Viral: ಒಂದು ಪ್ಲೇಟ್ ದೋಸೆ-ಇಡ್ಲಿಗೆ 1 ಸಾವಿರ ರೂ ಬಿಲ್ ಕಂಡು ದಂಗಾದ ಯುವಕ; ಬೆಂಗಳೂರಿಗೆ ಬನ್ನಿ ಅಂದ್ರು ನೆಟ್ಟಿಗರು
Dec 07, 2023 10:07 AM IST
ಒಂದು ಪ್ಲೇಟ್ ದೋಸೆ-ಇಡ್ಲಿಗೆ 1 ಸಾವಿರ ರೂ ಬಿಲ್
Costly Dosa-Idli: ಸಣ್ಣಪುಟ್ಟ ಹೋಟೆಲ್ಗಳಲ್ಲಿ 100 ರೂಪಾಯಿ ಒಳಗೆ ನೀವು ಒಂದು ಪ್ಲೇಟ್ ದೋಸೆ, ಇಡ್ಲಿಯನ್ನು ಸವಿಯಬಹುದು. ರೆಸ್ಟಾರೆಂಟ್ಗಳಲ್ಲಿ ತುಸು ಜಾಸ್ತಿ ಇರತ್ತೆ ಬಿಡಿ. ಹಾಗಂತ ಅದಕ್ಕೆ ಸಾವಿರ ರೂಪಾಯಿಯಲ್ಲ ಬಿಲ್ ಆಗೋದಿಲ್ಲ ಅಲ್ವಾ? ಆದರೆ ಇಲ್ಲೊಬ್ಬ 2 ದೋಸೆ ಮತ್ತು ಒಂದು ಪ್ಲೇಟ್ ಇಡ್ಲಿ ತಿಂದಿದ್ದಕ್ಕೆ 1 ಸಾವಿರ ರೂಪಾಯಿ ಬಿಲ್ ಪಾವತಿಸಿದ್ದಾನೆ.
ಹೋಟೆಲ್ ಅಥವಾ ರೆಸ್ಟಾರೆಂಟ್ಗಳಲ್ಲಿ ದಕ್ಷಿಣ ಭಾರತದ ಖ್ಯಾತ ತಿಂಡಿಗಳಾದ ದೋಸೆ-ಇಡ್ಲಿಯನ್ನು ಸಾಮಾನ್ಯವಾಗಿ ಎಲ್ಲರೂ ತಿಂದೇ ಇರ್ತೀರಾ ಅಲ್ವಾ? ಸಣ್ಣಪುಟ್ಟ ಹೋಟೆಲ್ಗಳಲ್ಲಿ 100 ರೂಪಾಯಿ ಒಳಗೆ ನೀವು ಒಂದು ಪ್ಲೇಟ್ ದೋಸೆ, ಇಡ್ಲಿಯನ್ನು ಸವಿಯಬಹುದು. ರೆಸ್ಟಾರೆಂಟ್ಗಳಲ್ಲಿ ತುಸು ಜಾಸ್ತಿ ಇರತ್ತೆ ಬಿಡಿ. ಹಾಗಂತ ಅದಕ್ಕೆ ಸಾವಿರ ರೂಪಾಯಿಯಲ್ಲ ಬಿಲ್ ಆಗೋದಿಲ್ಲ ಅಲ್ವಾ? ಆದರೆ ಇಲ್ಲೊಬ್ಬ ವ್ಯಕ್ತಿ 2 ದೋಸೆ ಮತ್ತು ಒಂದು ಪ್ಲೇಟ್ ಇಡ್ಲಿ ತಿಂದಿದ್ದಕ್ಕೆ 1 ಸಾವಿರ ರೂಪಾಯಿ ಬಿಲ್ ಪಾವತಿಸಿದ್ದಾನೆ.
ಮಾವಿನಹಣ್ಣಿನಿಂದ ತಯಾರಿಸಬಹುದು ಒಂದಲ್ಲ, ಎರಡಲ್ಲ ಮೂರು ಬಗೆಯ ಪಾಯಸ; ಈ ಭಾನುವಾರ ನೀವೂ ಮನೆಯಲ್ಲಿ ಟ್ರೈ ಮಾಡಿ, ರೆಸಿಪಿ ಇಲ್ಲಿದೆ
Relationship tips: ವರ್ಷಗಳು ಸರಿದರೂ ದಾಂಪತ್ಯದಲ್ಲಿ ಪ್ರೀತಿಯ ತಾಜಾತನ ಉಳಿಬೇಕು ಅಂದ್ರೆ ಈ 4 ನಿಯಮಗಳನ್ನು ತಪ್ಪದೇ ಪಾಲಿಸಿ
Personality Test: ಚಿತ್ರವನ್ನು ಕಂಡಾಕ್ಷಣ ನಿಮಗೆ ಮೊದಲು ಕಂಡಿದ್ದೇನು? ನಿಮ್ಮ ವ್ಯಕ್ತಿತ್ವದ ಕುರಿತ ರಹಸ್ಯ ವಿಚಾರ ತಿಳಿಸುತ್ತೆ ಈ ಚಿತ್ರ
Brain Teaser: 212=25, 214=47 ಆದ್ರೆ, 215 = ಎಷ್ಟು? ಗಣಿತದಲ್ಲಿ ನೀವು ಜಾಣರಾದ್ರೆ 10 ಸೆಕೆಂಡ್‌ನಲ್ಲಿ ಉತ್ತರ ಹೇಳಿ
ಆಶಿಶ್ ಸಿಂಗ್ ಎಂಬವರು ಹರಿಯಾಣದ ಗುರುಂಗಾವ್ನ 32ನೇ ಅವೆನ್ಯೂನಲ್ಲಿರುವ ದಕ್ಷಿಣ ಭಾರತದ ತಿನಿಸು ಸಿಗುವ "ಕರ್ನಾಟಿಕ್ ಕೆಫೆ"ಗೆ ಹೋಗಿದ್ದಾರೆ. ಅಲ್ಲಿ 2 ದೋಸೆ ಮತ್ತು ಒಂದು ಪ್ಲೇಟ್ ಇಡ್ಲಿ ಆರ್ಡರ್ ಮಾಡಿದ್ದಾರೆ. ಅರ್ಧ ಗಂಟೆ ಕಾದ ಬಳಿಕ ದೋಸೆ-ಇಡ್ಲಿ ಸಿಕ್ಕಿದೆ. ತಿಂದ ಬಳಿಕ ಬಿಲ್ ನೋಡಿ ಆಶಿಶ್ ದಂಗಾಗಿದ್ದಾರೆ. ಏಕೆಂದರೆ ಕೇವಲ ದೋಸೆ-ಇಡ್ಲಿಗೆ ಒಂದು ಸಾವಿರ ರೂಪಾಯಿ ಬಿಲ್ ಆಗಿದೆ. ತಿಂದ ಮೇಲೆ ಬಿಲ್ ಕಟ್ಟಲ್ಲ ಅನ್ನೋಕಾಗುತ್ತಾ? ಪಾವತಿಸಿ ಹೊರಬಂದಿದ್ದಾರೆ.
ಈ ವಿಚಾರವನ್ನ ಆಶಿಶ್ ಸಿಂಗ್ ತಮ್ಮ ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಗುರುಂಗಾವ್ ಕ್ರೇಝಿ (ಹುಚ್ಚು) ಆಗಿರುವುದರಿಂದ 30 ನಿಮಿಷ ಕಾದ ಬಳಿಕ 2 ದೋಸೆ ಮತ್ತು ಇಡ್ಲಿಗೆ ಒಂದು ಸಾವಿರ ರೂ, ಖರ್ಚು ಮಾಡಿದ್ದೇನೆ. ಉತ್ತಮ ಮತ್ತು ಸಮಂಜಸವಾದ ಬೆಲೆಯಲ್ಲಿ ದೋಸೆ ಸಿಗುವ ಸ್ಥಳಗಳನ್ನು ಸೂಚಿಸಿ ಎಂದು ಬರೆದುಕೊಂಡಿದ್ದಾರೆ.
ಈ ಪೋಸ್ಟ್ಗೆ ನೆಟ್ಟಿಗರು ಪರಿಪರಿಯಾಗಿ ಕಾಮೆಂಟ್ ಮಾಡಿದ್ದಾರೆ. "ಈ ಕೆಫೆಗೆ ಹೋಲಿಸಿದರೆ ರೆಸ್ಟಾರೆಂಟ್‌ನಲ್ಲಿಲ್ಲೇ ಬೆಲೆಗಳು ತಕ್ಕಮಟ್ಟಿಗೆ ಸಮಂಜಸವಾಗಿದೆ" ಎಂದು ಒಬ್ಬರು ಹೇಳಿದರೆ, ಇನ್ನು ಕೆಲವರು ಬೆಂಗಳೂರಿಗೆ ತೆರಳಿ ಕಡಿಮೆ ದರದಲ್ಲಿ ಪ್ರಸಿದ್ಧ ದೋಸೆಗಳನ್ನು ಸವಿಯುವಂತೆ ಸಲಹೆ ನೀಡಿದ್ದಾರೆ. "ಬೆಂಗಳೂರಿಗೆ ಬನ್ನಿ, ಉತ್ತಮ ರುಚಿಯೊಂದಿಗೆ ಅದೇ ದೋಸೆ-ಇಡ್ಲಿಯನ್ನು ನೀವು 100 ರೂಪಾಯಿಗಳಲ್ಲಿ ಪಡೆಯುತ್ತೀರಿ" ಎಂದಿದ್ದಾರೆ. "ಬೆಂಗಳೂರಿಗೆ ಶಿಫ್ಟ್ ಆಗಿ ರಾಮೇಶ್ವರಂ ಕೆಫೆಯಲ್ಲಿ ದೋಸೆ ಮತ್ತು ಇಡ್ಲಿ ಸವಿಯಿರಿ" ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.
"ಕರ್ನಾಟಕ ಮತ್ತು ತಮಿಳುನಾಡಿನಲ್ಲಿ ಕೂಡ ಕೆಲವು ಸ್ಥಳಗಳಲ್ಲಿ ದೋಸೆ ಮತ್ತು ಇಡ್ಲಿಗೆ ಇಷ್ಟು ಬೆಲೆ ಇರತ್ತೆ. ಆದರೆ ಅದು ಉತ್ಪನ್ನ (ತಿಂಡಿ)ದ ಮೇಲೆ ಅವಲಂಬಿತವಾಗಿಲ್ಲ, ಬದಲಾಗಿ ಲೊಕೇಶನ್ ಮೇಲೆ ಡಿಪೆಂಡ್ ಆಗಿದೆ" ಎಂದಿದ್ದಾರೆ. "ದೋಸೆಗಾಗಿ ಒಂದು ಸಾವಿರ ಕೊಡುವ ಬದಲು ಅದೇ ದುಡ್ಡಲ್ಲಿ ರೈಲಿನಲ್ಲಿ ದಕ್ಷಿಣ ಭಾರತಕ್ಕೆ ಹೋಗಬಹುದಿತ್ತು" ಎಂದು ಮತ್ತೊಬ್ಬರು ನಗೆ ಚಟಾಕಿ ಹಾರಿಸಿದ್ದಾರೆ.
"ಗುರುಂಗಾವ್ನ 32ನೇ ಅವೆನ್ಯೂ ತುಂಬಾ ದುಬಾರಿ ಸ್ಥಳವಾಗಿದೆ. ಅಲ್ಲಿ ಏನೇ ತಿಂದರೆ ಹೆಚ್ಚಿನ ಬೆಲೆಯನ್ನೇ ನೀಡಬೇಕಾಗುತ್ತದೆ" ಎಂದು ಮತ್ತೊಬ್ಬರು ಹೇಳಿದ್ದಾರೆ. "ಸೆಕ್ಟರ್ 56 ಹೂಡಾ ಮಾರುಕಟ್ಟೆಯಲ್ಲಿ ಒಂದು ಸ್ಟಾಲ್ ಇದೆ. ಅಲ್ಲಿ 100 ರೂ. ಒಳಗೆ ಉತ್ತಮವಾದ ದೋಸೆ ಸಿಗುತ್ತದೆ. ಆ ಸ್ಟಾಲ್ ಹೆಸರು ನೆನಪಿಲ್ಲ, ಆದರೆ ಆ ಸ್ಟಾಲ್ ಕೆಂಪು ಬಣ್ಣದ್ದಾಗಿತ್ತು." ಎಂದು ಇನ್ನೊಬ್ಬರು ಸಲಹೆ ನೀಡಿದ್ದಾರೆ.