Naa Saami Ranga: ಬಾಕ್ಸ್ಆಫೀಸ್ ಕೊಳ್ಳೆ ಹೊಡೆಯೋಕೆ ಶುರುಮಾಡ್ತು ಕನ್ನಡತಿ ಆಶಿಕಾ ರಂಗನಾಥ್-ನಾಗಾರ್ಜುನ್ ನಟನೆಯ 'ನಾ ಸಾಮಿ ರಂಗ'

ತೆಲುಗಿನ ಖ್ಯಾತ ನಟ ಅಕ್ಕಿನೇನಿ ನಾಗಾರ್ಜುನ ಜೊತೆ ನಮ್ಮ ಕನ್ನಡತಿ ಆಶಿಕಾ ರಂಗನಾಥ್ ನಟಿಸಿರುವ 'ನಾ ಸಾಮಿ ರಂಗ' ಹೆಸರಿನ ತೆಲುಗು ಚಿತ್ರ ಬಾಕ್ಸ್ಆಫೀಸ್​​ನಲ್ಲಿ ಧೂಳೆಬ್ಬಿಸುತ್ತಿದೆ. ಜನವರಿ 14 ರಂದು ಸಿನಿಮಾ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿದ್ದು, ಮೊದಲ ದಿನವೇ 5 ಕೋಟಿ ರೂ. ಕೊಳ್ಳೆ ಹೊಡೆದಿದೆ.

ಶೇ 64ರಷ್ಟು ಆಕ್ಯುಪೆನ್ಸಿಯೊಂದಿಗೆ ಚಿತ್ರಮಂದಿರಗಳಲ್ಲಿ ಓಡುತ್ತಿರುವ 'ನಾ ಸಾಮಿ ರಂಗ' ಸಿನಿಮಾಗೆ ಪ್ರೇಕ್ಷಕರು ಉತ್ತಮ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ. ವಿಜಯ್ ಬಿನ್ನಿ ನಿರ್ದೇಶನದ ಈ ಸಿನಿಮಾ 2019 ರಲ್ಲಿ ತೆರೆಕಂಡ ಮಲಯಾಳಂನ 'ಪೊರಿಂಜು ಮರಿಯಂ ಜೋಸ್' ಚಿತ್ರದ ರಿಮೇಕ್ ಆಗಿದೆ.

'ನಾ ಸಾಮಿ ರಂಗ' ಚಿತ್ರದಲ್ಲಿ ನಾಗಾರ್ಜುನ, ಆಶಿಕಾ ರಂಗನಾಥ್, ಅಲ್ಲರಿ ನರೇಶ್, ಮಿರ್ನಾ ಮೆನನ್, ರಾಜ್ ತರುಣ್, ರುಕ್ಸಾರ್ ಧಿಲ್ಲೋನ್, ನಾಸರ್ ಮತ್ತು ಶಬೀರ್ ಕಲ್ಲಕ್ಕಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಎಂಎಂ ಕೀರವನ್ ಅವರು ಸಂಗೀತ ಸಂಯೋಜಿಸಿದ್ದಾರೆ

ನಾ ಸಾಮಿ ರಂಗ ಚಿತ್ರದ ಟ್ರೈಲರ್​ ಇಲ್ಲಿದೆ ನೋಡಿ:

ಈ ಸಿನಿಮಾವು 1980 ಮತ್ತು 1990 ರ ದಶಕದಲ್ಲಿ ತ್ರಿಶೂರ್‌ನಲ್ಲಿ ನಡೆದ ನೈಜ ಘಟನೆಗಳಿಂದ ಪ್ರೇರಿತವಾದ ಚಿತ್ರವಾಗಿದೆ. ಕುಟುಂಬ ಸಮೇತರಾಗಿ ನೋಡಬಹುದಾದ ಒಳ್ಳೆಯ ಸಿನಿಮಾ ಇದಾಗಿದೆ ಎಂದು ಚಿತ್ರ ನೋಡಿದವರು ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ.

ಇನ್ನು ಆಶಿಕಾ ರಂಗನಾಥ್​​ಗೆ ಇದು ಎರಡನೇ ತೆಲುಗು ಸಿನಿಮಾ. ಅಮಿಗೋಸ್​ ಎಂಬ ಚಿತ್ರದ ಮೂಲದ ಆಶಿಕಾ ಟಾಲಿವುಡ್​ಗೆ ಎಂಟ್ರಿ ನೀಡಿದ್ದರು. ಈಗಾಗಲೇ ಕನ್ನಡ ಚಿತ್ರರಂಗದಲ್ಲಿ ಹೆಸರು ಮಾಡಿರುವ ಕನ್ನಡದ ಈ ಹುಡುಗಿ ಇದೀಗ ತೆಲುಗು ಪ್ರೇಕ್ಷಕರ ಮನಗೆದ್ದಿದ್ದಾರೆ. 'ನಾ ಸಾಮಿ ರಂಗ' ಚಿತ್ರದಲ್ಲಿ ಆಶಿಕಾ ಟ್ರೆಡಿಷನಲ್​ ಕಮ್​ ಮಾಸ್​ ಲುಕ್​​ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಸಂಕ್ರಾಂತಿ ಹಬ್ಬದ ಕನ್ನಡ ಹಾಡುಗಳಿವು