Bigg Boss Kannada 11: ಬಿಗ್‌ ಬಾಸ್‌ ಅಂಗಳಕ್ಕೆ ಹೊಸ ಆಟಗಾರರ ಎಂಟ್ರಿ; ಬೆಳ್‌ಬೆಳಗ್ಗೆ ನಿದ್ದೆಗಣ್ಣಲ್ಲೇ ಬೆಚ್ಚಿದ ಮನೆ ಮಂದಿ

Bigg Boss Kannada 11: ಬಿಗ್‌ ಬಾಸ್‌ ಕನ್ನಡ 11 ಅರ್ಧ ದಾರಿಯನ್ನು ಕ್ರಮಿಸಿದೆ. ಅಂದರೆ ಭಾನುವಾರಕ್ಕೆ ಸರಿಯಾಗಿ 50 ದಿನಗಳನ್ನು ಪೂರೈಸಿದೆ. ಈ ವಿಶೇಷ ದಿನದಂದೇ ಇಬ್ಬರು ವೈಲ್ಡ್‌ ಕಾರ್ಡ್‌ ಸ್ಪರ್ಧಿಗಳು ಬಿಗ್‌ ಬಾಸ್‌ ಮನೆಯ ಕದ ತಟ್ಟಿದ್ದಾರೆ. ಇವರಿಬ್ಬರ ಆಗಮನಕ್ಕೂ ಮೊದಲು ಈ ವಾರ ಅನುಷಾ ರೈ ಬಿಗ್‌ ಬಾಸ್‌ ಆಟ ಮುಗಿಸಿ ಎಲಿಮಿನೇಟ್‌ ಆಗಿದ್ದಾರೆ. ಅನುಷಾ ಹೊರಬರ್ತಿದ್ದಂತೆ, ಇಬ್ಬರು ಸ್ಪರ್ಧಿಗಳು ಅಖಾಡಕ್ಕೆ ಎಂಟ್ರಿಯಾಗಿದ್ದಾರೆ. ಬೆಳ್‌ ಬೆಳಗ್ಗೆ ಹಾಯಾದ ನಿದ್ದೆಯಲ್ಲಿದ್ದ ಸ್ಪರ್ಧಿಗಳಿಗೆ ಭಂಗ ತಂದಿದ್ದಾರೆ. ಹೇಗಿತ್ತು ಹೊಸ ಸ್ಪರ್ಧಿಗಳ ಎಂಟ್ರಿ?

ಬಿಗ್‌ಬಾಸ್‌ ಮನೆಯಿಂದ ಲಾಯರ್‌ ಜಗದೀಶ್‌ ಮತ್ತು ರಂಜಿತ್‌ ನೇರವಾಗಿ ಎಲಿಮಿನೇಟ್‌ ಆಗುತ್ತಿದ್ದಂತೆ, ಗಾಯಕ ಹನುಮಂತ ಲಮಾಣಿ ಬಿಗ್‌ ಬಾಸ್‌ಗೆ ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕ ಆಗಮಿಸಿದ ಮೊದಲ ಸ್ಪರ್ಧಿಯಾಗಿದ್ದರು. ಈಗ 50 ದಿನದ ಬಳಿಕ, ಅಂಗಳಕ್ಕೆ ಹೊಸ ಆಟಗಾರರ ಎಂಟ್ರಿಯಾಗಿದೆ. ಶೋಭಾ ಶೆಟ್ಟಿ ಈಗಾಗಲೇ ತೆಲುಗು ಬಿಗ್‌ಬಾಸ್‌ನಲ್ಲಿ ಸ್ಪರ್ಧಿಯಾಗಿ ಗಮನಸೆಳೆದವರು. ಇತ್ತ ರಜತ್‌ ಸಹ ಇಂಥ ಅವಕಾಶಕ್ಕಾಗಿ ಕಾಯುತ್ತಿದ್ದವರು. ಅದರಂತೆ, ಈ ಇಬ್ಬರೂ ಈ ವಾರ ಬಿಗ್‌ ಮನೆ ಪ್ರವೇಶಿಸಿದ್ದಾರೆ.

ಇದನ್ನೂ ಓದಿ: ಮನೆ ಕೆಲಸಕ್ಕೆ ಬಂದವಳು ತಂಗಿಯೆಂದು ಗೌತಮ್‌ಗೆ ತಿಳಿದಿಲ್ಲ, ಸುಧಾಳಿಗೂ ಅಣ್ಣನ ಮನೆಯೆಂಬ ಅರಿವಿಲ್ಲ- ಅಮೃತಧಾರೆ ಧಾರಾವಾಹಿ ಇಂದಿನ ಕಥೆ

ನಿದ್ದೆಗಣ್ಣಲ್ಲಿ ಶೇಕ್‌ ಆದ ಸ್ಪರ್ಧಿಗಳು

ಬ್ಯಾಂಡ್‌ ಜತೆಗೆ ವೈಲ್ಡ್‌ ಕಾರ್ಡ್‌ ಸ್ಪರ್ಧಿ ರಜತ್‌, ಬಿಗ್‌ ಬಾಸ್‌ ಮನೆಗೆ ಆಗಮಿಸಿದ್ದಾರೆ. ಎಲ್ಲರೂ ಹಾಸಿಗೆಯಲ್ಲಿ ನಿದ್ದೆಯಲ್ಲಿದ್ದಾಗಲೇ ಇವರ ಎಂಟ್ರಿಯಾಗಿದೆ. ಅರೇ ಕ್ಷಣ ಏನಾಗ್ತಿದೆ ಎಂದು ಶಾಕ್‌ನಲ್ಲಿಯೇ ಗಾರ್ಡನ್‌ ಏರಿಯಾಗೆ ಬಂದ ಉಳಿದ ಸ್ಪರ್ಧಿಗಳಿಗೆ ಅಚ್ಚರಿ ಕಾದಿತ್ತು. ಹೊಸ ಸ್ಪರ್ಧಿ ರಜತ್‌ ಜತೆಗೆ ಉಳಿದ ಸ್ಪರ್ಧಿಗಳೂ ಡಾನ್ಸ್‌ ಮಾಡಿದರು. ಇತ್ತ ಅಡುಗೆ ಮನೆಗೆ ಬಂದ ಶೋಭಾ ಶೆಟ್ಟಿ ಸಹ ಇನ್ನುಳಿದ ಸ್ಪರ್ಧಿಗಳ ಕಣ್ಣಿಗೆ ಬಿದ್ದರು. ಹೀಗೆ ಬಂದಿದ್ದೇ ತಡ, ಗಾರ್ಡನ್‌ ಏರಿಯಾದಲ್ಲಿ ಯಾರ್ಯಾರು ಏನೆಲ್ಲ ಮಾಡ್ತಿದ್ದಾರೆ ಎನ್ನುತ್ತ ತೆಂಗಿನ ಕಾಯಿ ಒಡೆದು ಆಟ ಶುರು ಮಾಡಿದರು.

ಮಂಜು Vs ರಜತ್/‌ ಗೌತಮಿ Vs ಶೋಭಾ

ಉಗ್ರಂ ಮಂಜು ಅವರು ಫ್ರೆಂಡ್‌ಶಿಪ್‌ಗೆ ಮತ್ತು ನಂಬಿಕೆಗೆ ಅರ್ಹರಲ್ಲ ಎಂದು ಶೋಭಾ ನೇರವಾಗಿ ಹೇಳಿದ್ದಾರೆ. ಇನ್ನೂ ಮುಖವಾಡ ಹಾಕಿಕೊಂಡೇ ಇದ್ದಾರೆ ಗೌತಮಿ ಎನ್ನುತ್ತ, ಅವರನ್ನೂ ಟಾರ್ಗೆಟ್‌ ಮಾಡಿದ್ದಾರೆ ಶೋಭಾ. ಅವರ ಇನ್ನೊಂದು ಮುಖವನ್ನು ನಾನು ಬಯಲು ಮಾಡಬಹುದು ಎಂದಿದ್ದಾರೆ. ಈ ಮೂಲಕ 50 ದಿನದ ಸಂಭ್ರಮದಲ್ಲಿದ್ದ ಬಿಗ್‌ ಬಾಸ್‌ ಸ್ಪರ್ಧಿಗಳಿಗೆ ಇದೀಗ ಹೊಸ ನಡುಕ ಶುರುವಾಗಿದೆ. ಇವರಿಬ್ಬರ ಆಟ ಹೇಗಿರಬಹುದು? ಇದಕ್ಕೆ ಮುಂದಿನ ದಿನಗಳಲ್ಲಿ ಉತ್ತರ ಗೊತ್ತಾಗಲಿದೆ.

ಇದನ್ನೂ ಓದಿ: ಕೇವಲ ಹದಿನೈದು ದಿನಕ್ಕೆ ಒಟಿಟಿಗೆ ಬಂದ ತಮಿಳಿನ ಬ್ಲಾಕ್‌ಬಸ್ಟರ್‌ ಅಮರನ್‌ ಸಿನಿಮಾ! ಆದರೆ, ಇಲ್ಲೊಂದು ಟ್ವಿಸ್ಟ್‌ ಇದೆ

ಇಬ್ಬರ ಎಂಟ್ರಿ ಬಗ್ಗೆ ವೀಕ್ಷಕರ ಅಭಿಪ್ರಾಯ ಹೇಗಿದೆ

ಇನ್ನು ಈ ಇಬ್ಬರು ಬಿಗ್‌ ಮನೆ ಪ್ರವೇಶಿಸುತ್ತಿದ್ದಂತೆ, ಈ ಎಂಟ್ರಿಯ ಪ್ರೋಮೋವನ್ನು ಕಲರ್ಸ್‌ ಕನ್ನಡ ತನ್ನ ಇನ್‌ಸ್ಟಾಗ್ರಾಂ ಪುಟದಲ್ಲಿ ಶೇರ್‌ ಮಾಡಿದೆ. ಸಾವಿರಾರು ಕಾಮೆಂಟ್‌ಗಳು ಹರಿದು ಬಂದಿವೆ. ಆ ಪೈಕಿ ಕೆಲ ವೀಕ್ಷಕರ ಅಭಿಪ್ರಾಯ ಇಲ್ಲಿದೆ.

• ನಿನ್ನೆ ಎಪಿಸೋಡ್ ನೋಡಿದ ಮೇಲೆ ನಂಗೆ ಒಂದ್ ಅರ್ಥ ಆಯ್ತು

1) ಶೋಭಾ=ಇರ್ರಿಟೇಷನ್+ಓವರ್ ಕಾನ್ಫಿಡೆನ್ಸ್+ಎಟ್ಟಿಟ್ಯೂಡ್

2) ರಜತ್=ಬೊಗೋಳೋ ನಾಯಿ ಕಚ್ಚೋದಿಲ್ಲಾ +ಜೋಕರ್

- ಶೋಭಾ ಶಟ್ಟಿ ಒಳ್ಳೆಯ ಆಟಗಾರತಿಯಾಗ್ತಳೆ ಪಕ್ಕ

• ಎಷ್ಟೇ ವೈಲ್ಡ್ ಕಾರ್ಡ್ ಎಂಟ್ರಿ ಆದ್ರೂ ತ್ರಿವಿಕ್ರಮನ ಮುಂದೆ ಸರಿಸಮಾನ ರಾಗಲ್ಲ, ತ್ರಿವಿಕ್ರಮ Is The BBK 11 winner
• ಯಾರೇ ಬಂದ್ರು Trivikram ನ ಏನೂ ಮಾಡಕ್ಕಾಗಲ್ಲ , Winner Trivikram ಅಷ್ಟೇ!!
• ಪ್ರತೀ ಸಲನೂ ಮಂಜ ಮಾಡಿದ ತಪ್ಪಿಗೆ ವೀಕೆಂಡ್ ನಲ್ಲಿ ಪ್ರಶ್ನೆಗಳೇ ಇರಲ್ಲ
• ಭವ್ಯ ಗೌಡ ನೇರ ನುಡಿ ಬದಲಾಗದ ವ್ಯಕ್ತಿತ್ವ ನಮ್ಮ ಕನ್ನಡತಿ ಭವ್ಯ ಅವರಿಗೆ ಅಭಿಮಾನಿಗಳ ಅಭಿಮತ ಇದ್ದೆ ಇರುತ್ತದೆ
• ರಜತ್ ಮತ್ತು ವಿಕ್ರಂ ಫೈಟ್ ನೋಡೋಕೆ ಕಾಯ್ತಾ ಇರೋರು ಲೈಕ್ ಮಾಡಿ
• ಮೊದಲಿಂದ ಇರೋ ಕಂಟೆಸ್ಟಂಟ್‌ಗಳೇ ಗೆಲ್ಲೋದು ಇವರು ಬಂದ್ರೆ ಏನು ನಡಿಯಲ್ಲ
• ಆನೆ ಪಳಗಿಸಿ ಮಾವುತ ಆಗ್ತೀನಿ ಅಂತ ಬಂದವರೆ ವಿನಯ್ ಮುಂದೆ ಬಚ್ಚ ಆಗೋದ ಇನ್ನ ತ್ರಿವಿಕ್ರಮ್ ನ ಹೆದ್ರಕೊಂಡಿರೋ ರಜತ ನಮ್ ತ್ರಿವಿಕ್ರಮ್ ಮುಂದೆ ನೀನು ಏನು ಅಲ್ಲ
• ಸ್ವಲ್ಪ ದಿನ ನಿಮ್ಮ ಬಂಡವಾಳವು ಗೊತ್ತಾಗುತ್ತೆ ನೋಡ್ತೀವಿ ಎಲ್ಲರದ್ದು ಮುಖವಾಡದ ಬದುಕೇ. ಯಾರು ಸಾಚಗಳಲ್ಲ