Woman marriage Bill: ಮಹಿಳೆಯರ ಮದುವೆ ವಯಸ್ಸು18ರಿಂದ 21ಕ್ಕೆ ಹೆಚ್ಚಿಸುವ ವಿಧೇಯಕ ರದ್ದು ಸಾಧ್ಯತೆ

ದೆಹಲಿ: ಕೇಂದ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರವು ಪ್ರತಿ ಅಧಿವೇಶದಲ್ಲಿ ಒಂದಿಲ್ಲೊಂದು ವಿಧೇಯಕ ಮಂಡಿಸುತ್ತಲೇ ಇರುತ್ತದೆ. ಅದರಲ್ಲಿ ಸಾಮಾಜಿಕ ವಿಷಯಗಳ ವಿಧೇಯಕಗಳೂ ಇವೆ. ಮೂರು ವರ್ಷದ ಹಿಂದೆ ಇದೇ ರೀತಿ ಭಾರೀ ಸದ್ದಿನೊಂದಿಗೆ ಮಂಡಿಸಿದ ವಿಧೇಯಕ ಜಾರಿಯಾಗದೇ ಅದರ ಅವಧಿ ಮುಗಿಯುವ ಹಂತಕ್ಕೆ ಬಂದಿದೆ. ಈ ಅಧಿವೇಶನದಲ್ಲಿ ವಿಧೇಯಕ ಜಾರಿಯಾಗದೇ ಇದ್ದರೆ ಹೊಸದಾಗಿ ಮಂಡಿಸಬೇಕಾಗುತ್ತದೆ.

ಅದು ಭಾರತದಲ್ಲಿ ಮಹಿಳೆಯರ ವಿವಾಹ ವಯಸ್ಸಿನ ಏರಿಕೆ ವಿಧೇಯಕ ಇದೇ ರೀತಿ ಗೊಂದಲಗಳಿಂದ ಕಡತದಲ್ಲಿಯೇ ಉಳಿದಿಕೊಂಡಿದೆ.

ಭಾರತದಲ್ಲಿ ಸದ್ಯ ಮಹಿಳೆಯರ ಮದುವೆ ಕನಿಷ್ಠ ವಯಸ್ಸು 18 ವರ್ಷ ಇದೆ. ಪುರುಷರಿಗೆ 21 ವರ್ಷ ವಯಸ್ಸಾಗಿದ್ದರೆ ಮದುವೆಯಾಗಬಹುದು. ಮಹಿಳೆಯರ ವಯಸ್ಸನ್ನು ಹೆಚ್ಚಿಸುವ ಕುರಿತು ಚರ್ಚೆಗಳು ನಡೆದಿದ್ದವು. ಅವರು ಕನಿಷ್ಠ ಪದವಿಯನ್ನಾದರೂ ಪೂರೈಸಬೇಕು. ಇದರಿಂದ ಅವರ ಜೀವನವೂ ಸಶಕ್ತಗೊಳ್ಳಲಿದೆ. ಬೇಗನೇ ಮದುವೆಯಾಗಿ ಬದುಕು ರೂಪಿಸಿಕೊಳ್ಳಲು ಅಡ್ಡಿಯಾಗಲಿದೆ ಎನ್ನುವ ಆಶಯ ಇದರ ಹಿಂದೆ ಇತ್ತು.

ಇದನ್ನೂ ಓದಿರಿ: Maharashtra Politics: ಮಹಾರಾಷ್ಟ್ರ ಮಾಜಿ ಸಿಎಂ ಅಶೋಕ್‌ ಚೌಹಾಣ್‌ ಕಾಂಗ್ರೆಸ್‌ಗೆ ರಾಜೀನಾಮೆ, ಬಿಜೆಪಿ ಸೇರ್ಪಡೆ ಸಾಧ್ಯತೆ

2021 ರಲ್ಲಿಯೇ ಎನ್‌ಡಿಎ ಸರ್ಕಾರ ಹೆಣ್ಣು ಮಕ್ಕಳ ಮದುವೆ ವಯಸ್ಸನ್ನು ಹೆಚ್ಚಿಸುವ ವಿಧೇಯಕವನ್ನು ಮಂಡಿಸಿತ್ತು. ಬಾಲ್ಯವಿವಾಹ( ತಿದ್ದುಪತಿ) ಮಸೂದೆ 2021 ಯನ್ನು ಹತ್ತು ಸದಸ್ಯರ ಕಾರ್ಯಪಡೆಯ ಶಿಫಾರಸ್ಸಿನ ಮೇರೆಗೆ ಲೋಕಸಭೆಯಲ್ಲಿ ಮಂಡಿಸಲಾಗಿತ್ತು. ಇದರಲ್ಲಿ ಏಕೆ ಮದುವೆ ವಯಸ್ಸು ಏರಿಸಬೇಕು. ಇದರಿಂದ ಸಾಮಾಜಿಕವಾಗಿ ಏನು ಬದಲಾವಣೆ ಆಗಲಿದೆ. ಅದಕ್ಕಿಂತ ಮುಂಚೆ ಮದುವೆಯಾದರೆ ಏನೇನೂ ಕಾನೂನಾತ್ಮಕ ತೊಡಕು ಆಗಲಿದೆ. ಮದುವೆಯಾಗುವವರಿಗೆ ಹಾಗೂ ಮದುವೆ ಮಾಡಿಸುವವರಿಗೆ, ಕುಟುಂಬದ ಸದಸ್ಯರು ಕಾನೂನಿನ ಪರಿಣಾಮ ಎದುರಿಸುವ ಅಂಶಗಳು ಇದ್ದವು. ಈಗಾಗಲೇ 18 ವರ್ಷ ವರ್ಷದೊಳಗೆ ಹೆಣ್ಣು ಮಕ್ಕಳಿಗೆ ಮದುವೆ ಮಾಡಿದರೆ ಕಾನೂನು ರೀತಿಯ ಕ್ರಮ ಕುಟುಂಬದವರ ಮೇಲೆ ಆಗುತ್ತಲೇ ಇದೆ. ಇದೇ ರೀತಿಯ ಕಾನೂನಿನಲ್ಲಿ ಶಿಕ್ಷೆ ನೀಡುವ ಅಂಶಗಳನ್ನು ಈ ವಿಧೇಯಕ ಒಳಗೊಂಡಿತ್ತು.

ಇದನ್ನೂ ಓದಿರಿ: PKL 10: ಬೆಂಗಳೂರು ಬುಲ್ಸ್ ಪ್ಲೇ ಆಫ್ ಕನಸು ಭಗ್ನ; ಗೂಳಿಗಳ ಮಣಿಸಿ ನಾಕೌಟ್ ಪ್ರವೇಶಿಸಿದ ಗುಜರಾತ್ ಜೈಂಟ್ಸ್

ಕೆಲ ಪಕ್ಷಗಳ ವಿರೋಧ

ಮೂರು ವರ್ಷದ ಹಿಂದೆಯೇ ಬಲು ಉಮೇದಿನಿಂದಲೇ ಕೇಂದ್ರ ಸರ್ಕಾರ ಈ ವಿಧೇಯಕ ಮಂಡಿಸಿದರೂ ಆನಂತರ ಈ ಕುರಿತು ಚರ್ಚೆಗಳು ನಡೆಯದೇ ಅಲ್ಲಿಯೇ ಅದು ಉಳಿದು ಹೋಯಿತು. ಈಗಲೂ ಮೂರು ವರ್ಷದಿಂದ ವಿಧೇಯಕ ಕಡತಗಳಲ್ಲಿ ಸೇರಿ ಹೋಗಿದೆಯೇ ಹೊರತು ಲೋಕಸಭೆಯಲ್ಲಿ ಅನುಮತಿ ಸಿಕ್ಕಿಲ್ಲ.

ಇದಕ್ಕೆ ನಾನಾ ಕಾರಣಗಳಿದ್ದು, ಸರಿಯಾದ ಮಾಹಿತಿಯಿಲ್ಲದೇ ವಿಧೇಯಕ ಜಾರಿಗೊಳಿಸುವುದು ಬೇಡ ಎನ್ನುವ ಅಭಿಪ್ರಾಯ ಡಿಎಂಕೆ ಸಹಿತ ನಾನಾ ಪಕ್ಷಗಳಿಂದ ವ್ಯಕ್ತವಾಗಿತ್ತು.

ಅವಧಿ ಮುಗಿಯುವ ಹೊತ್ತು

ಲೋಕಸಭೆ ಇಲ್ಲವೇ ರಾಜ್ಯಸಭೆಯಲ್ಲಿ ಯಾವುದೇ ವಿಧೇಯಕ ಮಂಡನೆಯಾದರೆ ಅದು ಮೂರು ವರ್ಷದೊಳಗೆ ಸದನದ ಒಪ್ಪಿಗೆ ಪಡೆಯಬೇಕು. ಆನಂತರ ರಾಷ್ಟ್ರಪತಿಗಳ ಅಂಕಿತದ ಬಳಿಕ ಹೊಸ ಸರ್ಕಾರಿ ಆದೇಶ ಜಾರಿಯಾಗುತ್ತದೆ. ಅಲ್ಲಿಂದ ಹೊಸ ಕಾನೂನು ಜಾರಿಯಾಗುವುದು ಪದ್ದತಿ. ಅನುಮತಿ ಪಡೆಯದೇ ಇದ್ದರೆ ಆ ವಿಧೇಯಕ ರದ್ದಾಗಲಿದೆ.

ಇದನ್ನೂ ಓದಿರಿ: ಜಾಯ್‌ ಸ್ನಿಗ್ದಾ ಶೆಟ್ಟಿ ನಟನೆಯ ಇನ್ನೂ ಹೆಸರಿಡದ ಚಿತ್ರದ ಹಾಡು ಬಿಡುಗಡೆ; ಜೊತೆಯಲೆ ಇರಲೇ ಸಾಂಗ್‌ ಇಲ್ಲಿದೆ ಕೇಳಿ

ಈಗ ಮಹಿಳೆಯರ ಮದುವೆ ವಯಸ್ಸು ಹೆಚ್ಚಿಸುವ ವಿಧೇಯಕವೂ ಅಂಗೀಕಾರವಾಗದೇ ಲೋಕಸಭೆಯಲ್ಲಿ ಹಾಗೆಯೇ ನಿಂತಿದೆ. ಈಗ ನಡೆಯುತ್ತಿರುವುದು 17 ನೇ ಲೋಕಸಭೆಯ ಕಡೆಯ ಅಧಿವೇಶನ. ಈಗ ಇದು ಜಾರಿಯಾಗದೇ ಇದ್ದರೆ ಮುಂದಿನ ಸರ್ಕಾರದ ಅವಧಿಯಲ್ಲಿ ವಿಧೇಯಕವನ್ನು ಹೊಸದಾಗಿ ಮಂಡಿಸಬೇಕಾಗುತ್ತದೆ ಎನ್ನುವುದು ತಜ್ಞರ ನುಡಿ.