ಕೌತುಕ ಹೆಚ್ಚಿಸಿದ ಐಪಿಎಲ್ ಪ್ಲೇಆಫ್ ರೇಸ್; ಮುಂಬೈ ಇಂಡಿಯನ್ಸ್ ಹೊರಬಿದ್ದ ನಂತರ ಇಲ್ಲಿದೆ 9 ತಂಡಗಳ ಪ್ಲೇಆಫ್ ಲೆಕ್ಕಾಚಾರ
- IPL 2024: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸನ್ರೈಸರ್ಸ್ ಹೈದರಾಬಾದ್ ಜಯಭೇರಿ ಬಾರಿಸಿದ ಬೆನ್ನಲ್ಲೇ ಮುಂಬೈ ಇಂಡಿಯನ್ಸ್ ಪ್ರಶಸ್ತಿ ಸುತ್ತಿನ ರೇಸ್ನಿಂದ ಅಧಿಕೃತವಾಗಿ ಹೊರಬಿತ್ತು. ಹಾಗಾದರೆ ಉಳಿದ 9 ತಂಡಗಳ ಪರಿಸ್ಥಿತಿ ಹೇಗಿದೆ? ಯಾರಿಗೆಷ್ಟು ಅವಕಾಶ ಇದೆ ಎಂಬುದರ ಚಿತ್ರಣ ಇಲ್ಲಿದೆ.
- IPL 2024: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸನ್ರೈಸರ್ಸ್ ಹೈದರಾಬಾದ್ ಜಯಭೇರಿ ಬಾರಿಸಿದ ಬೆನ್ನಲ್ಲೇ ಮುಂಬೈ ಇಂಡಿಯನ್ಸ್ ಪ್ರಶಸ್ತಿ ಸುತ್ತಿನ ರೇಸ್ನಿಂದ ಅಧಿಕೃತವಾಗಿ ಹೊರಬಿತ್ತು. ಹಾಗಾದರೆ ಉಳಿದ 9 ತಂಡಗಳ ಪರಿಸ್ಥಿತಿ ಹೇಗಿದೆ? ಯಾರಿಗೆಷ್ಟು ಅವಕಾಶ ಇದೆ ಎಂಬುದರ ಚಿತ್ರಣ ಇಲ್ಲಿದೆ.
(1 / 10)
ಕೋಲ್ಕತ್ತಾ ನೈಟ್ ರೈಡರ್ಸ್ 8 ಗೆಲುವು ಸಾಧಿಸಿದ್ದು 16 ಅಂಕ ಪಡೆದಿದೆ. ಇದರೊಂದಿಗೆ ಪ್ಲೇಆಫ್ ಸನಿಹದಲ್ಲಿದೆ. ಈಗಾಗಲೇ 11 ಪಂದ್ಯಗಳನ್ನು ಆಡಿರುವ ಕೆಕೆಆರ್, ಇನ್ನೊಂದು ಪಂದ್ಯ ಗೆದ್ದರೆ ಅಧಿಕೃತವಾಗಿ ಪ್ಲೇಆಫ್ಗೆ ಲಗ್ಗೆ ಇಡಲಿದೆ. ಆದರೆ, ಎಲ್ಲೂ ಯಾಮಾರಬಾರದು. ಉಳಿದ ಮೂರು ಪಂದ್ಯಗಳಲ್ಲಿ ಸೋತರೆ ಕೊನೆಯಲ್ಲಿ ಎಡವುವ ಸಾಧ್ಯತೆ ಇದೆ. ಏಕೆಂದರೆ ಬೇರೆ ತಂಡಗಳು ಸಹ 16 ಅಂಕ ಪಡೆಯುವ ಅವಕಾಶ ಇನ್ನೂ ಇದೆ.
(2 / 10)
8 ಗೆಲುವು, 16 ಅಂಕ ಸಂಪಾದಿಸಿ ಎರಡನೇ ಸ್ಥಾನದಲ್ಲಿರುವ ರಾಜಸ್ಥಾನ್ ರಾಯಲ್ಸ್ ಸಹ ಪ್ಲೇಆಫ್ ಪ್ರವೇಶಿಸಲು ಇನ್ನೊಂದು ಗೆಲುವು ಅಗತ್ಯ ಇದೆ. ಆದರೆ, ಉಳಿದ ಮೂರು ಪಂದ್ಯಗಳಲ್ಲಿ ಸೋತರೆ, ಬೇರೆ ತಂಡಗಳಿಗೆ ದಾಟಿ ಮಾಡಿಕೊಟ್ಟಂತೂ ಆಗುತ್ತದೆ. ನಾಲ್ಕು ತಂಡಗಳು ಈ ಸ್ಥಾನಕ್ಕಾಗಿ ಸರದಿ ಸಾಲಿನಲ್ಲಿ ನಿಂತಿವೆ.(AFP)
(3 / 10)
ಸನ್ರೈಸರ್ಸ್ ಹೈದರಾಬಾದ್ 12 ಪಂದ್ಯಗಳಲ್ಲಿ 14 ಅಂಕ ಹೊಂದಿದೆ ಎಲ್ಎಸ್ಜಿ ವಿರುದ್ಧದ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ 3ನೇ ಸ್ಥಾನಕ್ಕೆ ತಲುಪಿದೆ. ಇನ್ನೊಂದು ಗೆಲುವು ಸಾಧಿಸಿದರೆ ತನ್ನ ಪ್ಲೇಆಫ್ಗೆ ಬಹುತೇಕ ಅರ್ಹತೆ ಪಡೆಯಲಿದೆ. ಉಳಿದ 2 ಪಂದ್ಯಗಳನ್ನು ಸೋಲಬಾರದು. ಏಕೆಂದರೆ, ಚೆನ್ನೈ, ಲಕ್ನೋ, ಡೆಲ್ಲಿ ತಂಡಗಳಿಗೆ 16 ಅಂಕ ಪಡೆಯುವ ಅವಕಾಶ ಇದೆ.(ANI)
(4 / 10)
ಚೆನ್ನೈ ಸೂಪರ್ ಕಿಂಗ್ಸ್ 11 ಪಂದ್ಯಗಳಲ್ಲಿ 12 ಅಂಕಗಳನ್ನು ಹೊಂದಿದೆ. ಕಳೆದ ಪಂದ್ಯದಲ್ಲಿ ಪಂಜಾಬ್ ವಿರುದ್ಧ ಗೆದ್ದಿದ್ದು, ಪ್ಲೇಆಫ್ಗೆ ಅರ್ಹತೆ ಪಡೆಯಲು ಬೂಸ್ಟ್ ನೀಡಿತು. ತನ್ನ ಮುಂದಿನ ಪಂದ್ಯಗಳಲ್ಲಿ ಜಿಟಿ, ಆರ್ಸಿಬಿ, ಆರ್ಆರ್ ವಿರುದ್ಧ ಆಡಲಿದೆ. ಆದರೆ ಜಿಟಿ ವಿರುದ್ಧ ಚೆನ್ನೈ ಜಯ ಸಾಧಿಸಿದರೆ, ಕೆಕೆಆರ್ ಮತ್ತು ಎಲ್ಎಸ್ಜಿ ತಮ್ಮ ಮುಂದಿನ ಪಂದ್ಯಗಳಲ್ಲಿ ಸೋಲಬೇಕು. ಇದರ ಲಾಭ ಚೆನ್ನೈ ಸೂಪರ್ ಕಿಂಗ್ಸ್ಗೆ ಸಿಗಲಿದೆ. ಒಂದು ವೇಳೆ ಉಳಿದ 3 ಪಂದ್ಯಗಳಲ್ಲಿ ಗೆದ್ದರೆ 18 ಅಂಕಗಳೊಂದಿಗೆ ಪ್ಲೇಆಫ್ಗೆ ಬರಲಿದೆ.
(5 / 10)
12 ಪಂದ್ಯಗಳಲ್ಲಿ 12 ಅಂಕಗಳೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಇನ್ನೂ ಪ್ಲೇಆಫ್ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಹುಡುಕಾಟ ನಡೆಸುತ್ತಿದೆ. ಡೆಲ್ಲಿಗೆ ಎರಡು ಪಂದ್ಯಗಳು ಮಾತ್ರ ಉಳಿದಿದ್ದು, ಎರಡರಲ್ಲೂ ಗೆದ್ದರೆ 16 ಅಂಕ ಪಡೆದು ಪ್ರಶಸ್ತಿ ಸುತ್ತಿಗೆ ಅರ್ಹತೆ ಪಡೆಯುವ ಅವಕಾಶ ಇದೆ. ಹಾಗಂತ ಖಚಿತೆತೆಯೂ ಇಲ್ಲ. ಎಸ್ಆರ್ಹೆಚ್, ಲಕ್ನೋ, ಚೆನ್ನೈ ಎಲ್ಲಾ ಪಂದ್ಯಗಳು ಸೋತರೆ ಡೆಲ್ಲಿಗೆ ಲಾಭವಾಗಲಿದೆ.
(6 / 10)
ಲಕ್ನೋ ಸೂಪರ್ ಜೈಂಟ್ಸ್ 12 ಪಂದ್ಯಗಳಲ್ಲಿ 12 ಅಂಕ ಪಡೆದಿದೆ. ಎಸ್ಆರ್ಹೆಚ್ ವಿರುದ್ಧದ ಸೋಲು ಪ್ಲೇಆಫ್ ಹಾದಿ ದುರ್ಗಮಗೊಳಿಸಿತು. ಬಾಕಿ ಉಳಿದ ಪಂದ್ಯಗಳಲ್ಲಿ 2 ಪಂದ್ಯಗಳಲ್ಲಿ ಗೆಲ್ಲಬೇಕು. ಜತೆಗೆ ಸಿಎಸ್ಕೆ, ಎಸ್ಆರ್ಹೆಚ್ ತನ್ನ ಮುಂದಿನ ಪಂದ್ಯಗಳಲ್ಲಿ ಸೋಲಬೇಕಾಗುತ್ತೆ. ಆಗ ಮಾತ್ರ ಲಕ್ನೋ ಪ್ಲೇಆಫ್ ಪ್ರವೇಶಿಸಲಿದೆ.
(7 / 10)
ಆರ್ಸಿಬಿ ಅನಿಶ್ಚಿತ ಸ್ಥಿತಿಯಲ್ಲಿದ್ದರೂ ಪ್ಲೇಆಫ್ ಸ್ಥಾನಕ್ಕೆ ಇನ್ನೂ ಸ್ಪರ್ಧಿಯಾಗಿದೆ. ಪ್ರಸ್ತುತ 7ನೇ ಸ್ಥಾನದಲ್ಲಿರುವ ಬೆಂಗಳೂರು 7 ಸೋಲು, 4 ಗೆಲುವಿನೊಂದಿಗೆ 8 ಅಂಕ ಸಂಪಾದಿಸಿದೆ. ಉಳಿದ 3 ಪಂದ್ಯಗಳಲ್ಲಿ ಗೆದ್ದರೆ 14 ಅಂಕ ಪಡೆಯಲಿದೆ. ಆದರೆ, ಡೆಲ್ಲಿ, ಲಕ್ನೋ, ಸಿಎಸ್ಕೆ, ಜಿಟಿ 14 ಅಂಕ ದಾಟಬಾರದು. ಒಂದು ವೇಳೆ ಅಷ್ಟೇ ಅಂಕ ಪಡೆದರೂ ನೆಟ್ ರನ್ ರೇಟ್ ತನಗಿಂತ ಕಡಿಮೆ ಇರಬೇಕು. ಆಗ ಮಾತ್ರ ಆರ್ಸಿಬಿ ಪ್ಲೇಆಫ್ ಪ್ರವೇಶಿಸಲು ಸಾಧ್ಯ.
(8 / 10)
11 ಪಂದ್ಯಗಳಲ್ಲಿ 8 ಅಂಕ ಪಡೆದಿರುವ ಪಂಜಾಬ್, ಒಂದು ಪಂದ್ಯ ಸೋತರೂ ಪ್ರಶಸ್ತಿ ರೇಸ್ನಿಂದ ಅಧಿಕೃತವಾಗಿ ಹೊರಬೀಳಲಿದೆ. ಉಳಿದ ಮೂರು ಗೆಲುವು ಸಾಧಿಸಬೇಕು. ಆರ್ಸಿಬಿ, ಆರ್ಆರ್, ಎಸ್ಆರ್ಹೆಚ್ ವಿರುದ್ಧ ಗೆಲ್ಲಲೇಬೇಕು. ಅಲ್ಲದೆ, ಸಿಎಸ್ಕೆ, ಡೆಲ್ಲಿ, ಲಕ್ನೋ, ಜಿಟಿ 14 ಅಂಕ ದಾಟಬಾರದು. ಆಗ ಮಾತ್ರ ಪಿಬಿಕೆಎಸ್ಗೆ ಪ್ಲೇಆಫ್ಗೆ ಅವಕಾಶ ಸಿಗಲಿದೆ. ಆದರೆ ನೆಟ್ ರನ್ ರೇಟ್ ಅನ್ನೂ ಹೆಚ್ಚಿಸಿಕೊಳ್ಳಬೇಕು.
(9 / 10)
ಮುಂಬೈ ಇಂಡಿಯನ್ಸ್ ಪ್ರಸ್ತುತ 12 ಪಂದ್ಯಗಳಲ್ಲಿ 8 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದೆ. ಆದರೆ, ಎಲ್ಎಸ್ಜಿ ವಿರುದ್ಧ ಎಸ್ಆರ್ಹೆಚ್ ಜಯ ಸಾಧಿಸಿದ ಕಾರಣ, ಎಂಐ ಪ್ರಶಸ್ತಿ ರೇಸ್ನಿಂದ ಹೊರಬಿತ್ತು. ಹಾರ್ದಿಕ್ ಪಡೆ ಉಳಿದ ಎರಡು ಪಂದ್ಯಗಳಲ್ಲಿ ಗೆದ್ದರೂ ಗರಿಷ್ಠ 12 ಅಂಕ ಪಡೆಯಬಹುದು. ಆದರೆ ಇದು ಅರ್ಹತೆ ಪಡೆಯಲು ಸಾಧ್ಯವಿಲ್ಲ.( AFP)
(10 / 10)
12 ಪಂದ್ಯಗಳಲ್ಲಿ 12 ಅಂಕಗಳೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಇನ್ನೂ ಪ್ಲೇಆಫ್ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಹುಡುಕಾಟ ನಡೆಸುತ್ತಿದೆ. ಡೆಲ್ಲಿಗೆ ಎರಡು ಪಂದ್ಯಗಳು ಮಾತ್ರ ಉಳಿದಿದ್ದು, ಎರಡರಲ್ಲೂ ಗೆದ್ದರೆ 16 ಅಂಕ ಪಡೆದು ಪ್ರಶಸ್ತಿ ಸುತ್ತಿಗೆ ಅರ್ಹತೆ ಪಡೆಯುವ ಅವಕಾಶ ಇದೆ. ಹಾಗಂತ ಖಚಿತೆತೆಯೂ ಇಲ್ಲ. ಎಸ್ಆರ್ಹೆಚ್, ಲಕ್ನೋ, ಚೆನ್ನೈ ಎಲ್ಲಾ ಪಂದ್ಯಗಳು ಸೋತರೆ ಡೆಲ್ಲಿಗೆ ಲಾಭವಾಗಲಿದೆ.( ANI)
ಇತರ ಗ್ಯಾಲರಿಗಳು