ತೊಟ್ಟಿಲು ಬದಲು ಮಗುವನ್ನ ಓವನ್‌ನಲ್ಲಿ ಮಲಗಿಸಿದ ತಾಯಿ; ಅಮೆರಿಕದಲ್ಲಿ ದುರಂತ ಅಂತ್ಯ ಕಂಡ ಪುಟ್ಟ ಕಂದಮ್ಮ

ಮಹಾ ತಾಯಿಯೊಬ್ಬಳು ಮಗುವನ್ನು ತೊಟ್ಟಿಲು ಬದಲು ಓವನ್‌ನಲ್ಲಿ ಮಲಗಿಸಿ ಸುಟ್ಟಿರುವ ಹೃದಯ ವಿದ್ರಾವಕ ಘಟನೆ ಅಮೆರಿಕದ (America Crime News) ಕಾನ್ಸಾಸ್ ನಗರದ ಮಿಸ್ಸೌರಿಯಲ್ಲಿ ಎಂಬಲ್ಲಿ ನಡೆದಿದೆ. ಪಾಪಿ ತಾಯಿಯ ಈ ಕೃತ್ಯದಲ್ಲಿ ಪುಟ್ಟ ಕಂದಮ್ಮ ಅಸುನೀಗಿದೆ.

ಇದನ್ನೂ ಓದಿ: ಡೋರ್‌ ನಾಕ್‌ ಟಿಕ್‌ಟಾಕ್‌ ಚಾಲೆಂಜ್‌ ವಿರುದ್ಧ ಅಮೆರಿಕ ಪೊಲೀಸರ ಖಡಕ್‌ ಎಚ್ಚರಿಕೆ; ಏನಿದು ವೈರಲ್‌ ಟ್ರೆಂಡ್‌?

ಮರಿಯಾ ಥಾಮಸ್ ಎಂಬುವರೇ ಈ ಪುಟ್ಟ ಮಗುವಿನ ಸಾವಿಗೆ ಕಾರಣವಾದ ಆರೋಪಿತ ತಾಯಿ. ವರದಿಗಳ ಪ್ರಕಾರ, ಮಗುವಿನ ತಾಯಿ ಮರಿಯಾ ಥಾಮಸ್ ವಿರುದ್ಧ ಮಗುವನ್ನು ಹತ್ಯೆ ಮಾಡಿದ ಕಾರಣಕ್ಕಾಗಿ ಯುಎಸ್‌ನ ಎ ದರ್ಜೆಯ ಅಪರಾಧದ ಆರೋಪ ಹೊರಿಸಲಾಗಿದೆ.

ಸ್ಕೈ ನ್ಯೂಸ್ ಪ್ರಕಾರ, ಮಗು ಉಸಿರಾಡುತ್ತಿಲ್ಲ ಎಂಬ ದೂರಿಗೆ ಪೊಲೀಸರು ಪ್ರತಿಕ್ರಿಯಿಸಿದ್ದಾರೆ. ಸಂಭಾವ್ಯ ಕಾರಣ ಹೇಳಿಕೆಯ ಪ್ರಕಾರ, ಉಸಿರಾಟ ನಿಲ್ಲಿಸಿದ್ದ ಮಗುವಿನ ಮೇಲೆ ಸುಟ್ಟ ಗಾಯಗಳು ಕಂಡು ಬಂದಿವೆ. ಬಳಿಕ ಮಗು ಈಗಾಗಲೇ ಮೃತಪಟ್ಟಿದೆ ಎಂದು ಘೋಷಿಸಲಾಗಿದೆ.

ಇದನ್ನೂ ಓದಿ: ಜೇನು ಪೆಟ್ಟಿಗೆಯಲ್ಲ, ಇದು ವಿನೂತನ ಅಕ್ಷರ ಸೇವೆಯ ಪುಟಾಣಿ ಗ್ರಂಥಾಲಯ; ಅಮೆರಿಕದ ಮಿನಿ ಲೈಬ್ರರಿ ಕುರಿತ ಶಿಶಿರ ಹೆಗಡೆ ಬರಹ

ಜಾಕ್ಸನ್ ಕೌಂಟಿ ಪ್ರಾಸಿಕ್ಯೂಟರ್ ಜೀನ್ ಪೀಟರ್ಸ್ ಬೇಕರ್ ಮಾಹಿತಿ ನೀಡಿದ್ದು, ತಾಯಿ ತನ್ನ ಮಗುವನ್ನು ನಿದ್ದೆಗಾಗಿ ಮಲಗಿಸುವಾಗ ಆಕಸ್ಮಿಕವಾಗಿ ತೊಟ್ಟಿಲಿನ ಬದಲು ಓವನ್‌ನಲ್ಲಿ ಇರಿಸಿದ್ದಾರೆ ಎಂದು ತಿಳಿಸಿರುವುದಾಗಿ ಫಾಕ್ಸ್ 4 ವರದಿ ಮಾಡಿದೆ. ಮತ್ತೊಂದು ವರದಿಯ ಪ್ರಕಾರ, ಹಸಿವಿನಿಂದ ಅಳುತ್ತಿದ್ದ ಮಗುವಿಗೆ ನಿದ್ದೆಕಣ್ಣಿನಲ್ಲಿ ತಾಯಿ ಮರಿಯಾ ಮೊದಲು ಹಾಲು ಕುಡಿಸಿದ್ದಾಳೆ. ನಂತರ ತಪ್ಪಾಗಿ ತೊಟ್ಟಿಲು ಬದಲು ಓವನ್‌ನಲ್ಲಿ ಮಲಗಿಸಿಬಿಟ್ಟಿದ್ದಾಳೆ. ಈಕೆಯ ಅರಿವಿಗೆ ಬಾರದೆ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ: ಅಮೆರಿಕದ ಟೆನ್ನೆಸ್ಸಿಯಲ್ಲಿ ಭೀಕರ ಸುಂಟರಗಾಳಿ, ಗುಡುಗು ಸಹಿತ ಮಳೆಗೆ 6 ಜನ ಸಾವು; ಹಲವರಿಗೆ ಗಾಯ, ಮನೆಗಳಿಗೆ ಹಾನಿ; ಫೆೋಟೊಸ್

ಆರೋಪಿತ ಮಹಿಳೆ ಮಗುವನ್ನು ಹತ್ಯೆ ಮಾಡುವ ಉದ್ದೇಶದಿಂದ ಹೀಗೆ ಮಾಡಿದ್ದಾಳಾ ಇಲ್ಲವೇ ಆಕಸ್ಮಿಕವಾಗಿ ನಡೆದಿರುವ ಘಟನೆಯೇ ಎಂಬುದರ ಬಗ್ಗೆ ಕಾನ್ಸಾಸ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಅದೇನೆ ಇರಲಿ ತಾಯಿಯ ಕೃತ್ಯಕ್ಕೆ ಜಗತ್ತಿನಾದ್ಯಂತ ಭಾರಿ ಆಕ್ರೋಶ ವ್ಯಕ್ತವಾಗಿದೆ. (This copy first appeared in Hindustan Times Kannada website. To read more like this please logon to kannada.hindustantime.com).