Seetha Rama Serial: ಏನಾಗಬಾರದಿತ್ತೋ ಅದೇ ಆಯ್ತು; ರುದ್ರ ಪ್ರತಾಪನ ಹಿಡಿತಕ್ಕೆ ಸಿಲುಕಿದ ಸೀತಾಳನ್ನು ರಕ್ಷಿಸುತ್ತಾನಾ ರಾಮ?

Seetha Rama Serial: ಅಚ್ಚರಿಯ ಬೆಳವಣಿಗೆಯಲ್ಲಿ ಸೀತಾ ಮತ್ತು ರಾಮ ಒಂದೇ ಹೋಟೆಲ್‌ನಲ್ಲಿ ಕಾಣಿಸಿಕೊಂಡು, ನೋಡುಗರ ಮನದೊಳಗೆ ಕುತೂಹಲದ ಒಗ್ಗರಣೆ ಹಾಕಿದ್ದಾರೆ. ಒಂದು ಕಡೆ ಕುಟುಂಬದ ಜತೆಗೆ ರಾಮ್ ಲಂಚ್‌ಗೆ ಬಂದಿದ್ದರೆ, ಅದೇ ಹೋಟೆಲ್‌ನಲ್ಲಿ ರುದ್ರಪ್ರತಾಪನ ಜತೆ ಸೀತಾ ಸಹ ಕಾಣಿಸಿಕೊಂಡಿದ್ದಾಳೆ. ಭಯದಲ್ಲಿಯೇ ಆತನ ಜತೆ ಮಾತಿಗಿಳಿದಿದ್ದಾಳೆ‌ ಸೀತಾ.

ಇತ್ತ ಭಾರ್ಗವಿ ಸಹಿತ ಎಲ್ಲರೂ ಲಂಚ್‌ನಲ್ಲಿ ಬಿಜಿಯಾಗಿದ್ದರೆ, ಚಿಕ್ಕಪ್ಪ ಮಾತ್ರ ಅದೇ ಹೊಟೇಲ್‌ನ ಬಾರ್‌ನಲ್ಲಿ ಬೇಸರದಲ್ಲಿಯೇ ಕುಡಿಯುತ್ತಿದ್ದಾನೆ. ಇದನ್ನು ಕಂಡು, ಚಿಕ್ಕಪ್ಪನನ್ನು ಕರೆದುಕೊಂಡು ಬರಲು ಹೋದ ರಾಮನಿಗೂ "ನೀನು ನಡೀ ನಾನು ಬರ್ತೀನಿ" ಎಂದಿದ್ದಾನೆ ಚಿಕ್ಕಪ್ಪ. ಆತ ಹೋಗುತ್ತಿದ್ದಂತೆ, ರಾಮನನ್ನು ಗಮನದಲ್ಲಿಟ್ಟುಕೊಂಡು, "ನನ್ನೊಳಗಿನ ಸತ್ಯ ನನ್ನೊಳಗೆ ಸತ್ತೋಗಬೇಕು. ಅಣ್ಣ ಅತ್ತಿಗೆಗೆ ಆದಂಗೆ ನಿಂಗೆ ಆಗಲು ನಾನು ಬಿಡಲ್ಲ ರಾಮ. ನಿನಗೋಸ್ಕರ ನಾನಿರ್ತಿನಿ, I will Protect you ಎನ್ನುತ್ತಾನೆ.

ಈ ಮಾತನ್ನು ಅಲ್ಲೇ ಇದ್ದ ಆತನ ಪತ್ನಿ ಸಾಧನಾ ಕೇಳಿಸಿಕೊಳ್ಳುತ್ತಾಳೆ. ರಾಮ್‌ ಅಪ್ಪ ಅಮ್ಮಂಗೆ ಏನಾಯ್ತು? ಏನ್‌ ಹೇಳ್ತಿದ್ದೀರಾ? ನಮ್‌ ರಾಮ್‌ಗೆ ಏನಾಗುತ್ತೆ? ಎಂದು ಸಾಧನಾ ಪ್ರಶ್ನೆ ಮಾಡುತ್ತಾಳೆ. ಪತ್ನಿಯನ್ನು ಕಂಡು ಗರಂ ಆಗಿ, ಆಕೆಯನ್ನು ಗದರಿ ಕಳಿಸುತ್ತಾನೆ. ಆಕೆ ಹೋಗುತ್ತಿದ್ದಂತೆ, ಕುಡಿತ ಮುಂದುವರಿಸುತ್ತಾನೆ. ಇಲ್ಲಿಗೆ ರಾಮನ ಅಪ್ಪ ಅಮ್ಮನಿಗೆ ಆದ ಬಹುದೊಡ್ಡ ಮೋಸದ ಕಥೆ ಈ ಸಂಚಿಕೆಯಲ್ಲಿ ರಿವೀಲ್‌ ಆಗಿದೆ.

ಇದೆಲ್ಲದರ ನಡುವೆ ಭಾರ್ಗವಿಯ ಆಪ್ತರೂ ಸಹ ಅದೇ ಹೊಟೇಲ್‌ಗೆ ಲಂಚ್‌ಗೆ ಬಂದಿದ್ದಾರೆ. ಎಲ್ಲರೂ ಒಟ್ಟಿಗೆ ಲಂಚ್‌ಗೆ ಕೂತಿದ್ದಾರೆ. ಟಿಯಾರಾ ಅನ್ನೋ ಯುವತಿಯೂ ರಾಮ್‌ ಕುಟುಂಬಕ್ಕೆ ತನ್ನ ಪರಿಚಯ ಮಾಡಿಕೊಂಡಿದ್ದಾಳೆ. ನಿಧಾನಕ್ಕೆ ಮದುವೆ ವಿಚಾರ ಮುನ್ನೆಲೆಗೆ ಬಂದಿದೆ. ತನ್ನ ಮುಂದಿನ ಗುರಿ ಎಲ್ಲವನ್ನೂ ಟಿಯಾರಾ ಹೇಳಿಕೊಂಡಿದ್ದಾಳೆ. ಅಚ್ಚರಿ ವಿಚಾರ ಏನೆಂದರೆ, ಟಿಯಾರಾ ಮಾತಿಗೆ ಕೌಂಟರ್‌ ಕೊಟ್ಟಂತೆ ರಾಮ್‌ ಉತ್ತರಿಸಿದ್ದಾನೆ. ನಾನು ನನ್ನ ತಾತನ ಕಂಪನಿಯನ್ನೇ ಇನ್ನಷ್ಟು ಎತ್ತರಕ್ಕೆ ಏರಿಸಬೇಕು, ನಾನೇಕೆ ಇನ್ನೊಂದು ಕಂಪನಿ ತೆರೆಯಲಿ ಎಂದಿದ್ದಾನೆ.

ಹೀಗೆ ಇತ್ತ ಮಾತುಕತೆ ನಡೆಯುತ್ತಿದ್ದಂತೆ, ವಿಶೇಷ ಅತಿಥಿ ನೀಡಿದ ಲಂಚ್‌ಬಾಕ್ಸ್‌ ತೆರೆದಿದ್ದನ್ನು ನೋಡಿ ಭಾರ್ಗವಿ ಸಹಿತ ಎಲ್ಲರೂ ಅದನ್ನು ಬೆರಗುಗಣ್ಣಿನಿಂದ ನೋಡುತ್ತಾರೆ. ಅದನ್ನೇ ಬಿಸಿ ಮಾಡಿಕೊಡಲು ವೇಟರ್‌ಗೆ ಕೊಡುತ್ತಾನೆ. ಹಾಗೆ ಟಿಫನ್‌ ಬಾಕ್ಸ್‌ ಹೊರಗೆ ತೆಗೆದುಕೊಂಡು ಹೋಗಿದ್ದನ್ನು ನೋಡಿದ ರುದ್ರಪ್ರತಾಪ್‌, ಇಷ್ಟು ದೊಡ್ಡ ಹೊಟೇಲ್‌ನಲ್ಲಿ ಹೇಗೆ ವರ್ತಿಸಬೇಕು ಎಂದು ಕೆಲವರಿಗೆ ಗೊತ್ತೇ ಇಲ್ಲ ಎಂದು ಸೀತಾಗೆ ಹೇಳುತ್ತಾನೆ.

ಬಳಿಕ ಅದೇ ಟಿಫನ್‌ ಬಾಕ್ಸ್‌ನಲ್ಲಿನ ಖಾದ್ಯವನ್ನು ಬಿಸಿ ಮಾಡಿ ರಾಮ್‌ಗೆ ನೀಡುತ್ತಾನೆ ವೇಟರ್.‌ ಅದರ ಘಮ ಸೀತಾ ಮೂಗಿಗೂ ಬಡಿಯುತ್ತೆ. ಇದು ನಾನು ಮಾಡಿದ ಅಡುಗೆ ರೀತಿಯೇ ಇದೆ ಎನ್ನುತ್ತಾಳೆ. ತಕ್ಷಣ ಅದನ್ನು ಗಮನಿಸಿದ ರುದ್ರಪ್ರತಾಪ್‌, ಅದೇ ರೀತಿ ಖಾದ್ಯ ನೀಡುವಂತೆ ಆರ್ಡರ್‌ ಮಾಡುತ್ತಾನೆ. ಇಲ್ಲ ಅದು ಹಾಗೆ ಬರಲ್ಲ ಎನ್ನುತ್ತಾನೆ. ಈ ಮಾತಿನ ಜಟಾಪಟಿಯ ಅಲ್ಲೇ ಹಿಂದೆ ಇದ್ದ ರಾಮನ ಕಿವಿಗೂ ಬೀಳುತ್ತದೆ. ಸೀತಾ ಸಹ ಕಾಣಿಸುತ್ತಾಳೆ. ಸೀತಾ ಇಲ್ಲಿಗೇಕೆ ಬಂದಳು? ಎಂಬ ಪ್ರಶ್ನೆ ರಾಮನಿಗೆ ಮೂಡುತ್ತದೆ. ಹಾಗಾದರೆ ಸೀತಾಳ ನೆರವಿಗೆ ಬರ್ತಾನಾ ರಾಮ? ರುದ್ರಪ್ರತಾಪನ ಹಿಡಿತದಲ್ಲಿದ್ದ ಸೀತಾಳನ್ನು ಹೊರ ತರುತ್ತಾನಾ? ಮಂಗಳವಾರದ ಏಪಿಸೋಡ್‌ನಲ್ಲಿ ಆ ಕೌತುಕಕ್ಕೆ ಉತ್ತರ ಸಿಗಲಿದೆ.

ಮನರಂಜನೆ ಕುರಿತ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ