Kohli Records: ಒಂದು ಶತಕ ಸಿಡಿಸಿ, ದಾಖಲೆಗಳ ಜಾತ್ರೆ ನಡೆಸಿದ ವಿರಾಟ್ ಕೊಹ್ಲಿ; ಕ್ರಿಸ್ಗೇಲ್ ಸೆಂಚುರಿ ರೆಕಾರ್ಡ್ ಸರಿಗಟ್ಟಿದ ಕಿಂಗ್
- ಸನ್ರೈಸರ್ಸ್ ಹೈದರಾಬಾದ್ ಎದುರು ವಿರಾಟ್ ಕೊಹ್ಲಿ ಶತಕ ಸಿಡಿಸಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗೆಲುವಿಗೆ ಕಾರಣರಾದರು. ಈ ಶತಕದೊಂದಿಗೆ ಹಲವು ದಾಖಲೆಗಳನ್ನೂ ಬರೆದಿದ್ದಾರೆ. ಅವುಗಳನ್ನು ಈ ಮುಂದೆ ನೋಡೋಣ.
- ಸನ್ರೈಸರ್ಸ್ ಹೈದರಾಬಾದ್ ಎದುರು ವಿರಾಟ್ ಕೊಹ್ಲಿ ಶತಕ ಸಿಡಿಸಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗೆಲುವಿಗೆ ಕಾರಣರಾದರು. ಈ ಶತಕದೊಂದಿಗೆ ಹಲವು ದಾಖಲೆಗಳನ್ನೂ ಬರೆದಿದ್ದಾರೆ. ಅವುಗಳನ್ನು ಈ ಮುಂದೆ ನೋಡೋಣ.
(1 / 9)
ಸನ್ರೈಸರ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಭರ್ಜರಿ ಗೆಲುವು ಸಾಧಿಸಿದೆ. ಈ ಜಯದೊಂದಿಗೆ ಪ್ಲೇ ಆಫ್ ಕನಸನ್ನೂ ಮತ್ತಷ್ಟು ಜೀವಂತ ಮಾಡಿಕೊಂಡಿದೆ. ಆದರೆ ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಸಿಡಿಸಿ ಹಲವು ದಾಖಲೆಗಳನ್ನು ತನ್ನದಾಗಿಸಿಕೊಂಡಿದ್ದಾರೆ.
(2 / 9)
ಮೊದಲು ಬ್ಯಾಟಿಂಗ್ ನಡೆಸಿದ ಸನ್ರೈಸರ್ಸ್, 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 186 ರನ್ ಗಳಿಸಿತ್ತು. ಹೆನ್ರಿಚ್ ಕ್ಲಾಸೆನ್ ಶತಕ ಸಿಡಿಸಿ ಮಿಂಚಿದ್ದರು. ಆರ್ಸಿಬಿ, 19.2 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸಿ ಗೆದ್ದು ಬೀಗಿತು. ಕೊಹ್ಲಿ 100 ರನ್, ಡು ಪ್ಲೆಸಿಸ್ 71 ರನ್ ಬಾರಿಸಿದರು.
(3 / 9)
ಕಿಂಗ್ ಕೊಹ್ಲಿ ನಾಲ್ಕು ವರ್ಷಗಳ ನಂತರ ಐಪಿಎಲ್ ಶತಕ ಸಿಡಿಸಿದ್ದಾರೆ. 1490 ದಿನಗಳ ನಂತರ ಐಪಿಎಲ್ನಲ್ಲಿ 100ರ ಗಡಿ ದಾಟಿದ್ದಾರೆ. 2019ರ ಐಪಿಎಲ್ ಆವೃತ್ತಿಯಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಕೊಹ್ಲಿ ಸೆಂಚುರಿ ಬಾರಿಸಿದ್ದರು.
(4 / 9)
ಕೊಹ್ಲಿ ಸೆಂಚುರಿ ಬಾರಿಸುವ ಮೂಲಕ ಐಪಿಎಲ್ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಕ್ರಿಸ್ ಗೇಲ್ ಸಾರ್ವಕಾಲಿಕ ದಾಖಲೆ ಸರಿಗಟ್ಟಿದ್ದಾರೆ. ಕೊಹ್ಲಿ ಪಾಲಿಗೆ ಇದು 6ನೇ ಶತಕ. ಕ್ರಿಸ್ ಗೇಲ್ ಕೂಡ 6 ಶತಕ ಬಾರಿಸಿ ಗರಿಷ್ಠ ಶತಕ ಸಿಡಿಸಿದವರ ಪೈಕಿ ಅಗ್ರಸ್ಥಾನದಲ್ಲಿದ್ದರು. ಈಗವರ ದಾಖಲೆಯನ್ನು ಕೊಹ್ಲಿ ಸಮಗೊಳಿಸಿದ್ದಾರೆ.
(5 / 9)
ವಿರಾಟ್ ಪ್ರಸಕ್ತ ಆವೃತ್ತಿಯಲ್ಲಿ 500 ರನ್ಗಳ ಗಡಿ ದಾಟಿದ್ದು, ಆ ಮೂಲಕ ಐಪಿಎಲ್ನಲ್ಲಿ 6ನೇ ಬಾರಿಗೆ ಈ ಸಾಧನೆ ಮಾಡಿದ್ದಾರೆ. ಜೊತೆಗೆ ಡೇವಿಡ್ ವಾರ್ನರ್ ದಾಖಲೆ ಸರಿಗಟ್ಟಿದ್ದು, ಆಸಿಸ್ ಕ್ರಿಕೆಟಿಗ ಕೂಡ 6 ಬಾರಿ ಐಪಿಎಲ್ನಲ್ಲಿ 500ಕ್ಕೂ ಹೆಚ್ಚು ರನ್ ಸಿಡಿಸಿದ್ದಾರೆ.
(6 / 9)
ಫಾಫ್ ಡು ಪ್ಲೆಸಿಸ್ ಮತ್ತು ವಿರಾಟ್ ಕೊಹ್ಲಿ ಅವರ ಜೊತೆಯಾಟವೂ ನೂತನ ದಾಖಲೆ ಬರೆದಿದೆ. ಮೊದಲ ವಿಕೆಟ್ಗೆ 172 ರನ್ ಗಳಿಸಿದ ಈ ಜೋಡಿ, ಆರ್ಸಿಬಿ ಪರ 2ನೇ ಅತಿ ದೊಡ್ಡ ಜೊತೆಯಾಟವಾಡಿದೆ. ಚೇಸಿಂಗ್ನಲ್ಲಿ ದಾಖಲಾದ 4ನೇ ಗರಿಷ್ಠ ಜೊತೆಯಾಟ ಎನಿಸಿದೆ.
(7 / 9)
ಇನ್ನು ಕೊಹ್ಲಿ 63 ಎಸೆತಗಳಲ್ಲಿ ಶತಕ ಸಿಡಿಸಿದ ಕೊಹ್ಲಿ, ಐಪಿಎಲ್ನಲ್ಲಿ 7500 ರನ್ ಬಾರಿಸಿ ದಾಖಲೆ ಬರೆದಿದ್ದಾರೆ. ಆ ಮೂಲಕ ಐಪಿಎಲ್ನಲ್ಲಿ ಗರಿಷ್ಠ ರನ್ ಸಿಡಿಸಿದ ಏಕೈಕ ಆಟಗಾರ ಎನಿಸಿದ್ದಾರೆ.
(8 / 9)
ಕೊಹ್ಲಿ ಮತ್ತು ಪ್ಲೆಸಿಸ್ ಆರ್ಸಿಬಿ ಪರ ಆವೃತ್ತಿಯೊಂದರಲ್ಲಿ 4 ಬಾರಿ ಶತಕದ ಜೊತೆಯಾಟವಾಡಿದ್ದಾರೆ. ಆ ಮೂಲಕ ಈ ಹಿಂದೆ ಕ್ರಿಸ್ ಗೇಲ್ ಜೊತೆ ಸೇರಿ ಕೊಹ್ಲಿ 4 ಬಾರಿ ಶತಕದ ಜೊತೆಯಾಟವಾಡಿದ್ದರು. ಈ ದಾಖಲೆ ಕೂಡ ಸರಿಗಟ್ಟಿದಂತಾಗಿದೆ.
(9 / 9)
ಇದೇ ವೇಳೆ ವಿರಾಟ್ ಮತ್ತು ಪ್ಲೆಸಿಸ್ ಐಪಿಎಲ್ ತಂಡವೊಂದರ ಪರ ಒಂದು ಆವೃತ್ತಿಯಲ್ಲಿ ಅತ್ಯಧಿಕ ಬಾರಿ ಅರ್ಧಶತಕದ ಜೊತೆಯಾಟ ಆಡಿದ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಕೊಹ್ಲಿ-ಪ್ಲೆಸಿಸ್ಗೆ ಇದು 6 ಅರ್ಧಶತಕದ ಜೊತೆಯಾಟ. ಈ ಹಿಂದೆ ಎಸ್ಆರ್ಎಚ್ ಪರ ಜಾನಿ ಬೈರ್ಸ್ಟೋ ಮತ್ತು ಡೇವಿಡ್ ವಾರ್ನರ್ 7 ಬಾರಿ 50+ ರನ್ ಬಾರಿಸಿದ್ದರು.
ಇತರ ಗ್ಯಾಲರಿಗಳು