RCB vs DC: ಶಫಾಲಿ-ಲ್ಯಾನಿಂಗ್ ಸ್ಫೋಟಕ ಅರ್ಧಶತಕ, ಡೆಲ್ಲಿ ಬೃಹತ್ ಮೊತ್ತ, ಆರ್ಸಿಬಿ ಗೆಲ್ಲಲು ಬೇಕು 224 ರನ್
Mar 05, 2023 05:05 PM IST
ಮೆಗ್ ಲ್ಯಾನಿಂಗ್ ಮತ್ತು ಶಫಾಲಿ ವರ್ಮಾ
- ಶಫಾಲಿ ವರ್ಮಾ - ಮೆಗ್ ಲ್ಯಾನಿಂಗ್ ಅವರ ಭರ್ಜರಿ ಪ್ರದರ್ಶನದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಆರ್ಸಿಬಿ ತಂಡಕ್ಕೆ ಬೃಹತ್ ಗುರಿ ನೀಡಿದೆ. ಶಫಾಲಿ 84 ರನ್ ಸಿಡಿಸಿದರೆ, ಲ್ಯಾನಿಂಗ್ 72 ರನ್ ಗಳಿಸಿ ಮಿಂಚಿದರು.
ಮಹಿಳಾ ಪ್ರಿಮಿಯರ್ ಲೀಗ್ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕಳಪೆ ಬೌಲಿಂಗ್ ಪ್ರದರ್ಶನ ನೀಡಿದೆ. ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು, ಬೆಂಗಳೂರಿಗೆ 224 ರನ್ಗಳ ಬೃಹತ್ ಟಾರ್ಗೆಟ್ ನೀಡಿದೆ.
Hamida Banu: ಭಾರತದ ಮೊದಲ ಮಹಿಳಾ ವೃತ್ತಿಪರ ಕುಸ್ತಿಪಟು ಹಮೀದಾ ಬಾನು ಅವರಿಗೆ ಇಂದು ಗೂಗಲ್ ಡೂಡಲ್ ಗೌರವ, 5 ಆಸಕ್ತಿದಾಯಕ ಅಂಶಗಳು
ಕೇಳ್ರಪ್ಪೋ ಕೇಳಿ; ನೀವೂ ಬೆಂಗಳೂರು ಬುಲ್ಸ್ ತಂಡ ಸೇರಲು ಇಲ್ಲಿದೆ ಸುವರ್ಣಾವಕಾಶ, ನಿಯಮ ಮತ್ತು ಷರತ್ತುಗಳು ಅನ್ವಯ
ನಾನು ಹೇಳಿದ್ದು ತುಂಬಾ ಕಡಿಮೆ, ಆದರೂ ನಾನು ಮೌನಿಯಾಗಿದ್ದೇನೆ; ಸಾನಿಯಾ ಮಿರ್ಜಾ ಪೋಸ್ಟ್ನ ಅರ್ಥವೇನು?
ದೇಶಕ್ಕಾಗಿ ಪದಕ ಗೆಲ್ಲುವುದೇ ನನ್ನ ಗುರಿ; ಅದಕ್ಕಾಗಿ ತೂಕ ಕಾಪಾಡಿಕೊಳ್ಳಬೇಕು ಎಂದ ವಿನೇಶ್ ಫೋಗಟ್
ಆರಂಭಿಕರಾಗಿ ಕಣಕ್ಕಿಳಿದ ಶಫಾಲಿ ವರ್ಮಾ - ಮೆಗ್ ಲ್ಯಾನಿಂಗ್, ಆರ್ಸಿಬಿ ಬಲಿಷ್ಠ ಬೌಲಿಂಗ್ ಪಡೆಯನ್ನು ಧೂಳೀಪಟ ಮಾಡಿದರು. ಆರಂಭದಿಂದಲೇ ಬೌಂಡರಿ - ಸಿಕ್ಸರ್ಗಳಿಂದಲೇ ಡೀಲ್ ಮಾಡಿದ ಜೋಡಿ, ಸ್ಮೃತಿ ಮಂದಾನ ಲೆಕ್ಕಾಚಾರಗಳನ್ನು ತಲೆಕೆಳಗೆ ಮಾಡಿತು. ಪವರ್ ಪ್ಲೇನಲ್ಲೇ 57 ರನ್ಗಳಿಸಿ ಪರ್ಫೆಕ್ಟ್ ಆರಂಭ ಒದಗಿಸಿದರು.
ಲ್ಯಾನಿಂಗ್ 72, ಶಫಾಲಿ 84
ಸ್ಫೋಟಕ ಆಟದ ಮೂಲಕ ಆರ್ಸಿಬಿಗೆ ಕಾಡಿದ ನಾಯಕಿ ಮೆಗ್ ಲ್ಯಾನಿಂಗ್, 43 ಎಸೆತಗಳಲ್ಲಿ 14 ಬೌಂಡರಿಗಳ ನೆರವಿನಿಂದ 72 ರನ್ ಸಿಡಿಸಿದರು. ಇನ್ನು ಶಫಾಲಿ ಅಗ್ರೆಸ್ಸಿವ್ ಗೇಮ್ ಮೂಲಕ ಸಿಡಿದೆದ್ದರು. 45 ಎಸೆತಗಳಲ್ಲಿ 10 ಬೌಂಡರಿ, 4 ಭರ್ಜರಿ ಸಿಕ್ಸರ್ಗಳ ನೆರವಿನಿಂದ 84 ರನ್ ಚಚ್ಚಿದರು. ಇಬ್ಬರೂ ಕೂಡ ಹೀದರ್ ನೈಟ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು.
ಬಳಿಕ ಜೊತೆಯಾದ ಜೆಮಿಮಾ ರೋಡ್ರಿಗಸ್ - ಮರಿಜಾನ್ ಕಪ್, ಬೆಂಕಿ-ಬಿರುಗಾಳಿ ಆಟವನ್ನು ಮುಂದುವರೆಸಿದರು. ಮರಿಜನ್ ಕಪ್ (39), ರೋಡ್ರಿಗಸ್ (22) ಬಿರುಸಿನ ಬ್ಯಾಟಿಂಗ್ ನಡೆಸಿ ತಂಡದ ಮೊತ್ತವನ್ನು 20ರ ಗಡಿ ದಾಟಿದರು. ಜೊತೆಗೆ ಅಜೇಯರಾಗಿ ಉಳಿದರು.
ಒಂದೂ ವಿಕೆಟ್ ಪಡೆಯಲಿಲ್ಲ ಸ್ಟಾರ್ ಬೌಲರ್ಸ್
ರೇಣುಕಾ ಸಿಂಗ್, ಮೇಘನ್ ಶುಟ್, ಎಲಿಸ್ ಪೆರ್ರಿ ಮತ್ತು ಸೋಫಿ ಡಿವೈನ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಮಿಂಚಿನ ಬೌಲಿಂಗ್ ದಾಳಿ ನಡೆಸಿದ್ದಾರೆ. ಆದರೆ ಇಂದು ಒಂದೇ ಒಂದು ವಿಕೆಟ್ ಪಡೆಯಲು ಇವರ ಕೈಯಲ್ಲಿ ಸಾಧ್ಯವಾಗಲಿಲ್ಲ. ವಿಕೆಟ್ ಪಡೆಯದೇ ಇರಲಿ, ದುಬಾರಿ ಬೌಲಿಂಗ್ ಮಾಡಿಯೂ ತಂಡದ ಹಿನ್ನಡೆಗೆ ಕಾರಣರಾದರು.
ಅತ್ಯಧಿಕ ರನ್ ದಾಖಲಿಸಿದ ಡೆಲ್ಲಿ.!
ಟೂರ್ನಿಯ ಮೊದಲ ಪಂದ್ಯದಲ್ಲೇ ಮುಂಬೈ ಇಂಡಿಯನ್ಸ್ ಭರ್ಜರಿ ಆಟದ ಮೂಲಕ 207 ರನ್ ಗಳಿಸಿ ಸಾಧನೆ ಮಾಡಿತ್ತು. ಇದೀಗ 2ನೇ ಪಂದ್ಯದಲ್ಲೇ ಈ ದಾಖಲೆಯನ್ನು ಡೆಲ್ಲಿ ಬ್ರೇಕ್ ಮಾಡಿದೆ. ನಿಗದಿತ 20 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 223 ರನ್ ಗಳಿಸಿದೆ. ಆ ಮೂಲಕ ಟೂರ್ನಿಯಲ್ಲಿ ಅತ್ಯಧಿಕ ರನ್ ಗಳಿಸಿದ ಸಾಧನೆ ಮಾಡಿದೆ.
ಮೊದಲ ವಿಕೆಟ್ಗೆ ದಾಖಲೆಯ ಜೊತೆಯಾಟ.!
ಮೆಗ್ ಲ್ಯಾನಿಂಗ್ ಮತ್ತು ಶಫಾಲಿ ವರ್ಮಾರ ಸ್ಫೋಟಕ ಆಟದಿಂದ RCB ತತ್ತರಿಸಿತು. ಈ ಜೋಡಿ ಟೂರ್ನಿಯ 2ನೇ ಪಂದ್ಯದಲ್ಲೇ ಶತಕ ಮತ್ತು 150 ರನ್ಗಳ ಜೊತೆಯಾಟವಾಡಿ ಗಮನ ಸೆಳೆಯಿತು. ಲೀಗ್ನಲ್ಲಿ ಈ ಸಾಧನೆ ಮಾಡಿದ ಮೊದಲ ಆರಂಭಿಕ ಜೋಡಿ ಎಂಬ ದಾಖಲೆಯನ್ನೂ ತನ್ನ ಹೆಸರಿಗೆ ಬರೆದುಕೊಂಡಿದೆ. ಮೊದಲ ವಿಕೆಟ್ಗೆ 162 ರನ್ಗಳ ಕಲೆ ಹಾಕಿದ್ದು ವಿಶೇಷ.
ಡೆಲ್ಲಿ ಕ್ಯಾಪಿಟಲ್ಸ್ (ಪ್ಲೇಯಿಂಗ್ XI)
ಶಫಾಲಿ ವರ್ಮಾ, ಮೆಗ್ ಲ್ಯಾನಿಂಗ್ (ನಾಯಕಿ), ಮರಿಜಾನ್ನೆ ಕಪ್, ಜೆಮಿಮಾ ರೋಡ್ರಿಗಸ್, ಆಲಿಸ್ ಕ್ಯಾಪ್ಸೆ, ಜೆಸ್ ಜೊನಾಸ್ಸೆನ್, ತಾನಿಯಾ ಭಾಟಿಯಾ (ವಿಕೆಟ್ ಕೀಪರ್), ಅರುಂಧತಿ ರೆಡ್ಡಿ, ಶಿಖಾ ಪಾಂಡೆ, ರಾಧಾ ಯಾದವ್, ತಾರಾ ನಾರ್ರಿಸ್
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಪ್ಲೇಯಿಂಗ್ XI)
ಸ್ಮೃತಿ ಮಂಧಾನ (ನಾಯಕಿ), ಸೋಫಿ ಡಿವೈನ್, ಹೀದರ್ ನೈಟ್, ದಿಶಾ ಕಸತ್, ಎಲ್ಲಿಸ್ ಪೆರ್ರಿ, ರಿಚಾ ಘೋಷ್ (ವಿಕೆಟ್ ಕೀಪರ್), ಕನಿಕಾ ಅಹುಜಾ, ಆಶಾ ಶೋಬನಾ, ಪ್ರೀತಿ ಬೋಸ್, ಮೇಗನ್ ಶುಟ್, ರೇಣುಕಾ ಠಾಕೂರ್ ಸಿಂಗ್