ಶಮಿ + ಸಿರಾಜ್ = W, W, W, W, W, W... ತಂಡಕ್ಕೆ ಕಾಡ್ತಿಲ್ಲ ಜಸ್ಪ್ರಿತ್ ಬೂಮ್ರಾ ಅಲಭ್ಯತೆ!
ಮೊದಲ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಅಲ್ಪಮೊತ್ತಕ್ಕೆ ಕುಸಿತ ಕಂಡಿದೆ. ಬೃಹತ್ ಮೊತ್ತ ಕಲೆ ಹಾಕುವ ನಿರೀಕ್ಷೆಯಲ್ಲಿದ್ದ ಆಸಿಸ್, 189 ರನ್ಗಳಿಗೆ ಸರ್ವಪತನ ಕಂಡಿದೆ. ಇದಕ್ಕೆ ಕಾರಣ ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್ರ ಬೆಂಕಿ ಬೌಲಿಂಗ್.!
ಮೊದಲ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಅಲ್ಪಮೊತ್ತಕ್ಕೆ ಕುಸಿತ ಕಂಡಿದೆ. ಬೃಹತ್ ಮೊತ್ತ ಕಲೆ ಹಾಕುವ ನಿರೀಕ್ಷೆಯಲ್ಲಿದ್ದ ಆಸಿಸ್, 189 ರನ್ಗಳಿಗೆ ಸರ್ವಪತನ ಕಂಡಿದೆ. ಬಲಿಷ್ಠ ಬ್ಯಾಟಿಂಗ್ ಲೈನಪ್ ಹೊಂದಿದ್ದ ಸ್ಮಿತ್ ಪಡೆ, ಆರಂಭದಲ್ಲಿ ಅಬ್ಬರಿಸಿದರೂ ಬಳಿಕ ಬಿಗ್ ಸ್ಕೋರ್ನತ್ತ ಹೆಜ್ಜೆ ಹಾಕಲಿಲ್ಲ ಎಂಬುದು ವಿಶೇಷ. ಮುಂಬೈನ ವಾಂಖೆಡೆಯಲ್ಲಿ ಕಾಂಗರೂಗಳ ಸದ್ದಡಗಿಸಿದ್ದು ಬೇರೆ ಯಾರೂ ಅಲ್ಲ, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್.!
ವಿಕೆಟ್ ಬೇಟೆ ಆರಂಭಿಸಿದ್ದೇ ಸಿರಾಜ್.!
ಮೊಹಮ್ಮದ್ ಸಿರಾಜ್.. ಟೀಮ್ ಇಂಡಿಯಾದ ವೇಗದೂತ.. ಪವರ್ ಪ್ಲೇನಲ್ಲೇ ಧಮಾಕ ಬೌಲಿಂಗ್ ನಡೆಸುವ ಸಿರಾಜ್, ವಿಕೆಟ್ ಬೇಟೆ ಆಡುವುದನ್ನೇ ಕರಗತ ಮಾಡಿಕೊಂಡಿದ್ದಾರೆ. ಕಳೆದೊಂದು ವರ್ಷದಿಂದ ಎದುರಾಳಿಯ ಮೇಲೆರಗುವ ವೇಗಿ, ಆಸಿಸ್ ಮೇಲೂ ಅದೇ ದಾಳಿ ಮುಂದುವರೆಸಿದರು. ಆರಂಭದಲ್ಲೇ ಭಾರತಕ್ಕೆ ಮುನ್ನಡೆ ತಂದುಕೊಡುವ ಹೈದರಾಬಾದ್ ಬೌಲರ್, ತನ್ನ ಮೊದಲ ಓವರ್ನಲ್ಲೇ ಸ್ಪೋಟಕ ಓಪನರ್ ಟ್ರಾವಿಸ್ ಹೆಡ್ಗೆ ಗೇಟ್ ಪಾಸ್ ನೀಡಿದರು.
ಬಳಿಕ ಕೊನೆಯ ಹಂತದಲ್ಲಿ ಸೀನ್ ಅಬಾಟ್ ಮತ್ತು ಆ್ಯಡಮ್ ಜಂಪಾ ಅವರನ್ನು ಡಕೌಟ್ಗೆ ವಾಪಸ್ ಕಳುಹಿಸಿದರು. ಖಡಕ್ ಬೌಲಿಂಗ್ ನಡೆಸಿದ ವೇಗಿಯ ಸ್ಪೀಡ್ಗೆ ತತ್ತರಿಸಿತು. 5.4 ಓವರ್ಗಳಲ್ಲಿ 1 ಮೇಡನ್ ಓವರ್ ಸಹಿತ 29 ರನ್ ನೀಡಿ 3 ವಿಕೆಟ್ ಉರುಳಿಸಿದ್ದಾರೆ. ತನ್ನ ಬೌಲಿಂಗ್ನ ಕೊನೆಯ 10 ಎಸೆತಗಳಲ್ಲಿ ಒಂದೂ ರನ್ ನೀಡದೇ 2 ವಿಕೆಟ್ ಉರುಳಿಸಿದ್ದಾರೆ. ಸಿರಾಜ್ ಕೊನೆಯ ಹತ್ತು ಎಸೆತಗಳು ಹೀಗಿದೆ ನೋಡಿ.. 0, 0, 0, W, 0, 0, 0, 0, 0, W.
2022ರಿಂದ 41 ವಿಕೆಟ್ಗಳ ಬೇಟೆ!
ಏಕದಿನ ಕ್ರಿಕೆಟ್ನಲ್ಲಿ ಕಳೆದೊಂದು ವರ್ಷದಿಂದ ವಿಕೆಟ್ಗಳ ಸುರಿ ಮಳೆಗೈಯುತ್ತಿದ್ದಾರೆ. ಪಂದ್ಯ ಪಂದ್ಯದಲ್ಲೂ ವಿಕೆಟ್ ತನ್ನ ಬೌಲಿಂಗ್ ಖದರ್ ಹೆಚ್ಚಿಸಿಕೊಳ್ಳುತ್ತಿರುವ ನಂಬರ್ 1 ಬೌಲರ್ 2022ರಿಂದ ಈವರೆಗೂ ಏಕದಿನದಲ್ಲಿ 41 ವಿಕೆಟ್ ಉರುಳಿಸಿದ್ದಾರೆ. ಇಷ್ಟು ವಿಕೆಟ್ ಪಡೆದಿರುವುದು ಕೇವಲ 20 ಪಂದ್ಯಗಳಿಂದ.!
ಶಮಿ ಖದರ್ ಬೌಲಿಂಗ್ಗೆ ಆಸಿಸ್ ನಿರುತ್ತರ.!
ಸಿರಾಜ್ ಆರಂಭಿಕ ಮೇಲುಗೈ ನೀಡಿದರೆ, ಮೊಹಮ್ಮದ್ ಶಮಿ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳನ್ನು ಧೂಳೀಪಟ ಮಾಡಿದರು. ಬೊಂಬಾಟ್ ಬೌಲಿಂಗ್ ಮೂಲಕ ಗಮನ ಸೆಳೆಯುತ್ತಿರುವ ಶಮಿ, ಸ್ವಿಂಗ್ ಬೌಲಿಂಗ್ನಿಂದಲೇ ಆಸಿಸ್ ತಂಡಕ್ಕೆ ಕಾಡಿದರು. ಬೆಂಕಿ ಚೆಂಡುಗಳನ್ನು ಉಗುಳಿದ ವೇಗಿ, ಕಾಂಗರೂಗಳನ್ನು ಬೆಂಬಿಡದೆ ಕಾಡಿದರು.
14 ಎಸೆತ, 0 ರನ್, 3 ವಿಕೆಟ್
6 ಬೌಲಿಂಗ್ ಮಾಡಿದ ಶಮಿ 2 ಓವರ್ ಮೇಡನ್ ಸಹಿತ 17 ರನ್ ಬಿಟ್ಟುಕೊಟ್ಟ ಶಮಿ, ಪಡೆದಿದ್ದು 3 ವಿಕೆಟ್. ಅದರಲ್ಲೂ ತನ್ನ ಬೌಲಿಂಗ್ನ ಕೊನೆಯ 14 ಎಸೆತಗಳಲ್ಲಿ ಅದ್ಭುತ ಸ್ಪೆಲ್ ಮಾಡಿದ ಈ ಸ್ವಿಂಗ್ ಬೌಲರ್ ರನ್ ಬಿಟ್ಟುಕೊಡದೆ 3 ವಿಕೆಟ್ ಪಡೆದು ಮಿಂಚಿದರು. ಈ ಜೋಡಿ ಮುಂದಿನ ಪಂದ್ಯಗಳಲ್ಲೂ ಇದೇ ಫಾರ್ಮ್ ಮುಂದುವರೆಸಿದರೆ, ಏಕದಿನ ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಮೇಲುಗೈ ಸಾಧಿಸಲಿದೆ ಎಂಬುದರಲ್ಲಿ ಯಾವುದೇ ಅನುಮಾನ ಇಲ್ಲ.
ಬೂಮ್ರಾ ಅಲಭ್ಯತೆ ಕಾಡುತ್ತಿಲ್ಲ!
ಜಸ್ಪ್ರಿತ್ ಬೂಮ್ರಾ ಇಂಜುರಿಯಾದ ಬೆನ್ನಲ್ಲೇ ಟೀಮ್ ಇಂಡಿಯಾಗೆ ಸಾಕಷ್ಟು ಹಿನ್ನಡೆಯಾಗಿದೆ. ಬೌಲಿಂಗ್ನಲ್ಲಿ ಬಲ ಕುಸಿಯಿತು ಎಂದೆಲ್ಲಾ ಚರ್ಚೆ ನಡೆಯಿತು. ಇನ್ಮುಂದೆ ಭಾರತದ ಬೌಲಿಂಗ್ ವಿಭಾಗದಲ್ಲಿ ಧಮ್ ಇರೋದಿಲ್ಲ ಎಂಬ ಮಾತುಗಳನ್ನೂ ಆಡಿದರು. ಆದರೆ ಸಿರಾಜ್ ಮತ್ತು ಶಮಿ ಪವರ್ಪ್ಯಾಕ್ ಬೌಲಿಂಗ್ ನೋಡುತ್ತಿದ್ದರೆ, ಬೂಮ್ರಾ ಅಲಭ್ಯತೆ ಅಲಭ್ಯತೆ ತಂಡಕ್ಕೆ ಕಾಡುತ್ತಿಲ್ಲ ಎಂಬುದು ಸ್ಪಷ್ಟವಾಗಿ ಗೋಚರಿಸುತ್ತದೆ.