Shilpa Recent Photos: 'ಜನುಮದ ಜೋಡಿ' ಚಿತ್ರದ ಶಿಲ್ಪ ಅಲಿಯಾಸ್‌ ಚಿಪ್ಪಿ ನೆನಪಿದ್ದಾರಾ..ಇಲ್ಲಿವೆ ನೋಡಿ ಅವರ ಫ್ಯಾಮಿಲಿ ಫೋಟೋಗಳು
- ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ಅಭಿನಯದ 'ಜನುಮದ ಜೋಡಿ' , ಚಿತ್ರಕಥೆ ಹಾಗೂ ಹಾಡುಗಳಿಂದ ಗಮನ ಸೆಳೆದ ಸಿನಿಮಾ. ಈ ಚಿತ್ರಕ್ಕೆ ವಿವಿಧ ವಿಭಾಗಗಳಲ್ಲಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ ಹಾಗೂ ಸೌತ್‌ ಫಿಲ್ಮ್‌ಫೇರ್‌ ಅವಾರ್ಡ್‌ ದೊರೆತಿತ್ತು.
- ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ಅಭಿನಯದ 'ಜನುಮದ ಜೋಡಿ' , ಚಿತ್ರಕಥೆ ಹಾಗೂ ಹಾಡುಗಳಿಂದ ಗಮನ ಸೆಳೆದ ಸಿನಿಮಾ. ಈ ಚಿತ್ರಕ್ಕೆ ವಿವಿಧ ವಿಭಾಗಗಳಲ್ಲಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ ಹಾಗೂ ಸೌತ್‌ ಫಿಲ್ಮ್‌ಫೇರ್‌ ಅವಾರ್ಡ್‌ ದೊರೆತಿತ್ತು.
(1 / 12)
ಶಿವಣ್ಣನ ಜೊತೆ ನಟಿಸಿದ್ದ ನಾಯಕಿ ಶಿಲ್ಪಾಗೆ ಈ ಚಿತ್ರಕ್ಕಾಗಿ ಉತ್ತಮ ನಟಿ ಪ್ರಶಸ್ತಿ ದೊರೆತಿತ್ತು. ಅಸಲಿಗೆ ಶಿಲ್ಪ ಕೇರಳಕ್ಕೆ ಸೇರಿದ ಚೆಲುವೆ. ಇವರಿಗೆ ದಿವ್ಯ, ಚಿಪ್ಪಿ ಎಂದೂ ಹೆಸರಿದೆ. (PC: Chippy Renjith Instagram)
(2 / 12)
1993ರಲ್ಲಿ ಮಲಯಾಳಂ ಸೂಪರ್‌ ಸ್ಟಾರ್‌ ಮುಮುಟ್ಟಿ ಜೊತೆ ನಟಿಸುವ ಮೂಲಕ ಚಿತ್ರರಂಗಕ್ಕೆ ಬಂದ ಶಿಲ್ಪ ತಮ್ಮ ಮಾತೃಭಾಷೆ ನಂತರ ಹೆಚ್ಚು ನಟಿಸಿದ್ದು ಕನ್ನಡ ಸಿನಿಮಾಗಳಲ್ಲಿ.
(3 / 12)
1996ರಲ್ಲಿ ತೆರೆ ಕಂಡ 'ಜನುಮದ ಜೋಡಿ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಂದ ಶಿಲ್ಪ' ಮೊದಲ ಚಿತ್ರದಲ್ಲೇ ಕನ್ನಡ ಸಿನಿಪ್ರಿಯರ ಮನಸ್ಸು ಗೆದ್ದರು. ಈಕೆ ಕೇರಳಕ್ಕೆ ಸೇರಿದ ನಟಿ ಎಂದು ಯಾರಿಗೂ ತಿಳಿಯದಿರುವಷ್ಟು ನೈಜವಾಗಿ ಅಭಿನಯಿಸಿದ್ದರು ಶಿಲ್ಪ.
(4 / 12)
ಇದಾದ ನಂತರ ಶಿಲ್ಪ, ಕಲ್ಯಾಣಿ, ಮುದ್ದಿನ ಕಣ್ಮಣಿ, ಲಕ್ಷ್ಮಿ, ಮಹಾಲಕ್ಷ್ಮಿ, ವಿಮೋಚನೆ, ಮುಂಗಾರಿನ ಮಿಂಚು, ಸುವ್ವಿ ಸುವ್ವಾಲಿ, ಭೂಮಿ ತಾಯಿಯ ಚೊಚ್ಚಲ ಮಗ, ಇದೆಂಥಾ ಪ್ರೇಮವಯ್ಯಾ, ಪ್ರೇಮಾಚಾರಿ, ಧರ್ಮ ದೇವತೆ, ಪಾಂಡವ ಸೇರಿ 15ಕ್ಕೂ ಹೆಚ್ಚು ಕನ್ನಡ ಸಿನಿಮಾಗಳಲ್ಲಿ ನಟಿಸಿದರು.
(5 / 12)
ತಮಿಳು ಹಾಗೂ ತೆಲುಗಿನಲ್ಲಿ ತಲಾ ಒಂದೊಂದು ಸಿನಿಮಾಗಳಲ್ಲಿ ನಟಿಸಿರುವ ಶಿಲ್ಪ ಸದ್ಯಕ್ಕೆ ತಮಿಳು ಹಾಗೂ ಮಲಯಾಳಂ ಧಾರಾವಾಹಿಗಳಲ್ಲಿ ಬ್ಯುಸಿ ಇದ್ದಾರೆ.
(6 / 12)
2004ರಲ್ಲಿ ತೆರೆ ಕಂಡ 'ಪಾಂಡವ' ಚಿತ್ರದ ನಂತರ ಶಿಲ್ಪ ಮತ್ತೆ ಕನ್ನಡ ಸಿನಿಮಾಗಳಲ್ಲಿ ನಟಿಸಲಿಲ್ಲ. ಆನಂದ್‌ ಪಿ ರಾಜ್‌ ನಟಿಸಿದ್ದ ಈ ಚಿತ್ರದಲ್ಲಿ ಶಿಲ್ಪ ಜೊತೆಗೆ ಚರಣ್‌ ರಾಜ್‌, ವಿನೋದ್‌ ರಾಜ್‌, ವಿನೋದ್‌ ಆಳ್ವ, ಹರ್ಷಿತ, ಬಿ ಜಯಶ್ರೀ, ಮಂಡ್ಯ ರಮೇಶ್‌, ಬಿರಾದಾರ್‌ ಹಾಗೂ ಇನ್ನಿತರರು ನಟಿಸಿದ್ದರು.
(7 / 12)
2001 ರಲ್ಲಿ ಶಿಲ್ಪ, ಎಂ. ರೆಂಜಿತ್‌ ಅವರನ್ನು ಮದುವೆಯಾದರು. ರೆಂಜಿತ್‌, ಮಲಯಾಳಂ ಚಿತ್ರರಂಗದಲ್ಲಿ ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದಾರೆ.
(8 / 12)
ಶಿಲ್ಪ ಹಾಗೂ ರೆಂಜಿತ್‌ ದಂಪತಿಗೆ ಅವಂತಿಕಾ ಎಂಬ ಪುತ್ರಿ ಇದ್ದಾರೆ.
(9 / 12)
ಮದುವೆ ನಂತರ ಶಿಲ್ಪ, ತಾವು ಒಪ್ಪಿಕೊಂಡಿದ್ದ ಸಿನಿಮಾಗಳನ್ನು ಮುಗಿಸಿ ಧಾರಾವಾಹಿಗಳಲ್ಲಿ ಸಕ್ರಿಯರಾದರು.
(10 / 12)
ರೆಜಪುತ್ರ ವಿಶ್ಯುವಲ್‌ ಮೀಡಿಯಾ ಹಾಗೂ ಮಗಳ ಹೆಸರಿನ ಅವಂತಿಕಾ ಕ್ರಿಯೇಷನ್ಸ್‌ ಎಂಬ ಹೋಂ ಬ್ಯಾನರ್‌ ಹೊಂದಿರುವ ಶಿಲ್ಪ, ತಮ್ಮ ಪತಿ ರೆಂಜಿತ್‌ ಅವರೊಂದಿಗೆ ಸೇರಿ ಸಿನಿಮಾ ನಿರ್ಮಾಣದಲ್ಲಿ ತೊಡಗಿದ್ದಾರೆ.
(11 / 12)
ಸದ್ಯಕ್ಕೆ ಶಿಲ್ಪ, 'ಸಾಂತ್ವಾನಂ' ಎಂಬ ಮಲಯಾಳಂ ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ಏಷ್ಯಾನೆಟ್‌ ಮಲಯಾಳಂನಲ್ಲಿ ಪ್ರಸಾರವಾಗುತ್ತಿದೆ. ಈ ಧಾರಾವಾಹಿಯನ್ನು ಶಿಲ್ಪಾ, ತಮ್ಮ ಬ್ಯಾನರ್‌ ಅಡಿ ನಿರ್ಮಿಸುತ್ತಿದ್ದಾರೆ.
(12 / 12)
ಶಿಲ್ಪಾಗೆ ಕನ್ನಡದಲ್ಲಿ ಕೂಡಾ ಅನೇಕ ಅಭಿಮಾನಿಗಳಿದ್ದಾರೆ, ಈ ಚೆಲುವೆ ಮತ್ತೆ ಕನ್ನಡ ಸಿನಿಮಾಗಳಲ್ಲಿ ನಟಿಸಬೇಕು ಎನ್ನುವುದು ಕನ್ನಡ ಸಿನಿಪ್ರಿಯರ ಆಸೆ. ಆದರೆ ಅದು ಚಿಪ್ಪಿ ಮನಸ್ಸು ಮಾಡಿದರೆ ಮಾತ್ರ ಸಾಧ್ಯ ಅಷ್ಟೇ.
ಇತರ ಗ್ಯಾಲರಿಗಳು