Alia-Ranbir Baby Girl: ಆಲಿಯಾ- ರಣಬೀರ್‌ ಮಡಿಲಿಗೆ ಮಗು ಆಗಮನ; ಸಂಭ್ರಮದಲ್ಲಿ ಕಪೂರ್‌ ಕುಟುಂಬ

ಮುಂಬೈ: ಬಾಲಿವುಡ್‌ನ ಸ್ಟಾರ್‌ ಜೋಡಿ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮನ- ಮನೆಗೆ ಹೊಸ ಅತಿಥಿಯ ಆಗಮನವಾಗಿದೆ.

ಭಾನುವಾರ ಮುಂಬೈನ ಕೆಎಚ್‌ಎನ್ ರಿಲಯನ್ಸ್ ಫೌಂಡೇಶನ್ ಆಸ್ಪತ್ರೆಯಲ್ಲಿ ಆಲಿಯಾ ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.

ಎರಡೂ ಕುಟುಂಬಗಳಲ್ಲಿಯೂ ಇದು ಸಂಭ್ರಮಕ್ಕೆ ಕಾರಣವಾಗಿದ್ದು, ತಾಯಿ ಮಗು ಆರೋಗ್ಯವಾಗಿದ್ದಾರೆಂದು ಆಸ್ಪತ್ರೆ ವೈದ್ಯರು ತಿಳಿಸಿದ್ದಾರೆ.

ಜೂನ್‌ 27 ರಂದು ಸಿಹಿ ಸುದ್ತಾದಿ ಹಂಚಿಕೊಂಡಿದ್ದ ಆಲಿಯಾ

ಏಪ್ರಿಲ್‌ 14ರಂದು ಮದುವೆಯಾಗಿದ್ದ ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್‌ ತಾವು ಅಪ್ಪ-ಅಮ್ಮನಾಗುತ್ತಿರುವ ವಿಚಾರವನ್ನು ಜೂನ್ 27 ರಂದು ಸೋಷಿಯಲ್ ಮೀಡಿಯಾ ಮೂಲಕ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.

ಆಲಿಯಾ ಭಟ್ ಆಸ್ಪತ್ರೆಯಲ್ಲಿ ಸ್ಕ್ಯಾನಿಂಗ್ ಮಾಡಿಸುತ್ತಿರುವ ಫೋಟೋವನ್ನು ಇನ್​​ಸ್ಟಾಗ್ರಾಮ್​​​ನಲ್ಲಿ ಹಂಚಿಕೊಂಡಿದ್ದು ಶೀಘ್ರದಲ್ಲೇ ಮನೆಗೆ ಮಗು ಬರಲಿದೆ ಎಂದು ಹೇಳಿಕೊಂಡಿದ್ದರು.

ಅಭಿಮಾನಿಗಳು ಸೇರಿದಂತೆ ಬಾಲಿವುಡ್​ ಸೆಲಬ್ರಿಟಿಗಳು ಆಲಿಯಾ ಹಾಗೂ ರಣಬೀರ್​​​ಗೆ ಶುಭ ಕೋರಿದ್ದರು. ಮದುವೆಯಾದ ಎರಡೇ ತಿಂಗಳಿಗೆ ಪ್ರೆಗ್ನೆನ್ಸಿ ಘೋಷಿಸಿದ್ದ ಆಲಿಯಾ ಹಾಗೂ ರಣಬೀರ್ ಬಗ್ಗೆ ಅನೇಕರು ವ್ಯಂಗ್ಯವಾಡಿದ್ದರು.

ನೀವು ಮದುವೆಯಾಗಿದ್ದೇ ಇದಕ್ಕಾ ಎಂದು ಕೆಲವರು ಪ್ರಶ್ನಿಸಿದರೆ, ಇನ್ನೂ ಕೆಲವರು ರಣಬೀರ್‌ಗೆ ಸ್ವಿಗ್ಗಿಯ ಫಾಸ್ಟೆಸ್ಟ್‌ ಡೆಲಿವರಿ ಇದು ಎಂದು ರೇಗಿಸಿದ್ದರು. ಕಾಂಡೋಮ್ ಕಂಪನಿ ಕೂಡಾ ಇವರಿಬ್ಬರಿಗೂ ಫನ್ನಿಯಾಗಿ ಶುಭ ಕೋರಿತ್ತು.