ಕನ್ನಡ ಸುದ್ದಿ  /  ಕ್ರೀಡೆ  /  Amir On Kohli: ವಿರಾಟ್ ಕೊಹ್ಲಿ ಶತಕದಾಟಕ್ಕೆ ಸಿಕ್ತು ದಿಗ್ಗಜರಿಂದ ಪ್ರಶಂಸೆ; ಒನ್​ ಅಂಡ್ ಓನ್ಲಿ ರಿಯಲ್ ಕಿಂಗ್ ಎಂದ ಪಾಕ್​ ಮಾಜಿ ಕ್ರಿಕೆಟಿಗ

Amir on Kohli: ವಿರಾಟ್ ಕೊಹ್ಲಿ ಶತಕದಾಟಕ್ಕೆ ಸಿಕ್ತು ದಿಗ್ಗಜರಿಂದ ಪ್ರಶಂಸೆ; ಒನ್​ ಅಂಡ್ ಓನ್ಲಿ ರಿಯಲ್ ಕಿಂಗ್ ಎಂದ ಪಾಕ್​ ಮಾಜಿ ಕ್ರಿಕೆಟಿಗ

ಭಾರತದ ಸಿಕ್ಸರ್ ಸಿಂಗ್​ ಯುವರಾಜ್​ ಸಿಂಗ್​ ಕೊಹ್ಲಿ ಆಟಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. All rise for the King. ಎಂಥಹ ಅದ್ಭುತ ಇನ್ನಿಂಗ್ಸ್. ಪಂದ್ಯ ವೀಕ್ಷಿಸುವುದೇ ಖುಷಿ ಎಂದು ಯುವಿ ಟ್ವೀಟ್​ ಮೂಲಕ ಹೇಳಿದ್ದಾರೆ.

ವಿರಾಟ್​ ಕೊಹ್ಲಿಯನ್ನು ಬಣ್ಣಿಸಿದ ಮೊಹಮ್ಮದ್​ ಅಮೀರ್​
ವಿರಾಟ್​ ಕೊಹ್ಲಿಯನ್ನು ಬಣ್ಣಿಸಿದ ಮೊಹಮ್ಮದ್​ ಅಮೀರ್​

ನಿರ್ಣಾಯಕ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (Royal Challengers Bangalore) ಭರ್ಜರಿ ಗೆಲುವು ಸಾಧಿಸಿದೆ. ಸನ್​ರೈಸರ್ಸ್​ ಹೈದರಾಬಾದ್ (Sunrisers Hyderabad) ವಿರುದ್ಧ 8 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ. ಇದರೊಂದಿಗೆ ಪ್ಲೇ ಆಫ್ (Play off)​ ಆಸೆಯನ್ನು ಜೀವಂತವಾಗಿಟ್ಟುಕೊಂಡಿದೆ. ವಿರಾಟ್​ ಕೊಹ್ಲಿ (Virat Kohli) ಅವರ ದಾಖಲೆಯ ಶತಕದ ನೆರವಿನಿಂದ ಗೆಲುವು ಸಾಧ್ಯವಾಯಿತು.

ಟ್ರೆಂಡಿಂಗ್​ ಸುದ್ದಿ

ಶತಕ ಸಿಡಿಸಿ ಹಲವು ದಾಖಲೆಗಳನ್ನೂ ಮುರಿದಿದ್ದಾರೆ. ಕ್ರಿಸ್​ಗೇಲ್ (Chris Gayle)​ ಅವರ ಶತಕಗಳ ದಾಖಲೆ ಸರಿಗಟ್ಟಿದ್ದಾರೆ. 2019ರ ಬಳಿಕ ಸೆಂಚುರಿ ಬರ ನೀಗಿಸಿಕೊಂಡಿರುವ ಕೊಹ್ಲಿ ಮನಮೋಹಕ ಶತಕದಾಟಕ್ಕೆ ದಿಗ್ಗಜರಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಭಾರತ ಮಾತ್ರವಲ್ಲದೆ, ವಿದೇಶಿ ಕ್ರಿಕೆಟಿಗರು ಕೊಹ್ಲಿ ಆಟಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅದರಂತೆ ಪಾಕಿಸ್ತಾನದ ಕ್ರಿಕೆಟಿಗ ಮೊಹಮ್ಮದ್​ ಅಮೀರ್ (Mohammed Amir)​ ಕೂಡ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಸನ್​ರೈಸರ್ಸ್ ಎದುರಿನ ಪಂದ್ಯವು ಆರ್​ಸಿಬಿ (RCB) ಪಾಲಿಗೆ ಮಹತ್ವದ್ದಾಗಿತ್ತು. ಪ್ಲೇ ಆಫ್​ ದೃಷ್ಟಿಯಿಂದ ಗೆಲ್ಲುವುದು ಕೂಡ ಅನಿವಾರ್ಯವಾಗಿತ್ತು. ಅಂತಹ ಪಂದ್ಯದಲ್ಲಿ ಅಬ್ಬರಿಸಿದ ಕೊಹ್ಲಿ, ಬೌಲರ್​ಗಳ ಬೆವರಿಳಿಸಿದರು. 62 ಎಸೆತಗಳಲ್ಲಿ 100 ರ ಗಡಿ ದಾಟಿದರು. ಆ ಮೂಲಕ 4 ವರ್ಷಗಳ ನಂತರ ಬ್ಯಾಟ್​ ಅನ್ನು ಮೇಲೆತ್ತಿ ಸಂಭ್ರಮಿಸಿದರು. ಈ ಶತದಾಟಕ್ಕೆ ಪಾಕ್​ ಮಾಜಿ ಕ್ರಿಕೆಟಿಗ ಮೊಹಮ್ಮದ್​ ಅಮೀರ್ ಗುಣಗಾನ ಮಾಡಿದ್ದಾರೆ.

ಎಂತಹ ಅದ್ಭುತ ಇನ್ನಿಂಗ್ಸ್​.. ಒನ್​ ಅಂಡ್ ಓನ್ಲಿ ರಿಯಲ್​ ಕಿಂಗ್. ವಿರಾಟ್​ ಕೊಹ್ಲಿ ಎಂದು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಅದೇ ರೀತಿ ಕೊಹ್ಲಿ ಇನ್ನಿಂಗ್ಸ್​ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಚಿನ್ ತೆಂಡೂಲ್ಕರ್, ಯುವರಾಜ್​ ಸಿಂಗ್​, ಸುರೇಶ್​ ರೈನಾ ಸೇರಿದಂತೆ ಪ್ರಮುಖ ಕೊಹ್ಲಿ ಆಟವನ್ನು ಗುಣಗಾನ ಮಾಡಿದ್ದಾರೆ.

ಕ್ರಿಕೆಟ್​ನಲ್ಲಿ ಇದೊಂದು ಅದ್ಭುತವಾದ ದಿನ. ವಿರಾಟ್​ ಕೊಹ್ಲಿ ಬ್ಯಾಟಿಂಗ್​​ನಲ್ಲಿ ನೈಪುಣ್ಯತೆ, ದೃಢತೆಯನ್ನು ಪ್ರದರ್ಶಿಸಿದ್ದಾರೆ. ಇದು ನಿಜವಾದ ಬ್ಯಾಟಿಂಗ್​ ಪ್ರತಿಭೆ. ಹಾಗೆಯೇ ಫಾಫ್​ ಡು ಪ್ಲೆಸಿಸ್​ ಅವರ ಇನ್ನಿಂಗ್ಸ್​ ಕೂಡ ಅಮೋಘವಾಗಿತ್ತು ಎಂದು ಸುರೇಶ್​ ರೈನಾ ಟ್ವೀಟ್​ ಮೂಲಕ ಬಣ್ಣಿಸಿದ್ದಾರೆ.

ಭಾರತದ ಸಿಕ್ಸರ್ ಸಿಂಗ್​ ಯುವರಾಜ್​ ಸಿಂಗ್​ ಕೊಹ್ಲಿ ಆಟಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. All rise for the King. ಎಂಥಹ ಅದ್ಭುತ ಇನ್ನಿಂಗ್ಸ್. ಪಂದ್ಯ ವೀಕ್ಷಿಸುವುದೇ ಖುಷಿ ಎಂದು ಯುವಿ ಟ್ವೀಟ್​ ಮೂಲಕ ಹೇಳಿದ್ದಾರೆ.

ಇನ್ನು ಬ್ಯಾಟಿಂಗ್​ ದಿಗ್ಗಜ ಸಚಿನ್​ ತೆಂಡೂಲ್ಕರ್ ಅವರು ಕೊಹ್ಲಿಯನ್ನು ಕೊಂಡಾಡಿದ್ದಾರೆ. ಅವರು ಮೊದಲ ಬಾಲ್​ನಿಂದಲೇ ಕವರ್​ ಡ್ರೈವ್​ ಮಾಡಿದಾಗಲೇ ಕೊಹ್ಲಿಗೆ ಇವತ್ತು ವಿಶೇಷ ದಿನ ಆಗಲಿದೆ ಎಂಬುದು ಸ್ಪಷ್ಟವಾಯಿತು. ಕೊಹ್ಲಿ ಮತ್ತು ಫಾಫ್ ಡು ಪ್ಲೆಸಿಸ್​ ಪಂದ್ಯವನ್ನು ಸಂಪೂರ್ಣ ನಿಯಂತ್ರಣಕ್ಕೆ ತೆಗೆದುಕೊಂಡರು. ಭರ್ಜರಿ ಹೊಡೆತ, ಸ್ಟ್ರೈಕ್​ ರೊಟೇಟ್​, ಜೊತೆಯಾಟದಿಂದ ಉತ್ತಮ ರನ್ ಗಳಿಸಿದರು. ಇಬ್ಬರೂ ಬ್ಯಾಟ್ ಮಾಡಿದ ರೀತಿಗೆ 186 ದೊಡ್ಡ ಮೊತ್ತವಾಗಿರಲಿಲ್ಲ ಎಂದು ಟ್ವೀಟ್​ನಲ್ಲಿ ಬರೆದಿದ್ದಾರೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಸನ್​ರೈಸರ್ಸ್​​, 20 ಓವರ್​​​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 186 ರನ್​ ಗಳಿಸಿತ್ತು. ಹೆನ್ರಿಚ್​ ಕ್ಲಾಸೆನ್​ 104 ರನ್​ ಸಿಡಿಸಿ ಮಿಂಚಿದ್ದರು. ಈ ಗುರಿ ಮಿಂಚಿದ ಆರ್​ಸಿಬಿ 19.2 ಓವರ್​​ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 187 ರನ್​ ಗಳಿಸಿ ಗೆಲುವು ಸಾಧಿಸಿತು. ಕೊಹ್ಲಿ ಶತಕ, ಡು ಪ್ಲೆಸಿಸ್​ ಅರ್ಧಶತಕ ಬಾರಿಸಿದರು. ಕೊಹ್ಲಿ ಸೆಂಚುರಿ ಬಾರಿಸುವ ಮೂಲಕ ಐಪಿಎಲ್​ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಕ್ರಿಸ್​ ಗೇಲ್​​ ಸಾರ್ವಕಾಲಿಕ ದಾಖಲೆ ಸರಿಗಟ್ಟಿದ್ದಾರೆ.