WTC Final 2023: ಎಂಎಸ್ ಧೋನಿ ರೆಕಾರ್ಡ್ ಮೇಲೆ ಕಣ್ಣಿಟ್ಟ ಕೊಹ್ಲಿ, ರೋಹಿತ್; ಜಂಟಿ ದಾಖಲೆ ಬರೆಯಲಿದ್ದಾರೆ ನಾಯಕ, ಮಾಜಿ ನಾಯಕ
ಎಂಎಸ್ ಧೋನಿ ಅವರು ಟೀಮ್ ಇಂಡಿಯಾ ಪರ ಅಧಿಕ ಬಾರಿ ಐಸಿಸಿ ಟ್ರೋಫಿ ಫೈನಲ್ಗಳಲ್ಲಿ ಕಾಣಿಸಿಕೊಂಡ 2ನೇ ಆಟಗಾರನಾಗಿದ್ದಾರೆ. ಈಗ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಕಣಕ್ಕಿಳಿಯುವ ಮೂಲಕ ಧೋನಿ ದಾಖಲೆಯನ್ನು ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಹಿಂದಿಕ್ಕಲಿದ್ದಾರೆ.
ಲಂಡನ್ನ ಓವಲ್ ಮೈದಾನದಲ್ಲಿ ಜೂನ್ 7ರಿಂದ ಟೀಮ್ ಇಂಡಿಯಾ ಮತ್ತು ಆಸ್ಟ್ರೇಲಿಯಾ ತಂಡಗಳ (India vs Australia) ನಡುವೆ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ (ICC World Test Championship final 2023) ಪಂದ್ಯ ನಡೆಯಲಿದೆ. ಈ ಮಹತ್ವದ ಪಂದ್ಯದಲ್ಲಿ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ (Rohit Sharma) ಮತ್ತು ಮಾಜಿ ನಾಯಕ ವಿರಾಟ್ ಕೊಹ್ಲಿ (Virat Kohli) ದೊಡ್ಡ ದಾಖಲೆ ಮೇಲೆ ಕಣ್ಣಿಟ್ಟಿದ್ದಾರೆ.
ಆ ಮೂಲಕ ಅತ್ಯಂತ ಯಶಸ್ವಿ ನಾಯಕ ಎಂಎಸ್ ಧೋನಿ (MS Dhoni) ದಾಖಲೆಯನ್ನು ಮುರಿಯಲಿದ್ದಾರೆ. ರೋಹಿತ್ ಮತ್ತು ಕೊಹ್ಲಿ ಡಬ್ಲ್ಯುಟಿಸಿ ಫೈನಲ್ನಲ್ಲಿ ಆಡುವ ಮೂಲಕ ಹೆಚ್ಚು ಐಸಿಸಿ ಫೈನಲ್ ಪಂದ್ಯಗಳಲ್ಲಿ ಕಾಣಿಸಿಕೊಂಡ 2ನೇ ಆಟಗಾರರು ಎಂಬ ಹೆಗ್ಗಳಿಕಗೆ ಪಾತ್ರರಾಗಲಿದ್ದಾರೆ. ಧೋನಿ, ವಿರಾಟ್, ರೋಹಿತ್ ಸದ್ಯ ತಲಾ ಐದು ಬಾರಿ ಐಸಿಸಿ ಫೈನಲ್ ಆಡಿದ್ದಾರೆ.
ಈಗ ಜೂನ್ 7ರಂದು ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಕಣಕ್ಕಿಳಿಯುವ ಮೂಲಕ ಧೋನಿ ದಾಖಲೆಯನ್ನು ಕೊಹ್ಲಿ ಮತ್ತು ರೋಹಿತ್ ಮುರಿಯಲಿದ್ದಾರೆ. ಮೂವರು ಸಹ ತಲಾ 5 ಬಾರಿ ಫೈನಲ್ ಆಡಿದ್ದು, ಜಂಟಿಯಾಗಿ ಭಾರತದ ಪರ ಅಧಿಕ ಬಾರಿ ಐಸಿಸಿ ಫೈನಲ್ಗಳಲ್ಲಿ ಕಾಣಿಸಿಕೊಂಡ ಎರಡನೇ ಆಟಗಾರರಾಗಿದ್ದಾರೆ. ಈಗ ರೋಹಿತ್-ಕೊಹ್ಲಿ ತಲಾ 6 ಬಾರಿ ಐಸಿಸಿ, ಫೈನಲ್ ಆಡುವ ದಾಖಲೆ ಬರೆಯಲ್ಲಿದ್ದಾರೆ.
ಧೋನಿ 5 ಬಾರಿ ಫೈನಲ್ ಆಡಿದ್ದಾರೆ
ಧೋನಿ, ಭಾರತಕ್ಕೆ 3 ಐಸಿಸಿ ಟ್ರೋಫಿ ಗೆದ್ದು ಕೊಟ್ಟಿದ್ದಾರೆ. 2007ರಲ್ಲಿ ಮೊದಲ ಐಸಿಸಿ ಫೈನಲ್, 2011ರ ವಿಶ್ವಕಪ್ ಫೈನಲ್, 2013ರ ಚಾಂಪಿಯನ್ಸ್ ಟ್ರೋಫಿ ಫೈನಲ್ಗಳಲ್ಲಿ ಭಾರತಕ್ಕೆ ಪ್ರಶಸ್ತಿ ಗೆಲ್ಲಿಸಿಕೊಟ್ಟಿದ್ದಾರೆ. 2014ರ ಟಿ20 ವಿಶ್ವಕಪ್ ಫೈನಲ್, 2017 ಚಾಂಪಿಯನ್ಸ್ ಟ್ರೋಫಿಯ ಫೈನಲ್‌ಗಳಲ್ಲೂ ಕಾಣಿಸಿಕೊಂಡಿದ್ದರು.
ವಿರಾಟ್ ಕೊಹ್ಲಿ ಫೈನಲ್ ಆಡಿದ ವರ್ಷಗಳು
ವಿರಾಟ್ ಕೊಹ್ಲಿ 2011ರಲ್ಲಿ ಮೊದಲ ಬಾರಿಗೆ ಐಸಿಸಿ ಏಕದಿನ ವಿಶ್ವಕಪ್ ಆಡಿದ್ದರು. ನಂತರ 2013ರ ಚಾಂಪಿಯನ್ಸ್ ಫೈನಲ್, 2014ರ ಟಿ20 ವಿಶ್ವಕಪ್ ಫೈನಲ್, 2017ರಲ್ಲಿ ಚಾಂಪಿಯನ್ಸ್ ಟ್ರೋಫಿ, 2021ರಲ್ಲಿ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಕಣಕ್ಕಿಳಿದ್ದರು. ಆದರೆ ಇದರಲ್ಲಿ ಅಂಡರ್-19 ವಿಶ್ವಕಪ್ ಫೈನಲ್ ಸೇರಿಲ್ಲ.
ರೋಹಿತ್ ಆಡಿದ ಫೈನಲ್ಗಳು
ಇನ್ನು ರೋಹಿತ್ ಶರ್ಮಾ, ಮೊದಲ ಬಾರಿಗೆ 2007ರಲ್ಲಿ ಐಸಿಸಿ ಟಿ20 ವಿಶ್ವಕಪ್ ಫೈನಲ್ನಲ್ಲಿ ಕಣಕ್ಕಿಳಿದರು. 2013ರಲ್ಲಿ ಚಾಂಪಿಯನ್ಸ್ ಟ್ರೋಫಿ ಫೈನಲ್, 2014ರಲ್ಲಿ ಟಿ20 ವಿಶ್ವಕಪ್ ಫೈನಲ್, 2017ರಲ್ಲಿ ಚಾಂಪಿಯನ್ಸ್ ಟ್ರೋಫಿ ಫೈನಲ್ ಮತ್ತು 2021ರಲ್ಲಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ತಂಡದಲ್ಲಿ ರೋಹಿತ್ ಕಣಕ್ಕಿಳಿದ್ದರು.
ಯುವಿ ಫೈನಲ್ ಆಡಿದ ವರ್ಷಗಳು
ಮಾಜಿ ಆಲ್ರೌಂಡರ್ ಯುವರಾಜ್ ಸಿಂಗ್ ಅಧಿಕ ಐಸಿಸಿ ಫೈನಲ್ಗಳನ್ನು ಆಡಿದ್ದಾರೆ. 2000ರಲ್ಲಿ ಮೊದಲ ಐಸಿಸಿ ಫೈನಲ್ ಆಡಿದ್ದ ಯುವಿ, ನಂತರ 2002ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಫೈನಲ್, 2003ರ ಏಕದಿನ ವಿಶ್ವಕಪ್ ಫೈನಲ್, 2007ರ ಟಿ20 ವಿಶ್ವಕಪ್ ಫೈನಲ್, 2011ರ ವಿಶ್ವಕಪ್, 2014ರ ಟಿ20 ವಿಶ್ವಕಪ್ ಫೈನಲ್, 2017 ಚಾಂಪಿಯನ್ಸ್ ಟ್ರೋಫಿ ಸೇರಿ 7 ಐಸಿಸಿ ಟೂರ್ನಿಗಳ ಫೈನಲ್ ಆಡಿದ್ದಾರೆ.
ಇದೀಗ ಕೊಹ್ಲಿ, ರೋಹಿತ್ ಜಂಟಿಯಾಗಿ ತಲಾ 6ನೇ ಐಸಿಸಿ ಫೈನಲ್ ಆಡಲಿದ್ದು, ಯುವರಾಜ್ ಸಿಂಗ್ ನಂತರದ ಸ್ಥಾನದಲ್ಲಿ ಪಡೆಯಲಿದ್ದಾರೆ. ಈ ನಾಲ್ವರು ಕ್ರಿಕೆಟಿಗರನ್ನು ಹೊರತುಪಡಿಸಿ ದಿಗ್ಗಜ ಸಚಿನ್ ತೆಂಡೂಲ್ಕರ್, ಹರ್ಭಜನ್ ಸಿಂಗ್, ಜಹೀರ್ ಖಾನ್, ಆರ್. ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ತಲಾ 5 ಐಸಿಸಿ ಟೂರ್ನಿಗಳ ಫೈನಲ್ಗಳಲ್ಲಿ ಕಣಕ್ಕಿಳಿದಿದ್ದಾರೆ.