ಥ್ರಿಲ್ಲರ್ ಮೂವಿ ನೋಡ್ಬೇಕು ಅಂತ ಕಾಯ್ತಿದೀರಾ? ಹಾಗಾದ್ರೆ ಅಮೆಜಾನ್‌ ಪ್ರೈಮ್‌ನಲ್ಲಿ ಇಂದೇ ನೋಡಿ ಮಲಯಾಳಂ ಸಿನಿಮಾ ಲೆವೆಲ್ ಕ್ರಾಸ್

ಬೆಸ್ಟ್‌ ರೇಟಿಂಗ್ ಪಡೆದುಕೊಂಡಿರುವ ಥ್ರಿಲ್ಲರ್ ಮೂವಿ ನೋಡಬೇಕು ಎಂದು ನೀವು ಸರ್ಚ್‌ ಮಾಡ್ತಾ ಇದ್ದೀರಿ ಎಂದಾದರೆ ಲೆವೆಲ್ ಕ್ರಾಸ್ ಸಿನಿಮಾ ನೋಡಿ. ಲೆವೆಲ್ ಕ್ರಾಸ್ ಚಲನಚಿತ್ರವು ರೈಲ್ವೇ ಗೇಟ್ ಕೀಪರ್ ರಘು ಎಂಬಾತನ ಸುತ್ತ ಕಥೆ ಹೆಣೆದುಕೊಂಡಿದೆ. ಅವನು ಆಕಸ್ಮಿಕವಾಗಿ ಒಂದು ಹುಡುಗಿಯನ್ನು ಭೇಟಿಯಾಗುತ್ತಾನೆ. ಅದೇ ಗೇಟ್ ಬಳಿ ಒಂಟಿಯಾಗಿ ವರ್ಷಗಳನ್ನು ಕಳೆದ ನಂತರ, ರಘು ರೈಲಿನಿಂದ ಇಳಿದ ಹುಡುಗಿಯನ್ನು ಪ್ರೀತಿಸಲು ಶುರುಮಾಡುತ್ತಾನೆ. ಆದರೆ ಚೈತಾಲಿ (ಅಮಲಾ ಪೌಲ್) ಎಂಬ ಹುಡುಗಿ ಈಗಾಗಲೇ ಮದುವೆಯಾಗಿರುತ್ತಾಳೆ. ಆ ವಿಷಯ ಅವನಿಗೆ ಮೊದಲು ತಿಳಿದಿರುವುದಿಲ್ಲ.

ರೋಚಕ ತಿರುವುಗಳನ್ನು ಹೊಂದಿದ ಸಿನಿಮಾ

ನಂತರ ಅವಳ ಪತಿ ಅವರ ಜೀವನದಲ್ಲಿ ಬಂದಾಗ ಕಥೆಯು ತಿರುವು ಪಡೆದುಕೊಳ್ಳುತ್ತದೆ. ಅನಿರೀಕ್ಷಿತ ತಿರುವುಗಳು ಮತ್ತು ಭಯಾನಕ ಸತ್ಯಗಳು ಒಂದೊಂದಾಗಿ ಹೊರಬರುತ್ತಾ ಹೋದಂತೆಯೂ ರೋಚಕ ತಿರುವು ಪಡೆದುಕೊಳ್ಳುತ್ತಾ ಸಿನಿಮಾ ಸಾಗುತ್ತದೆ. ಈ ಲೆವೆಲ್ ಕ್ರಾಸ್ ಚಲನಚಿತ್ರವು ಪ್ರೇಕ್ಷಕರಿಂದ ಸಕಾರಾತ್ಮಕ ವಿಮರ್ಶೆಗಳನ್ನು ಪಡೆದುಕೊಂಡಿದೆ. ಸೈಕಲಾಜಿಕಲ್ ಥ್ರಿಲ್ಲರ್ ಜಾನರ್ ಸಿನಿಮಾಗಳನ್ನು ಇಷ್ಟಪಡುವವರಿಗೆ ಈ ಲೆವೆಲ್ ಕ್ರಾಸ್ ಸಿನಿಮಾ ಇಷ್ಟವಾಗುತ್ತದೆ. ಸಿನಿಮಾದಲ್ಲಿನ ಟ್ವಿಸ್ಟ್‌ಗಳು ಒಳ್ಳೆಯ ಥ್ರಿಲ್‌ಗಳಿದೆ.

ಈ ಸಿನಿಮಾ ನೋಡ್ತಿದ್ರೆ ಬೋರ್ ಆಗೋದಿಲ್ಲ

ನಿರ್ದೇಶಕ ಅರ್ಫಾಜ್ ಅಯೂಬ್ ಈ ಸಿನಿಮಾವನ್ನು ಎಲ್ಲೂ ಬೋರ್ ಆಗದಂತೆ ಜಾಗರೂಕತೆಯಿಂದ ಕಟ್ಟಿಕೊಟ್ಟಿರುವ ರೀತಿಯನ್ನು ಸಿನಿಮಾದಲ್ಲಿ ಕಾಣಬಹುದು. ಥಿಯೇಟರ್‌ಗಳಲ್ಲಿ ಮಿಸ್ ಮಾಡಿಕೊಂಡವರಿಗೆ ಈಗ ಪ್ರೈಮ್ ವಿಡಿಯೋ ಹಾಗೂ ಆಹಾ ವಿಡಿಯೋದಲ್ಲಿ ಸಿನಿಮಾ ನೋಡುವ ಅವಕಾಶ ಸಿಗಲಿದೆ. ಲೆವೆಲ್ ಕ್ರಾಸ್ ಸಿನಿಮಾ ಮಲಯಾಳಂ ಜೊತೆಗೆ ನಾಲ್ಕು ಭಾಷೆಗಳಲ್ಲಿ ಬರುತ್ತಿರುವುದರಿಂದ ಆಯಾ ಭಾಷೆಗಳ ಪ್ರೇಕ್ಷಕರು ಆರಾಮವಾಗಿ ಸಿನಿಮಾ ನೋಡಬಹುದು.

ಇದನ್ನೂ ಓದಿ: ಬಿಗ್‌ ಬಾಸ್‌ ಮನೆಯಲ್ಲಿ ಬಿಗ್‌ ವಾರ್‌; ತಾಕತ್ತಿದ್ರೆ ನನ್ ಎದುರು ಬಂದು ಮಾತಾಡ್ಲಿ ಎಂದು ಜಗದೀಶ್‌ಗೆ ವಾರ್ನ್‌ ಮಾಡಿದ ಚೈತ್ರಾ ಕುಂದಾಪುರ

ಎಲ್ಲಿ ನೋಡಬಹುದು?

ಈ ಸಿನಿಮಾ ಇತ್ತೀಚೆಗಷ್ಟೇ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಿದೆ ಇದನ್ನು ಅಕ್ಟೋಬರ್ 13ಕ್ಕೆ ಓಟಿಟಿಯಲ್ಲಿ ಬಿಡುಗಡೆ ಮಾಡಲಾಗಿದೆ. ಆಹಾ ಓಟಿಟಿಯಲ್ಲೂ ಇದು ಬಿಡುಗಡೆಯಾಗಿದೆ. ಮಲಯಾಳಂ ಸೈಕಲಾಜಿಕಲ್ ಥ್ರಿಲ್ಲರ್ ಮೂವೀ ಲೆವೆಲ್ ಕ್ರಾಸ್. ಜುಲೈ 26 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದಾಗ ಜನರಿಂದ ಮೆಚ್ಚುಗೆ ಪಡೆದಿತ್ತು. ಜನರು ಮತ್ತೊಮ್ಮೆ ಈ ಸಿನಿಮಾವನ್ನು ನೋಡಲು ಓಟಿಟಿಗಾಗಿ ಕಾಯುತ್ತಿದ್ದರು.

Aha OTTಯಲ್ಲೂ ನೋಡಬಹುದು

ಇದೀಗ ಅಕ್ಟೋಬರ್ 15 ಅಂದರೆ ಇಂದಿನಿಂದ ಆಹಾ OTT ಪ್ಲಾಟ್‌ಫಾರ್ಮ್‌ನಲ್ಲಿಯೂ ಬಿಡುಗಡೆಯಾಗಿದೆ. ಮಲಯಾಳಂ ನಟ ಆಸಿಫ್ ಅಲಿ ಮತ್ತು ಅಮಲಾ ಪೌಲ್ ಈ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಅರ್ಬಾಜ್ ಅಯೂಬ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಆಸಿಫ್ ಅಲಿ ಅಭಿನಯದ ತಲವನ್ ಮತ್ತು ಅಡಿಯೋಸ್ ಅಮಿಗೋ ಸಿನಿಮಾಗಳು ಈಗಾಗಲೇ ಒಟಿಟಿಯಲ್ಲಿ ಸ್ಟ್ರೀಮ್ ಆಗುತ್ತಿದ್ದರೆ, ಈಗ ಥ್ರಿಲ್ಲರ್ ಸಿನಿಮಾ ಲೆವೆಲ್ ಕ್ರಾಸ್ಅನ್ನು ಕೂಡ ಜನರು ಹೆಚ್ಚಾಗಿ ಇಷ್ಟಪಡುತ್ತಿದ್ದಾರೆ.

ಇದನ್ನೂ ಓದಿ: Level Cross: ಓಟಿಟಿಗೆ ಬಂತು ಮಲಯಾಳಂನ ಹಿಟ್ ಥ್ರಿಲ್ಲರ್ ಚಲನಚಿತ್ರ ಲೆವೆಲ್ ಕ್ರಾಸ್; ವೀಕ್ಷಣೆ ಎಲ್ಲಿ?