Faf Du Plessis: ನಮ್ಮದು ಅದ್ಭುತ ತಂಡವಾಗಿರಲಿಲ್ಲ; ಪ್ಲೇ ಆಫ್ ತಲುಪುವ ಅರ್ಹತೆ ನಮಗಿರಲಿಲ್ಲ; ಫಾಫ್ ಡು ಪ್ಲೆಸಿಸ್ ಬೇಸರದ ಮಾತು
16ನೇ ಆವೃತ್ತಿಯ ಐಪಿಎಲ್ನಲ್ಲಿ ಪ್ಲೇ ಆಫ್ ಪ್ರವೇಶಿಸಲು ವಿಫಲವಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಲೀಗ್ ಹಂತದಲ್ಲೇ ಹೊರಬಿದ್ದಿದೆ. ಈ ಬಗ್ಗೆ ಬೇಸರ ವ್ಯಕ್ತಪಡಿಸಿರುವ ಫಾಫ್ ಡು ಪ್ಲೆಸಿಸ್ ನಿರೀಕ್ಷಿತ ಆಟವಾಡಲಿಲ್ಲ ಎಂದಿದ್ದಾರೆ.
16ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (IPL 2023) ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತನ್ನ ಅಭಿಯಾನ ಮುಗಿಸಿದೆ. ಟ್ರೋಫಿ ಗೆಲ್ಲುವ ಭರವಸೆ ಹೊಂದಿದ್ದ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಈ ಸಲ ಕಪ್ ನಮ್ದೇ ಎಂಬ ಘೋಷಣೆಯನ್ನು ಮುಂದಿನ ಬಾರಿಕೆ ಮುಂದೂಡಿಕೆಯಾಗಿದೆ. ಪ್ಲೇ ಆಫ್ಗೇರುವ ತನ್ನ ಕೈಯಲಿದ್ದರೂ, ಅದನ್ನು ದಕ್ಕಿಸಿಕೊಳ್ಳಲಾಗದೆ ಸೋಲನುಭವಿಸಿತು.
ಟ್ರೆಂಡಿಂಗ್ ಸುದ್ದಿ
ಲೀಗ್ ಹಂತದ ಕೊನೆಯ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ (Gujarat Titans) ತಂಡವನ್ನು ಎದುರಿಸಿತು. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಆರ್ಸಿಬಿ 5 ವಿಕೆಟ್ ನಷ್ಟಕ್ಕೆ 197 ರನ್ ಗಳಿಸಿತು. ವಿರಾಟ್ ಕೊಹ್ಲಿ (Virat Kohli) ಶತಕ ಸಿಡಿಸಿ ಏಕಾಂಗಿ ಹೋರಾಟ ನಡೆಸಿದರು. ಈ ಗುರಿ ಬೆನ್ನತ್ತಿದ ಗುಜರಾತ್ 19.1 ಓವರ್ಗಳಲ್ಲ ಗೆಲುವಿನ ಗೆರೆ ದಾಟಿತು. ಶುಭ್ಮನ್ ಗಿಲ್ (Shubman Gill) ಶತಕ ಸಿಡಿಸಿ ರೂವಾರಿಯಾದರು. ಇದರೊಂದಿಗೆ 6 ವಿಕೆಟ್ಗಳ ಗೆಲುವು ದಾಖಲಿಸಿತು.
ಈ ಪಂದ್ಯದಲ್ಲಿ ಆರ್ಸಿಬಿ ಪ್ಲೇ ಆಫ್ಗೆ (Playoff) ನೇರವಾಗಿ ಅರ್ಹತೆ ಪಡೆಯುವ ಅವಕಾಶ ಇತ್ತು. ಪ್ರಸಕ್ತ ಟೂರ್ನಿಯಲ್ಲಿ ಆಡಿದ 14 ಪಂದ್ಯಗಳಲ್ಲಿ ಏಳು ಗೆಲುವು, 7 ಸೋಲು ಕಂಡಿದೆ. 14 ಅಂಕ ಪಡೆದಿತ್ತು. ಅಂಕಪಟ್ಟಿಯಲ್ಲಿ 6 ಸ್ಥಾನದೊಂದಿಗೆ ಐಪಿಎಲ್ ಅಭಿಯಾನ ಅಂತ್ಯಗೊಳಿಸಿದೆ. ಈ ಸೋಲಿನ ಬಗ್ಗೆ ಆರ್ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ (RCB Captain Faf Du Plessis) ಮಾತನಾಡಿದ್ದು, ಬೇಸರದ ನುಡಿಗಳನ್ನಾಡಿದ್ದಾರೆ. ನಮ್ಮ ತಂಡ ಉತ್ತಮವಾಗಿರಲಿಲ್ಲ ಎಂದಿದ್ದಾರೆ.
ತಮ್ಮ ತಂಡಕ್ಕೆ ಪ್ಲೇ ಆಫ್ ತಲುಪುವ ಅರ್ಹತೆಯೇ ಇಲ್ಲ ಎಂದು ಕಳವಳ ವ್ಯಕ್ತಪಡಿಸಿದರು. ಈ ಟೂರ್ನಿಯಲ್ಲಿ ಅತ್ಯುತ್ತಮ ತಂಡಗಳ ಪೈಕಿ ನಮ್ಮ ತಂಡವು ಉತ್ತಮ ತಂಡವೇ ಆಗಿರಲಿಲ್ಲ. ಇದೇ ಕಾರಣಕ್ಕೆ ಪ್ಲೇ ಆಫ್ ಹಂತಕ್ಕೇರುವ ಅರ್ಹತೆ ಹೊಂದಲಿಲ್ಲ. ಲೀಗ್ ಹಂತದಲ್ಲೇ ನಮ್ಮ ತಂಡದ ಹೋರಾಟ ಕೊನೆಗೊಂಡಿರುವುದು ಬೇಸರ ತರಿಸಿದೆ. ಒಟ್ಟಾರೆ ಪ್ರದರ್ಶನ ಗಮನಿಸಿದರೆ, ನಮ್ಮ ತಂಡ ಉತ್ತಮವಾಗಿರಲಿಲ್ಲ ಎಂಬುದು ಸತ್ಯ ಎಂದು ಹೇಳಿದ್ದಾರೆ.
ಅದೃಷ್ಟದ ಮೇಲೆ ನಾವು ಅದ್ಭುತ ಪ್ರದರ್ಶನ ನೀಡಿದ್ದೇವೆ. ಇದು ನಿಜ. ಈ ಋತುವಿನಲ್ಲಿ ಕೆಲವು ಉತ್ತಮ ವೈಯಕ್ತಿಕ ಪ್ರದರ್ಶನಗಳು ಬಂದಿವೆ. ತಂಡದಲ್ಲಿ ಕೆಲವು ನ್ಯೂನತೆಗಳಿವೆ. ನಮ್ಮನ್ನು ನಾವು ವಿಮರ್ಶೆ ಮಾಡಿಕೊಂಡರೆ, ಇದೀಗ ಪ್ಲೇ ಆಫ್ನಲ್ಲಿರುವ ತಂಡಗಳಂತೆ ನಾವು ಅತ್ಯುತ್ತಮ ತಂಡಗಳಲ್ಲಿ ಒಂದಲ್ಲ. ನಾವು ಪ್ಲೇ ಆಫ್ಗಳನ್ನು ಕಳೆದುಕೊಂಡಿದ್ದೇವೆ ಎಂದು ಹೇಳಿದ್ದಾರೆ.
ಈ ಆವೃತ್ತಿಯಲ್ಲಿ ತಮ್ಮ ತಂಡದ ಅತ್ಯುತ್ತಮ ಪ್ರದರ್ಶನ ನೀಡಿದ ಸಿರಾಜ್ ಅವರನ್ನು ಶ್ಲಾಘಿಸಿದ್ದಾರೆ. ತಮ್ಮ ಋತುವನ್ನು ನಿರಾಶೆಯಲ್ಲಿ ಕೊನೆಗೊಳಿಸುವುದು ದುಃಖಕರವಾಗಿದೆ. ಆದರೆ ಈ ಬಾರಿ ಅವರಲ್ಲಿ ಕೆಲವೊಂದು ಪಾಸಿಟಿವ್ ಅಂಶಗಳು ಕಂಡು ಬಂದಿರುವುದು ವಿಶೇಷ. ನನ್ನ, ವಿರಾಟ್ ಕೊಹ್ಲಿ (Virat Kohli) ಹಾಗೂ ಗ್ಲೇನ್ (Glenn Maxwell) ಮ್ಯಾಕ್ಸ್ವೆಲ್ ಅವರ ಜೊತೆ ಜೊತೆಯಾಟಗಳು ಬಂದಿವೆ. ಬೌಲಿಂಗ್ನಲ್ಲಿ ಮೊಹಮ್ಮದ್ ಸಿರಾಜ್ (Mohammed Siraj) ಅಬ್ಬರಿಸಿದರು ಎಂದಿದ್ದಾರೆ. ಕೆಲವು ವಿಭಾಗಗಳಲ್ಲಿ ಕಳಪೆ ಪ್ರದರ್ಶನ ನೀಡಿದ್ದು, ಹಲವು ಕಾರಣಗಳಿಂದ ಪ್ಲೇ ಆಫ್ ಪ್ರವೇಶಿಸಲು ಸಾಧ್ಯವಾಗಿಲ್ಲ ಎಂದು ನಾಯಕ ಫಾಫ್ ಡು ಪ್ಲೆಸಿಸ್ ಬೇಸರ ವ್ಯಕ್ತಪಡಿಸಿದ್ದಾರೆ.
16ನೇ ಆವೃತ್ತಿಯಲ್ಲಿ ಆರ್ಸಿಬಿ ತಂಡದಲ್ಲಿ ನಾಲ್ವರು ಆಟಗಾರರು ಮಾತ್ರ ಉತ್ತಮ ಪ್ರದರ್ಶನ ತೋರಿದ್ದಾರೆ. ಫಾಫ್ ಡು ಪ್ಲೆಸಿಸ್ 730 ರನ್, ವಿರಾಟ್ ಕೊಹ್ಲಿ 639 ರನ್, ಗ್ಲೇನ್ ಮ್ಯಾಕ್ಸ್ವೆಲ್ 400 ರನ್ ಗಮನ ಸೆಳೆದಿದ್ದಾರೆ. ಮತ್ತೊಂದೆಡೆ ಬೌಲಿಂಗ್ನಲ್ಲಿ 19 ವಿಕೆಟ್ ಪಡೆದಿದ್ದಾರೆ. ಈ ನಾಲ್ವರು ಬಿಟ್ಟರೆ ಉಳಿದವರಿಂದ ಹೇಳಿಕೊಳ್ಳುವಂತ ಪ್ರದರ್ಶನ ಬಂದಿಲ್ಲ ಎಂಬುದು ಅಚ್ಚರಿಯ ಸಂಗತಿ.