ಕ್ಯಾರೆಟ್ ತಿನ್ನುವ ಸರಿಯಾದ ವಿಧಾನ ಯಾವುದು? ಹೆಚ್ಚಿನ ಆರೋಗ್ಯ ಪ್ರಯೋಜನ ಪಡೆಯಲು ಹೀಗೆ ಮಾಡಿ
Dec 16, 2023 04:42 PM IST
ಕ್ಯಾರೆಟ್ ತಿನ್ನುವ ಸರಿಯಾದ ವಿಧಾನ ಯಾವುದು (istockphoto)
- Right way to eat carrot: ಕ್ಯಾರೆಟ್ಗಳು ಆರೋಗ್ಯದ ದೃಷ್ಟಿಯಿಂದ ಉತ್ತಮ ಆಹಾರ ಪದಾರ್ಥಗಳ ಸಾಲಿಗೆ ಸೇರುತ್ತದೆ. ಕ್ಯಾರೆಟ್ ಅನ್ನು ನಾನಾ ವಿಧದಲ್ಲಿ ಸೇವನೆ ಮಾಡಬಹುದು . ಆದರೆ ಯಾವ ರೀತಿಯಲ್ಲಿ ಕ್ಯಾರೆಟ್ಗಳನ್ನು ಸೇವನೆ ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಎನ್ನುವುದಕ್ಕೆ ಮಾಹಿತಿ ಇಲ್ಲಿದೆ ನೋಡಿ
ಕ್ಯಾರೆಟ್ ಅತ್ಯಂತ ಉಪಯೋಗಕಾರಿ ಆಹಾರ ಪದಾರ್ಥ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಈಗ ಚಳಿಗಾಲವಿದ್ದು ಕ್ಯಾರೆಟ್ಗಳ ಸೀಸನ್ ಎಂದು ಹೇಳಿದರೆ ತಪ್ಪಾಗುವುದಿಲ್ಲ. ನೀವು ಕ್ಯಾರೆಟ್ಗಳಲ್ಲಿ ಸಲಾಡ್, ಜ್ಯೂಸ್ ಅಥವಾ ಭಾರತೀಯರಿಗೆ ಅತ್ಯಂತ ಪ್ರಿಯವಾದ ಕ್ಯಾರೆಟ್ ಹಲ್ವಾ ಮಾಡಿ ಸೇವಿಸುತ್ತೀರಾ. ಆದರೆ ಯಾವ ರೀತಿಯಲ್ಲಿ ಕ್ಯಾರೆಟ್ಗಳನ್ನು ಸೇವಿಸಿದರೆ ನಿಮಗೆ ಹೆಚ್ಚಿನ ಆರೋಗ್ಯ ಪ್ರಯೋಜನ ಸಿಗಬಹುದು ಎಂಬುದನ್ನು ತಿಳಿದುಕೊಳ್ಳೋಣ
ಮಾವಿನಹಣ್ಣಿನಿಂದ ತಯಾರಿಸಬಹುದು ಒಂದಲ್ಲ, ಎರಡಲ್ಲ ಮೂರು ಬಗೆಯ ಪಾಯಸ; ಈ ಭಾನುವಾರ ನೀವೂ ಮನೆಯಲ್ಲಿ ಟ್ರೈ ಮಾಡಿ, ರೆಸಿಪಿ ಇಲ್ಲಿದೆ
Relationship tips: ವರ್ಷಗಳು ಸರಿದರೂ ದಾಂಪತ್ಯದಲ್ಲಿ ಪ್ರೀತಿಯ ತಾಜಾತನ ಉಳಿಬೇಕು ಅಂದ್ರೆ ಈ 4 ನಿಯಮಗಳನ್ನು ತಪ್ಪದೇ ಪಾಲಿಸಿ
Personality Test: ಚಿತ್ರವನ್ನು ಕಂಡಾಕ್ಷಣ ನಿಮಗೆ ಮೊದಲು ಕಂಡಿದ್ದೇನು? ನಿಮ್ಮ ವ್ಯಕ್ತಿತ್ವದ ಕುರಿತ ರಹಸ್ಯ ವಿಚಾರ ತಿಳಿಸುತ್ತೆ ಈ ಚಿತ್ರ
Brain Teaser: 212=25, 214=47 ಆದ್ರೆ, 215 = ಎಷ್ಟು? ಗಣಿತದಲ್ಲಿ ನೀವು ಜಾಣರಾದ್ರೆ 10 ಸೆಕೆಂಡ್‌ನಲ್ಲಿ ಉತ್ತರ ಹೇಳಿ
ಕ್ಯಾರೆಟ್ಗಳನ್ನು ನೀವು ಯಾವ ರೀತಿಯಲ್ಲಿ ಸೇವಿಸುತ್ತೀರಿ ಎಂಬುದರ ಮೇಲೆ ಅದರಲ್ಲಿರುವ ಗ್ಲೈಸಮಿಕ್ ಅಂಶ ನಿರ್ಧಾರವಾಗುತ್ತದೆ. 16 ರಿಂದ 60ರವರೆಗಿನ ಇಂಡೆಕ್ಸ್ನ ಮೇಲೆ ಕ್ಯಾರೆಟ್ಗಳ ಗ್ಲೈಸಮಿಕ್ ಇಂಡೆಕ್ಸ್ ಬದಲಾಗುತ್ತಾ ಹೋಗಬಹುದು. ಕ್ಯಾರಟ್ನಲ್ಲಿ ಸುಮಾರು 10 ಪ್ರತಿಶತ ಕಾರ್ಬೋಹೈಡ್ರೇಟ್ಗಳು ಹಾಗೂ 2 ಪ್ರತಿಶತ ಫೈಬರ್ ಅಂಶ ಇರುತ್ತದೆ.
ನೀವು ಕ್ಯಾರೆಟ್ಗಳನ್ನು ಹಾಗೆಯೇ ತಿನ್ನಬೇಕು ಎಂದೇನಿಲ್ಲ. ಸಣ್ಣಗೆ ಕತ್ತರಿಸಿ ಅದನ್ನು ಸ್ವಲ್ಪವೇ ಸ್ವಲ್ಪ ಆಲಿವ್ ಎಣ್ಣೆಯಲ್ಲಿ ಫ್ರೈ ಮಾಡಿ ಕೂಡ ತಿನ್ನಬಹುದಾಗಿದೆ. ಕಚ್ಛಾ ಕ್ಯಾರೆಟ್ ತಿನ್ನುತ್ತಿದ್ದೀರೆಂದರೆ ಅದರ ಸಿಪ್ಪೆಗಳನ್ನು ತುರಿದು ತಿನ್ನುವುದು ಸರಿಯಾದ ಕ್ರಮವಲ್ಲ. ನಿಮ್ಮ ದೇಹದಲ್ಲಿ ಫೈಬರ್ ಅಂಶ ಹೆಚ್ಚಾಗಬೇಕು ಎಂದರೆ ನೀವು ಅದರ ಚರ್ಮ ಸುಲಿಯದೇ ತಿನ್ನಬೇಕು. ಕ್ಯಾರೆಟ್ ಹಲ್ವಾ ಇಷ್ಟಪಡುವವರು ಅದರಿಂದ ಆರೋಗ್ಯ ಪ್ರಯೋಜನವನ್ನೂ ಪಡೆಯಬೇಕು ಎಂದುಕೊಂಡಿದ್ದರೆ ಅದಕ್ಕೆ ಅತಿಯಾಗಿ ಸಕ್ಕರೆ ಸೇರಿಸುವುದನ್ನು ನಿಲ್ಲಿಸಬೇಕು. ಒಂದು ಕಪ್ಗಿಂತ ಜಾಸ್ತಿ ಹಲ್ವಾ ಸೇವನೆ ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಲ್ಲ.
ಸರಿಯಾದ ರೀತಿಯಲ್ಲಿ ನೀವು ರೆಫ್ರಿಜರೇಟರ್ನಲ್ಲಿ ಕ್ಯಾರೆಟ್ಗಳನ್ನು ಸಂಗ್ರಹಿಸಿ ಇಟ್ಟರೆ ಅದನ್ನು ಹೆಚ್ಚು ದಿನಗಳ ಕಾಲ ಬಾಳಿಕೆ ಬರುತ್ತದೆ. ಇದರಿಂದ ನೀವು ಚಳಿಗಾಲದಲ್ಲಿಯೂ ಕ್ಯಾರೆಟ್ಗಳ ಸೇವನೆ ಮಾಡಲು ಸಾಧ್ಯವಾಗುತ್ತದೆ. ಬೀಟಾ ಕ್ಯಾರೋಟಿನ್ ಅಂಶಗಳಿಂದ ಸಮೃದ್ಧವಾಗಿರುವ ಕ್ಯಾರೆಟ್ಗಳು ಕಣ್ಣಿನ ಆರೋಗ್ಯಕ್ಕೆ ಮತ್ತು ದೇಹದಲ್ಲಿ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಸುಧಾರಿಸಲು ತುಂಬಾನೇ ಸಹಕಾರಿಯಾಗಿದೆ.
ರಕ್ತದಲ್ಲಿ ಸಕ್ಕರೆ ಮಟ್ಟ ಹಾಗೂ ಗ್ಲೈಸಮಿಕ್ ಅಂಶವನ್ನು ಕಡಿಮೆಯಾಗಿಯೇ ಇಟ್ಟುಕೊಳ್ಳಬೇಕು ಎಂದರೆ ಕ್ಯಾರೆಟ್ಗಳನ್ನು ಅತಿಯಾಗಿ ಬೇಯಿಸಬಾರದು. ಜ್ಯೂಸ್ ಮಾಡುವ ಸಂದರ್ಭದಲ್ಲಿಯೂ ಸಹ ಫೈಬರ್ ಅಂಶವನ್ನು ಉಳಿಸಿಕೊಳ್ಳಲು ಹಾಗೂ ಗ್ಲೈಸಮಿಕ್ ಅಂಶ ಹೆಚ್ಚದಂತೆ ತಡೆಯಲು ಅದನ್ನು ನೀವು ಹೆಚ್ಚು ರಸ ತೆಗೆಯಬೇಡಿ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ.
ನೀವು ತಯಾರಿಸಿದ ಸಲಾಡ್ಗಳ ಅಂದವನ್ನು ಹೆಚ್ಚಿಸಲು ಅದರ ಮೇಲೆ ನೀವು ಕ್ಯಾರೆಟ್ಗಳನ್ನು ತುರಿದು ಹಾಕಬಹುದಾಗಿದೆ. ಇದರಿಂದ ಸಲಾಡ್ಗಳ ಅಂದ ಹೆಚ್ಚುವುದರ ಜೊತೆಯಲ್ಲಿ ನಿಮಗೆ ಆರೋಗ್ಯ ಪ್ರಯೋಜನ ಕೂಡ ಸಿಗಲಿದೆ .
ಕ್ಯಾರೆಟ್ನ ರಸದಿಂದ ನೀವು ಹೆಚ್ಚಿನ ಆರೋಗ್ಯ ಪ್ರಯೋಜನವನ್ನು ಪಡೆಯಬಹುದಾಗಿದೆ. ಇದಕ್ಕಾಗಿ ನೀವು ವಿವಿಧ ಹಣ್ಣು ಅಥವಾ ತರಕಾರಿಗಳ ಜ್ಯೂಸ್ ಮಾಡುವಾಗ ಅದರ ಜೊತೆಯಲ್ಲಿ ಕ್ಯಾರೆಟ್ ರಸವನ್ನು ಸೇರಿಸಬಹುದಾಗಿದೆ.