Kareena Kapoor: ಈ ದೇಶದ ಜನಸಂಖ್ಯೆಗೆ ಸೈಫ್ ಸಾಕಷ್ಟು ಕೊಡುಗೆ ನೀಡಿದ್ದಾರೆ...ಬೆಬೊ ಹೀಗೆ ಹೇಳಲು ಕಾರಣ ಏನು...?
Jul 20, 2022 10:02 AM IST
ಮೂರನೇ ಪ್ರೆಗ್ನೆನ್ಸಿ ರೂಮರ್ ಬಗ್ಗೆ ಕರೀನಾ ಸ್ಪಷ್ಟನೆ
- ಈ ದೇಶದ ಜನಸಂಖ್ಯೆಗೆ ಈಗಾಗಲೇ ಸಾಕಾಗುವಷ್ಟು ಕೊಡುಗೆ ನೀಡಿರುವುದಾಗಿ ಸೈಫ್ ಹೇಳುತ್ತಿದ್ದಾರೆ ಎಂದು ಕರೀನಾ ಕಪೂರ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೇಟಸ್ ಬರೆದುಕೊಂಡಿದ್ದಾರೆ.
ಬಾಲಿವುಡ್ ನಟಿ ಕರೀನಾ ಕಪೂರ್ ಕಳೆದ ವರ್ಷ ಎರಡನೇ ಮಗುವಿಗೆ ಜನ್ಮ ನೀಡಿದ್ದರು. ಈಗಾಗಲೇ ಮಗುವಿಗೆ ಜೆಹ್ ಎಂದು ಕೂಡಾ ನಾಮಕರಣ ಮಾಡಿದ್ದಾರೆ. 2 ವರ್ಷಗಳ ಬ್ರೇಕ್ ಬಳಿಕ ಇತ್ತೀಚೆಗಷ್ಟೇ ಕರೀನಾ ಮತ್ತೆ ನಟನೆಗೆ ವಾಪಸಾಗಿದ್ದಾರೆ. ಈ ನಡುವೆ ಕರೀನಾ ಕಪೂರ್ ಮತ್ತೆ ಗರ್ಭಿಣಿಯಾಗಿದ್ದು ಮೂರನೇ ಮಗುವಿಗೆ ಜನ್ಮ ನೀಡಲಿದ್ದಾರೆ ಎಂಬ ಮಾತು ಬಾಲಿವುಡ್ನಾದ್ಯಂತ ಕೇಳಿಬರುತ್ತಿದೆ.
Brundavana Serial: ಮನೆಯವರ ಮುಂದೆ ತಗ್ಲಾಕ್ಕೊಂಡ ಆಕಾಶ್‌, ಸುನಾಮಿ ಬಾಯಿಂದ ಸತ್ಯ ಹೇಳಿಸ್ತಾರಾ ಮಾವ ಸತ್ಯಮೂರ್ತಿ?
ಶೇಕಡಾ 66 ಅಂಕ ತೆಗೆದು ಎಸ್‌ಎಸ್‌ಎಲ್‌ಸಿ ಪಾಸ್‌ ಆದ ಭಾಗ್ಯಾ, ಸಪ್ಪೆ ಮೋರೆ ಹಾಕಿ ನಿಂತ ತಾಂಡವ್‌; ಭಾಗ್ಯಲಕ್ಷ್ಮೀ ಧಾರಾವಾಹಿ
Kuntebille Movie: ಸೆಟ್ಟೇರಿತು ತರ್ಲೆ ವಿಲೇಜ್‌ ನಿರ್ದೇಶಕರ ಕುಂಟೆಬಿಲ್ಲೆ ಸಿನಿಮಾ; ಇದು ಪ್ರೇಮ ಕಾಮದ ಸುತ್ತ ತಿರುಗುವ ಚಿತ್ರ
Huu ಅಂತೀಯಾ...Uhuu ಅಂತೀಯಾ; ಸ್ಟಾರ್‌ ಸುವರ್ಣದಲ್ಲಿ ಹೊಸ ರಿಯಾಲಿಟಿ ಶೋ, ಗೆದ್ದವರಿಗೆ ಲಕ್ಷ ಲಕ್ಷ ಬಹುಮಾನ
ಸದ್ಯಕ್ಕೆ ಕರೀನಾ ಕಪೂರ್, ಪತಿ ಸೈಫ್ ಅಲಿ ಖಾನ್ ಹಾಗೂ ಮಕ್ಕಳೊಂದಿಗೆ ಯೂರೋಪ್ ಟ್ರಿಪ್ನಲ್ಲಿದ್ದಾರೆ. ಅಲ್ಲಿ ತೆಗೆಸಿದ ಕೆಲವೊಂದು ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು ಕರೀನಾ ಕಪೂರ್ ಅವರನ್ನು ನೋಡಿದ ಹಲವರು ಕರೀನಾ ಬೇಬಿ ಬಂಪ್ ಕಾಣುತ್ತಿದೆ, ಅವರು ಮತ್ತೆ ಗರ್ಭಿಣಿ, ಅವರು ಮೂರನೇ ಮಗುವಿಗೆ ಜನ್ಮ ನೀಡಲಿದ್ದಾರೆ ಎಂದು ಅನುಮಾನ ವ್ಯಕ್ತಪಡಿಸಿದ್ದರು. ಈ ಸುದ್ದಿ ವೈರಲ್ ಆಗುತ್ತಿದ್ದಂತೆ ಕರೀನಾ ಕಪೂರ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಹಾಗೇ ನಾನು ಗರ್ಭಿಣಿ ಅಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ದಯವಿಟ್ಟು ಸುಮ್ಮನಿರಿ, ನಾನು ಮತ್ತೆ ಗರ್ಭಿಣಿ ಅಲ್ಲ, ಈ ದೇಶದ ಜನಸಂಖ್ಯೆಗೆ ಈಗಾಗಲೇ ಸಾಕಾಗುವಷ್ಟು ಕೊಡುಗೆ ನೀಡಿರುವುದಾಗಿ ಸೈಫ್ ಹೇಳುತ್ತಿದ್ದಾರೆ ಎಂದು ಕರೀನಾ ಕಪೂರ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೇಟಸ್ ಬರೆದುಕೊಂಡಿದ್ದಾರೆ. ಬಹಳ ದಿನಗಳಿಂದ ಪ್ರೀತಿಸುತ್ತಿದ್ದ ಕರೀನಾ ಕಪೂರ್ ಹಾಗೂ ಸೈಫ್ ಅಲಿ ಖಾನ್ 16 ಅಕ್ಟೋಬರ್ 2012 ರಂದು ಮದುವೆಯಾಗಿದ್ದರು. 2016 ರಲ್ಲಿ ಈ ದಂಪತಿ ಮೊದಲ ಮಗುವಿಗೆ ಜನ್ಮ ನೀಡಿದ್ದರು. ಈ ಮಗುವಿಗೆ ತೈಮೂರ್ ಎಂದು ಹೆಸರಿಟ್ಟಿದ್ದಾರೆ. ಕಳೆದ ವರ್ಷ ಜನಿಸಿದ ಎರಡನೇ ಗಂಡು ಮಗುವಿಗೆ ಜೇಹ್ ಎಂದು ಹೆಸರಿಡಲಾಗಿದೆ.
ಸೈಫ್ ಅಲಿ ಖಾನ್ಗೆ ಕರೀನಾ ಎರಡನೇ ಪತ್ನಿ, 1991 ರಲ್ಲಿ ಸೈಫ್, ತಮಗಿಂತ ಹಿರಿಯವರಾದ ನಟಿ ಅಮೃತಾ ಸಿಂಗ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಈ ದಂಪತಿಗೆ ಜನಿಸಿದ ಮಕ್ಕಳೇ ಸಾರಾ ಅಲಿ ಖಾನ್ ಹಾಗೂ ಇಬ್ರಾಹಿಂ. 13 ವರ್ಷಗಳ ದಾಂಪತ್ಯ ಜೀವನ 2004 ರಲ್ಲಿ ಕೊನೆಗೊಂಡಿತು. ಸೈಫ್ ಪುತ್ರಿ ಸಾರಾ ಅಲಿ ಖಾನ್ ಕೂಡಾ ಬಾಲಿವುಡ್ನಲ್ಲಿ ನಾಯಕಿಯಾಗಿ ಗುರುತಿಸಿಕೊಂಡಿದ್ದಾರೆ.
ಕರೀನಾ ಸಿನಿಮಾಗಳ ವಿಚಾರಕ್ಕೆ ಬರುವುದಾದರೆ ಆಮೀರ್ ಖಾನ್ ನಟನೆಯ ಲಾಲ್ ಸಿಂಗ್ ಛಡ್ಡಾ ಸಿನಿಮಾ ತೆರೆ ಕಾಣಬೇಕಿದೆ. ಆಗಸ್ಟ್ 11 ರಂದು ಈ ಸಿನಿಮಾ ಬಿಡುಗಡೆಯಾಗುತ್ತಿದ್ದು ಚಿತ್ರದಲ್ಲಿ ಕರೀನಾ ಆಮೀರ್ ಖಾನ್ ಪತ್ನಿಯಾಗಿ ನಟಿಸಿದ್ದಾರೆ. ಆಮೀರ್ ಖಾನ್ ಪ್ರೊಡಕ್ಷನ್ಸ್ ಹಾಗೂ ವಯಾಕಾಮ್ 18 ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ತಯಾರಾಗಿರುವ ಈ ಚಿತ್ರವನ್ನು ಅದ್ವೈತ್ ಚಂದನ್ ನಿರ್ದೇಶಿಸಿದ್ದಾರೆ. ಈ ಚಿತ್ರದ ಮೂಲಕ ತೆಲುಗು ನಟ ನಾಗಚೈತನ್ಯ ಬಾಲಿವುಡ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಇದು ಹಾಲಿವುಡ್ನ ಫಾರೆಸ್ಟ್ ಗಂಪ್ ಚಿತ್ರದಿಂದ ಸ್ಪೂರ್ತಿ ಪಡೆದು ತಯಾರಾಗಿರುವ ಸಿನಿಮಾ. ಜಪಾನಿ ಕಾದಂಬರಿ ಆಧಾರಿತ ಮತ್ತೊಂದು ಸಿನಿಮಾವೊಂದರಲ್ಲಿ ಕರೀನಾ ನಟಿಸಿದ್ದು ಈ ಸಿನಿಮಾ ಒಟಿಟಿಯಲ್ಲಿ ತೆರೆ ಕಾಣಲಿದೆ. ಈ ಚಿತ್ರವನ್ನು ಸುಜಯ್ ಘೋಷ್ ನಿರ್ದೇಶಿಸಿದ್ದಾರೆ.