IPL 2023 Closing Ceremony: ಐಪಿಎಲ್ ಸಮಾರೋಪ ಸಮಾರಂಭ ಇನ್ನಷ್ಟು ವಿಶೇಷ; ನೂತನ ರೀತಿಯ ಸಂಭ್ರಮಾಚರಣೆಗೆ ಸಜ್ಜಾದ ಬಿಸಿಸಿಐ
ಇಷ್ಟು ದಿನ ಅಭಿಮಾನಿಗಳನ್ನು ರಂಜಿಸಿದ 16ನೇ ಆವೃತ್ತಿಯ ಐಪಿಎಲ್ಗೆ ಅದ್ಭೂರಿ ಬೀಳ್ಕೊಡುಗೆ (IPL 2023 Closing Ceremony) ನೀಡಲು ಬಿಸಿಸಿಐ (BCCI) ಮುಂದಾಗಿದೆ. ಅಮೆರಿಕಾ ಮಾದರಿಯಲ್ಲಿ ಈ ಋತುವಿಗೆ ಅದ್ಧೂರಿ ಅಂತ್ಯ ನೀಡಲು ಸಜ್ಜಾಗಿದೆ. ಈ ಬಾರಿಯ ಸಮಾರೋಪ ಸಮಾರಂಭ ಸ್ವಲ್ಪ ಭಿನ್ನವಾಗಿರಲಿದೆ ಎಂಬುದು ವಿಶೇಷ.
ದೇಶದ ವಿವಿಧ ನಗರಗಳಲ್ಲಿ ಎರಡು ತಿಂಗಳಿಂದ ಅಭಿಮಾನಿಗಳಿಗೆ ಮನರಂಜನೆಯ ರಸದೌತಣ ಉಣಬಡಿಸಿದ 16ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (Indian Premier League) ಮುಕ್ತಾಯದ ಹಂತಕ್ಕೆ ಬಂದು ನಿಂತಿದೆ. ಈ ಋತುವಿನಲ್ಲಿ ಎರಡು ಪಂದ್ಯಗಳು ಮಾತ್ರ ಉಳಿದಿವೆ. ಇಂದು (ಮೇ 26) ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟಾನ್ಸ್ (Mumbai Indians vs Gujarat Titans) ನಡುವಿನ ಎರಡನೇ ಕ್ವಾಲಿಫೈಯರ್ ಅಹಮದಾಬಾದ್ನಲ್ಲಿ (Qualifier 2 in Narendra Modi Stadium) ನಡೆಯಲಿದೆ.
ಈ ಪಂದ್ಯದಲ್ಲಿ ಗೆದ್ದವರು ಮೇ 28 ರಂದು ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ವಿರುದ್ಧ ಇದೇ ಮೈದಾನದಲ್ಲಿ ನಡೆಯುವ ಫೈನಲ್ (IPL Final) ಆಡಲಿದ್ದಾರೆ. ಇಷ್ಟು ದಿನ ಅಭಿಮಾನಿಗಳನ್ನು ರಂಜಿಸಿದ 16ನೇ ಆವೃತ್ತಿಯ ಐಪಿಎಲ್ಗೆ ಅದ್ಭೂರಿ ಬೀಳ್ಕೊಡುಗೆ (IPL 2023 Closing Ceremony) ನೀಡಲು ಬಿಸಿಸಿಐ (BCCI) ಮುಂದಾಗಿದೆ. ಅಮೆರಿಕಾ ಮಾದರಿಯಲ್ಲಿ ಈ ಋತುವಿಗೆ ಅದ್ಧೂರಿ ಅಂತ್ಯ ನೀಡಲು ಸಜ್ಜಾಗಿದೆ. ಈ ಬಾರಿಯ ಸಮಾರೋಪ ಸಮಾರಂಭ ರೋಮಾಂಚರವಾಗಿರಲಿದೆ ಎಂಬುದು ವಿಶೇಷ.
ಫೈನಲ್ ಪಂದ್ಯದ ಸಮಾರೋಪ ಸಮಾರಂಭಕ್ಕೆ ಅಭಿಮಾನಿಗಳನ್ನು ರಂಜಿಸಲು ವಿಶ್ವಪ್ರಸಿದ್ಧ, ಜನಪ್ರಿಯ ರ್ಯಾಪರ್ಗಳು ಬರುತ್ತಿರುವುದು ವಿಶೇಷ. ರ್ಯಾಪರ್ಗಳಾದ ವಿವಿಯನ್ ಡಿವೈನ್ (Divine), ನ್ಯೂಕ್ಲಿಯಾ (DJ Nucleya), ಕಿಂಗ್ (King), ಜೋನಿತಾ ಗಾಂಧಿ (Jonita Gandhi) ಅವರೊಂದಿಗೆ ಗಾನ ಬಜಾನ ಏರ್ಪಡಿಸಲಾಗಿದೆ. ಕಳೆದ ವರ್ಷದಂತೆ ಅಂತಿಮ ಸಮಾರಂಭದಲ್ಲಿ ಏಕಕಾಲದಲ್ಲಿ ಇಬ್ಬರು ರ್ಯಾಪರ್ಗಳು ಅಭಿಮಾನಿಗಳನ್ನು ರಂಜಿಸಲಿದ್ದಾರೆ.
ರ್ಯಾಪರ್ಗಳಾದ ಕಿಂಗ್ ಮತ್ತು ನ್ಯೂಕ್ಲಿಯಾ ಅವರು ಪಂದ್ಯಕ್ಕೂ ಮುನ್ನ ಪ್ರದರ್ಶನ ನೀಡಲಿದ್ದಾರೆ. ಪಂದ್ಯದ ಇನ್ನಿಂಗ್ಸ್ ನಂತರ, ನುಕ್ಲೆಯಾ 20 ನಿಮಿಷಗಳ ಕಾಲ ಜನಪ್ರಿಯ ಗಾಯಕಿ ಜೋನಿತಾ ಗಾಂಧಿ ಮತ್ತು ವಿವಿಯನ್ ಡಿವೈನ್ ತಮ್ಮ ಪ್ರದರ್ಶನ ನೀಡಲಿದ್ದಾರೆ. ಈ ರೀತಿಯ ವಿಭಿನ್ನ ಕಾರ್ಯಕ್ರಮ ಅಮೆರಿಕಾದಲ್ಲಿ ಚಾಲ್ತಿಯಲ್ಲಿದೆ.
ಇದಕ್ಕೂ ಮೊದಲು ಐಪಿಎಲ್ ಸಮಾರೋಪ ಸಮಾರಂಭವನ್ನು ಪಂದ್ಯದ ಆರಂಭಕ್ಕೂ ಮುನ್ನ ನಡೆಸಲಾಗುತ್ತಿತ್ತು. ಇದೀಗ ಪಂದ್ಯದ ಆರಂಭಕ್ಕೂ ಮುನ್ನ ಮತ್ತು ಒಂದು ಇನ್ನಿಂಗ್ಸ್ನ ನಂತರವೂ ಕಾರ್ಯಕ್ರಮ ಆಯೋಜಿಸಲು ಬಿಸಿಸಿಐ ಮುಂದಾಗಿದೆ. ಪಂದ್ಯದಲ್ಲಿ ವಿಶೇಷ ಬೆಳಕಿನ ಪ್ರದರ್ಶನಕ್ಕೂ ಬಿಸಿಸಿಐ ಯೋಜಿಸುತ್ತಿದೆ.
ಈ ರೀತಿಯ ವಿಭಿನ್ನ ಸಮಾರಂಭ ನಮ್ಮಲ್ಲಿ ಹೊಸದಾದರೂ, ಅಮೆರಿಕನ್ ಫುಟ್ಬಾಲ್ ಮತ್ತು ಅಮೆರಿಕಾದ ನ್ಯಾಷನಲ್ ಫುಟ್ಬಾಲ್ ಲೀಗ್ನಲ್ಲಿ (NFL) ಬಹಳ ಪ್ರಸಿದ್ಧವಾಗಿದೆ. ಪ್ರೇಕ್ಷಕರನ್ನು ಆಕರ್ಷಿಸಲು ಬಿಸಿಸಿಐ ವಿಭಿನ್ನ ಪ್ರಯೋಗಕ್ಕೆ ಮುಂದಾಗಿದೆ. ಇದೀಗ ಬಿಸಿಸಿಐ ಈ ನೂತನ ಸಮಾರಂಭ ಆಯೋಜನೆಗೆ ಮುಂದಾಗಿದೆ.
ವೀಕ್ಷಿಸುವುದು ಹೇಗೆ?
ನೀವು ಈ ಕಾರ್ಯಕ್ರಮವನ್ನು ಟಿವಿಗಳು ಮತ್ತು ಮೊಬೈಲ್ಗಳಲ್ಲಿ ವೀಕ್ಷಿಸಲು ಬಯಸಿದರೆ, ನೀವು ಐಪಿಎಲ್ ಟಿವಿ ಬ್ರಾಡ್ಕಾಸ್ಟರ್ ಸ್ಟಾರ್ ಸ್ಪೋರ್ಟ್ಸ್ (Star Sports) ಮತ್ತು ಮೊಬೈಲ್ ಪಾಲುದಾರ ಜಿಯೋ ಸಿನಿಮಾ (Jiocinema) ಅಪ್ಲಿಕೇಶನ್ನಲ್ಲಿ ಇದನ್ನು ಲೈವ್ ಆಗಿ ವೀಕ್ಷಿಸಬಹುದು.
ಫೈನಲ್ ಪಂದ್ಯ ಯಾವಾಗ?
ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ಗೆದ್ದು ಬೀಗಿದ್ದ ಚೆನ್ನೈ ಸೂಪರ್ ಕಿಂಗ್ಸ್ (CSK vs GT) ನೇರವಾಗಿ ಫೈನಲ್ಗೆ ಅರ್ಹತೆ ಪಡೆದುಕೊಂಡಿದೆ. ಇದೀಗ ಎರಡನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟಾನ್ಸ್ (MI vs GT) ತಂಡಗಳು ಸೆಣಸಾಟ ನಡೆಸಲಿದ್ದು, ಗೆದ್ದ ತಂಡವು ಫೈನಲ್ಗೆ ಪ್ರವೇಶ ಪಡೆದುಕೊಳ್ಳಲಿದೆ. ಮೇ 28ರಂದು ಭಾನುವಾರ ಫೈನಲ್ ಪಂದ್ಯ ನಡೆಯಲಿದೆ.