Rohit Sharma: ನಾಯಕನಾಗಿ ಒಂದೇ ಒಂದು ಫೈನಲ್ ಸೋಲದ ರೋಹಿತ್ ಶರ್ಮಾ; ಡಬ್ಲ್ಯುಟಿಸಿ ಅಂತಿಮ ಕದನಕ್ಕೂ ಮುನ್ನ ಟೀಮ್ ಇಂಡಿಯಾಗೆ ಹೆಚ್ಚಿದ ವಿಶ್ವಾಸ
Jun 03, 2023 09:49 AM IST
ನಾಯಕನಾಗಿ ಒಂದೇ ಒಂದು ಫೈನಲ್ ಸೋಲದ ರೋಹಿತ್ ಶರ್ಮಾ
- ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ಗೂ ಮುನ್ನ ರೋಹಿತ್ ಶರ್ಮಾ ನಾಯಕತ್ವ ಟೀಮ್ ಇಂಡಿಯಾ ಬಲ ಹೆಚ್ಚಿಸಿದೆ. ಯಾಕೆಂದರೆ ನಾಯಕನಾಗಿ ಹಿಟ್ಮ್ಯಾನ್ ಆಡಿದ ಯಾವುದೇ ಟೂರ್ನಿಯಲ್ಲೂ ಸೋತ ಇತಿಹಾಸವೇ ಇಲ್ಲ.
ಭಾರತ ಮತ್ತು ಆಸ್ಟ್ರೇಲಿಯಾ (India vs Australia) ನಡುವಿನ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ (ICC World test Championship final 2023) ಜೂನ್ 7ರಿಂದ ಇಂಗ್ಲೆಂಡ್ನ ಓವಲ್ ಮೈದಾನದಲ್ಲಿ ನಡೆಯಲಿದೆ. ಈಗಾಗಲೇ ಉಭಯ ತಂಡಗಳು ನೆಟ್ಸ್ ಭರ್ಜರಿ ಅಭ್ಯಾಸ ನಡೆಸುತ್ತಿವೆ. ಚೊಚ್ಚಲ ಟೆಸ್ಟ್ ಚಾಂಪಿಯನ್ ಪ್ರಶಸ್ತಿ ಗೆಲ್ಲಲು ದೊಡ್ಡ ಮಟ್ಟದ ರಣತಂತ್ರಗಳನ್ನೇ ರೂಪಿಸುತ್ತಿವೆ. ಆದರೆ, ಟೀಮ್ ಇಂಡಿಯಾಗೆ ಈ ಒಂದು ವಿಚಾರದಲ್ಲಿ ಆತ್ಮವಿಶ್ವಾಸ ಹೆಚ್ಚಾಗಿದೆ.
ಪ್ಯಾರಿಸ್ ಒಲಿಂಪಿಕ್ಸ್ ಜ್ಯೋತಿ ಹೊತ್ತು ತಂದ 19ನೇ ಶತಮಾನದ ಹಡಗು; ಜುಲೈ 26ರಂದು ಸೀನ್ ನದಿಯಲ್ಲಿ ಉದ್ಘಾಟನಾ ಸಮಾರಂಭ
ಮಲೇಷ್ಯಾ ಫುಟ್ಬಾಲ್ ಆಟಗಾರ ಫೈಸಲ್ ಹಲೀಮ್ ಮೇಲೆ ಆ್ಯಸಿಡ್ ದಾಳಿ; ಮೈಮೇಲೆ ಸುಟ್ಟ ಗಾಯ, ಆರೋಪಿ ಅರೆಸ್ಟ್
ಮೊದಲು ರಾಯ್ಬರೇಲಿ ಗೆಲ್ಲಿ; ತನ್ನ ನೆಚ್ಚಿನ ಚೆಸ್ ದಿಗ್ಗಜ ಆಟಗಾರನಿಂದಲೇ ಟೀಕೆಗೊಳಗಾದ ರಾಹುಲ್ ಗಾಂಧಿ
Hamida Banu: ಭಾರತದ ಮೊದಲ ಮಹಿಳಾ ವೃತ್ತಿಪರ ಕುಸ್ತಿಪಟು ಹಮೀದಾ ಬಾನು ಅವರಿಗೆ ಇಂದು ಗೂಗಲ್ ಡೂಡಲ್ ಗೌರವ, 5 ಆಸಕ್ತಿದಾಯಕ ಅಂಶಗಳು
ಹೌದು.. ರೋಹಿತ್ ಶರ್ಮಾ (Rohit Sharma) ನಾಯಕತ್ವವೇ ಟೀಮ್ ಇಂಡಿಯಾ ಬಲ ಹೆಚ್ಚಿಸಲು ಕಾರಣವಾಗಿದೆ. ಯಾಕೆಂದರೆ ನಾಯಕನಾಗಿ ಹಿಟ್ಮ್ಯಾನ್ ಆಡಿದ ಯಾವುದೇ ಟೂರ್ನಿಯಲ್ಲೂ ಸೋತ ಇತಿಹಾಸ ಇಲ್ಲ. ಕ್ಯಾಪ್ಟನ್ ಆಗಿದ್ದ ಎಲ್ಲಾ ಫೈನಲ್ಗಳಲ್ಲೂ ಪ್ರಶಸ್ತಿ ಗೆದ್ದ ಚರಿತ್ರೆ ಬರೆದಿದ್ದಾರೆ. ಹಾಗಾಗಿ ಟೆಸ್ಟ್ ಚಾಂಪಿಯನ್ ಫೈನಲ್ನಲ್ಲೂ ಭಾರತ ಚಾಂಪಿಯನ್ ಆಗುತ್ತದೆ ಎಂಬುದು ಎಲ್ಲರ ಲೆಕ್ಕಾಚಾರ. ನಾಯಕನಾಗಿ 8 ಬಾರಿ ಫೈನಲ್ಗಳಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.
8 ಫೈನಲ್, 8 ಪ್ರಶಸ್ತಿ
ನಾಯಕನಾಗಿ ಕ್ರಿಕೆಟ್ ಕರಿಯರ್ನಲ್ಲಿ 8 ಫೈನಲ್‌ಗಳನ್ನು ಆಡಿರುವ ರೋಹಿತ್ ಶರ್ಮಾ, 8 ಬಾರಿಯೂ ಪ್ರಶಸ್ತಿ ಗೆದ್ದಿದ್ದಾರೆ. ಹಾಗಾಗಿ ಜೂನ್ 7 ರಂದು ಆರಂಭವಾಗಲಿರುವ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್, ನಾಯಕನಾಗಿ ರೋಹಿತ್ ಅವರ 9ನೇ ಫೈನಲ್ ಆಗಿದೆ. ರೋಹಿತ್ ಈ ಬಾರಿಯೂ ಗೆದ್ದು ತಮ್ಮ ದಾಖಲೆಯನ್ನು ಉಳಿಸಿಕೊಳ್ಳುವ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.
5 ಐಪಿಎಲ್ ಟ್ರೋಫಿ, ಒಂದು ಚಾಂಪಿಯನ್ ಲೀಗ್
ಐಪಿಎಲ್ನಲ್ಲಿ ಅತ್ಯಂತ ಯಶಸ್ವಿ ತಂಡ ಎನಿಸಿರುವ ಚೆನ್ನೈ ಸೂಪರ್ ಕಿಂಗ್ಸ್ ಫೈನಲ್ಗೆ (Chennai Super Kings) ಮುಂಬೈ ಇಂಡಿಯನ್ಸ್ (Mumbai Indians) ಬರಬಾರದು ಎಂಬ ಭಯ ಹುಟ್ಟಿಸಿರುವ ಶ್ರೇಯ ನಾಯಕ ರೋಹಿತ್ ಶರ್ಮಾ ಅವರಿಗೆ ಸಲ್ಲುತ್ತದೆ. ಏಕೆಂದರೆ ರೋಹಿತ್ ನಾಯಕತ್ವದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಆಡಿದ ಮೂರು ಬಾರಿಯೂ ಫೈನಲ್ನಲ್ಲಿ ಸಿಎಸ್ಕೆ ಸೋಲು ಕಂಡಿದೆ. ಐಪಿಎಲ್ನಲ್ಲಿ (IPL) ನಾಯಕನಾಗಿ 5 ಬಾರಿ ಫೈನಲ್ ಆಡಿರುವ ಹಿಟ್ಮ್ಯಾನ್ 5ರಲ್ಲೂ ಪ್ರಶಸ್ತಿ ಗೆದ್ದಿದ್ದಾರೆ.
ಈ ಐದು ಪ್ರಶಸ್ತಿಗಳ ಪೈಕಿ ಚೆನ್ನೈ (2013, 2015, 2019) ವಿರುದ್ಧ 3 ಬಾರಿ ಎಂಬುದು ವಿಶೇಷ. 2013, 2015, 2017, 2019, 2020ರಲ್ಲೂ ಟ್ರೋಫಿ ಗೆದ್ದಿದ್ದಾರೆ. ಇನ್ನೂ 2013ರಲ್ಲಿ ಚಾಂಪಿಯನ್ಸ್ ಲೀಗ್ ಟಿ20 ಟೂರ್ನಿಯ ಫೈನಲ್ನಲ್ಲೂ ರೋಹಿತ್ ಕ್ಯಾಪ್ಟನ್ಸಿಯಲ್ಲಿ ಮುಂಬೈ ಇಂಡಿಯನ್ಸ್ ಪ್ರಶಸ್ತಿ ಜಯಿಸಿತ್ತು.
ಏಷ್ಯಾಕಪ್ ಮತ್ತು ನಿಧಾಹಾಸ್ ಟ್ರೋಫಿ ಗೆದ್ದ ರೋಹಿತ್
ಐಪಿಎಲ್ನಲ್ಲಿ5, ಒಂದು ಟಿ20 ಚಾಂಪಿಯನ್ ಲೀಗ್ ಸೇರಿ 6 ಕಪ್ ಗೆದ್ದಿದ್ದ ಟೀಮ್ ಇಂಡಿಯಾದಲ್ಲೂ ರೋಹಿತ್ ತಮ್ಮ ಪ್ರಾಬಲ್ಯ ಮುಂದುವರೆಸಿದ್ದರು. ಅಂದು ಹಂಗಾಮಿ ನಾಯಕನಾಗಿ ಪ್ರಮುಖ ಪ್ರಶಸ್ತಿಗಳನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು. 2018ರಲ್ಲಿ ನಡೆದ ಏಷ್ಯಾಕಪ್ ಟೂರ್ನಿಯಲ್ಲಿ (Asia Cup 2018) ರೋಹಿತ್ ಸಾರಥ್ಯದಲ್ಲಿ ಟೀಮ್ ಇಂಡಿಯಾ ಪ್ರಶಸ್ತಿ ಗೆದ್ದಿತ್ತು. ಫೈನಲ್ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡವನ್ನು ಭಾರತ ಮಣಿಸಿತ್ತು.
ಇನ್ನೂ ಅದೇ ವರ್ಷ ನಡೆದ ನಿದಾಹಾಸ್ ಟ್ರೋಫಿಯನ್ನೂ ಮುಂಬೈಕರ್ ಮುಂದಾಳತ್ವದಲ್ಲಿ ಭಾರತ ಮತ್ತೊಂದು ಪ್ರಮುಖ ಪ್ರಶಸ್ತಿ ಗೆದ್ದಿತ್ತು. ಈ ಫೈನಲ್ ಪಂದ್ಯದಲ್ಲಿ ದಿನೇಶ್ ಕಾರ್ತಿಕ್ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿ, ರೋಚಕ ಫೈನಲ್ ಗೆಲುವಿಗೆ ಕಾರಣಕರ್ತರಾದರು. ನಾಯಕನಾಗಿ ರೋಹಿತ್ ಶರ್ಮಾ ಈವರೆಗೂ ಆಡಿದ ಯಾವುದೇ ಫೈನಲ್ ಪಂದ್ಯದಲ್ಲೂ ಸೋಲು ಕಂಡಿಲ್ಲ ಎಂಬುದು ವಿಶೇಷ.
10 ವರ್ಷಗಳ ಬಳಿಕ ಐಸಿಸಿ ಟ್ರೋಫಿ ಗೆಲ್ಲೋ ವಿಶ್ವಾಸ
ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಗೆದ್ದರೆ, ಮಹೇಂದ್ರ ಸಿಂಗ್ ಧೋನಿ ನಂತರ ಟೀಮ್ ಇಂಡಿಯಾಕ್ಕೆ ಐಸಿಸಿ ಪ್ರಶಸ್ತಿ ನೀಡಿದ ನಾಯಕ ಎಂಬ ದಾಖಲೆಯನ್ನು ರೋಹಿತ್ ಶರ್ಮಾ ರಚಿಸಲಿದ್ದಾರೆ. ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ 2021ರಲ್ಲಿ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಆಡಿದರೂ ಭಾರತ ತಂಡ ಆಡಿದರೂ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಲಿಲ್ಲ. 2017ರ ಚಾಂಪಿಯನ್ಸ್ ಟ್ರೋಫಿ ಫೈನಲ್ನಲ್ಲೂ ಭಾರತ ಸೋತಿತ್ತು. ಭಾರತ ಕೊನೆಯ 2013ರಲ್ಲಿ ಐಸಿಸಿ ಚಾಂಪಿಯನ್ ಟ್ರೋಫಿ ಗೆದ್ದಿತ್ತು.