ಹುಡುಗಿಯರಿಗೂ ಖಾಸಗಿ ಭಾಗಗಳು ಇರುತ್ತವೆ ಎಂದ ಗೌತಮಿ ಜಾದವ್‌; ಬಿಗ್‌ಬಾಸ್‌ ಕನ್ನಡದಲ್ಲಿ ಗೋಲ್ಡ್‌ ಸುರೇಶ್‌ಗೆ ಎಚ್ಚರಿಕೆ ನೀಡಿದ ಸತ್ಯ ನಟಿ

Bigg boss kannada 11: ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ರ ನಿನ್ನೆಯ ಸಂಚಿಕೆಯಲ್ಲಿ(ನವೆಂಬರ್‌ 13) ಸ್ಪರ್ಧಿಗಳ ಮಧ್ಯೆ ಸ್ಪರ್ಧೆ ನಡೆದಿದೆ. ಬಿಗ್‌ಬಾಸ್‌ನಲ್ಲಿ ವಿವಿಧ ಜೋಡಿಗಳು ಸ್ಟ್ಯಾಚ್ಯೂ ಅಥವಾ ಪ್ರತಿಮೆ ಮಾದರಿಯಲ್ಲಿ ನಿಲ್ಲಬೇಕಿತ್ತು. ಇವರ ಮೇಲೆ ಎದುರಾಳಿ ತಂಡದ ನಿರ್ದಿಷ್ಟ ಜೋಡಿಗಳು ಸೆಗಣಿ ನೀರು ಹಾಕಬೇಕಿತ್ತು. ಈ ರೀತಿ ಪ್ರತಿಮೆಯಂತೆ ನಿಂತವರು ಅಲ್ಲಾಡಬಾರದು. ನೀರು ಎರಚುವ ಈ ಸ್ಪರ್ಧೆಯಲ್ಲಿ "ಹುಡುಗಿಯರ ಪ್ರೈವೇಟ್‌ ಪಾರ್ಟ್‌" ವಿಷಯವೂ ಬಂದಿದೆ. ಈ ಸ್ಪರ್ಧೆಯಲ್ಲಿ ಅತಿ ಹೆಚ್ಚು ಫೌಲ್‌ ಮಾಡಿದವರಿಗೆ ಅಂಕಗಳನ್ನು ನೀಡಲಾಗಿತ್ತು. ಗೋಲ್ಡ್‌ ಸುರೇಶ್‌ ಅಂತೂ ಅತ್ಯಧಿಕ ಜನರನ್ನು ಫೌಲ್‌ ಮಾಡಲ ಅಗ್ರೇಸಿವ್‌ ಆಗಿ ಆಡಿದ್ದರು.

ಮೂರು ಜೋಡಿಗಳು ಆರಂಭದಲ್ಲಿ ಸ್ಟ್ಯಾಚ್ಯೂ ಆಗಿ ನಿಂತಿದ್ದರು. ಇವರು ಕದಲುವಂತೆ ಮಾಡಲು ನೀರು ಎರಚಲು ಆರಂಭದಲ್ಲಿ ಧನರಾಜ್‌ ಜೋಡಿ ಆಗಮಿಸಿತ್ತು. ಆರಂಭದಲ್ಲಿ ಧನರಾಜ್‌ ಅವರು ಮಂಜುವಿನ ಮೇಲೆ ನೀರು ಎರಚಿ ಅವರು ಕದಲುವಂತೆ ಪ್ರಯತ್ನ ಮಾಡಿದರು. ಈ ಸಮಯದಲ್ಲಿ ಕ್ಯಾಪ್ಟನ್‌ ಸೂಚನೆಗಳನ್ನು ನೀಡುತ್ತಾ ಇದ್ದರು. ಇದಾದ ಗೌತಮಿ ಮೇಲೂ ಧನರಾಜ್‌ ನೀರು ಎರಚಿದ್ದಾರೆ. ದೇಹದ ಮುಂದೆ ನೀರು ಎರಚಿದ ರಭಸಕ್ಕೆ ಗೌತಮಿ ಅಲ್ಲಾಡಿ ಫೌಲ್‌ ಆದ್ರು. ಇದಾದ ಬಳಿಕ ಸುರೇಶ್‌ ಕೂಡ ಗೌತಮಿ ಮೇಲೆ ನೀರು ಎರಚಿ ಆಕೆಯನ್ನು ಅಲ್ಲಾಡಿಸಲು ಯತ್ನಿಸಿದರು. ನಂತರ ಭವ್ಯ ಕೂಡ ಔಟಾದ್ರು.

ಚೈತ್ರಾ ಕುಂದಾಪುರ ಅವರ ಕಾಲಿನ ಮೇಲೆ ಸೆಗಣಿ ನೀರು ಎರಚಿ ಫೌಲ್‌ ಮಾಡುವ ಪ್ರಯತ್ನವನ್ನು ಸುರೇಶ್‌ ಮಾಡಿದ್ದಾರೆ. ನೋವಾದ್ರೂ ಚೈತ್ರಾ ಅವರು ಸಹಿಸಿಕೊಂಡು ಪ್ರತಿಮೆಯಂತೆ ನಿಂತರು. ಇದಾದ ಬಳಿಕ ಸುರೇಶ್‌ ಮಂಜುವಿನ ಕೈಗೆ ಎಂದು ಎರಚಿದ ಸೆಗಣಿಯು ಮುಖಕ್ಕೆ ಅಪ್ಪಳಿಸಿತ್ತು. ಮುಖಕ್ಕೆ ಹೊಡೆಯಬೇಡಿ, ಉಸಿರಾಡಲು ತೊಂದರೆಯಾಗುತ್ತದೆ ಎಂದು ಕ್ಯಾಪ್ಟನ್‌ ಎಚ್ಚರಿಸಿದ್ದಾರೆ. "ಮುಖಕ್ಕೆ ಹೊಡೆದಿಲ್ಲ, ಕೈಗೆ ಹೊಡೆದೆ, ಮುಖಕ್ಕೆ ಬಿತ್ತು" ಎಂದು ಸುರೇಶ್‌ ಹೇಳಿದ್ದಾರೆ. ಇದಕ್ಕೆ ಸ್ಪರ್ಧೆ ಮುಗಿದ ಬಳಿಕ ಜಗಳವೂ ನಡೆದಿದೆ.

ಇದನ್ನೂ ಓದಿ: ಬಿಗ್‌ಬಾಸ್‌ನಲ್ಲಿ ಕೆಲವರು ತೊಟ್ಟಿಲು ತೂಗುತ್ತಾರೆ, ಕೆಲವರು ಮಗುನಾ ಚಿವುಟುತ್ತಾರೆ, ಆದ್ರೆ ನೀವು... ಸುದೀಪ್‌ ಹೇಳಿಕೆಗೆ ಕಣ್ಣೀರಿಟ್ಟ ಭವ್ಯಾ

ಈ ರೀತಿ ಈ ಸ್ಪರ್ಧೆ ಸಾಕಷ್ಟು ಸಮಯ ನಡೆದಿದೆ. ನೀರಿನ ಹೊಡೆತಕ್ಕೆ ಸ್ಪರ್ಧಿಗಳು ನಡುಗುತ್ತಿದ್ದರು. ಇದರ ನಡುವೆ ನೀರಿನ ಎರಚಾಟಕ್ಕೆ ಕೆಲವು ಸ್ಪರ್ಧಿಗಳು ನೋವು ಕೂಡ ಆಗಿದೆ. ಸಹಿಸಿಕೊಂಡು ಪ್ರತಿಮೆಯಂತೆ ನಿಂತಿದ್ದಾರೆ. ಇದಾದ ಬಳಿಕ ಸುರೇಶ್‌ ಬಕೇಟ್‌ನಲ್ಲಿ ನೀರು ಎರಚುವಾಗ ಬಕೆಟ‌ ಜಾರಿದೆ. ಈ ರೀತಿ ಮಾಡಬೇಡಿ ಎಂದು ಕ್ಯಾಪ್ಟನ್‌ ಎಚ್ಚರಿಸಿದ್ದಾರೆ. ಬಕೆಟ್‌ ತಾಗಿದ ನೋವಿನಿಂದ ಸ್ಪರ್ಧಿ ಭವ್ಯಾ ಗೌಡರಿಗೆ ಅಳು ಬರುತ್ತಿತ್ತು. ಸ್ಪರ್ಧೆ ಮುಗಿದ ಬಳಿಕ ಎಲ್ಲರ ಆಕ್ರೋಶ ಸ್ಪೋಟಗೊಂಡಿದೆ.

ಮೊದಲಿಗೆ ಮಂಜು ಅವರು ಕೋಪದಿಂದ "ಮುಖಕ್ಕೆ ಸೆಗಣಿ ನೀರು ಎರಚಿದ್ದಕ್ಕೆ" ಕೋಪದಿಂದ ಮಾತನಾಡಿದ್ದಾರೆ. ಮಹಿಳಾ ಸ್ಪರ್ಧಿಗಳು ನಡೆಯಲಾಗದೆ ಅಲ್ಲೇ ಕುಸಿದಿದ್ದಾರೆ. ಭವ್ಯಾ ಅಲ್ಲೇ ಕುಸಿದ ನೋವು ತೋರ್ಪಡಿಸಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಸುರೇಶ್‌ಗೆ ನೇರವಾಗಿ ಗೌತಮಿ "ಹುಡುಗಿಯರಿಗ ಪ್ರೈವೇಟ್‌ ಪಾರ್ಟ್ಸ್‌ ಇರುತ್ತದೆ" ಎಂದು ಹೇಳಿದ್ದಾರೆ. ಈ ರೀತಿಯ ಆಟವನ್ನು ಆಡುವಾಗ ಗೆಲ್ಲುವುದನ್ನು ಒಂದೇ ಗುರಿಯಾಗಿಸದೆ ಸೂಕ್ಷ್ಮವಾಗಿ ಆಡಬೇಕೆಂದು ಈ ಮೂಲಕ ತಿಳಿಸಿದ್ದಾರೆ. ಈ ಮೂಲಕ ಘಟನೆ ನಡೆದ ತಕ್ಷಣ ಗೌತಮಿ ಧ್ವನಿ ಎತ್ತಿದ್ದಾರೆ. ಇದಾದ ಬಳಿಕ ಸಾಕಷ್ಟು ವಾದ ವಿವಾದ ನಡೆದಿದೆ.

ಬಿಗ್‌ಬಾಸ್‌ ಕನ್ನಡದ ಸೀಸನ್‌ 11ರ ಆರಂಭದಿಂದಲೇ ಇಂತಹ ಟಾಸ್ಕ್‌ಗಳು ಆರಂಭವಾಗಿದೆ. ಕಳೆದ ವರ್ಷವೂ ಇಂತಹ ಕಠಿಣ ಸ್ಪರ್ಧೆಗಳು ನಡೆದಿದ್ದವು. ಸೋಪು ನೀರು ಹಾಕಿ ಸ್ಪರ್ಧಿಗಳ ಕಣ್ಣಿಗೂ ಹಾನಿಯಾದ ಘಟನೆ ನಡೆದಿತ್ತು.

ಇದನ್ನೂ ಓದಿ: ಇವತ್ತು ಅಮ್ಮ ಇಲ್ಲ, ಏನೋ ಕೊರತೆ ಕಾಡುತ್ತಿದೆ... ಬಿಗ್‌ಬಾಸ್‌ ವೇದಿಕೆಯಲ್ಲಿ ತಾಯಿಯ ನೆನಪಿನಲ್ಲಿ ಕಿಚ್ಚ ಸುದೀಪ್‌

ಗೌತಮಿ ಜಾಧವ್‌ ಬಗ್ಗೆ

ಗೌತಮಿ ಜಾಧವ್‌ ಕೆಲವು ಕನ್ನಡ ಸಿನಿಮಾಗಳು ಮತ್ತು ಸೀರಿಯಲ್‌ಗಳಲ್ಲಿ ನಟಿಸಿದ್ದಾರೆ. 2018ರಲ್ಲಿ ತೆರೆಕಂಡ ಕಿನಾರೆ ಸಿನಿಮಾದ ಮೂಲಕ ಇವರು ಚಿತ್ರರಂಗಕ್ಕೆ ಎಂಟ್ರಿ ನೀಡಿದ್ದಾರೆ. ಇದಾದ ಬಳಿಕ ಆದ್ಯ ಎಂಬ ಕನ್ನಡ ಸಿನಿಮಾದಲ್ಲೂ ನಟಿಸಿದ್ದರು. ಕೆಲವು ತೆಲುಗು ಸಿನಿಮಾಳಲ್ಲಿಯೂ ನಟಿಸಿದ್ದಾರೆ. 2020ರಲ್ಲಿ ಆರಂಭಗೊಂಡು ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ಕ್ಕೆ ಮುನ್ನ ಮುಕ್ತಾಯಗೊಂಡ ಸತ್ಯ ಸೀರಿಯಲ್‌ ಮೂಲಕ ಇವರು ಕಿರುತೆರೆ ಪ್ರೇಕ್ಷಕರಿಗೆ ಹತ್ತಿರವಾಗಿದ್ದಾರೆ. ಸತ್ಯ ಸೀರಿಯಲ್‌ನಲ್ಲ ಟಾಮ್‌ಬಾಯ್‌ ಪಾತ್ರದಲ್ಲಿ ನಟಿಸಿದ್ದಾರೆ. ಇದಾದ ಬಳಿಕ ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ಕ್ಕೆ ಇದೇ ಟಾಮ್‌ ಬಾಯ್‌ ರೂಪದಲ್ಲಿ ಎಂಟ್ರಿ ನೀಡಿದ್ದರು. ಬಳಿಕ ಇವರ ಆಟ ಅಷ್ಟಾಗಿ ಗಮನ ಸೆಳೆದಿರಲಿಲ್ಲ. ಈಗ ಮತ್ತೆ ರೆಬೆಲ್‌ ಆಗಿ ಆಡುತ್ತಿದ್ದಾರೆ.