ರಾಷ್ಟ್ರಮಟ್ಟದಲ್ಲಿ ಮಿಂಚಿದ ಕಾಂತಾರ, ಉತ್ತಮ ಸಿನಿಮಾ ಹಾಗೂ ಉತ್ತಮ ನಟ ಪಟ್ಟ ಎರಡರ ಗರಿಮೆಯೂ ರಿಷಬ್ ಶೆಟ್ಟಿ ಮುಡಿಗೆ

ರಿಷಬ್ ಶೆಟ್ಟಿಯವರ ‘ಕಾಂತಾರ’ ಸಿನಿಮಾಕ್ಕೆ ಉತ್ತಮ ಸಿನಿಮಾ ಎಂದು 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಘೋಷಣೆಯಾಗಿತ್ತು. ಈ ಸಲದ ಪ್ರಶಸ್ತಿಯಲ್ಲಿ ಕನ್ನಡದ ಕಾಂತಾರ ಎಲ್ಲ ಭಾಷೆಗಳನ್ನು ಮೀರಿ, ಅತ್ಯುತ್ತಮ ಚಿತ್ರವಾಗಿ ಹೊರಹೊಮ್ಮಿದೆ. ಅದೇ ರೀತಿ ಇದೇ ಚಿತ್ರದ ನಟನೆಗೆ ನಟ ರಿಷಬ್‌ ಶೆಟ್ಟಿ ಅತ್ಯುತ್ತಮ ನಟ ಪ್ರಶಸ್ತಿಯನ್ನೂ ನೀಡಲಾಗಿದೆ. ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಂದ ರಿಷಬ್‌ ಶೆಟ್ಟಿ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ' ಕಾಂತಾರ ' 2022 ರಲ್ಲಿ ಬಿಡುಗಡೆಯಾದಾಗಿನಿಂದ ಸಾಕಷ್ಟು ಮೆಚ್ಚುಗೆ ಗಳಿಸಿದೆ. ಹಾಗೇ ರಿಷಬ್ ಅವರ ಸಹಜ ಅಭಿನಯ ಜನರ ಮನ ಮುಟ್ಟಿದೆ.

ಸಿನಿಮಾ ನೋಡಿದ ಎಲ್ಲರಲ್ಲೂ ಒಂದು ರೋಮಾಂಚನ ಅಥವಾ ಸಂಚಲನ ಸೃಷ್ಟಿಯಾಗುವಂತೆ ಈ ಸಿನಿಮಾ ಮೂಡಿ ಬಂದಿದೆ. ಇನ್ನು ಈ ಸಿನಿಮಾ ನೋಡದವರೇ ಇಲ್ಲ ಎಂದರೆ ತಪ್ಪಾಗಲಾರದು. ಎಲ್ಲಾ ಭಾಷೆಯ ಜನರೂ ಈ ಸಿನಿಮಾವನ್ನು ನೋಡಿದ್ದಾರೆ, ಇಷ್ಟಪಟ್ಟಿದ್ದಾರೆ ಮತ್ತು ತಮ್ಮ ಅನಿಸಿಕೆಯನ್ನು ಹಂಚಿಕೊಂಡಿದ್ದಾರೆ.

70ನೇ ರಾಷ್ಟ್ರೀಯ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ

ಅತ್ಯುತ್ತಮ ನಟನಿಗಾಗಿ 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ರಿಷಬ್ ಪಡೆದುಕೊಂಡಿದ್ದಾರೆ. ರಿಷಬ್ ಅವರು ತಮ್ಮ ನಿರ್ದೇಶನ ಹಾಗೂ ನಟನೆ ಎರಡರಿಂದಲೂ ಜನ ಮನ ಗೆದ್ದಿದ್ದಾರೆ. ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ರಿಷಬ್, "ಸಮಾಜದಲ್ಲಿ ನಾನು ನೋಡಿದ ಬಗ್ಗೆ ನಾನು ಹೇಳಲು ಬಯಸುವ ಸಾಕಷ್ಟು ಕಥೆಗಳಿವೆ" ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಮೈಸೂರಿನಲ್ಲಿದೆ ಚಂದನ್‌ ಶೆಟ್ಟಿ ಕನಸಿನ ಮನೆ; ಬಿಗ್​ ಬಾಸ್ ಸೆಟ್ ನೆನಪಿಸುವ ಐಷಾರಾಮಿ ಬಂಗಲೆಯ ಝಲಕ್ ನೋಡಿ

ಕಡಿಮೆ ಬಜೆಟ್‌ನಲ್ಲಿ ಈ ಸಿನಿಮಾ ಮಾಡಿದ್ದರೂ ಸಹ ದೊಡ್ಡ ಮಟ್ಟದ ಹೆಸರು ತಂದಿದೆ. ಆ ಮೂಲಕ ಒಂದು ಕಥೆ ಹಾಗೂ ಅಭಿನಯಕ್ಕೆ ಜನ ಯಾವ ರೀತಿ ಬೆಲೆ ಕೊಡುತ್ತಾರೆ ಎಂಬುದನ್ನು ಈ ಸಿನಿಮಾ ಸಾಬೀತು ಮಾಡಿದೆ.

ಇಂತಹ ಪ್ರಶಸ್ತಿಗಳು ಇನಷ್ಟು ಒಳ್ಳೆಯ ಕೆಲಸ ಮಾಡಲು ಪ್ರೇರೇಪಿಸುತ್ತದೆ. ಪ್ರತಿಯೊಂದು ದೃಷ್ಯವೂ ತುಂಬಾ ಮನಮುಟ್ಟುವಂತೆ ಮೂಡಿ ಬಂದಿದ್ದು. ಈಗಲೂ ಕಾಂತಾರದ ಹೆಸರು ಕೇಳಿದರೆ ಎಷ್ಟೋ ಜನರಿಗೆ ಅದರ ದೃಷ್ಯಗಳು ತನ್ನಿಂದ ತಾನೇ ಕಣ್ಣ ಮುಂದೆ ಬರುತ್ತದೆ.