Jio Cinema OTT: ಕಲರ್ಸ್‌ ಕನ್ನಡದ ಈ ಧಾರಾವಾಹಿಗಳನ್ನು ಟಿವಿಗಿಂತ ಮುಂಚೆಯೇ ಜಿಯೋ ಸಿನಿಮಾದಲ್ಲೂ ವೀಕ್ಷಿಸಬಹುದು

Jio Cinema OTT: ಒಟಿಟಿ ಡಿಜಿಟಲ್‌ ಕ್ಷೇತ್ರದಲ್ಲಿ ಹೊಸ ಹೊಸ ಪ್ಲಾನ್‌ಗಳನ್ನು ಪರಿಚಯಿಸುತ್ತಿರುವ ಜಿಯೋ ಸಿನಿಮಾ ಇದೀಗ, ತನ್ನ ವೀಕ್ಷಕ ಬಳಗಕ್ಕೆ ಬಂಪರ್‌ ಆಫರ್‌ ಘೋಷಿಸಿದೆ. ಜಿಯೋ ಸಿನಿಮಾದಲ್ಲಿ ಕಲರ್ಸ್‌ ಕನ್ನಡದ ಧಾರಾವಾಹಿಗಳನ್ನು ಮುಂಚಿತವಾಗಿಯೇ ನೋಡುವ ಅವಕಾಶ ನೀಡಿದೆ. ಭಾರತದ ಹೊಸ ಮನರಂಜನೆಯ ಪ್ಲಾನ್ ಅನ್ನು ಘೋಷಿಸಿರುವ ಜಿಯೋ ಸಿನಿಮಾ, ಒಟಿಟಿಯಲ್ಲಿನ ಒಂದಷ್ಟು ಕಂಟೆಂಟ್‌ಗಳನ್ನು ಟಿವಿಯಲ್ಲಿ ಪ್ರಸಾರ ಕಾಣುವುದಕ್ಕೂ ಮುನ್ನ ವೀಕ್ಷಣೆಗೆ ಲಭ್ಯವಾಗುವಂತೆ ಮಾಡಿದೆ.

ಭಾರತದ ಮುಂಚೂಣಿಯ ಸ್ಟ್ರೀಮಿಂಗ್ ಪ್ಲಾಟ್ ಫಾರಂ ಜಿಯೊಸಿನಿಮಾ ಇತ್ತೀಚೆಗೆ ತನ್ನ ಜಾಹೀರಾತು ಮುಕ್ತ ಪ್ಲಾನ್ ಜಿಯೋ ಸಿನಿಮಾ ಪ್ರೀಮಿಯಂ ಅನ್ನು ಪ್ರಾರಂಭಿಕ ಬೆಲೆಗೆ ಘೋಷಣೆ ಮಾಡಿದೆ. ತಿಂಗಳಿಗೆ ಕೇವಲ 29 ರೂಪಾಯಿಗೆ ಒಂದು ಡಿವೈಸ್‌ಗೆ ಮತ್ತು ಏಕಕಾಲಕ್ಕೆ ನಾಲ್ಕು ಡಿವೈಸ್‌ಗಳಿಗೆ ತಿಂಗಳಿಗೆ 89 ರೂಪಾಯಿಂತೆ ಪ್ರಕಟಿಸಿದೆ.

ಇದನ್ನೂ ಓದಿ: OTT News: ತಿಂಗಳಿಗೆ 29 ರೂಗೆ ಪ್ರೀಮಿಯಂ ಪ್ಲಾನ್‌ ಪರಿಚಯಿಸಿದ ಜಿಯೋಸಿನಿಮಾ; ಒಟಿಟಿಯಲ್ಲಿ ಆರಂಭವಾಗಲಿದೆಯೇ ಹೊಸ ದರ ಸಮರ

ಚಂದಾದಾರಿಕೆಯ ಭಾಗವಾಗಿ ಸದಸ್ಯರು ಕಲರ್ಸ್‌ನ ಅವರ ಅಚ್ಚುಮೆಚ್ಚಿನ ಧಾರಾವಾಹಿಗಳಾದ ಭಾಗ್ಯಲಕ್ಷ್ಮಿ, ಲಕ್ಷ್ಮೀ ಬಾರಮ್ಮ, ರಾಮಾಚಾರಿ, ಶ್ರೀಗೌರಿ, ಅಂತರಪಟ ಸೀರಿಯಲ್‌ಗಳನ್ನು ಪ್ರಸಾರದ ಆರು ಗಂಟೆ ಮುಂಚಿತವಾಗಿ ವೀಕ್ಷಿಸಬಹುದಾಗಿದೆ. ಇದಕ್ಕಾಗಿ ಒಂದು ಡಿವೈಸ್‌ಗೆ ಕೇವಲ 29 ರೂಪಾಯಿಯ ಪ್ಲಾನ್‌ಅನ್ನು ಪರಿಚಯಿಸಿದೆ ಜಿಯೋ ಸಿನಿಮಾ.

ಬರೀ ಸೀರಿಯಲ್‌ ಮಾತ್ರವಲ್ಲದೆ, ಟಿವಿಯಲ್ಲಿ ಪ್ರಸಾರ ಕಾಣುವ ಇತರೆ ಕಾರ್ಯಕ್ರಮಗಳನ್ನು ಹಾಗೂ ವಯಾಕಾಂ18 ನೆಟ್‌ವರ್ಕ್‌ ಚಾನೆಲ್‌ಗಳಾದ ನಿಕಲೊಡಿಯೊನ್, ಎಂಟಿವಿ ಸೇರಿ ಕಲರ್ಸ್‌ನ ಸ್ಥಳೀಯ ಭಾಷೆಯ ಚಾನೆಲ್‌ಗಳ ಕಂಟೆಂಟ್‌ಗಳನ್ನೂ ಸಹ ಮುಂಚಿತವಾಗಿ ಅಥವಾ ಯಾವಾಗ ಬೇಕಾದರೂ ವೀಕ್ಷಣೆ ಮಾಡಬಹುದಾಗಿದೆ.

ಇದನ್ನೂ ಓದಿ: ಅಪ್ಪಿ ತಪ್ಪಿಯೂ ಈ ಫಿಲ್ಮ್‌ ನೋಡೋ ಪ್ರಯತ್ನ ಕೂಡ ಮಾಡ್ಬೇಡಿ ಅಂದ್ರು ಅಕ್ಷತಾ ಪಾಂಡವಪುರ, ಯಾವುದೀ ಸಿನಿಮಾ, ನೀವು ನೋಡಿದ್ರ

ಬ್ಲಾಕ್‌ಬಸ್ಟರ್‌ ಸಿನಿಮಾಗಳು

ಕಿರುತೆರೆಯ ಸೀರಿಯಲ್‌ ಮತ್ತು ಕಾರ್ಯಕ್ರಮಗಳ ಜತೆಗೆ ಭಾರತೀಯ ಮಾತ್ರವಲ್ಲದೆ, ವಿದೇಶಿ ಸಿನಿಮಾಗಳನ್ನೂ ಸಹ ಜಿಯೋ ಸಿನಿಮಾದಲ್ಲಿ ವೀಕ್ಷಣೆ ಮಾಡಬಹುದು. ರಣ್ ನೀತಿ: ಬಾಲಾಕೋಟ್ ಅಂಡ್ ಬಿಯಾಂಡ್, ಮರ್ಡರ್ ಇನ್ ಮಾಹಿಂ, ಪಿಐಎಲ್ಎಲ್ ಸಿರೀಸ್‌ಗಳನ್ನೂ ನೋಡಬಹುದು. ಇದರ ಜತೆಗೆ ಟಿವಿಯಲ್ಲಿ ಸೀರಿಯಲ್‌ಗಳು ಪ್ರಸಾರವಾಗುವ ಮೊದಲು ಒಟಿಟಿಯಲ್ಲಿ ಕಾಣಲಿವೆ. ವಯಾಕಾಂ 18 ನೆಟ್‌ವರ್ಕ್‌ನ 20+ ಟಿ.ವಿ ಚಾನೆಲ್ ಗಳು ಜಿಯೋ ಸಿನಿಮಾದಲ್ಲಿ ಸ್ಟ್ರೀಮ್ ಆಗಲಿವೆ.

ಇದನ್ನೂ ಓದಿ: ನಟಿ ಜ್ಯೋತಿ ರೈ ಅವರದ್ದು ಎನ್ನಲಾದ ಖಾಸಗಿ ವಿಡಿಯೊಗಳು ವೈರಲ್, ಸಾಮಾಜಿಕ ಮಾಧ್ಯಮಗಳಲ್ಲಿ ಇನ್‌ಫ್ಲುಯೆನ್ಸರ್‌ಗಳ ಕೆಟ್ಟ ಆಟ