Mamata Banerjee Helicopter: ಹವಾಮಾನ ವೈಪರೀತ್ಯ; ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಹೆಲಿಕಾಪ್ಟರ್ ತುರ್ತು ಭೂಸ್ಪರ್ಶ

ಜಲ್ಪೈಗುರಿ (ಪಶ್ಚಿಮ ಬಂಗಾಳ): ಹವಾಮಾನ ವೈಪರೀತ್ಯದಿಂದಾಗಿ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ (West Bengal CM Mamata Banerjee) ಅವರಿದ್ದ ಹೆಲಿಕಾಪ್ಟರ್ ಸೆವೋಕ್ ವಾಯುನೆಲೆಯಲ್ಲಿ ತುರ್ತು ಭೂಸ್ಪರ್ಶ ಮಾಡಿದೆ.

ಪಶ್ಚಿಮ ಬಂಗಾಳದ ಜಲ್ಪೈಗುರಿ ಜಿಲ್ಲೆಯ ಕ್ರಿಂತಿ ಎಂಬಲ್ಲಿ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಸಿಎಂ ಮಮತಾ ಬ್ಯಾನರ್ಜಿ ಮಾತನಾಡಿ ಅಲ್ಲಿಂದ ಬಾಗ್ಡೋಗ್ರಾ ಎಂಬಲ್ಲಿಗೆ ಹೆಲಿಕಾಪ್ಟರ್ ಮೂಲಕ ಹೋಗುತ್ತಿದ್ದರು. ಆದರೆ ಕಡಿಮೆ ಗೋಚರತೆಯಿಂದಾಗಿ ಸೆವೋಕ್ ಏರ್‌ಬೇಸ್‌ನಲ್ಲಿ ತುರ್ತು ಭೂಸ್ಪರ್ಶ (helicopter emergency landing) ಮಾಡಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಟಿಎಂಸಿ ನಾಯಕ ರಾಜೀಬ್ ಬ್ಯಾನರ್ಜಿ, "ಕಡಿಮೆ ಗೋಚರತೆಯಿಂದಾಗಿ, ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಅವರ ಹೆಲಿಕಾಪ್ಟರ್ ಸೆವೋಕ್ ಏರ್‌ಬೇಸ್‌ನಲ್ಲಿ ತುರ್ತು ಭೂಸ್ಪರ್ಶ ಮಾಡಿತು. ಅವರು ಜಲ್ಪೈಗುರಿಯ ಕ್ರಿಂತಿಯಲ್ಲಿ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ನಂತರ ಬಾಗ್ಡೋಗ್ರಾಕ್ಕೆ ಹೋಗುತ್ತಿದ್ದರು. ಅವರು ಸುರಕ್ಷಿತವಾಗಿದ್ದಾರೆ" ಎಂದು ಹೇಳಿದ್ದಾರೆ.

"ಹೆಲಿಗೋ ಚಾರ್ಟರ್ಸ್ ಪ್ರೈವೇಟ್ ಲಿಮಿಟೆಡ್‌ನ EC-145 ಹೆಲಿಕಾಪ್ಟರ್‌ನಲ್ಲಿ ಪಶ್ಚಿಮ ಬಂಗಾಳ ಸಿಎಂ ಇದ್ದರು. ಭಾರಿ ಮಳೆ ಮತ್ತು ಬಾಗ್ಡೋಗ್ರಾದಲ್ಲಿ ಕಡಿಮೆ ಗೋಚರತೆ ಕಾರಣ ಸೇನಾ ಹೆಲಿಕಾಪ್ಟರ್ ಬೇಸ್ (ಸೆವೋಕ್) ರಸ್ತೆಗೆ ಅವರಿದ್ದ ಹೆಲಿಕಾಪ್ಟರ್​ ಮಾರ್ಗವನ್ನು ಬದಲಿಸಿದೆ. ಹೆಲಿಕಾಪ್ಟರ್ ಹವಾಮಾನ ಕ್ಲಿಯರ್ ಆಗಲು ಕಾಯುತ್ತಿದೆ. ಇದು ಮುನ್ನೆಚ್ಚರಿಕೆಯ ಲ್ಯಾಂಡಿಂಗ್ ಆಗಿದೆ" ಎಂದು ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (ಡಿಜಿಸಿಎ) ಹೇಳಿದೆ.

ಇದನ್ನೂ ಓದಿ: Yogi Bulldozer Action: ಯುಪಿಯಲ್ಲಿ ಯೋಗಿ ಆದಿತ್ಯನಾಥ್​ ಬುಲ್ಡೋಜರ್​ ಆ್ಯಕ್ಷನ್​; ಅತ್ಯಾಚಾರ-ಕೊಲೆ ಆರೋಪಿಯ ಮನೆ ನೆಲಸಮ VIDEO

ಆರೋಪಿಗಳ ವಿರುದ್ಧ ಉತ್ತರ ಪ್ರದೇಶದಲ್ಲಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರ ಬುಲ್ಡೋಜರ್​ ಕ್ರಮ (Yogi Adityanath Bulldozer action) ಮುಂದುವರೆದಿದೆ. ಉತ್ತರ ಪ್ರದೇಶದ ಫತೇಪುರ್‌ನ ಆಡಳಿತವು ಅತ್ಯಾಚಾರ ಮತ್ತು ಕೊಲೆ ಆರೋಪಿಯ ಮನೆಯನ್ನು ನೆಲಸಮಗೊಳಿಸಿದೆ. ಏನಿದು ಬುಲ್ಡೋಜರ್ ರಾಜಕಾರಣ? ವಿವರ ಓದಿಗೆ ಇಲ್ಲಿ ಕ್ಲಿಕ್ ಮಾಡಿ