Actor wants Date with Rashmika: ಯಾರು ಏನಂದ್ರೂ ರಶ್ಮಿಕಾ ಜೊತೆ ಡೇಟ್‌ ಮಾಡುವ ಆಸೆ ಎಂದ ತಮಿಳು ಸ್ಟಾರ್‌ ನಟ!

ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಆಗಿ, ರಕ್ಷಿತ್‌ ಶೆಟ್ಟಿ ಜೊತೆ ಬ್ರೇಕಪ್‌ ಆದಾಗಿನಿಂದ ರಶ್ಮಿಕಾ ಮಂದಣ್ಣ ಅಂತೂ ಒಂದಲ್ಲಾ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇದ್ದಾರೆ. ಇದುವರೆಗೂ ಅವರು ಅನೇಕ ಬಾರಿ ಟ್ರೋಲ್‌ ಕೂಡಾ ಆಗಿದ್ದಾರೆ. ಇದೇ ವಿಚಾರಕ್ಕೆ ಸ್ವತ: ರಶ್ಮಿಕಾ ಬೇಸರ ವ್ಯಕ್ತಪಡಿಸಿದ್ದರು. ನಾನು ಏನೇ ಮಾತನಾಡಿದರೂ ಜನರು ಅದನ್ನು ತಪ್ಪಾಗಿ ತಿಳಿಯುತ್ತಾರೆ ಎಂದು ಬೇಸರ ವ್ಯಕ್ತಪಡಿಸಿದ್ದರು. ಸ್ಯಾಂಡಲ್‌ವುಡ್‌ ಸುಂದರಿ ರಮ್ಯಾ ಕೂಡಾ, ರಶ್ಮಿಕಾ ಪರ ನಿಂತಿದ್ದರು.

ಇನ್ನು ಇತ್ತೀಚೆಗೆ ತಮ್ಮ ಮೊದಲ ಸಿನಿಮಾ ವಿಚಾರದ ಬಗ್ಗೆ ರಶ್ಮಿಕಾ ಮಂದಣ್ಣ ಅಸಡ್ಡೆ ತೋರಿದ್ದರು ಎಂದು ಹಲವರು ಆಕೆ ಮೇಲೆ ಆಕ್ರೋಶ ವ್ಯಕ್ತಪಡಿಸಿದ್ದರು. ರಶ್ಮಿಕಾ ಅವರನ್ನು ಕನ್ನಡ ಚಿತ್ರರಂಗದಿಂದ ಬ್ಯಾನ್‌ ಮಾಡುವಂತೆ ಒತ್ತಾಯಿಸಿದ್ದರು. ರಶ್ಮಿಕಾ ಕೂಡಾ ಈ ವಿಚಾರಕ್ಕೆ ಪ್ರತಿಕ್ರಿಯಿಸಿದ್ದರು. ''ಎಲ್ಲವೂ ಜನರ ನಿರ್ಧಾರ, ಇದುವರೆಗೂ ಕನ್ನಡ ಚಿತ್ರರಂಗ, ಬ್ಯಾನ್‌ ಮಾಡಿದ್ದೇವೆ ಎಂದು ನನ್ನ ಬಳಿ ಹೇಳಿಲ್ಲ. ಇತ್ತೀಚೆಗೆ 'ಕಾಂತಾರ' ಸಿನಿಮಾ ನೋಡಿದೆ. ಚಿತ್ರತಂಡಕ್ಕೂ ಮೆಸೇಜ್‌ ಮಾಡಿ, ಕಂಗ್ರಾಜುಲೇಷನ್ಸ್‌ ಹೇಳಿದ್ದೆ, ಅವರೂ ಕೂಡಾ ನನಗೆ ರಿಪ್ಲೇ ಮಾಡಿದ್ದರು. ನಮ್ಮ ಬದುಕಿನಲ್ಲಿ ಏನಾಗುತ್ತಿದೆ ಎಂಬುದನ್ನು ನಾವು ಪ್ರತಿ ಬಾರಿ ಕ್ಯಾಮರಾ ಇಟ್ಟು ಎಲ್ಲರಿಗೂ ತೋರಿಸಲಾಗುವುದಿಲ್ಲ'' ಎಂದು ಪ್ರತಿಕ್ರಿಯಿಸಿದ್ದರು.

ಈ ಟ್ರೋಲ್‌, ವಿವಾದಗಳ ನಡುವೆ ಸ್ಟಾರ್‌ ನಟರೊಬ್ಬರು, ನಾನು ರಶ್ಮಿಕಾ ಜೊತೆ ಡೇಟಿಂಗ್‌ ಮಾಡಬೇಕು ಎಂದು ಹೇಳಿಕೊಂಡಿದ್ದಾರೆ. ರಶ್ಮಿಕಾ, ನ್ಯಾಷನಲ್‌ ಕ್ರಷ್‌ ಎಂದೇ ಹೆಸರಾದವರು. ಸೌತ್‌ನಿಂದ ಬಾಲಿವುಡ್‌ಗೆ ಹೋಗಿ, ಅಲ್ಲಿ ಕೂಡಾ ಹೆಚ್ಚು ಅಭಿಮಾನಿಗಳನ್ನು ಸಂಪಾದಿಸಿದವರು. ಇದೀಗ ತಮಿಳು ನಟ ವಿಶಾಲ್‌ಗೆ ರಶ್ಮಿಕಾ ಜೊತೆ ಡೇಟ್‌ ಹೋಗೋ ಆಸೆಯಂತೆ. ವಿಶಾಲ್‌, ಸದ್ಯಕ್ಕೆ 'ಲಾಠಿ' ಸಿನಿಮಾದಲ್ಲಿ ಬ್ಯುಸಿಯಲ್ಲಿದ್ದಾರೆ. ಸಿನಿಮಾ ಡಿಸೆಂಬರ್‌ 22ರಂದು ತೆರೆ ಕಾಣುತ್ತಿದೆ. ವಿಶಾಲ್‌ ಸದ್ಯಕ್ಕೆ ತಮ್ಮ ಸಿನಿಮಾದ ಪ್ರಮೋಷನ್‌ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಪ್ರಚಾರದ ಅಂಗವಾಗಿ ಇತ್ತೀಚೆಗೆ ಅವರು ಯೂಟ್ಯೂಬ್‌ ಒಂದರ ಸಂದರ್ಶನದಲ್ಲಿ ಭಾಗವಹಿಸಿದ್ದರು. ಆಗ ನಿರೂಪಕಿ, ನೀವು ಯಾವ ಸೆಲೆಬ್ರಿಟಿಯೊಂದಿಗೆ ಕೆಲಸ ಮಾಡಲು ಬಯಸುತ್ತೀರಿ ಎಂದು ಕೇಳಿದಾಗ ವಿಶಾಲ್‌ ರಶ್ಮಿಕಾ ಮಂದಣ್ಣ ಹೆಸರು ಹೇಳಿದ್ದಾರೆ.

'ಲಾಠಿ' ಚಿತ್ರವನ್ನು ರಾಣಾ ಪ್ರೊಡಕ್ಷನ್ಸ್‌ ಬ್ಯಾನರ್‌ ಅಡಿ, ವಿನೋತ್‌ ಕುಮಾರ್‌ ನಿರ್ದೇಶಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಯುವನ್‌ ಶಂಕರ್‌ ರಾಜಾ ಸಂಗೀತ ನೀಡಿದ್ದಾರೆ. ಇದು ಆಕ್ಷನ್‌ ಥ್ರಿಲ್ಲರ್‌ ಸಿನಿಮಾವಾಗಿದ್ದು ಚಿತ್ರದಲ್ಲಿ ವಿಶಾಲ್‌ ಜೊತೆಗೆ ಸುನೈನಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸಿನಿಮಾ ಡಿಸೆಂಬರ್‌ 22 ರಂದು ರಿಲೀಸ್‌ ಆಗುತ್ತಿದೆ. ವಿಶಾಲ್‌ಗೆ ಕನ್ನಡದಲ್ಲೂ ಅಭಿಮಾನಿಗಳಿದ್ದಾರೆ. ವಿಶಾಲ್‌ ತಂದೆ ಕೆಲವೊಂದು ವೇದಿಕೆಗಳಲ್ಲಿ ಕನ್ನಡ ಮಾತನಾಡಿ ಕನ್ನಡಿಗರು ಮನಸ್ಸು ಗೆದ್ದಿದ್ದರು. ಆದ್ದರಿಂದ 'ಲಾಠಿ' ಚಿತ್ರವನ್ನು ಕನ್ನಡದಲ್ಲಿ ಕೂಡಾ ಡಬ್‌ ಮಾಡಿ ಬಿಡುಗಡೆ ಮಾಡಲು ವಿಶಾಲ್‌ ಪ್ಲಾನ್‌ ಮಾಡುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ ತಮಿಳಿನಲ್ಲಿ ಕೂಡಾ ಸಿನಿಮಾ ಮಾಡಿದ್ದಾರೆ. 2021 ರಲ್ಲಿ ತೆರೆ ಕಂಡ 'ಸುಲ್ತಾನ್‌' ಚಿತ್ರದ ಮೂಲಕ ಅವರು ಕಾಲಿವುಡ್‌ಗೆ ಎಂಟ್ರಿ ಕೊಟ್ಟರು. ಈ ಚಿತ್ರದಲ್ಲಿ ಅವರು ಕಾರ್ತಿಗೆ ನಾಯಕಿಯಾಗಿ ನಟಿಸಿದ್ದರು. ಸದ್ಯಕ್ಕೆ ಅವರು ವಿಜಯ್‌ ಜೊತೆ 'ವರಿಸು' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ವೆಂಕಟೇಶ್ವರ ಕ್ರಿಯೇಷನ್ಸ್‌, ಪಿವಿಪಿ ಸಿನಿಮಾ ಜೊತೆ ಸೇರಿ ನಿರ್ಮಿಸಿದ್ದು ವಂಶಿ ಪೈಡಿಪಲ್ಲಿ ನಿರ್ದೇಶಿಸುತ್ತಿದ್ದಾರೆ. ಈ ಸಿನಿಮಾ ಮುಂದಿನ ವರ್ಷ ಜನವರಿಯಲ್ಲಿ ತೆರೆ ಕಾಣಲಿದೆ.