ವಿಜಯದಶಮಿ ಶುಭದಿನದಂದು ವಿಭಿನ್ನ ವಿಶ್ವವನ್ನೇ ತೋರಿದ ವಿಶ್ವಂಭರ ಸಿನಿಮಾ ಟೀಸರ್‌; ಮೆಗಾಸ್ಟಾರ್‌ ಚಿರಂಜೀವಿ ಫ್ಯಾನ್ಸ್‌ಗೆ ಹಬ್ಬವೋ ಹಬ್ಬ
Oct 12, 2024 01:17 PM IST
Share
ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ತಯಾರಾಗುತ್ತಿರುವ ವಿಶ್ವಂಭರ ಟೀಸರ್‌ ರಿಲೀಸ್‌ ಆಗಿದೆ. ಮೆಗಾಸ್ಟಾರ್‌ ನಟಿಸಿರುವ ಹೊಸ ಸಿನಿಮಾ ನೋಡಲು ಫ್ಯಾನ್ಸ್‌ ಎದುರು ನೋಡುತ್ತಿದ್ದಾರೆ.
ಮೆಗಾಸ್ಟಾರ್‌ ಚಿರಂಜೀವಿ ಅಭಿನಯದ ವಿಶ್ವಂಭರ ಟೀಸರ್‌ ರಿಲೀಸ್‌ ಆಗಿದೆ. ದಸರಾ ಹಬ್ಬದ ಪ್ರಯುಕ್ತ ಚಿತ್ರತಂಡ ಚಿರಂಜೀವಿ ಅಭಿಮಾನಿಗಳಿಗೆ ವಿಶ್ವಾಂಭರ ಟೀಸರ್‌ ರಿಲೀಸ್‌ ಮಾಡುವ ಮೂಲಕ ಗಿಫ್ಟ್‌ ನೀಡಿದೆ. ಟೀಸರ್‌ ನೋಡಿದವರು ಚಿರಂಜೀವಿ ಆಕ್ಷನ್‌ ಸೀನ್ಸ್‌ ಸೂಪರ್‌ ಆಗಿದೆ ಎನ್ನುತ್ತಿದ್ದಾರೆ.
ಒಂದೆಡೆ ನಾಡಿನಾದ್ಯಂತ ಸಂಭ್ರಮ ಮನೆ ಮಾಡಿದ್ದರೆ, ಮತ್ತೊಂದೆಡೆ ಚಿರಂಜೀವಿ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟನ ಸಿನಿಮಾ ಟೀಸರ್‌ ನೋಡಿ ಸಂಭ್ರಮಿಸುತ್ತಿದ್ದಾರೆ. ಮೆಗಾಸ್ಟಾರ್‌ ನಟಿಸಿರುವ ಫ್ಯಾಂಟೆಸಿ ಅಡ್ವೆಂಚರ್‌ ವಿಶ್ವಂಭರ ಸಿನಿಮಾ ಟೀಸರ್‌ ಇಂದು ರಿಲೀಸ್‌ ಆಗಿದೆ. ಟೀಸರ್‌ ನೋಡಿದವರು ಸಿನಿಮಾಗಾಗಿ ಕಾಯುತ್ತಿದ್ದಾರೆ. ಸಿನಿಮಾ ಸಂಕ್ರಾಂತಿ ವೇಳೆಗೆ ರಿಲೀಸ್‌ ಆಗಬೇಕಿತ್ತು. ಅದರೆ ಚಿತ್ರತಂಡ ರಿಲೀಸ್‌ ದಿನಾಂಕವನ್ನು ಮುಂದೂಡಿದೆ.
ವಿಶ್ವಾಂಭರ ಫ್ಯಾಂಟಿಸಿ ಆಕ್ಷನ್‌ ಸಿನಿಮಾ
ವಿಶ್ವಾಂಭರ ಸಿನಿಮಾ, ಸಿನಿ ಅಭಿಮಾನಿಗಳಿಗೆ ಒಂದು ಪ್ರತ್ಯೇಕ ವಿಶ್ವವನ್ನೇ ತೋರಿಸಿದೆ. ಮೀನಿನಂತ ಪಕ್ಷಿಗಳು ಗಾಳಿಯಲ್ಲಿ ಹಾರಾಡುವ ದೃಶ್ಯದೊಂದಿಗೆ ಟೀಸರ್‌ ಆರಂಭವಾಗುತ್ತದೆ. ನಂತರ ಒಂದು ವಿಭಿನ್ನ ಲೋಕ ನಿಮ್ಮ ಕಣ್ಮುಂದೆ ಬರುತ್ತದೆ. ಬ್ರಹ್ಮಾಂಡವನ್ನೇ ಆವರಿಸಿರುವ ಈ ಕತ್ತಲೆ ದೊಡ್ಡದಾಗುತ್ತಿದ್ದಂತೆ ಬೆಳಕು ಬರುವುದಿಲ್ಲ ಎಂದು ಅರ್ಥವಲ್ಲ, ಪ್ರಶ್ನೆಗಳನ್ನು ಹುಟ್ಟು ಹಾಕುವ ಕಾಲವೇ ಉತ್ತರವನ್ನೂ ಸೃಷ್ಟಿಸಿ, ಈ ಉಗ್ರ ಅರಾಜಕತೆಯನ್ನು ಕೊನೆಗಾಣಿಸುವ ಮಹಾಯುದ್ಧವನ್ನೇ ತರುತ್ತದೆ ಎಂಬ ಡೈಲಾಗ್‌ ಗೂಸ್‌ ಬಂಪ್ಸ್‌ ಸೃಷ್ಟಿಸುತ್ತವೆ. ಅಗಲವಾದ ಕಿವಿಯಿರುವ ಮಗುವೊಂದು ಮಿತ್ರ ಯುದ್ಧ ಬರಲಿದೆ ಎಂದು ಹೇಳಿದೆಯಲ್ಲ ಆ ಯುದ್ಧ ಹೇಗಿರುತ್ತದೆ ಎಂದು ಕೇಳುತ್ತದೆ. ಅದರ ಹಿಂದೆಯೇ ನಾಯಕ ಚಿರಂಜೀವಿ ಹಾರುವ ಕುದುರೆಯೊಂದಿಗೆ ಎಂಟ್ರಿ ಕೊಡುತ್ತಾನೆ. ತನ್ನ ಕತ್ತಿಯಿಂದ ದುಷ್ಟರನ್ನು ಸಂಹರಿಸುತ್ತಾನೆ.
ಯುವಿ ಕ್ರಿಯೇಷನ್ಸ್‌ ನಿರ್ಮಾಣದ ಚಿತ್ರ
ಟೀಸರ್‌ನಲ್ಲಿರುವ ವಿಜ್ಯೂವಲ್‌ಗಳು, ಹಿನ್ನೆಲೆ ಸಂಗೀತ, ಸಿನಿಮಾಟೋಗ್ರಫಿ ನೋಡಿ ಮೆಗಾ ಅಭಿಮಾನಿಗಳು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. 1:32 ನಿಮಿಷದ ಟೀಸರ್‌ ಹೀಗಿರುವಾಗ ಇನ್ನ ಸಿನಿಮಾ ಹೇಗಿರಬಹುದು ಎಂದು ಲೆಕ್ಕಾಚಾರ ಹಾಕುತ್ತಿದ್ದಾರೆ. ತೇಜಾ ಸಜ್ಜಾ ನಟನೆಯ ಹನುಮಾನ್‌ ಚಿತ್ರದಲ್ಲಿ ಇರುವಂತೆಯೇ ವಿಶ್ವಂಭರ ಟೀಸರ್‌ನಲ್ಲೂ ಹನುಮಂತನ ದೊಡ್ಡ ವಿಗ್ರವನ್ನು ತೋರಿಸಲಾಗಿದೆ. ವಿಶ್ವಂಭರ ಟೀಸರ್‌ಗೆ ಭರ್ಜರಿ ರೆಸ್ಪಾನ್ಸ್‌ ಸಿಕ್ಕಿದೆ. ರಿಲೀಸ್‌ ಆಗಿ 2 ಗಂಟೆ ಒಳಗೆ 5 ಲಕ್ಷಕ್ಕೂ ಹೆಚ್ಚು ವ್ಯೂವ್ಸ್‌ ಪಡೆದುಕೊಂಡಿದೆ. ಅಭಿಮಾನಿಗಳು ಜೈ ಚಿರಂಜೀವಿ ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.
ವಿಶ್ವಂಭರ ಸಿನಿಮಾವನ್ನು ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ವಂಶಿ ಕೃಷ್ಣಾ ರೆಡ್ಡಿ ಮತ್ತು ಪ್ರಮೋದ್ ಉಪ್ಪಲಪಾಟಿ ನಿರ್ಮಿಸುತ್ತಿದ್ದಾರೆ. ಬಿಂಬಿಸಾರ ಖ್ಯಾತಿಯ ವಶಿಷ್ಟ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ತ್ರಿಶಾ ಕೃಷ್ಣನ್, ಆಶಿಕಾ ರಂಗನಾಥ್ ಮತ್ತು ಕುನಾಲ್ ಕಪೂರ್ ಹಾಗೂ ಇನ್ನಿತರರು ನಟಿಸಿದ್ದಾರೆ.