Raichur News: ಮುಸ್ಲಿಂ ಮಹಿಳೆಯರು ಮಕ್ಕಳನ್ನು ಹೆರುವ ಯಂತ್ರಗಳು ಎಂದು ಬಿಂಬಿಸುವ ಪೋಸ್ಟ್​; ರಾಯಚೂರು ಆರೆಸ್ಸೆಸ್​ ಕಾರ್ಯಕರ್ತ ಅರೆಸ್ಟ್​

ರಾಯಚೂರು: ಮುಸ್ಲಿಂ ಮಹಿಳೆಯರ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ಷೇಪಾರ್ಹ ಪೋಸ್ಟ್ ಮಾಡಿದ ಆರೋಪದ ಮೇಲೆ ರಾಯಚೂರು (Raichur) ಜಿಲ್ಲೆಯ ಲಿಂಗಸುಗೂರಿನಲ್ಲಿ ಆರೆಸ್ಸೆಸ್​ ಕಾರ್ಯಕರ್ತನನ್ನು ಪೊಲೀಸರು ಬಂಧಿಸಿದ್ದಾರೆ (RSS Worker Arrest) .

ಬಂಧಿತ ಆರ್‌ಎಸ್‌ಎಸ್ ಕಾರ್ಯಕರ್ತನನ್ನು ರಾಜು ತಂಬಾಕ್ (Raju Tambak) ಎಂದು ಗುರುತಿಸಲಾಗಿದೆ. ಈತನ ಸೋಷಿಯಲ್​ ಮೀಡಿಯಾ ಪೋಸ್ಟ್ ವೈರಲ್ ಆದ ನಂತರ ಮುಸ್ಲಿಂ ಸಮುದಾಯದವರು ಗುರುವಾರ (ಜೂನ್​ 1) ಪ್ರತಿಭಟನೆ ನಡೆಸಿ ರಾಜು ತಂಬಾಕ್​ನನ್ನು ಬಂಧಿಸುವಂತೆ ಒತ್ತಾಯಿಸಿದ್ದರು. ಲಿಂಗಸುಗೂರು ಪಟ್ಟಣದಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣ ಆಗಿತ್ತು.

ರಾಜು ತಂಬಾಕ್​ನ ಪೋಸ್ಟ್ ಮುಸ್ಲಿಂ ಸಮುದಾಯದ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದೆ ಆರೋಪಿಸಿದ ಪ್ರತಿಭಟನಾಕಾರರು ಲಿಂಗಸೂಗೂರು ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಿ ಆರೋಪಿ ಬಂಧನಕ್ಕೆ 24 ಗಂಟೆಗಳ ಗಡುವು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡ ಲಿಂಗಸೂಗೂರು ಪೊಲೀಸರು ಇಂದು (ಜೂನ್​ 2, ಶುಕ್ರವಾರ) ಆರೋಪಿ ರಾಜು ತಂಬಾಕ್​ನನ್ನು ಅರೆಸ್ಟ್ ಮಾಡಿದ್ದಾರೆ.

ರಾಜು ತಂಬಾಕ್ ಪೋಸ್ಟ್​ ಏನು?

ಇಸ್ಲಾಮಿಕ್ ಬೇಬಿ ಫ್ಯಾಕ್ಟರಿ ಎಂಬ ಹೆಸರಲ್ಲಿ ರಾಜು ತಂಬಾಕ್ ಶೇರ್​ ಮಾಡಿದ್ದ ಪೋಸ್ಟ್​ ನಲ್ಲಿ ಬುರ್ಕಾ ಧರಿಸಿದ ಮೂವರು ಮುಸ್ಲಿಂ ಮಹಿಳೆಯರು ಮಕ್ಕಳನ್ನು ಹೆರುವ ಮಷಿನ್ ರೀತಿ ಬಿಂಬಿಸಲಾಗಿತ್ತು. ಒಬ್ಬ ಪುರುಷ ಆ ಯಂತ್ರವನ್ನು ಆಪರೇಟ್‌ ಮಾಡುತ್ತಿರುವಂತೆ ಪೋಸ್ಟ್​ನಲ್ಲಿ ಇತ್ತು.

ಘಟನೆಯಿಂದ ಲಿಂಗಸೂಗೂರು ಪಟ್ಟಣದಲ್ಲಿ ಪರಿಸ್ಥಿತಿ ಉದ್ವಿಗ್ನವಾಗಿದ್ದು, ಯಾವುದೇ ಅಹಿತಕರ ಘಟನೆ ನಡೆಯದಂತೆ ಪೊಲೀಸರು ಸ್ಥಳದಲ್ಲಿ ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದಾರೆ. ತನಿಖೆ ಮುಂದುವರೆದಿದೆ.

ಇದನ್ನೂ ಓದಿ: India News: ಹೊರಗಿನವರಿಗಿಂತ ದೇಶದೊಳಗಿನ ವಿರೋಧಿಗಳನ್ನು ಎದುರಿಸುವುದೇ ಸವಾಲು, ಅವರ ಚಿಂತನೆ ಬದಲಿಸೋಣ: ಆರ್‌ಎಸ್‌ಎಸ್‌ ಮುಖ್ಯಸ್ಥ

ಕೆಲವು ಧರ್ಮಗಳು ಭಾರತದ ಹೊರಗಿನವು. ಅವುಗಳೊಂದಿಗೆ ನಾವು ಯುದ್ದ ಮಾಡಿದ್ದೇವೆ. ದೇಶದೊಳಗೆ ಆಗಿರುವ ಜಾತಿಯ ತಾರತಮ್ಯದ ನೋವನ್ನೂ ಅನುಭವಿಸಿದ್ದೇವೆ. ಹಿಂದೆ ನಾವು ಮಾಡಿದ ಇಂತಹ ತಪ್ಪುಗಳಿಗೆ ಈಗಲೂ ಪರಿತಪಿಸುತ್ತಿದ್ದೇವೆ ಎನ್ನುವುದು ಮೋಹನ್‌ ಭಾಗವತ್‌ ಬೇಸರದ ನುಡಿ. ವಿವರ ಓದಿಗೆ ಇಲ್ಲಿ ಕ್ಲಿಕ್ ಮಾಡಿ