EPFO Updates: ಕೋವಿಡ್ 19 ಪಿಎಫ್‌ ಹಿಂಪಡೆಯುವ ಸೌಲಭ್ಯ ಸ್ಥಗಿತವಾಗಲಿದೆ ಎನ್ನುತ್ತಿದೆ ವರದಿ
Dec 27, 2023 05:38 PM IST
ಇಪಿಎಫ್‌ಒ (ಸಾಂಕೇತಿಕ ಚಿತ್ರ)
ಕೋವಿಡ್ 19 ಸಂದರ್ಭದಲ್ಲಿ ಪಿಎಫ್‌ ಹಣ ಹಿಂಪಡೆಯುವುದಕ್ಕೆ ನೀಡಲಾಗಿದ್ದ ಸೌಲಭ್ಯವನ್ನು ಇಪಿಎಫ್‌ಒ ನಿಲ್ಲಿಸುತ್ತಿದೆ ಎಂದು ವರದಿಯಾಗಿದೆ. ಇಪಿಎಫ್‌ಒ ಚಂದಾದಾರರ ಗಮನ ಸೆಳೆದಿರುವ ಸುದ್ದಿಯ ವಿವರ ಇಲ್ಲಿದೆ.
ಚಂದಾದಾರರಿಗೆ ತಮ್ಮ ನಿವೃತ್ತಿ ಉಳಿತಾಯದಿಂದ ಭಾಗಶಃ ಹಣವನ್ನು ಮುಂಗಡವಾಗಿ ಹಿಂಪಡೆಯುವುದಕ್ಕೆ ಅನುಕೂಲ ಮಾಡಿಕೊಡುತ್ತಿದ್ದ ಕೋವಿಡ್ 19 ಪಿಎಫ್‌ ವಾಪಸಾತಿ (COVID 19 PF Withdrawal Facility) ಸೌಲಭ್ಯವನ್ನು ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ನಿಲ್ಲಿಸುತ್ತಿರುವುದಾಗಿ ವರದಿಯಾಗಿದೆ.
ಹೆಲಿಕಾಪ್ಟರ್ ಅಪಘಾತದಲ್ಲಿ ಇರಾನ್ ಅಧ್ಯಕ್ಷ ಇಬ್ರಾಹಿಂ ರೈಸಿ ನಿಧನ; ಕಾಪ್ಟರ್ ಅಪಘಾತಕ್ಕೆ ಸಂಬಂಧಿಸಿದ 10 ಅಪ್ಡೇಟ್ಸ್‌
ಪ್ರಧಾನಿ ಮೋದಿ ಮತ್ತೆ ಅಧಿಕಾರ ಚುಕ್ಕಾಣಿ ಹಿಡಿದರೆ, ಯಾವ ವಲಯದ ಷೇರುಗಳು ಲಾಭದಾಯಕವಾಗಲಿವೆ, ಇಲ್ಲಿದೆ ಪರಿಣತರ ಅಭಿಪ್ರಾಯದ ನೋಟ
ತರಗತಿ ವೇಳೆ ಸ್ನೇಹಿತನೊಂದಿಗೆ ಮಾತು, ಕಿವಿ ಕೇಳಿಸದ ಹಾಗೆ ಬಾರಿಸಿದ ಶಿಕ್ಷಕನ ವಿರುದ್ದ ಎಫ್‌ಐಆರ್
Crime News: ಪ್ರೀತಿ ನಿರಾಕರಣೆ, ಪ್ರಿಯತಮೆ ಜತೆಗೆ ಇಡೀ ಕುಟುಂಬವನ್ನೇ ಕೊಂದು ಹಾಕಿದ ಯುವಕ ಆತ್ಮಹತ್ಯೆ!
ಎಕನಾಮಿಕ್ ಟೈಮ್ಸ್ ಮಾಡಿರುವ ವರದಿ ಇದಾಗಿದ್ದು, ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಈ ವರದಿಯನ್ನು ಸ್ವತಂತ್ರವಾಗಿ ಪರಿಶೀಲಿಸುವುದು ಸಾಧ್ಯವಾಗಿಲ್ಲ. ಇಪಿಎಫ್‌ಒ ಈ ಕುರಿತು ಇನ್ನೂ ಅಧಿಕೃತ ಅಧಿಸೂಚನೆಯನ್ನು ಪ್ರಕಟಿಸಿಲ್ಲ.
ಕೋವಿಡ್ ಸೋಂಕು ಇಡೀ ಜಗತ್ತನ್ನು ತಲ್ಲಣಗೊಳಿಸಿದ್ದ 2020 ರ ಸಂದರ್ಭದಲ್ಲಿ ಇಪಿಎಫ್‌ಒ ತನ್ನ ಸದಸ್ಯರಿಗೆ ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಖಾತೆಯಿಂದ ಎರಡು ಮುಂಗಡಗಳನ್ನು ಆಯ್ಕೆ ಮಾಡಲು ಅವಕಾಶ ಮಾಡಿಕೊಟ್ಟಿತ್ತು.
ಸಾಂಕ್ರಾಮಿಕ ಸಮಯದಲ್ಲಿ ಸದಸ್ಯರ ಹಣಕಾಸಿನ ಅಗತ್ಯಗಳನ್ನು ಪೂರೈಸಲು ವಿಶೇಷ ಹಿಂತೆಗೆದುಕೊಳ್ಳುವಿಕೆಯ ನಿಬಂಧನೆಯನ್ನು ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ್ ಯೋಜನೆ ಪ್ರಕಾರ 2020ರ ಮಾರ್ಚ್‌ನಲ್ಲಿ ಪರಿಚಯಿಸಲಾಯಿತು. ಕಾರ್ಮಿಕ ಸಚಿವಾಲಯವು ಕೂಡ, ಉದ್ಯೋಗಿಗಳ ಭವಿಷ್ಯ ನಿಧಿ ಯೋಜನೆ, 1952 ರಲ್ಲಿ ಗೆಜೆಟ್‌ ಅಧಿಸೂಚನೆ ಪ್ರಕಾರ 68 ಎಲ್‌ನ ಉಪ ಪ್ಯಾರಾ 3 ಅನ್ನು ಸೇರಿಸಿ ಇದನ್ನು ಕಾರ್ಯಗತಗೊಳಿಸಲು ಅನುಕೂಲ ಮಾಡಿಕೊಟ್ಟಿತ್ತು.
ಈ ಅಧಿಸೂಚನೆ ಪ್ರಕಾರ, ಮೂರು ತಿಂಗಳವರೆಗೆ ಮೂಲ ವೇತನ ಮತ್ತು ತುಟ್ಟಿಭತ್ಯೆಗಳ ಮಟ್ಟಿಗೆ ಮರುಪಾವತಿ ಮಾಡಲಾಗದ ಹಿಂಪಡೆಯುವಿಕೆ ಅಥವಾ ಇಪಿಎಫ್ ಖಾತೆಯಲ್ಲಿ ಸದಸ್ಯರ ಕ್ರೆಡಿಟ್‌ಗೆ ನಿಂತಿರುವ ಮೊತ್ತದ 75 ಪ್ರತಿಶತದವರೆಗೆ, ಯಾವುದು ಕಡಿಮೆಯೋ ಅದನ್ನು ಇಪಿಎಫ್‌ಒ ಸದಸ್ಯರಿಗೆ ಒದಗಿಸಲಾಗಿದೆ.
ನೌಕರರು ಮತ್ತು ಉದ್ಯೋಗದಾತರು ಮೂಲ ವೇತನ ಮತ್ತು ತುಟ್ಟಿಭತ್ಯೆಯ ಶೇಕಡಾ 12 ರಷ್ಟು ಕೊಡುಗೆ ನೀಡುವಂತೆ ಕಡ್ಡಾಯಗೊಳಿಸುವ ಮೂಲಕ ಉದ್ಯೋಗಿಗಳಿಗೆ ಭವಿಷ್ಯಕ್ಕಾಗಿ ಉಳಿತಾಯವನ್ನು ಮಾಡಿ ಪಿಂಚಣಿ ರೂಪದಲ್ಲಿ ಒದಗಿಸುವ ನಿವೃತ್ತಿ ನಿಧಿ ಸಂಸ್ಥೆಯೇ ಇಪಿಎಫ್‌ಒ. ಇದು ಕೇವಲ ತೆರಿಗೆ ಉಳಿಸುವ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ ಆದರೆ ಹೂಡಿಕೆಗಳ ಮೇಲೆ ಹೆಚ್ಚಿನ ಬಡ್ಡಿದರಗಳನ್ನು ನೀಡುತ್ತದೆ.
ಇಪಿಎಫ್‌ಒ ಡಿಸೆಂಬರ್ 20 ರಂದು ಬಿಡುಗಡೆ ಮಾಡಿದ ವೇತನದಾರರ ಅಂಕಿಅಂಶಗಳ ಪ್ರಕಾರ, ಅಕ್ಟೋಬರ್‌ನಲ್ಲಿ 15.29 ಲಕ್ಷ ಸದಸ್ಯರನ್ನು ಸೇರಿಸಿದೆ. ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಶೇಕಡಾ 18.22 ರಷ್ಟು ಹೆಚ್ಚು. ಸುಮಾರು 7.72 ಲಕ್ಷ ಹೊಸ ಸದಸ್ಯರು ಸಾಮಾಜಿಕ ಭದ್ರತಾ ವ್ಯಾಪ್ತಿಗೆ ಬಂದಿದ್ದಾರೆ. 2023ರ ಅಕ್ಟೋಬರ್‌ನಲ್ಲಿ ಇಪಿಎಫ್‌ಒ, ಹಿಂದಿನ ತಿಂಗಳಿಗಿಂತ 6.07 ಶೇಕಡಾ ಹೆಚ್ಚಳವಾಗಿದೆ.