Indian Army: ಮಹಿಳಾ ಅಧಿಕಾರಿಗಳನ್ನು ಕರ್ನಲ್ ಹುದ್ದೆಗೆ ಬಡ್ತಿ, ಲಿಂಗ ಸಮಾನತೆಗಾಗಿ ಭಾರತೀಯ ಸೇನೆಯ ಪ್ರಗತಿಪರ ನಿರ್ಧಾರ
Apr 23, 2023 06:48 AM IST
Indian Army: ಮಹಿಳಾ ಅಧಿಕಾರಿಗಳಿಗೆ ಕರ್ನಲ್ ಹುದ್ದೆಗೆ ಬಡ್ತಿ, ಲಿಂಗ ಸಮಾನತೆಗಾಗಿ ಭಾರತೀಯ ಸೇನೆಯ ಪ್ರಗತಿಪರ ನಿರ್ಧಾರ
- ಭಾರತೀಯ ಸೇನೆಯು (Indian Army) 2024-25ರಲ್ಲಿ ಪುರುಷ ಮತ್ತು ಮಹಿಳಾ ಅಧಿಕಾರಿಗಳಿಗೆ ಕರ್ನಲ್ ಹುದ್ದೆಗೆ (colonel post) ಬಡ್ತಿ ನೀಡಲು ಜಂಟಿ ಆಯ್ಕೆ ಮಂಡಳಿಯನ್ನು(joint selection board) ರಚಿಸಲು ಯೋಜಿಸಿದೆ.
ನವದೆಹಲಿ: ಭಾರತೀಯ ಸೇನೆಯು (Indian Army) 2024-25ರಲ್ಲಿ ಪುರುಷ ಮತ್ತು ಮಹಿಳಾ ಅಧಿಕಾರಿಗಳಿಗೆ ಕರ್ನಲ್ ಹುದ್ದೆಗೆ (colonel post) ಬಡ್ತಿ ನೀಡಲು ಜಂಟಿ ಆಯ್ಕೆ ಮಂಡಳಿಯನ್ನು(joint selection board) ರಚಿಸಲು ಯೋಜಿಸಿದೆ. ಈ ನಿರ್ಧಾರವು ಮಿಲಿಟರಿಯೊಳಗೆ ಲಿಂಗ ಸಮಾನತೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ ಎಂದು ಮೂಲಗಳು ತಿಳಿಸಿವೆ.
2009 ರಿಂದ ಎಲ್ಲಾ ಅಧಿಕಾರಿಗಳಿಗೆ ಲೆಫ್ಟಿನೆಂಟ್ ಕರ್ನಲ್ನಿಂದ ಕರ್ನಲ್ಗೆ ಬಡ್ತಿ ನೀಡಲು ಲಿಂಗಕ್ಕೆ ತಟಸ್ಥವಾಗಿರುವ ಜಂಟಿ ಆಯ್ಕೆ ಮಂಡಳಿಯನ್ನು ರಚನೆ ಮಾಡಲು ಉದ್ದೇಶಿಸಿದೆ ಎಂದು ಎಚ್ಟಿ ಕನ್ನಡದ ಮಾತೃಸಂಸ್ಥೆ ಹಿಂದೂಸ್ತಾನ್ ಟೈಮ್ಸ್ ಮೂಲಗಳನ್ನು ಉಲ್ಲೇಖಿಸಿ ವರದಿ ಮಾಡಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಕರ್ನಲ್ ಹುದ್ದೆಗೆ ಭಾರತೀಯ ಸೇನೆಯು ಬಡ್ತಿ ನೀಡುವಾಗ ವ್ಯಕ್ತಿ ಪುರುಷ ಅಥವಾ ಮಹಿಳೆ ಎಂದು ಪರಿಗಣಿಸದೆ ಆಯ್ಕೆ ಮಾಡಲಿದೆ.
ಕರ್ನಲ್ ಹುದ್ದೆಗೆ ಬಡ್ತಿ ನೀಡಲು ಪುರುಷ ಮತ್ತು ಮಹಿಳಾ ಅಧಿಕಾರಿಗಳಿಗೆ ಸಾಮಾನ್ಯ ಆಯ್ಕೆ ಮಂಡಳಿಯನ್ನು ಜಾರಿಗೊಳಿಸುವ ಭಾರತೀಯ ಸೇನೆಯ ನಿರ್ಧಾರವು 108 ಮಹಿಳಾ ಅಧಿಕಾರಿಗಳನ್ನು ಆಯ್ದ ದರ್ಜೆಯ ಕರ್ನಲ್ ಹುದ್ದೆಗೆ ಇತ್ತೀಚಿಗೆ ಬಡ್ತಿ ನೀಡಿದ ಕ್ರಮವನ್ನು ಅನುಸರಿಸುತ್ತದೆ. ಇಷ್ಟು ಮಾತ್ರವಲ್ಲದೆ ಇತ್ತೀಚೆಗೆ ಮಹಿಳಾ ಅಧಿಕಾರಿಗಳಿಗೆ ಇದೇ ಮೊದಲ ಬಾರಿಗೆ ನಿರ್ದಿಷ್ಟ ಶಾಖೆಗಳಲ್ಲಿ ಕಮಾಂಡ್ ಅಸೈನ್ಮೆಂಟ್ಗಳನ್ನು ನೀಡಲಾಗಿದೆ.
1992 ರಿಂದ 2006 ರ ನಡುವೆ ಭಾರತೀಯ ಸೇನೆಗೆ ನಿಯೋಜನೆಗೊಂಡವರನ್ನು ವಿಶೇಷ ಆಯ್ಕೆ ಮಂಡಳಿಗೆ ಆಯ್ಕೆ ಮಾಡಲಾಗಿದೆ. ಇವರಲ್ಲಿ ಇಂಜಿನಿಯರ್ಗಳು, ಸಿಗ್ನಲ್ಗಳು, ಆರ್ಮಿ ಏರ್ ಡಿಫೆನ್ಸ್, ಇಂಟೆಲಿಜೆನ್ಸ್ ಕಾರ್ಪ್ಸ್, ಆರ್ಮಿ ಸರ್ವಿಸ್ ಕಾರ್ಪ್ಸ್, ಆರ್ಮಿ ಆರ್ಡಿನೆನ್ಸ್ ಕಾರ್ಪ್ಸ್ ಮತ್ತು ಎಲೆಕ್ಟ್ರಿಕಲ್ ಮತ್ತು ಮೆಕ್ಯಾನಿಕಲ್ ಇಂಜಿನಿಯರ್ಗಳು ಸೇರಿದಂತೆ ವಿವಿಧ ಶಸ್ತ್ರಾಸ್ತ್ರ ಮತ್ತು ಸೇವೆಗಳಿಗೆ ಸೇರಿದವರು ಇದ್ದಾರೆ.
"ಕಮಾಂಡ್ ಅಸೈನ್ಮೆಂಟ್ಗಳಿಗಾಗಿ ಮಹಿಳಾ ಅಧಿಕಾರಿಗಳನ್ನು ಪರಿಗಣಿಸಲು ವಿಶೇಷ ಆಯ್ಕೆ ಮಂಡಳಿಯನ್ನು (ಜನವರಿಯಲ್ಲಿ ಮೊದಲ ಬಾರಿಗೆ) ಆರಂಭಿಸಲಾಯಿತು. ಏಳು ವರ್ಷಗಳವರೆಗೆ ಸೇವೆಯಿಂದ ನಿರ್ಗಮಿಸಿದ ಮತ್ತು ಒಂದು ಅಂತರದ ನಂತರ ಮತ್ತೆ ಸೇರ್ಪಡೆಗೊಂಡ ಅಧಿಕಾರಿಗಳನ್ನು ಈ ವಿಶೇಷ ಆಯ್ಕೆ ಮಂಡಳಿಗೆ ಆಯ್ಕೆ ಮಾಡಲಾಯಿತು" ಎಂದು ಸೇನೆಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಅವರು ತಮ್ಮ ಹೆಸರು ಬಹಿರಂಗಪಡಿಸಲು ನಿರಾಕರಿಸಿದ್ದಾರೆ.
ಮಹಿಳೆಯರಿಗೆ ಪುರುಷ ಬ್ಯಾಚ್ಮೇಟ್ಗಳೊಂದಿಗೆ ಅರ್ಹತೆಯ ಮಾನದಂಡಗಳಿಲ್ಲ. ಸಮಾನ ಬಡ್ತಿ ಅನುಪಾತಗಳನ್ನು ಖಾತ್ರಿಪಡಿಸಲಾಗಿದೆ ಎಂದು ಅವರು ಹೇಳಿದ್ದಾರೆ. "2024-25 ರಿಂದ ಸಾಮಾನ್ಯ ಆಯ್ಕೆ ಮಂಡಳಿಯ ಮೂಲಕ ಪುರುಷರು ಮತ್ತು ಮಹಿಳಾ ಅಧಿಕಾರಿಗಳು ಖಾಲಿ ಹುದ್ದೆಗಳಿಗೆ ಅರ್ಹತೆಯ ಮೇಲೆ ಸ್ಪರ್ಧಿಸಲಿದ್ದಾರೆ" ಎಂದು ಅವರು ಹೇಳಿದ್ದಾರೆ.
"ಸಾಮಾನ್ಯ ಆಯ್ಕೆ ಮಂಡಳಿಯ ಆರಂಭ ಪ್ರಗತಿಪರ ನಿರ್ಧಾರ. ತಮ್ಮನ್ನು ಪುರುಷರಿಗೆ ಸರಿಸಮಾನರಾಗಿ ಪರಿಗಣಿಸಬೇಕೆಂದು ಮಹಿಳಾ ಅಧಿಕಾರಿಗಳು ಒತ್ತಾಯಿಸುತ್ತಿದ್ದಾರೆ" ಎಂದು ಮಾಜಿ ಮಹಿಳಾ ಅಧಿಕಾರಿ ಕ್ಯಾಪ್ಟನ್ ಶಾಲಿನಿ ಸಿಂಗ್ ಹೇಳಿದ್ದಾರೆ.
2020 ರಲ್ಲಿ ಸೇನೆಯು ಮಹಿಳೆಯರಿಗೆ ಪರ್ಮನೆಂಟ್ ಕಮಿಷನ್ ಆರಂಭಿಸಿದ ಬಳಿಕ ಕಮಾಂಡ್ ಹುದ್ದೆಗಳನ್ನು ನೀಡುವುದು ಸಾಧ್ಯವಾಗಿದೆ. ಪರ್ಮನೆಂಟ್ ಕಮಿಷನ್ನ ಅನುದಾನದೊಂದಿಗೆ, ಮಹಿಳಾ ಅಧಿಕಾರಿಗಳು ತಮ್ಮ ಪುರುಷ ಸಹೋದ್ಯೋಗಿಗಳಿಗೆ ಸರಿಸಮಾನವಾದ ಸವಾಲಿನ ನಾಯಕತ್ವದ ಪಾತ್ರಗಳನ್ನು ವಹಿಸಿಕೊಳ್ಳಲು ಸಜ್ಜಾಗುತ್ತಿದ್ದಾರೆ" ಎಂದು ಅವರು ಹೇಳಿದ್ದಾರೆ. "ಸೇನೆಯು ನಾಯಕತ್ವದ ಹುದ್ದೆಗಳನ್ನು ಮಹಿಳಾ ಅಧಿಕಾರಿಗಳಿಗೆ ನೀಡುವ ಮೂಲಕ ಏಕಕಾಲೀನ ಕ್ರಮಗಳ ಸರಣಿಯನ್ನು ಆರಂಭಿಸಿದೆ" ಎಂದು ಅವರು ಹೇಳಿದ್ದಾರೆ.
"ಭೂಸೇನೆ, ವಾಯುಪಡೆ, ನೌಕಾಪಡೆಯ ಮೂರು ಸೇವೆಗಳಲ್ಲಿ ಮಹಿಳೆಯರು ನಿರ್ಣಾಯಕ ಹುದ್ದೆಗಳನ್ನು ನಿರ್ವಹಿಸುತ್ತಿದ್ದಾರೆ. ಇನ್ನು ಮುಂದೆ ಅವರು ಪ್ರತ್ಯೇಕ ವ್ಯಕ್ತಿಗಳಾಗಿ ಕಂಡುಬರುವುದಿಲ್ಲ" ಎಂದು ಅವರು ಹೇಳಿದರು.
ಯುದ್ಧವಿಮಾನಗಳನ್ನು ಹಾರಾಟ ನಡೆಸುವುದು, ಯುದ್ಧ ನೌಕೆಗಳಲ್ಲಿ ಕಾರ್ಯನಿರ್ವಹಿಸುವುದು, ಅಧಿಕಾರಿ ಶ್ರೇಣಿಯ (PBOR) ಕೇಡರ್ಗಿಂತ ಕೆಳಗಿರುವ ಸಿಬ್ಬಂದಿ ಹುದ್ದೆಗೆ ಸೇರುವುದು, ಪರ್ಮನೆಂಟ್ ಕಮಿಷನ್ ಹುದ್ದೆಗೆ ಅರ್ಹತೆ, ಕಮಾಂಡ್ ಹುದ್ದೆಗಳನ್ನು ಪಡೆಯುವುದು ಮಾತ್ರವಲ್ಲದೆ, ಪುರುಷ ಸಹವರ್ತಿಗಳಿಗೆ ಸರಿಸಮಾನಾಗಿ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯಲ್ಲಿ ತರಬೇತಿ ಪಡೆಯಲಿದ್ದಾರೆ.