್ಲ ಎಂದು ರೋಹಿತ್ಗೆ ಪಾಠ ಮಾಡಿದ್ದಾರೆ.
ಮೊದಲು ಸಹ ಆಟಗಾರರನ್ನು ಪ್ರೇರೇಪಿಸುವ ಗುಣ ಬೆಳೆಸಿಕೊಳ್ಳುವುದು ಉತ್ತಮ. ಮಾಜಿ ಕ್ರಿಕೆಟಿಗರು ತಮ್ಮ ಅನುಭವದ ಮಾತುಗಳನ್ನೇ ಸಲಹೆಗಳನ್ನಾಗಿ ನೀಡುತ್ತಾರೆ. ಆದರೆ ನೀವು ಪತ್ರಿಕಾಗೋಷ್ಠಿಯಲ್ಲಿ ಮಾಜಿ ಕ್ರಿಕೆಟಿಗರ ವಿರುದ್ಧ ವಾಗ್ದಾಳಿ ನಡೆಸುತ್ತೀರಾ. ಇದು ಸರಿನಾ.? ಈ ಹಿಂದೆಯೂ ಆಟಗಾರರ ಮೇಲೆ ಕೋಪಗೊಂಡ ಘಟನೆಗಳು ನಡೆದಿವೆ ಅಂತ ಅದರ ವಿಡಿಯೋಗಳನ್ನೂ ಹಂಚಿಕೊಂಡಿದ್ದಾರೆ.
ಕಳೆದ ವರ್ಷ ಏಷ್ಯಾಕಪ್ನಲ್ಲಿ ಆರ್ಷ್ದೀಪ್ ಸಿಂಗ್ ಕ್ಯಾಚ್ ಬಿಟ್ಟ ಸಂದರ್ಭದಲ್ಲಿ ರೋಹಿತ್, ಕೆರಳಿ ಕೆಂಡಾಮಂಡಲರಾಗಿ ಬೈದಿದ್ದರು. ದಿನೇಶ್ ಕಾರ್ತಿಕ್ ಅವರ ಕುತ್ತಿಗೆ ಹಿಡಿದ್ದರು. ಬಾಂಗ್ಲಾ ವಿಮಾನ ನಿಲ್ದಾಣದಲ್ಲಿ ಪೋಟೋಗ್ರಾಫರ್ಗಳ ಮೇಲೆ ಕೋಪಗೊಂಡಿದ್ದ ರೋಹಿತ್, ನ್ಯೂಜಿಲೆಂಡ್ ಸರಣಿಯಲ್ಲಿ ಶಾರ್ದೂಲ್ ಠಾಕೂರ್ ಮೇಲೆ ಸಿಟ್ಟಾಗಿದ್ದರು. ಆಟಗಾರನಿಗೆ ಅವಕಾಶವೂ ನೀಡುತ್ತಿಲ್ಲ. ಈಗ ನೋಡಿದರೆ ಮ್ಯಾನ್ ಹ್ಯಾಂಡ್ಲಿಂಗ್ ಮುಂದಾಗುತ್ತಿದ್ದೀರಾ.? ಎಂದೆಲ್ಲಾ ನೆಟ್ಟಿಗರು ಸಿಡಿದೆದ್ದಿದ್ದಾರೆ.
ಕೆಲವರು ರೋಹಿತ್ ಪರ ವಾದಿಸಿದ್ದು, ಅದು ತಮಾಷೆ ಘಟನೆ. ಇಶಾನ್ ಜೊತೆಗೆ ರೋಹಿತ್ ಸ್ನೇಹಿತರಂತೆಯೇ ವರ್ತಿಸುತ್ತಾರೆ. ಅದಕ್ಕೆ ಇತ್ತೀಚೆಗೆ ಬಿಸಿಸಿಐ ನಡೆಸಿದ ಸಂದರ್ಶನದಲ್ಲಿ ಇಶಾನ್ರೊಂದಿಗೆ ರೋಹಿತ್ ವರ್ತಿಸಿದ ಘಟನೆಯೇ ಸಾಕ್ಷಿ. ಹಾಗೆಯೇ ಸರಳೆತೆಯಿಂದಲೂ ಇರುತ್ತಾರೆ. ಇದರಲ್ಲಿ ಗೊಂದಲ ಉಂಟಾಗುವ ಯಾವುದೇ ಅಂಶ ಇಲ್ಲ. ಸುಖಾಸುಮ್ಮನೆ ವಿಶೇಷ ಅರ್ಥ ಕಲ್ಪಿಸುವುದು ಬೇಡ ಎಂದು ಸಮರ್ಥಿಸಿಕೊಂಡಿದ್ದಾರೆ.