Diwali weekend trips for Bangalore: ಬೆಂಗಳೂರು ಬಿಟ್ಟು ಎಲ್ಲಾದ್ರೂ ಹೋಗೋಣ ಅಂತಿದ್ದೀರಾ? ರಿಲ್ಯಾಕ್ಸ್‌ ಆಗೋಕೆ ಇಲ್ಲಿದೆ 5 ಡೆಸ್ಟಿನಿ

ದೇಶದಾದ್ಯಂತ ಹೆಚ್ಚಿನ ಜನರು ಎದುರುನೋಡುವ ಹಬ್ಬಗಳಲ್ಲಿ ದೀಪಾವಳಿ ಒಂದು. ಕೆಲವರು ಈ ಹಬ್ಬವನ್ನು ಕುಟುಂಬದೊಂದಿಗೆ ಮನೆಯಲ್ಲಿ ಆಚರಿಸಿದರೆ, ಇನ್ನೂ ಅನೇಕರು ರಜಾದಿನಗಳನ್ನು ಸಣ್ಣ ವಿಹಾರಕ್ಕೆ ಔಟಿಂಗ್‌ ಹೋಗಲು ಆಯ್ಕೆ ಮಾಡುತ್ತಾರೆ.

ಹೌದು, ದೀಪಾವಳಿ ಈ ಸಲ ವಾರಾಂತ್ಯ ಮತ್ತು ಮುಂದಿನ ವಾರದ ಆರಂಭದ ದಿನಗಳಲ್ಲಿ ಬಂದಿದೆ. ಈ ವರ್ಷ, ಅಕ್ಟೋಬರ್ 24 ರಂದು ದೀಪಾವಳಿ ಹಬ್ಬ ಆಚರಣೆ ಇದೆ. ಬಲಿಪಾಡ್ಯಮಿಯನ್ನು ಅಕ್ಟೋಬರ್ 26 ರಂದು ಆಚರಿಸಲಾಗುತ್ತದೆ. ಸೂರ್ಯಗ್ರಹಣವು ಅದರ ನಡುವಿನ ದಿನ ಇದೆ. ಆ ದಿನವೇ ದೀಪಾವಳಿ ಅಮಾವಾಸ್ಯೆ ಕೂಡ. ಹೀಗಾಗಿ ಈ ಸಲದ ಹಬ್ಬ ದೀರ್ಘ ಅಥವಾ ವಿಸ್ತೃತ ವಾರಾಂತ್ಯವನ್ನು ಜನರಿಗೆ ಕೊಟ್ಟಿದೆ.

ಅನೇಕ ಕುಟುಂಬಗಳು ಮತ್ತು ಯುವಜನರು ಸಣ್ಣ ಪ್ರವಾಸಗಳಿಗೆ ಸಿದ್ಧರಾಗಿರುವುದರಿಂದ, ಪ್ರವಾಸಕ್ಕಾಗಿ ಬೆಂಗಳೂರಿನಿಂದ ಹೊರಗೆ ಭೇಟಿ ನೀಡಬಹುದಾದ ಆಯ್ದ ಐದು ಸ್ಥಳಗಳ ಪಟ್ಟಿಯನ್ನು ಇಲ್ಲಿ ನೀಡಿದ್ದೇವೆ.

1. ಕಬಿನಿ: ರಾಜ್ಯದ ಅತ್ಯಂತ ಜನಪ್ರಿಯ ಸಾಹಸ ಮತ್ತು ವನ್ಯಜೀವಿ ತಾಣಗಳಲ್ಲಿ ಒಂದು. ಇದು ಸಫಾರಿ ಪ್ರವಾಸಗಳಿಗೆ ಹೆಸರುವಾಸಿ. ಇದು ಬೆಂಗಳೂರಿನಿಂದ 205 ಕಿಮೀ ದೂರ ಇದೆ. ಹಚ್ಚ ಹಸಿರಿನ ವನ್ಯತಾಣ ಇದು. ಇದೇ ರೀತಿಯ ಇತರ ಆಯ್ಕೆಗಳು: ಬಂಡೀಪುರ ಮತ್ತು ನಾಗರಹೊಳೆ ಅಭಯಾರಣ್ಯಗಳು. ಆನೆಗಳ ಬಗ್ಗೆ ಗಮನವಿರಲಿ.

2. ಹಂಪಿ: Hampi: ವಿಜಯನಗರ ಜಿಲ್ಲೆಯಲ್ಲಿರುವ ಸಂರಕ್ಷಿತ UNESCO ವಿಶ್ವ ಪಾರಂಪರಿಕ ತಾಣ. ಈ ಸ್ಥಳವು ಇತಿಹಾಸ ಮತ್ತು ವಾಸ್ತುಶಿಲ್ಪದ ಪ್ರತೀಕ. ಬೆಂಗಳೂರಿನಿಂದ 340 ಕಿಮೀ ದೂರ ಇದೆ. ಈ ಪಟ್ಟಣವನ್ನು 'ಬ್ಯಾಕ್‌ಪ್ಯಾಕರ್ಸ್ ಡಿಲೈಟ್' ಎಂದು ಕರೆಯಲಾಗುತ್ತದೆ. ಪ್ರಾಚೀನ ಸ್ಮಾರಕಗಳು ಮತ್ತು ಸುಂದರವಾದ ದೇವಾಲಯಗಳು ಇಲ್ಲಿನ ಪ್ರಮುಖ ಆಕರ್ಷಣೆಗಳು.

3. ಗೋಕರ್ಣ: 'ತಾಳೆ ಮರಗಳು, ನೀಲಿ ಸಮುದ್ರಗಳು ಮತ್ತು ಚಿನ್ನದ ಮರಳುಗಳ ನಾಡು' ಎಂದು ಕರೆಯಲ್ಪಡುವ ಈ ಸ್ಥಳವು ಬೀಚ್ ಪ್ರೇಮಿಗಳು ಮತ್ತು ಹಿಪ್ಪಿಗಳಿಗೆ ನೆಚ್ಚಿನ ಕೇಂದ್ರ. ಗೋಕರ್ಣವು ಹಿಂದೂ ಯಾತ್ರಾ ಪಟ್ಟಣವಾಗಿದ್ದು, ಮಹಾಬಲೇಶ್ವರ ದೇವಾಲಯವು ನಗರದ ಮಧ್ಯಭಾಗದಲ್ಲಿದೆ.

4. ಚಿಕ್ಕಮಗಳೂರು: ಕರ್ನಾಟಕದ ರಾಜಧಾನಿಯಿಂದ ಕೇವಲ 240 ಕಿಮೀ ದೂರದಲ್ಲಿರುವ ಗಿರಿಧಾಮವು ಪರ್ವತಗಳು, ಜಲಪಾತಗಳು ಮತ್ತು ಹಸಿರು ಪರಿಸರಗಳನ್ನು ಹೊಂದಿದೆ. ಈ ಪಟ್ಟಣವು ಚಹಾ ಮತ್ತು ಕಾಫಿ ತೋಟಗಳಿಗೆ ಜನಪ್ರಿಯವಾಗಿರುವುದರಿಂದ ಪ್ರಕೃತಿ ಉತ್ಸಾಹಿಗಳಿಗೆ ಸೂಕ್ತ ತಾಣ.

5. ಶಿವನಸಮುದ್ರ: ಕರ್ನಾಟಕದ ಮಂಡ್ಯ ಜಿಲ್ಲೆಯ ಸಮೀಪದಲ್ಲಿರುವ ಶಿವನಸಮುದ್ರವು ಈ ಮಳೆಗಾಲದಲ್ಲಿ ವೀಕ್ಷಿಸಲು ರೋಮಾಂಚಕ ದೃಶ್ಯ ಒದಗಿಸುತ್ತದೆ. ಇದು - ಬರಚುಕ್ಕಿ ಮತ್ತು ಗಗನಚುಕ್ಕಿ - ಎಂಬ ಎರಡು ಜಲಪಾತಗಳನ್ನು ಹೊಂದಿದೆ. ಕಲ್ಲಿನ ಬಂಡೆಗಳೊಂದಿಗೆ ದಟ್ಟವಾದ ಕಾಡುಗಳಿಂದ ಆವೃತವಾಗಿದೆ.