Keerthy Suresh: ಕೀರ್ತಿ ಸುರೇಶ್‌ ಬಾಲಿವುಡ್‌ ಎಂಟ್ರಿ ಕನ್ಫರ್ಮ್‌; ವರುಣ್‌ ಧವನ್‌ ಜೊತೆ ರೊಮಾನ್ಸ್‌ ಮಾಡಲು ಸಜ್ಜಾದ ಮಹಾನಟಿ

ತೆಲುಗು, ತಮಿಳು ಚಿತ್ರರಂಗದ ಬೇಡಿಕೆಯ ನಟಿಯರಲ್ಲಿ ಕೀರ್ತಿ ಸುರೇಶ್‌ ಕೂಡಾ ಒಬ್ಬರು. ಈ ಚೆಲುವೆ ಚಿತ್ರಂಗಕ್ಕೆ ಬಂದಿದು ಬಾಲನಟಿ ಆಗಿ. 2000ರಲ್ಲಿ ಪೈಲೆಟ್ಸ್‌ ಎಂಬ ಮಲಯಾಳಂ ಸಿನಿಮಾದಿಂದ ಬಣ್ಣದ ಬದುಕು ಆರಂಭಿಸಿದ ಕೀರ್ತಿ ಸುರೇಶ್‌ ಈಗ ನಾಯಕಿಯಾಗಿ ಕೂಡಾ ಮಿಂಚುತ್ತಿದ್ದಾರೆ.

ಕೀರ್ತಿ ಸುರೇಶ್‌ ಬಾಲಿವುಡ್‌ ಎಂಟ್ರಿ ಖಚಿತ

ಮಹಾನಟಿ ಚಿತ್ರಕ್ಕಾಗಿ ರಾಷ್ಟ್ರಪ್ರಶಸ್ತಿ ಪಡೆದ ಕೀರ್ತಿ ಸುರೇಶ್‌ಗೆ ಚಿತ್ರರಂಗದಲ್ಲಿ ಸ್ವಲ್ವವೂ ಬೇಡಿಕೆ ಕಡಿಮೆ ಆಗಿಲ್ಲ. ಮೊದಲ ಸಿನಿಮಾದಿಂದ ಇದುವರೆಗೂ ಮಹಾನಟಿ ಕೀರ್ತಿ ಸುರೇಶ್‌ಗೆ ಡಿಮ್ಯಾಂಡ್‌ ಹೆಚ್ಚುತ್ತಲೇ ಇದೆ. ಕೀರ್ತಿ ಇತ್ತೀಚೆಗೆ ದಸರಾ ಚಿತ್ರದ ಮೂಲಕ ಸದ್ದು ಮಾಡಿದ್ದರು. ಸೆಲಬ್ರೇಷನ್‌ ಆಫ್‌ ವೆನ್ನೆಲ ವಿಡಿಯೋದಲ್ಲಿ ಕೀರ್ತಿ ಸುರೇಶ್‌ ಡ್ಯಾನ್ಸ್‌ ನೋಡಿದವರು ಫಿದಾ ಆಗಿದ್ದರು. ಈ ವಿಡಿಯೋ ಬಹಳ ವೈರಲ್‌ ಆಗಿತ್ತು. ತೆಲುಗು, ತಮಿಳು ಸೇರಿ 4-5 ಸಿನಿಮಾಗಳಲ್ಲಿ ಬ್ಯುಸಿ ಇರುವ ಕೀರ್ತಿ ಸುರೇಶ್‌ ಈಗ ಬಾಲಿವುಡ್‌ಗೂ ಎಂಟ್ರಿ ಕೊಟ್ಟಿದ್ದಾರೆ.

ಅಟ್ಲಿ ನಿರ್ಮಾಣದ ಸಿನಿಮಾ

ಕೀರ್ತಿ ಸುರೇಶ್‌ ಹಿಂದಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಕೇಳಿದಾಗ ಮೊದಲು ಇದು ಗಾಸಿಪ್‌ ಇರಬಹುದು ಎನಲಾಗಿತ್ತು. ಆದರೆ ಇದೀಗ ಅವರು ಹಿಂದಿ ಚಿತ್ರದಲ್ಲಿ ನಟಿಸುತ್ತಿರುವುದು ಕನ್ಫರ್ಮ್‌ ಆಗಿದೆ. ಶಾರುಖ್‌ ಖಾನ್‌, ವಿಜಯ್‌ ಸೇತುಪತಿ, ನಯನತಾರಾ ನಟನೆಯ ಜವಾನ್‌ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿರುವ ತಮಿಳು ನಿರ್ದೇಶಕ ಅಟ್ಲಿ, ಕೀರ್ತಿಯನ್ನು ಬಾಲಿವುಡ್‌ಗೆ ಪರಿಚಯಿಸುತ್ತಿದ್ದಾರೆ. ಈ ಹೊಸ ಚಿತ್ರವನ್ನು ಅಟ್ಲಿ ಅವರೇ ನಿರ್ಮಿಸುತ್ತಿದ್ದು ಮತ್ತೊಬ್ಬ ತಮಿಳು ನಿರ್ದೇಶಕ ಖಲೀಜ್‌ ಈ ಸಿನಿಮಾಗೆ ಆಕ್ಷನ್‌ ಕಟ್‌ ಹೇಳುತ್ತಿದ್ದಾರೆ.

ವರುಣ್‌ ಧವನ್‌ ಜೊತೆ ರೊಮ್ಯಾನ್ಸ್

ಕೀರ್ತಿ ಸುರೇಶ್‌ ತಮ್ಮ ಮೊದಲ ತಮಿಳು ಸಿನಿಮಾದಲ್ಲಿ ವರುಣ್‌ ಧವನ್‌ ಜೊತೆ ರೊಮ್ಯಾನ್ಸ್‌ ಮಾಡಲಿದ್ದಾರೆ. ಇತ್ತೀಚೆಗೆ ಕೀರ್ತಿ ಸುರೇಶ್‌ ಮುಂಬೈಗೆ ಹೋಗಿ ಬಂದಿದ್ದಾರೆ. ಇದೇ ವರ್ಷ ಆಗಸ್ಟ್‌ನಿಂದ ಸುಮಾರು ಮೂರು ತಿಂಗಳ ಕಾಲ ಚಿತ್ರೀಕರಣ ನಡೆಯಲಿದೆ. ಮುಂದಿನ ವರ್ಷ ಮೇ ತಿಂಗಳಲ್ಲಿ ಸಿನಿಮಾವನ್ನು ತೆರೆಗೆ ತರಲು ಚಿತ್ರತಂಡ ಪ್ಲ್ಯಾನ್‌ ಮಾಡಿದೆ. ಇದು ತಮಿಳಿನ ಥೇರಿ ಸಿನಿಮಾ ರೀಮೇಕ್‌ ಎನ್ನಲಾಗುತ್ತಿದೆ. ಥೇರಿ ಚಿತ್ರವನ್ನು ತಮಿಳಿನಲ್ಲಿ ಅಟ್ಲಿ ಕಥೆ ಬರೆದು ನಿರ್ದೇಶಿಸಿದ್ದರು. ವಿಜಯ್‌ ಹಾಗೂ ಸಮಂತಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಇದೀಗ ಈ ಸಿನಿಮಾವನ್ನು ಹಿಂದಿಯಲ್ಲಿ ಮಾಡಲಾಗುತ್ತಿದ್ದು ಕೀರ್ತಿ ಸುರೇಶ್‌ ಹಾಗೂ ಸಮಂತಾ ನಟಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಚಿತ್ರತಂಡ ಈ ವಿಚಾರವನ್ನು ಅಧಿಕೃತವಾಗಿ ಅನೌನ್ಸ್‌ ಮಾಡಿಲ್ಲ.

ಒಟ್ಟಿನಲ್ಲಿ ಕೀರ್ತಿ ಸುರೇಶ್‌ ಬಾಲಿವುಡ್‌ ಎಂಟ್ರಿ ಬಹಳ ಕುತೂಹಲ ಮೂಡಿಸಿದೆ. ತೆರೆ ಮೇಲೆ ಕೀರ್ತಿ ಸುರೇಶ್‌ ಹಾಗೂ ವರುಣ್‌ ಧವನ್‌ ಕೆಮಿಸ್ಟ್ರಿ ಹೇಗೆ ವರ್ಕೌಟ್‌ ಆಗಲಿದೆ. ಸಿನಿಮಾ ಔಟ್‌ ಪುಟ್‌ ಹೇಗಿದೆ ಎಂಬುದನ್ನು ನೋಡಲು ಇನ್ನು ಒಂದು ವರ್ಷ ಕಾಯಲೇಬೇಕು.